26
BP Azərbaycanda Davamlı inkişaf haqqında hesabat 2011
Etik normalar və qaydalara uyğunluq
Etibar edilən bir
şirkət olmaq üçün ilbəil, dəyişməz yüksək standartlara uyğun olaraq
işləyirik və gördüyümüz hər bir işdə bu standartlara riayət etmək üçün
səy göstəririk
2010-11-ci illərdə bütün BP qrupunda BP
dəyərlərini necə ifadə etməyimiz və rəhbərlik
strukturunun məzmunu yenidən təftiş olundu.
BP nəyə inandığımızı, hansı davranışı hədəf
seçdiyimizi və bir təşkilat olaraq nəyə can atdığımızı
hamımızın başa düşərək bölüşdürdüyümüz şəkildə
ifadə edən beş dəyəri müəyyən etdi: təhlükəsizlik,
hörmət, mükəmməllik, cəsarət və bir komanda.
Məqsəd BP dəyərlərinin gələcək üçün azularımızı
dəstəklənməsini, davranış kodeksi ilə tam
uyğun olmasını və gündəlik işimizdə məsuliyyətli
davranışa çevrilməsini təmin etmək idi. Daha ətraflı
səhifə 4-də oxuyun.
Bizim davranış kodeksimiz
BP qrupunun hər bir əməkdaşı BP-nin davranış
kodeksinə (DK) riayət etməyə və onu əsas
tutmağa borcludur. Bu kodeks BP-nin harada
fəaliyyət göstərməyi, iş statusu və mənşəyindən
asılı olmayaraq bütün işçilərindən minimum olaraq
nələri gözlədiyini təsbit edir. O, BP-nin bütün
hüquqi tələblərə və kodeksdə göstərilən uyğun
etik standartlara riayət etmək barədə fundamental
öhdəliyini əks etdirir.
Kodekslə yerli hüquqi normalar arasında fərqlər
olduğu təqdirdə, daha yüksək standartlara üstünlük
verilməsindən asılı olaraq ya kodeks, ya da yerli
hüquqi tələblər tətbiq olunmalıdır. Kodeksə əməl
etməmək çox ciddi pozuntu hesab edilir və inzibati
tədbirlərin görülməsinə, o cümlədən işdən azad
edilməyə gətirib çıxara bilər.
Konkret olaraq, DK qeyri-qanuni, korrupsiyaçı
və qeyri-etik davranışları, o cümlədən rüşvətxorluq
və çirkli pulların yuyulmasını qadağan edir. O, BP
qrupunun bütün dünyada nağd pulla və ya natura
ilə heç bir korporativ siyasi yardım etməmək
siyasətini vurğulayır. Kodeks, eyni zamanda,
hədiyyələrin verilməsi və alınmasına, əyləncələrin
təşkilinə və maraqların toqquşmasından
yayınmağa dair təlimatlar verir.
Sözünü demək
DK əməkdaşları onları narahat edən məsələləri
qaldırmağa, etik normalar, qaydalara uyğunluq və
kodeksin özü barədə suallar verməyə təşviq edir.
Bizim açıq danışmağa görə cəzalandırılmağa qarşı
sıfır dözümlülük siyasətimiz sözünü açıq deməyin
ən düzgün iş olmasına inamımızı tamamlayır.
“OpenTalk” (“Açıq söhbət”) adlanan müstəqil
yardım xətti BP əməkdaşları və podratçıları
tərəfindən qaldırılan problemlərin və sualların məxfi
qaydada nizama salınması üçün bir vasitədir. Bu
yardım xəttindən həftənin bütün günləri – istər
gündüz olsun, istərsə də gecə - istifadə etmək
mümkündür. O, 75-dən artıq dildə olunan zəngləri
qəbul edə bilir.
Biznes etikası
Birləşmiş Krallığın “Rüşvətxorluq barədə” 2010-cu
il qanunundan sonra (1 iyul 2011-ci ildən etibarən
qüvvəyə minib), 2011-ci ildə BP qrupunun
rüşvətxorluq və korrupsiyaya, eləcə də çirkli pulların
yuyulmasına qarşı yeni standartları istifadəyə verildi.
Bu standartlar harada olmasından asılı olmayaraq
BP-nin tam mülkiyyəti olan bütün təşkilatların və
BP-nin iştirak səviyyəsi nəzərə almaqla mümkün
olan səviyyədə bütün birgə müəssisələrin hər bir
əməkdaş və icraçısına tətbiq olunur. Onlar qarşı
tərəflə sövdələşmə aparmazdan əvvəl lazımi
yoxlama və ehtiyat tədbirlərinin əhəmiyyətini daha
da artırır.
İl ərzində şirkət BP əməkdaşları və agentlik
işçiləri üçün DK-nin mənafelərin toqquşması,
rüşvətxorluq, korrupsiya və çirkli pulların yuyulması
mövzularını əhatə edən elektron təhsil kursları
təqdim etdi.
Podratçılar və etik normalar
BP bizim kodeksə oxşar prinsiplər əsasında
fəaliyyət göstərən üçüncü tərəflərlə işləməyə
çalışır. Kodeksin müddəalarından biri BP üçün
və ya BP ilə işləyən hər bir podratçının minimum
davranış standartlarını müəyyən edir. Rüşvətxorluq
və çirkli pulların yuyulması qadağandır. Bu mövzular
təchizatçılarımızla müntəzəm olaraq keçirilən
müzakirələrə daxildir. Onlardan həm də qaydalara
riayət olunduğunu müvafiq bəyannamələri
imzalamaqla təsdiq etməsi tələb olunur.
2011-ci ilin göstəriciləri
2011-ci ildə həmişə olduğu kimi Azərbaycanda
BP-nin etik norma və qaydalara uyğunluq barədə
illik attestasiya prosesi həyata keçirildi. Bütün
BP əməkdaşları və agentlik işçilərindən öz
fəaliyyətlərinin DK-ya uyğun olduğunu təsdiq
etmək tələb olundu. Bütün pozuntular onlayn
formada qeydə alındı.
İl ərzində BP-də Azərbaycan-Gürcüstan-
Türkiyə regionu üzrə 76 DK pozuntusu qeydə alındı.
Bu pozuntular əsaslı şəkildə araşdırıldı və islahedici
tədbirlər görüldü. Bir neçə BP əməkdaşı, podratçı
və agentlik işçiləri uyğun yerli qanun və qaydalara
riayət etmədiklərinə və ya DK standartlarını
pozduqlarına görə işdən azad edildi. Pozuntu
hallarına spirtli içki və ya narkotik maddələrdən
sui-istifadə, təhlükəsizlik proseduralarının pozulması,
dələduzluq və şirkət resurslarından yanlış istifadə
halları daxil idi.
İşçilər davranış kodeksi təqdimatında
8
9
43
10
Azərbaycanda qeydə alınmış pozuntular
Təhlükəsiz, məsuliyyətli və etibarlı iş
İşçilərimiz
İşgüzar tərəfdaşlarımız
Aktivlərimiz və maliyyə sahəsində düzgünlüyümüz
(davranış kodeksinin fəsli üzrə)