Böyük Azərbaycan yolçusu
69
TEYYUB QƏNİOĞLU
İ.e.d.,prof.
BAXCP Ali Məclisinin sədri,
İNANDIRMAĞI BACARAN SİYASƏTÇİ
Mən Bünyamin Qənbərlini Azərbaycanın müstəqilliyi,
ölkəmizdə azad, ədalətli, demorkatik, insanın insan kimi
yaşamasını təmin edəcək cəmiyyət quruculuğu uğrunda bir
mübariz, vətənpərvər kimi tanımağıma baxmayaraq onunla
ciddi təmaslarım olmamışdı. Son dövrlər ərzində BAXCP-də
birgə fəaliyyətimiz zamanı Bünyamin
bəyin həm insan, həm də
siyasətçi kimi bir sıra müsbət keyfiyyətlərə malik olduğunu
məmnunluqla hiss etmişəm. Bünyamin bəy öz işini dərindən
bilən, təşəbbüskar, yenilikçilik qabiliyyətinə malik olan,
özünün baxışlarını və fikirlərini həmsöhbətinə səmimiyyətlə
izah etməyi, onu gətirdiyi ciddi arqumentlərlə inandırmağı
bacaran siyasətçidir. Bünyamin bəy kifayət qədər yüksək
təşkilatçılıq
qabiliyyətinə, bacarığına malikdir və bunu
BAXCP–nın təşkilati məsələlər üzrə katibi vəzifəsində işlədiyi
qısa müddət ərzində sübut etmişdir.
Bütöv Azərbaycan Xalq Cəbhəsi Partiyası Azərbaycan-
da konstruktiv müxalifətçiliyin əsasını qoyan, öz fəaliyyətində
Böyük Azərbaycan yolçusu
70
ölkəmizin milli-dövlətçilik maraqlarını əsas tutan az saylı siyasi
partiyalardan biri və mübaliğəsiz demək olar ki, ən birincisidir.
BAXCP-nin amalı dövlətimizin ərazi bütövlüyünün təmin
edilməsi, süverenliyinin qorunması, ölkəmizdə qanunların
aliliyinə əsaslanan demokratik cəmiyyətin qurulması və
Azərbaycanın BÜTÖVLÜYÜ uğrunda mübarizədir. BAXCP
tarixən Azərbaycana qarşı edilən haqsızlıqları, ərazisinin parça-
parça
bölünməsini, Azərbaycan türklərinin bir-birindən ayrı
salınmasını, ölkəmizə qarşı tətbiq edilən ikili standartları çox
yaxşı görür. Eyni zamanda, BAXCP öz fəaliyyətində reallığın
nəzərə alınmasını, hər zaman kəsiyində mümkün olanın
reallaşdırılmasını, ölkəmizə qarşı tarixən baş verən
ədalətsizliklərin mərhələ-mərhələ aradan qaldırılmasını, yaxın
gələcəkdə dünya azərbaycanlılarının mənəvi bütövlüyünün,
beynəlxalq hüqüq normaları əsasında Azərbaycanın ərazi bütö-
vlüyünün təmin edilməsini əsas götürür və bu istiqamətdə əzm-
lə çalışır. BAXCP Azərbaycanımızın qarşılaşdığı problemlərin
həlli istiqamətlərində, siyasi baxışlarından asılı olmayaraq,
ölkəmizdə fəaliyyət göstərən bütün siyasi qüvvələrlə əməkdaş-
lıq etməyə hazırdır.
Təbiidir ki, bu istəklərin daşıyıçısı olan
Bünyamin bəy
BAXCP yaradılarkən kənarda qala bilməzdi və qalmadı da!
BAXCP-nin formalaşmasında, onun ideya və baxışlarının cə-
miyyətə təqdim edilməsində, partiya strukturlarının fəaliyyəti-
nin təşkilində və tənzimlənməsində Bünyamin bəyin kifayət qə-
dər xidmətləri olmuşdur. Əminliklə demək olar ki, Bünyamin
bəy bundan sonra da BAXCP-nin qarşısında duran məsələlərin
həllində yaxından iştirak edəcək, öz bilik və bacarığını
əsirgəməyəcəkdir!
Mən Bünyamin bəyi 50-ci
doğum günü münasibəti ilə
ürəkdən təbrik edirəm, ona möhkəm can sağlığı, sevdiyi insan-
larla birlikdə xoşbətxlik, işlərində müvəffəqiyyət arzulayıram!
Böyük Azərbaycan yolçusu
71
VAQİF ABIŞOV
BAXCP-nin katibi,t.e.n.
MƏNİM TANIDIĞIM BÜNYAMİN BƏY
1920-ci ilin aprelin 28-də öz müstəqilliyini müvəqqəti
itirən Azərbaycan xalqı həmişə dövlət müstəqilliyinin bərpası
uğrunda mübarizə aparmışdır. Bu mübarizənin davamı 1988-ci
ildə yenidən başlamış və 1991-ci ilin oktyabrın 18-də dövlət
müstəqilliyimiz bərpa olunmuşdur.
1988-ci ildə Ermənistanın Azərbaycana qarşı əvvəlcə
ərazi iddiası, sonra isə hərbi təcavüzə başlaması xalqın bir
yumruq kimi birləşməsinə səbəb oldu.
Belə bir vaxt
Azərbaycanın hər yerində kütləvi hərəkat başladı. Bu hərəkat
1990-cı ildən başlayaraq Azərbaycanın dövlət müstəqilliyinin
bərpası uğrunda mübarizə ilə yeni bir mərhələsinə daxil oldu.
Azərbaycanın hər yerində, o cümlədən Naxçıvanda da
milli-azadlıq hərəkatı geniş vüsət almışdır. O vaxtlar indiki
kimi rabitə əlaqələri geniş deyildi. Ona görə də hərəkatda
iştirak edən insanların, xüsusilə hərəkatın aparıcı şəxslərinin
bir-birlərini yaxından tanımaları çətin idi. Lakin hərəkat özünün
Böyük Azərbaycan yolçusu
72
yüksələn xəttilə getdiyi zaman ayrı-ayrı şəxslər tanınmağa və
kütlələri öz arxasınca aparmaq bacarığı olduğunu
göstərməyə
başlamışdır. Belə bacarıqlı şəxslərdən biri Bünyamin bəy idi.
Ümumiyyətlə, Bünyamin bəy Naxçıvanda olduğu
müddətdə buranın-Bakının ictimai-siyasi həyatında fəal iştirak
edən şəxslərdən biri olmuşdur.
Mən Bünyamin bəyi 1988-ci ildə Azərbaycanda milli-
azadlıq hərəkatı başlayandan sonra, əvvəlcə qiyabı, hərəkatın
sonrakı mərhələsində isə daha yaxından tanımağa başladım.
Bünyamin bəy sərhəd dirəklərinin sökülməsi prosesində,
həmin dövrlərdə Naxçıvanda keçirilən kütləvi aksiyaların
təşkilində yaxından və fəal iştiak etmişdir.
Bəzən insanlar bir işi görəndə gördüyü işin müqabilində
müəyyən təmənna güdür. Lakin Bünyamin bəy 1988-ci ildən
başlanan hərəkatın iştirakçısı kimi təmənna ummadan, bütün
varlığı ilə mübarizə aparmışdır. Həmin vaxtlar mən, Xalq
Cəbhəsinin Lənkəran şöbəsində fəaliyyət göstərirdim.
Təşkilati
işlərlə əlaqədar tez-tez Bakıya gəlməyim Bünyamin bəy
haqqında bilgilərimin artmasına, onu daha yaxından
tanımağıma səbəb oldu.
BAXCP-də 12 il siyasi fəaliyyət göstərən Bünyamin bəy
partiya rəhbərliyinin etimadını qazanmışdır. Partiyada uzun
müddət fəaliyyətini və təşkilati işlərdə təcrübəsini nəzərə alaraq
Bünyamin bəy Təşkilati işlər üzrə katib təyin olunmuşdur.
Bünyamin haqqında onu deyə bilərəm ki, o, sadə,
zəhmətkeş, halal zəhmətilə dolanan, dostluğun qiymətini bilən,
bütöv Azərbaycan torpağını dərindən sevən, onun azadlığı
uğrunda yorulmaq bilmədən çarpışan insanlardandır.
Bünyamin bəy
uzun müddətdən bəri mübarizə
meydanlarında uğrunda mübarizə apardığı Azərbaycanın ərazi
bütövlüyü və son məqsəd olan bütöv Azərbaycan ideyasının
əsas daşıyıcılarından biridir. Bu yolda Bünyamin bəyə siyasi
iradə və son həddə çatmaq mübarizliyi arzulayıram.