Bp azərbaycanda Davamlı inkişaf haqqında hesabat
Yüklə 0,95 Mb. Pdf görüntüsü
|
- Bu səhifədəki naviqasiya:
- Dənizçilik əməliyyatları
- Fövqəladə hallarda cavab tədbirləri
- Tərəfdaş və podratçılarla işimiz
33 Əməyin təhlükəsizliyi və sağlamlıq • Cəmi 355km sualtı boru kəmərlərinin xarici vizual təftişi və korroziya əleyhinə katod müdafiəsinin yoxlanması dalğıc gəmilərindən buraxılmış məsafədən idarə olunan sualtı gəmilər istifadə edilməklə həyata keçirildi. • Bütün sualtı boru kəmərlərinin Səngəçal sahilinə yaxın dayaz sularda yerləşən hissələri avtonom sualtı gəmilərdən istifadə etməklə yoxlandı. Müntəzəm aparılan ərsinləmə boru kəmərlərinin daxili korroziyasının idarə edilməsi və davamlı axının təmin edilməsində istifadə olunan əsas fəaliyyətlərdən biridir. Mərkəzi Azəri boru kəmərində ərsinləmə ərsin buraxma kamerasının çıxış siyirtməsini dəyişdirdikdən sonra bərpa edildi. 2011-ci ilin dövri təmir layihəsi zamanı Şərqi və Qərbi Azəri neft ixrac boru kəmərlərinin ərsin buraxma kameralarında da yeni siyirtmələr quraşdırıldı. Bu, həmin boru kəmərlərinin cari təftişi üçün ərsinlərin yüklənməsi və buraxılmasına imkan yaradır. Mərkəzi Azəri platformasında qaz axınının dayanması zamanı Dərinsulu Günəşli platformasının Hasilat və Qazma modulundan 28 düymlük qaz ixrac boru kəmərini müvəffəqiyyətlə təcrid edə bildik. Bu, yeni Çıraq neft layihəsinin Dərinsulu Günəşliyə qoşulmasına, boru kəmərinin iki hissəsinin birləşdirilməsinə şərait yaratdı. Dənizçilik əməliyyatları Dənizçilik əməliyyatları qrupu Azərbaycanda həyata keçirdiyimiz əməliyyatlarda başlıca rol oynayır və 2011-ci il onlar üçün çox qızğın bir il oldu. Görülən işlərə donanma əməliyyatları, qazma qurğularının yerdəyişməsi və lövbərsalma işləri, fövqəladə hallarda cavab tədbirləri və təhlükəsizliklə bağlı vəzifələr, həmçinin dənizdə təchizat öhdəlikləri daxil idi. Bizim Xəzər donanmasına işçi heyətin daşınması üçün yeni bir sürətli kater – “Aaron S. McCall” əlavə olundu. Katerin kreyser sürəti saatda 30 dəniz milidir və işçi heyətinin daşınma vaxtına 30-60 dəqiqə qənaət etməyə imkan verərək dəniz xəstəliyinə tutulma potensialını azaldır. Katerdən platformaya “işə piyada” keçid sistemi üçün texniki-iqtisadi əsaslandırılma aparıldı və çox güman ki, işçi heyəti daşıyan katerlərdə indi istifadə olunan “qurbağa” qaldırma mexanizmi gələcəkdə bu sistemlə əvəz olunacaq. 2011-ci ildə heç bir gəmi toqquşması baş vermədi. Bundan başqa, beş qazma qurğusunun yerdəyişməsi qeydiyyata alınan heç bir xəsarətə yol vermədən, beynəlxalq standartlara uyğun tamamlandı. Dənizçilik əməliyyatları qrupu həm də keşikçi gəmilər və qəza-xilasetmə gəmiləri vasitəsilə BP-nin Azərbaycan-Gürcüstan-Türkiyə (AGT) regionunda həyata keçirdiyi əməliyyatlara dəstək verdi. 2011-ci il ərzində göstərilən xidmətlərdə heç bir çatışmazlıq qeydə alınmadı. Fövqəladə hallarda cavab tədbirləri 2011-ci ilin əsas hadisəsi böhran və davamlılığın idarə edilməsi və fövqəladə hallarda cavab tədbirləri qrupunun regionda gözlənilməz hallar üçün mövcud tədbirlərin yoxlanılması oldu. Buraya hasilat əməliyyatları üçün biznesə təsirin analizi də daxil idi. Alınmış məlumatlar əsasında BP əhəmiyyətli dayanmadan sonra bərpa vaxtını təyin etmək və hasilatı bərpa etmək üçün bir plan hazırlamaq imkanı əldə etdi. Plan 2012-ci ildə həyata keçiriləcək. Noyabrda biz Azərbaycan Respublikası Dövlət Neft Şirkəti (ARDNŞ), İxrac Boru Kəmərlərinin Təhlükəsizliyi İdarəsi (İBKTİ) və Fövqəladə Hallar Nazirliyi (FHN) ilə birlikdə fövqəladə vəziyyətlərə hazırlığın yoxlanılması üzrə “Xəzər II” adlı böyük bir təlim-məşqi işləyib hazırlayaraq həyata keçirdik. Bu təlim-məşq sahil xətti ilə Səngəçal terminalı arasındakı ərazidə keçirildi və yerli hakimiyyət orqanları ilə müxtəlif səviyyələrdə birgə işləyən BP qrupları cəlb edildi. Təlim-məşqin məqsədi BP və ARDNŞ-yə məxsus boru kəmərlərinin kəsişdiyi yerlərdə müştərək risklər haqqında məlumatlılığı artırmaq idi. BP indi birgə cavab tədbirlərinin səmərəliliyini artırmaq üçün əhatəli təlim və məşq proqramı hazırlamaq üçün FHN və İBKTİ ilə birgə işləyir. Cavab tədbirlərinin təhlükəsizliyinə xüsusi diqqət yetiriləcək.
2011-ci ildə biz tərəfdaş və podratçılarla əlaqələrimizin və proseslərimizin yaxşılaşdırılmasını davam etdirmək üçün uzunvədəli səylər göstərdik. Əməyin təhlükəsizliyi ilə bağlı təşəbbüslərimizə podratçıların əməyin təhlükəsizliyi forumları vasitəsilə əməkdaşlığa cəlb edilməsi, qaydalara uyğunluğu yoxlamaq və iş yerində təlimləndirməyə dəstək vermək üçün əlavə sahə resurslarından istifadə edərək idarəetmə sistemimizin əminlik proqramının inkişaf etdirilməsi daxil idi. Noyabrda BP AGT-nin quyular üzrə qrupu Bakıda podratçıların ikinci əməyin təhlükəsizliyi forumunu keçirdi. Bu dəfə əsas diqqət düşmüş əşyalara yönəldildi. Forumda iştirak edən 12 əsas podratçı şirkətin menecer və mütəxəssisləri məlumatlar təqdim edərək dəyərli ideyalar verdilər. Nəticədə, bir neçə təkmilləşdirmə tədbiri, o cümlədən vahid ardıcıl yanaşmanı təmin etmək məqsədilə bütün quyu podratçıları üçün ixtisaslaşdırılmış təlimin təşkil edilməsi, xüsusi veb-saytın hazırlanması və düşən əşyalarla bağlı müntəzəm forumların keçirilməsi təklif edildi. İl ərzində platformaların dövri təmiri üçün həyata keçiriləcək işlərdən əvvəl idarəetmə sisteminin auditini keçirdik. Auditdən əldə olunan nəticələr idarəetmə sistemində bəzi boşluqların olduğunu müəyyən etdi. Təchizatçılar onları aradan qaldırdı və uyğunlaşdırma sənədində qeyd etdi. Yerli əməliyyatların idarə edilməsi sistemi ilə müqayisədə boşluqların illik təftişi keçirildi və mövcud praktika və prosedurlarda bir neçə təkmilləşdirmə aparıldı. Təftiş nəticəsində 88 təchizatçı şirkətin SƏTƏM üzrə uyğunlaşdırma planlarının 95%-i yenidən işləndi. Biz ilkin ələmə prosesinə kömək etmək üçün təsdiq edilmiş təchizatçı şirkətlərə ilk dəfə olaraq SƏTƏM baxımından təsdiq olunmuş təchizatçılar siyahısı protokolunu tətbiq etdik. Əlavə olaraq 2011-ci il ərzində podratçılarla birgə əməyin təhlükəsizliyi forumları keçirdik. Midstrim təchizatçı auditi heç bir qeyri-uyğunluğun aşkar edilmədiyinə görə xüsusilə uğurlu oldu. Güzdək treninq mərkəzində yanğın söndürənlərin təlimi Yüklə 0,95 Mb. Dostları ilə paylaş:
|