39
Ətraf mühit
32 119 ton şlam dolayı termal desorbsiya (DTD)
qurğularından istifadə edilməklə emal olunub.
Bunun nəticəsində 3 445 tona yaxın xam neft
əldə olunub və təkrar istifadə üçün qazma
məhlulları təchizatçısına göndərilib. Emal edilmiş
qazma şlamları Sərəncə qurğusunda saxlanır.
Sərəncə TTİEQ-də 2010-cu ildə başlamış
7 000 ton şlamın bioloji təmizlənməsi layihəsi
2011-ci ildə uğurla başa çatdırıldı. Sərəncə TTİEQ-
də iki əlavə DTD qurğusunun quraşdırılması bu
obyektin qazma şlamlarını emal etmək imkanını
ikiqat artırıb.
Çirkab suları
MA və QA platformaları, eləcə də Dədə Qorqud
və İstiqlal qazma qurğularından götürülmüş
analizlər təmizlənmiş çirkab suların tələblərə
uyğun olmasını göstərdi. 2011-ci ildə dəniz
platformalarında təmizlənmiş çirkab suların
keyfiyyəti, xüsusilə də Çıraq platformasında
məcmu üzən bərk hissəciklərin (MÜBH) və
bioloji oksigen tələbatının (BOT)
a
, həmçinin
Şahdəniz platformasında MÜBH, fekal bağırsaq
çöpü bakteriyalarının
b
və BOT-un səviyyəsi arabir
razılaşdırılmış texniki xarakteristikalardan artıq
olub.
İl ərzində dəniz obyektlərinin hamısında çirkab
sularının emalı qurğusunun (ÇSEQ) dayanması
kəskin şəkildə azalıb. 2010-cu ildə platformalardan
29 atılma ilə müqayisədə 2011-ci ildə cəmi 17
atılma olub (41% azalma). Problemlərin böyük
əksəriyyəti DərSG platformasındakı ÇSEQ ilə (17
atılmadan 14-ü) bağlı olub. MA platformasında iki
və ŞA-da bir dayanma baş verib.
Eyni zamanda, dənizdə ÇSEQ-lə bağlı
problemlərin daha davamlı həllini təmin etmək
üçün bir layihə başladıq. DərSG-də ÇSEQ-in yeni
membran texnologiyalı ÇSEQ-lə əvəz olunması
qərara alındı ki, bu, minimum texniki xidmətlə
çirkab sularının tələblərə uyğun olmasını təmin
edəcək. Yeni qurğunun 2013-cü ilin yazına
qədər istifadəyə verilməsi gözlənilir və bu,
Azəri platformalarındakı ÇSEQ-lərin mümkün
dəyişdirilməsi üçün sınaq olacaq.
Səngəçal terminalında çirkab sularının
təmizlənməsində mühüm irəliləyişlər əldə olundu.
ÇSEQ-in təkmilləşdirilməsi (yeddinci bioreaktorun
quraşdırılması) Səngəçal terminalında əmələ
gələn bütün çirkab sularını emal etmək, eləcə
də Sərəncə TTİEQ, Bakı Dərin Özüllər Zavodu,
“AMEC-Tekfen-Azfen” (ATA) tikinti-quraşdırma
sahəsi, həmçinin Şəmkir və Yevlax rayonlarındakı
yaşayış düşərgələrindən çirkab sularını qəbul
etməyə imkan verir. İl ərzində terminalda
çirkab sularının emalı ilə bağlı heç bir tələblərə
uyğunsuzluq halı qeydə alınmadı.
2011-ci ildə Bakı-Tbilisi-Ceyhan boru
kəməri marşrutu boyu çirkab suyun atılması
Azərbaycandakı 2-ci nasos stansiyasında
(PSA2), o cümlədən PSA2 yaşayış düşərgəsi
və Azərbaycandakı aralıq ərsinburaxma
stansiyasında (İPA1) yaranan emal edilmiş çirkab
suyundan ibarət olub. Bu üç obyektdə çirkab
suyunun təmizlənməsi sistemləri eyni quruluşa
malikdir və üç eyni mərhələ üzrə aparılır: bioloji
təmizləmə, ultra bənövşəyi sterilləşdirmə və
biotəmizləmə nohurlarında (“reed bed”) son
təmizləmə.
Hasil edilmiş lay suyu
2011-ci ildə Səngəçal terminalında cəmi 1 632
353 ton lay suyu qəbul edilib: 1 611 912 ton
AÇG və 20 441 ton ŞD dəniz platformalarından.
Bu 2010-cu illə müqayisədə 34% artımdır
və terminala gələn lay suyunda AÇG payının
artmasına əsaslanan proqnozlarımıza uyğun idi.
AÇG-yə aid lay suyunun hamısı terminalın
uzunmüddətli lay suyu qurğusunda təmizlənərək
yenidən laya vurulmaq üçün Səngəçaldan dənizə
qaytarıldı. 2011-ci ildə AÇG-yə aid lay suyu
üzrə 98% (1 584 329 ton) təkrar laya vurma
əmsalına nail olduq. Qalan 2% lay suyu dənizə
atılıb. Bu həcmin böyük hissəsi (93%-i) dekabr
ayında MA və QA platformalarını birləşdirən
suvurma sistemində yaranmış mexaniki nasazlıq
nəticəsində baş vermiş tək bir hadisənin payına
düşür. Bu atılma zamanı ətraf mühitə potensial
təsiri minimuma endirmək üçün biosidlərin
vurulması dayandırıldı.
2011-ci ildə qurudakı üçüncü tərəf podratçılar
tərəfindən lay suyu atılması olmadı. ŞD-dən
gələn lay suyu hazırda Səngəçaldakı saxlama
hovuzlarında yığılır.
Təhlükəli maye tullantılar
Sənaye tullantılarının utilizasiya edilməsi
xidmətlərini yerinə yetirmək üçün Ekologiya
və Təbii Sərvətlər Nazirliyi tərəfindən lisenziya
verilmiş yerli “RT Services” şirkəti 2011-ci ildə 2
106 ton çirklənmiş dəniz suyu emal edib ki, bu
da 2010-cu ilə nəzərən 68% azdır. Bundan əlavə,
“Ekol-AAS BM” 2011-ci ildə 6 603 ton neftli suyu
emal edib. Bu, 2010-cu illə müqayisədə 52%
azdır.
a
BOT tullantıları parçalamaq üçün mikro-orqanizmlərin
istifadə etdikləri oksigenin ölçüsüdür. Atılan üzvi tullantıların
səviyyəsi yüksək olduqda BOT da yüksək olur.
b
Bağırsaq çöpü bakteriyaları əsas etibarilə nəcisdə olan
bakteriya növləridir.
Veb əsaslı Xəzər Ekoloji İnformasiya
Mərkəzinin təsis edilməsi
Xəzərin ekologiyasını yaxşılaşdırmaq və regionda
davamlı inkişafı təmin etmək üçün sahilyanı
dövlətlərin hazırladığı və idarə etdiyi Xəzər
Ekoloji Proqramı çərçivəsində BP və onun
tərəfdaşları noyabr ayında veb əsaslı Xəzər
Ekoloji İnformasiya Mərkəzini təsis etmək üçün
BMT Ətraf Mühit Proqramının üzvü “GRİD-
Arendal” Norveç qeyri-kommersiya təşkilatı ilə
saziş imzaladılar.
Bu təşəbbüsün məqsədi 2013-cü ildə Xəzər
hövzəsində ətraf mühitin vəziyyəti haqqında
ən son etibarlı məlumatların mərkəzləşdirilmiş
mənbəyi kimi istifadə ediləcək onlayn ekoloji
məlumat bazası yaratmaqdır. Bu, həmçinin
ətraf mühitlə bağlı məlumatların toplanmasına
dəstək verəcək, ekoloji monitorinqin
tədqiqat və metodologiyası üzrə ən yaxşı
təcrübələri bölüşəcək. İnanırıq ki, beləliklə
region ekspertlərinin ekoloji tədqiqatları
standartlaşdırmaq və uyğunlaşdırmaq,
məlumatların şəffaflığı və məlumat mübadiləsini
təkmilləşdirmək səyləri genişlənəcək. Bundan
əlavə, mərkəz həm də regionda davamlı inkişafı
təbliğ etmək üçün istifadə ediləcək.
BP nümayəndəsi kimi Xəzər Ekoloji
Proqramı yaranandan bəri mən bütün
Xəzəryanı ölkələrdəki ekoloq həmkarlarımla
fəal əməkdaşlıq edirəm. Hökumətlər,
özəl sektor və qeyri-hökumət təşkilatları
arasındakı bu əməkdaşlıq həmişə faydalı
və məhsuldar olur. Nəticədə çoxlu sayda
birgə layihələr başa çatdırılıb. Xəzər
Ekoloji İnformasiya Mərkəzi növbəti belə
layihədir və inanırıq ki, Xəzər regionunda
məlumatların mübadiləsi və şəffaflığı
sahəsində gözəl bir nümunə olacaq.
Faiq Əsgərov
Normativ uyğunluq və ətraf
mühit məsələləri üzrə regional
direktor, BP AGT