24
BP Azərbaycanda Davamlı inkişaf haqqında hesabat 2011
Təhsil və inkişaf
2011-ci ildə biz Azərbaycanda təlimlərə
və işçilərin inkişafına 5,6 milyon dollara
yaxın vəsait xərcləmişik. Buraya əməyin
təhlükəsizliyi, idarəetmə, eləcə də biznes
davranışları ilə bağlı təlimlər daxildir.
Bu proqram təşkilati potensial yaratmaq
üçün icra göstəricilərinə diqqət yetirən fərqli
bir inkişaf prosesi təşkil etməklə şirkətin
strategiyasını dəstəkləyir. O, həmçinin,
əməkdaşlarımıza öz gələcək karyeraları ilə
bağlı aydın istiqamət verərək fərdi inkişafı
dəstəkləyir, eləcə də işçilərin öz bacarıq
və qabiliyyətlərinə görə uğur qazandıqları
meritokratiya mühitini təmin edir. Proqram
ilk dəfə 2011-ci ildə geoloji-geofiziki bölmədə
tətbiq olundu. 2012-ci ildə proqrama daha çox
şöbə qoşulacaq.
Öz peşə istiqamətləri üzrə daha yüksək
ixtisas dərəcələri əldə etmək istəyən
əməkdaşları dəstəkləyirik. Bu davamlı
peşə təlimi siyasətinin məqsədi BP-
də seçdikləri karyera yoluna aid nəzəri
və təcrübi biliklərini dərinləşdirmək
arzusunda olanlara kömək göstərməkdir.
Şirkət təhsil haqqını, kitab, qeydiyyat,
imtahan və yazışma xərclərini 100% öz
üzərinə götürür.
Yelena Mirtaqavi
Təhsil və inkişaf üzrə menecer,
BP AGT
a
Bu və digər diaqram və cədvəllər yalnız İnsan resursları
şöbəsinin təşkil etdiyi təlimləri əks etdirir.
b
Quyular, mühəndis-texniki, geoloji-geofiziki işlər, əlaqələr və
şirkətxarici işlər və maliyyə sahələrini əhatə edir.
BP-nin Azərbaycanda təlim xərcləri
a
2 151
1 668
266
1 473
Sağlamlıq, əməyin təhlükəsizliyi, ətraf mühit/
fövqəladə hallara qarşı cavab tədbirləri
Əsas/bazis/liderlik
Əməliyyatlar/texniki
Peşəkar
b
(min dollar)
BP-nin təyinatı ilə xaricdə işləyən
Azərbaycan vətəndaşları
8
6
4
3
14
27
Davam edir
Başlayıb
Qurtarıb
Qadın
Qadın
Qadın
Kişi
Kişi
Kişi
Davamlı peşə təhsili
Davamlı peşə təhsili proqramı işçilərimizə
mənsub olduqları peşə sahəsində formal elmi
dərəcə və ya sertifikat əldə etməkdə köməklik
göstərir. Bu proqram vasitəsilə tam ştat
işləyən yerli əməkdaşlar təhsillə bağlı xərcləri
ödəmək üçün maliyyə dəstəyi ala bilir.
2011-ci ildə midstrim, geoloji-geofiziki
işlər, əməliyyatlar, əməyin təhlükəsizliyi və
əməliyyat riskləri, insan resursları, maliyyə,
eləcə də əlaqələr və şirkətxarici işlər üzrə 23
əməkdaşımız bu proqram çərçivəsində dəstək
alıb. İl ərzində yeddi BP əməkdaşı tanınmış
Britaniya və ya Amerika təhsil müəssisələrində
təbiət elmləri üzrə magistr dərəcəsi verən
proqramlara müraciət etdilər. Daha 16 nəfər
BP-nin köməyi ilə magistratura səviyyəsində
digər təhsil imkanlarından faydalandı.
“Çəllenc” proqramı
“Çəllenc” (“Sınaq”) proqramı BP-nin texniki və
peşə sahələri üzrə erkən inkişaf proqramıdır.
Bu proqram BP-yə uzunmüddətli strateji
inkişafa və işçi qüvvəsinin yenilənməsinə nail
olmaqda böyük köməklik göstərir. Proqramın
məqsədi müəyyən ixtisas sahəsi üzrə üstün
texniki xidmət göstərən, həmçinin daha geniş
biznes tələblərinə cavab verən tam səriştəli və
müstəqil peşəkarlar hazırlamaqdır.
2011-ci ildə 26 yerli əməkdaş bu proqramı
uğurla başa vuraraq şirkətdə daha üstün
vəzifələrə irəli çəkildi. Bundan başqa yeni 64
nəfərin proqrama qoşulması ilə Azərbaycanda
“iddialı gənc mütəxəssis – çəllencer”lərin
ümumi sayı 143-ə çatdı.
İyul ayında Azərbaycan-Gürcüstan-Türkiyə
(AGT) regionu “çəllencer”ləri BP qrupunun
“TexnoFest” tədbirində ilk dəfə iştirak etdilər.
Bu onlara öz işlərini nümayiş etdirməyə,
texniki sahədə rəhbərliklə ünsiyyətdə olmağa,
eləcə də BP-dəki şəbəkələrini və əlaqələrini
genişləndirməyə imkan yaratdı.
“Apstrim ekselens” proqramı
Proqramın məqsədi əməkdaşlarımızın texniki
və peşə qabiliyyətlərini dərinləşdirmək,
həmçinin öz təşkilati potensialımızı artırmaqdır.
Bu, hər bir ixtisas sahəsi üzrə texniki və
peşəkar inkişaf üçün strukturlaşdırılmış bir
proses təklif edir.
1
25
Biz necə işləyirik
Dil təlimi
Biz yerli işçi heyətimiz üçün ingilis dili
dərslərini davam etdiririk. 2011-ci ilin sonuna
təxminən 280 əməkdaşımız bu dərslərdə
iştirak edirdi. Hər ay ingilis dilində ünsiyyət
klubları təşkil olundu. Biz, həmçinin, əcnəbi
əməkdaşlara Azərbaycan dili dərsləri ilə
birlikdə Azərbaycanın tarixi, mədəniyyəti və
adət-ənənələri barədə mühazirələr təklif etdik.
Xəzər texniki təlim mərkəzi
Xəzər texniki təlim mərkəzi (XTTM) BP və
tərəfdaşları üçün AGT regionunda işçi heyətin
milliləşdirilməsini həyata keçirməkdə misilsiz
xidmət göstərir. İlk məzunların buraxıldığı
2004-cü ildən bəri Hazırlıq proqramı
çərçivəsində 686 texnik təlim alıb, onlardan
164-ü təlimi Hazırlıqsonrası proqramında
davam etdirib. 2011-ci ildə 63 texnik məzun
olaraq qurudakı və dənizdəki obyektlərə yola
salınıb.
XTTM-də əməyin təhlükəsizliyi göstəricisi
2011-ci ildə yeni səviyyəyə yüksəldi – Mərkəz
xəsarətə görə vaxt itirmədən 1 milyon
adam-saat iş və qəzasız 1 milyon kilometr
göstəricisinə nail oldu. “Moody International”
təşkilatının keçirdiyi auditdən sonra XTTM
öz İSO sertifikatının əhatə dairəsini Texniki
qeyri-hazırlıq təlimi ilə genişləndirdi. Oman
və İraqdakı əməliyyatlarımızın XTTM-in
xidmətlərindən istifadə etməyə başlaması ilə
bura BP qrupu üzrə yüksək ixtisaslı kadrlar
hazırlayan regional mərkəzə çevrildi.
Coğrafiya elmində uğur qazanmaq üçün
riyazi coğrafiya və geodeziya sahəsində elmi
biliklərin inteqrasiya olunması zəruri hesab
edilir. Emil Bayramov 2008-ci ildən bəri
Azərbaycanda BP-nin Bakı-Tbilisi-Ceyhan
(BTC), Cənubi Qafqaz boru kəməri (CQBK) və
Qərb ixrac boru kəməri (QİBK) üçün Coğrafi
İnformasiya Sistemləri (CİS) üzrə koordinatoru
olub. O, coğrafiya və geodeziya üzrə
biliklərindən boru kəmərləri marşrutu boyunca
risklərin azaldılması üçün tələb olunan
təhlillərdə istifadə edir. “Texnologiya və elmin
tətbiqi boru kəmərləri boyunca risklərlə bağlı
etibarlı proqnozlar vermək üçün son dərəcə
əhəmiyyətlidir”, - o, vurğulayır.
2011-ci ildə Emil coğrafiya və
geodeziya sahəsində peşəkarlığını təsdiq
etdirmək qərarına gəldi. Öyrəndi ki, Böyük
Britaniyanın Kral Coğrafiya Cəmiyyəti onun
istədiyi beynəlxalq peşəkar statusu verən
təşkilatlardan biridir. Emil avqust ayında
beynəlxalq şəhadətnaməli coğrafiyaçı olmaq
üçün ərizəsini göndərdi. İki aydan sonra ona
bu yüksək status verildi.
Bunun belə sürətlə baş verməsi bir qədər
gözlənilməz oldu. Emilin öz ixtisası üzrə 12-illik
peşə təcrübəsi var və beynəlxalq resenziyalı
jurnallarda bir neçə elmi məqaləsi nəşr olunub.
BP-dən əvvəl o, CİS və riyazi geodeziya üzrə
beynəlxalq məsləhətçi kimi işləyib, həmçinin
18 ay Massaçusets Texnologiya İnstitutu və
Harvard Universitetində tədris kursu keçib.
İsveçrənin Lund Universitetindən coğrafiya
ixtisası üzrə bakalavr dərəcəsi və CİS üzrə
magistr dərəcəsi alıb. Onun landşaftşünaslıq
üzrə magistr dərəcəsi də var. Hazırda təbiət
elmləri üzrə fəlsəfə doktoru dərəcəsi almaq
üçün Almaniyanın Drezden Texnologiya
Universitetində təhsil alır. Belə düşünür ki, BP
onun həm peşəkar, həm də elmi inkişafı üçün
böyük imkanlar yaradıb.
“BTC, CQBK və QİBK boru kəmərlərinin
risklərin qiymətləndirilməsi sisteminin və boru
kəmərlərinin açıq məlumat standartlarının
hazırlanması ilə bağlı layihələrə CİS-in tətbiq
edilməsi üçün BP-nin yaratdığı imkanlar mənə
öz elmi və peşə biliklərimi artırıb beynəlxalq
səviyyəyə çatmaqda kömək etdi. Ətraf mühitin
CİS-ə əsaslanan monitorinqi proqramları
da mənə imkan verdi ki, CİS-in tətbiqinin
daha geniş əhatə dairəsi ilə bağlı elmi-peşə
biliklərimi inkişaf etdirim. Bu təcrübədən
boru kəmərləri boyunca müntəzəm aparılan
müvafiq yoxlama proqramlarının CİS-əsaslı
kompleks təhlilində də geniş istifadə edirəm.
Qazandığım bütün təcrübə və bilikləri
gələcəkdə BP-də geodezik məlumatlarının
idarə olunması və riskin qiymətləndirilməsi
prinsiplərinin inkişafına tətbiq etmək
ümidindəyəm”, - Emil deyir.
Azərbaycanın beynəlxalq şəhadətnaməli ilk kartoqrafı
1. İşçi heyətin inkişafı üzrə
institutun şəhadətnaməsi ilə
Nottingem Trent Universitetinin
magistr diplomunu alarkən
2. Əməkdaşlar iclas zamanı
3. Xəzər texniki təlim mərkəzində
treninq
2
3