Böyük Azərbaycan yolçusu
97
HEYDƏR OĞUZ
“Ədalət” partiyasının sədr
müavini, şair, publisist
ŞƏRƏFLİ BİR ÖMRÜN YARIMƏSRİ
Zaman insan hafizəsinin silgisidir. Uşaqlıqdan bəri
yaddaşa toplanan acılı-şirinli xatirələr bir müddətdən sonra
beynindən silinib gedir, öz yerini yeni anılara buraxır. İnsanın
ən dogma xatirələri ən uzun yaşayanlardır. Uşaqlıqdan bəri
beynində qoruduğun hadisələr ömrünün axırına qədər sənə
yoldaşlıq edirsə, sevinməyə dəyər. Deməli, sən də yaşayıbsan.
Uşaqlıqda tanıdığın insanlarla üz-üzə gələndə oturub keçmiş
günlərini xatırlayırsansa, deməli, özünə yaxşı dost, sirdaş
tapıbsan.
Etiraf edim ki, mən bu sarıdan bəxti gətirənlərdənəm.
Hələ 11 yaşımdan məşğələlərinə getdiyim ədəbi yaradıcılıq
dərnəyində tanış olduğum bir çox dəyərli şəxsiyyətlərlə bu gün
də görüşür, hal-əhval tutur, ölkəmizdə baş verənləri birgə
müzakirə edir və yaşanan olayları keçdiyimiz yolun
konteksindən dəyərləndirməyə çalışıram. Ən
çox görüşdüyüm
insanlardan biri, bəlkə də birincisi Bünyamin Qəmbərlidir.
Bünyamin məndən 5 yaş böyükdür. Bu günün
nəzərləriylə baxanda bu yaş fərqi o qədər də çox görünməyə
bilər. Fəqət bir də 11 yaşlı uşaqla ondan 5 yaş böyük birini
Böyük Azərbaycan yolçusu
98
müqayisə edəndə bu fərqin düşünüldüyü qədər də az olmadığı
məlum olur.
Onunla
ilk
tanışlığımız bərabər məşğələlərinə
qatıldığımız ədəbi yaradıcılıq dərnəyində olub. Sovet
hakimiyyətinin qılıncının dalı da, qabağı da kəsdiyi bir
zamanda məşğələlərində iştirak etdiyimiz dərnək bir növ leqal
struktur içində fəaliyyət göstərən gizli təşkilatdı. Daha aydın
təbirlə desəm, adı ədəbi yaradıcılıq
dərnəyi olsa da o, istedadlı
azyaşlı vətənpərvərləri öz ətrafında toplayıb gələcəyin milli
məfkurəli gəncləri, kadrları kimi yetişdirməyi hədəf almışdı.
Etiraf etməliyəm ki, bütün keşməkeşlərlə, qarşılaşdığı
problemlərə baxmayaraq ədəbi sözü gedən ədəbi yaradıcılıq
dərnəyi qismən də olsa öz hədəfinə çata bildi. Bu gün
Azərbaycan siyasi arenasında öz dəsti-xəttilə seçilən bir çox
siyasətçinin ortaya çıxmasında hardasa 30-35 il əvvəl fəaliyyət
göstərən həmin yarı leqal, yarı gizli təşkilatın da böyük
xidmətləri olmuşdur. Hazırda millət
vəkili olan Fazil Mustafa,
milli azadlıq hərəkatında öz əvəzsiz xidmətləriylə seçilən
Bünyamin Qəmbərli, vaxtaşırı yazıları və şeiriylə cərgədən geri
qalmamağa çalışan bəndəniz ədəbi yaradıcılıq dərnəyinin
yetişdirdiyi insanlardır. Bu gün üzdə olmayan, bəlkə də
ərtaflarındakı insanlara öz məfkurələrini aşılamağa can atan
Ələddin Çıraq, soyadını unutduğum Məhsəti xanım və s. kimi
milli məfkurə daşıyıcıları da bizimlə birgə həmin təşkilatın
şinelindən çıxanlardır.
Dərnəyə o vaxt rəhmətlik Asif Kələntərli rəhbərlik edirdi.
Milli-azadlıq hərəkatının ilk dövrlərində Heydər Əliyev siyasi
kursuna meyllənən Asif bəy bu hərəkətiylə bir çoxları üçün
mübahisəli insan kimi xatırlansa da bizim kimi insanların
yetişməsində əvəzsiz xidmətləri olmuşdur. Asif Kələntərlidən
başqa dərnək vasitəsilə tanış olduğumuz dəyərli ziyalılarımız
da vardı və onlar bu gün də ölkənin ictimai siyasi həyatında öz
sözünü deməyə çalışır, bacardıqları qədər mübarizə aparır.
Böyük Azərbaycan yolçusu
99
Milli Azadlıq hərəkatının ən dönməz insanı kimi tanıdığımız
İbrahim İbrahimli, həyatını ideoloji
mübarizəyə həsr etmiş Arif
Rəhimli, bu gün üzdə görünməsə də həmişə yanımızda
gördüyümüz Kazım Teymurlu, Əsgər Qəliloğlu kimi ziyalılar
əllərindən su içdiyimiz şəxsiyyətlərdəndir.
Ədəbi yaradıcılıq dərnəyinin mənimlə tanış etdiyi ən
dəyərli şəxsiyyətlərdən biri də sözsüz ki, Bünyamin
Qəmbərlidir. Uşaqlıqdan tanıdığım və həmişə böyük qardaşım
kimi qəbul etdiyim Bünyaminin ən gözəl xüsusiyyəti özünü
heç vaxt kimdənsə üstün görməməsi, böyüklə böyük, kiçiklə
kiçik kimi davranmağıdır. Yuxarıda da qeyd etdiyim kimi
aramızda yaş fərqi olmasına
baxmayaraq onunla sözümüzün
tutmasının başlıca səbəbi bəlkə də budur. Naxçıvanın sosial
aktivlik baxımından ən fəal kəndlərindən olan Nehrəmdə
doğulması bəlkə də onun elə anadangəlmə vətənpərvər doğul-
masının ilkin səbəbidirsə, şəxsiyyət kimi formalaşmasında bu
milli məfkurəli çevrənin də mühüm rolu olmuşdur.
Ədəbi yaradıcılıq dərnəyində tanış olduğum Bünyamin
öz gözəl şeirləri və vətənpərvər mövqeyilə həmişə rəğbət
bəslədiyim dostlardan olub. Onun şeirlərində vətənpərvərlik
hissi həmişə ön planda olub. Naxçıvanın çılpaq təbiəti,
iqliminin sərtliyi bu uşaqlıq dostumun şəxsiyyəti kimi
yaradıcılığına da hopub. Bünyamin xarakter etibarilə nə qədər
sərt təbiətli olsa belə, Vətən, millət sevgisi qarşısında bir o
qədər də incəqəlblidir. Onun müstəqillik idealına və Azərbay-
canın bütövlüyünə bağlılığı, bu
dəyərləri hər şeydən üstün
tutması bəzən məni çox heyrətləndirir. Onunla söhbətlərimdə
məni az qala çıldırdan bir xüsus var. Bünyamin üçün
yaşadığımız ölkənin siyasi xarakteri qətiyyən maraqlı deyil,
ölkəmiz qeyri-demokratik üsul-idarə ilə idarə oluna, ona şahlar,
krallar rəhbərlik edə bilər. Təki, Azərbaycan müstəqil olsun.
Cənubi və Şimali Azərbaycan birləşsin. Təki, biz bir dövlət
kimi rusun, farsın və ya ingilisin əsarəti altında olmayaq. Mən
Böyük Azərbaycan yolçusu
100
isə ölkəmizin müstəqilliyinin də, vahidləşmə idealının da əsas
şərtini demokratikləşmədə görürəm. Bir an öncə bu idealın
reallaşmasını istəyirəm. Bəzən özüm də tələskənliyimizin
fərqindəyəm. Fəqət yenə də dostumun
bu qədər təmkinini
anlamaqda çətinlik çəkirəm.
Nəzərə alsaq ki, Bünyamin bəy 50 yaşına qədəm qoyur,
mən isə ondan sadəcə 5 yaş kiçiyəm və zaman bizim
əleyhimizə işləyir, mənim tələskənliyimi anlamaq mümkündür.
Mən demokratikləşən cəmiyyətimizin meyvəsini dadaraq onun
toprağına çevrilmək istəyirəm. Bünyamin isə bu meyvəni
özünün olmasa da gələcək nəsillərin dadacağından əmindir.
Görünür, onun təmkininin başlica səbəbi bununla bağlıdır.
Başqa sözlə desək, demokratiyanın meyvəsini şəxsən dadmağı
arzuladığıma görə mən əslində vətənpərvərliyimə öz nəfsimi də
əlavə edirəm. Bünyaminin vətənpərvərliyində isə öz
ambissiyası qətiyyən yoxdur. Bu vətənpərvərlik kristal kimi
təmizdir. Məhz bu kristal ruhluluq
dostumun ən böyük və gözəl
tərəfidir.
Bəzən mənə elə gəlir ki, Bünyamin Qəmbərlinin bu
kristal ruha sahibliyi onun məndən fərqli olaraq həm də Bakı
mühitində yetişməsinin nəticəsidir. Onun yaşının verdiyi
avantaj məndən 5 il əvvəl Naxçıvan mühitindən ayrılmasına,
Bakı mühitinin ziyalılarının əhatəsində böyüməsinə şərait
yaratmışdır. Bildiyimə görə, o, Bakı mühitində şəxsən Elçibəy
məktəbinin müdavimlərindən olmuşdur. Dolayısıyla, o dövrdə
getdikcə pöhrələnən Milli Azadlıq hərəkatının ən saf və təmiz
bulağından su içmişdir. Zənnimcə, Kristal ruhluluğun başlıca
səbəbi də budur.
Bir çoxlarından fərqli olaraq Bünyamin Qəmbərli Bakı
mühitinin gətirdiyi
şan-şöhrətin cazibəsinə qapılacaq
xarakterdən də uzaqdır. Əslində onun indi ictimai həyatda
özünə layiq yer tuta bilməməsi bəlkə də bununla bağlıdır. O, bir
çoxlarından fərqli olaraq
müstəqillik uğrunda mübarizə