Bp azərbaycanda Davamlı inkişaf haqqında hesabat
Yüklə 0,95 Mb. Pdf görüntüsü
|
- Bu səhifədəki naviqasiya:
- Kütləvi informasiya vasitələri ilə
- Digər maraqlı tərəflərlə
- Kəndlər daim məlumatlandırılır
28 BP Azərbaycanda Davamlı inkişaf haqqında hesabat 2011 • Ön xətdə çalışan işçilərimizlə əlaqələri gücləndirmək məqsədilə il ərzində texniklərin üç forumunu keçirdik. • Azərbaycanda işçi heyəti ilə yüksək vəzifəli rəhbərlik arasında rəy və təkliflərin verilməsi və qeyri-rəsmi ünsiyyəti təşviq etmək üçün yeddi dəfə “işçilərə qulaq asmaq üçün nahar yeməkləri” keçirildi. • 171 əməkdaşımızı uzunmüddətli xidmət mükafatı ilə təltif etdik. Bu proqram 2008-ci ildə həyata keçirilməyə başlayandan bəri təxminən 800 nəfərin xidmətlərini bu cür qiymətləndirmişik. • Qaydalara riayət və etik normalar üzrə “OpenTalk” (“Açıq söhbət”) etimad telefon xətti bütün il boyu işini davam etdirdi. • 259 nəfər BP əməkdaşı və podratçısı, eləcə də onların ailə üzvləri üçün doqquz “ailə günü” keçirdik. İcmalarla • Azərbaycandakı obyektlərimizin yaxınlığında yaşayan icmalarda davamlı inkişaf təşəbbüslərinə dəstəyi davam etdirdik. • Texniki təhlükəsizliyi gücləndirilmək və qeyri- texniki riskləri idarə etmək üçün Səngəçal terminalı yaxınlığında yaşayan icmalarla il boyu ünsiyyətdə olduq. • Bakı-Tbilisi-Ceyhan/Cənubi Qafqaz boru kəməri marşrutu boyunca şikayət və narazılıqların yoluna qoyulması mexanizmi işlək oldu. • BP, icma üzvləri və təhlukəsizliyi təmin edən hökumət orqanları arasında dialoqa kömək edən Təşkilatlararası Təhlükəsizlik Komitəsinin forumu ilə birgə işlədik. • Əməkdaşların cəlb edilməsi proqramı vasitəsilə əməkdaşlarımız icma inkişafına və təhsilə öz töhfələrini verdi. Kütləvi informasiya vasitələri ilə • Azərbaycanda fəaliyyətlərimizin nəticələri barədə kütləvi informasiya vasitələrinə məlumat vermək üçün biznes əməliyyatları üzrə rüblük hesabatlar buraxdıq. • Region üzrə prezidentimiz biznes sahəsində yazan bir qrup yerli və xarici jurnalistlə mütəmadi görüşərək onlara BP tərəfindən həyata keçirilən layihələrdəki yeniliklər haqqında məlumatlar verdi. • BP-nin Azərbaycandakı fəaliyyətləri barədə yerli və xarici jurnalistlər üçün qrup şəklində və fərdi brifinqlər keçirdik, müntəzəm olaraq yeni məlumatları çatdırdıq və televiziya müsahibələri verdik.
• Media üçün iki seminar və iş sahələrimizə 24 səfər təşkil etdik. İştirak edən təşkilatlar arasında “Financial Times”, “BBC”, “CNN”, “Die Welt” və “Dow Jones” da var idi. • 2011-ci il ərzində mətbuat üçün biznes fəaliyyətimizdəki nailiyyət və irəliləyişləri əhatə edən 16 pres-reliz buraxdıq. • Mətbuat nümayəndələrinin suallarını cavablandırmaq üçün 24 saat fəaliyyət göstərən xəttimiz açıq oldu. • 2011-ci ilin sentyabr-oktyabr aylarında “Thompson Foundation” təşkilatında sosial mediaya dair iki həftəlik seminara qatılmaları və Böyük Britaniyanın media dairələri ilə görüşmələri üçün altı nəfər yerli jurnalistin Böyük Britaniyaya səfərini təşkil etdik.
İşgüzar səfərlər Səngəçal terminalında 30-a yaxın ölkənin nümayəndələrini və tərəfdaşımız olan şirkətlər İTOÇU, Total, ARDNŞ, TPAO, LUKOYL və İNPEKS-in qonaqlarını qəbul etdik. Tələbələrlə • Mühəndislik, o cümlədən kimya və mexanika mühəndisliyi ixtisasları üzrə bakalavr təhsilini əhatə edərək imkanlarını genişləndirməsi üçün Qafqaz Universitetinə dəstəyimizi davam etdirdik. • “BP Azərbaycanda davamlı inkişaf haqqında hesabat 2010” ilə əlaqədar tələbələrin rəy və təkliflərini öyrənmək üçün yerli universitetlərin tələbələri ilə müzakirələr apardıq. • Həm Azərbaycanda, həm də ölkədən kənarda təqaüd proqramlarına dəstək verdik. • Təcrübə proqramı vasitəsilə BP-nin Azərbaycandakı müxtəlif şöbələrində təhsildən ayrılmadan əmək təcrübəsi əldə etmələri üçün tələbələri işə cəlb etdik. Podratçılarla • BP-nin idarə etdiyi layihələrdə yerli şirkətlərin iştirakını artırmaq məqsədilə öz podratçılarımız üçün məlumat və tanışlıq tədbirləri təşkil etdik. Geniş ictimaiyyətlə • Noyabr ayında Xəzər Beynəlxalq Ətraf Mühit Sərgi-Konfransında – Xəzər və Qafqaz regionunda bu qəbildən ən böyük tədbirdə iştirak etdik. • BP-nin Azərbaycanda və regiondakı fəaliyyətləri bp.com/xezer internet saytımızda işıqlandırıldı. 2011-ci ildə hər gün bu sayta orta hesabla 480- dən artıq insan daxil olub. Onlayn sorğu forması vasitəsilə il ərzində ümumilikdə 395 sorğu aldıq. Hər il Səngəçal terminalı yaxınlığındakı icmalarla, o cümlədən Əzimkənd və Ümid kəndlərinin sakinləri ilə görüşlər keçirilir. Məqsəd terminaldakı cari əməliyyatları izah etmək və terminalın gələcəyi ilə bağlı bütün məsələləri onlarla müzakirə etməkdir. 2011-ci ildə bu görüşlər qarşıdan gələn inkişaf layihələrinə – Səngəçal terminalı ətrafında gələcək genişləndirmə işləri ilə əlaqədar Şahdəniz Mərhələ 2 (ŞD2) infrastruktur layihəsinə yönəldildi. Görüşlərdən əvvəl qonşu icmalarda aparılmış rəy sorğusu bizə imkan verdi ki, həm lazım olan auditoriyanı, həm də planlarımız barədə məlumatların lazım olan insanlara düzgün formatda çatmasını təmin etmək üçün ən münasib əlaqə formasını müəyyənləşdirək. ŞD2 infrastruktur layihəsinə aid ətraf mühit və sosial sahəyə təsirin qiymətləndirilməsi və terminalda görülməsi planlaşdırılan işlər xeyli marağa səbəb oldu və ŞD2 barədə konstruktiv dialoqa başlamaq, mümkün narahatlıqları başa düşmək üçün bizə əlverişli imkan yaratdı. “Bu görüşlərdən sonra genişləndirmə layihəsinin icmalara təsirini aradan qaldırmaq, qeyri-biznes risklərimizi azaltmaq, kəndləri qazın məşəldə yandırılması və lay suyu kimi məsələlərin müzakirəsinə cəlb etmək üçün tərtib olunmuş uzunmüddətli əlaqələr planı hazırladıq”, – BP AGT-də maraqlı tərəflərlə əlaqələr üzrə rəhbər Qivami Rəhimli deyir: “2012-ci ildə Səngəçal yaxınlığında yaşayan icmalarda sağlamlıq, əməyin təhlükəsizliyi və ətraf mühit standartlarımızın mahiyyəti barədə daha geniş təsəvvür yaratmaq üçün xüsusi iş aparacağıq”. Kəndlər daim məlumatlandırılır Yüklə 0,95 Mb. Dostları ilə paylaş:
|