İKEA firmasının “Sosial təşəbbüs”
layihəsi və UNICEF-in işləyən
uşaqları müəyyənləşdirərək məktəbə
göndərmək üçün göstərdiyi səylər
nəticəsində Krnataraka (Hindistan)
şəhərindəki məktəbdə qaçarkən
(2010).
© UNICEF/UNI88078/CROUCH
D O Q Q U Z
T Ə R Ə Q Q İ
N A M İ N Ə
T Ə R Ə F D A Ş L I Q
B Ü T Ü N U Ş A Q L A R A Ü M İ D B Ə X Ş E D Ə K
9 4
U N I C E F @ 7 0 : 1 9 4 6 − 2 0 1 6
UNICEF uşaqların mənafeyinin qorunması istiqamətində son yetmiş ildə gördüyü işlərə
görə böyük qürur hissi keçirir, lakin, təşkilat eyni zamanda anlayır ki, tərəfdaşlarının
yardımı olmasaydı bu müvəffəqiyyətin miqyası çox kiçik olardı. Təşkilatın proqramlarının
təməlində yerli hökumətlərin və QHT-lərin əməkdaşlığı kimi həyati əhəmiyyət daşıyan
amildən tutmuş “Unilever” və “Hennes & Mauritz” kimi transmilli şirkətlərin səxavətlə
ayırdığı böyük vəsaitlərə, “Bill & Melinda Gates” fondunun maliyyə investisiyaları və
intellektual investisiyalarına qədər bütün növ tərəfdaşlıqlar dayanır.
UNICEF-in tərəfdaşları arasında fəallar, hüquq müdafiə-
çiləri, səhiyyyə və təhsil işçiləri də var. Təşkilatın ölkələrdəki
nümayəndəliklərinin əməkdaşlığı bəzən İKEA fondu və
ya Uşaqlar üçün İnvestisiya Fondu kimi qlobal layihələrlə
nəticələnir. Digər tərəfdaşlıqlara misal olaraq, UNICEF-in
34 ölkədə fəaliyyət göstərən milli nümayəndəliklərinin
Barselona futbol klubu, “İNG”, “LEGO” “Millicom”,
“Tencent” və “Louis Vuitton” kimi nəhəng şirkətlərlə qurulan
əməkdaşlıq münasibətlərini göstərmək olar.
1990-cı ildə təşkilatın icraçı direktoru Kerol Bellami (Carol
Bellamy) özəl şirkətlərinin başçılarını dövlət başçıları
kimi uşaqlar qarşısında iqtisadi öhdəliklər götürməyə
çağırmışdır. Qlobal biznes icmasında ortaq sosial dəyərlər
yaratmaq tendensiyası getdikcə gücləndikcə gələcək dünya
vətəndaşlığı sahəsində investisiya qoyulmasına olan zərurət
özünü daha əyani surətdə büruzə verir. UNICEF-in fəaliyyə-
tinin qloballığı şirkətlərin onu uşaqlarla bağlı ən sistematik
və ən köklü dəyişiklikləri həyata keçirməyə qadir tərəf kimi
qəbul etməsi ilə nəticələnmişdir. Bu gün, UNICEF-in illik
gəlirində özəl sektor tərəfindən ayrılan vəsaitlərin payı
getdikcə artmaqdadır.
Təşkilatın səhiyyə sahəsində ən uğurlu kampaniyalarından
ikisinin təməlində uzunmüddətli və strateji tərəfdaşlıq
dayanır. UNICEF və “Rotari” Klublarının Beynəlxalq
Assosiasiyası ilk dəfə 1988-ci ildə ÜST və ABŞ Xəstəliklərin
nəzarət altında saxlanması və qarşısının alınması Mərkəzi ilə
poliomielit xəstəliyinə qarşı birgə fəaliyyətə başlayarkən bu
xəstəlik 125 ölkədə endemik epidemiya həddinə çatmışdı.
Bu gün, həmin əməkdaşlığın nəticəsi olan “Poliomielitin
aradan qaldırılması üzrə qlobal təşəbbüs” layihəsi və s.
kimi tədbirlər nəticəsində bu məqsədə tam nail olmağa az
qalmışdır. Belə ki, 1988—2015-ci illər arasında xəstəliyə
yoluxma hallarının sayı 99 faiz azalmışdır.
UNICEF ana və körpələrin tetanus xəstəliyinə tutulmasını
aradan qaldırmaq üçün tərəfdaşlıqların qurulmasında
da aparıcı rol oynamışdır. 2006-cı ildən bu vaxta qədər
“Pampers” ilə UNICEF-in bu istiqamətdə birgə fəaliyyəti
xəstəliyin 17 ölkədə tamamilə aradan qaldırılmasına öz
töhfəsini vermişdir. “Kiwanis International” 2010-cu ildə
poliomielitə tutulmaq riski altında olan qadın və uşaqların
müdafiəsi üçün aparılan fəaliyyətə qoşulmuşdur.
Bu layihədən əvvəl isə UNICEF ilə “Kiwanis International”
bərpa oluna bilən əqli qüsurların ən yayğın səbəbi olan yod
çatışmazlığından qaynaqlanan xəstəliklərə qarşı birlikdə
B Ü T Ü N U Ş A Q L A R A Ü M İ D B Ə X Ş E D Ə K
9 5
U N I C E F @ 7 0 : 1 9 4 6 − 2 0 1 6
Danimarkanın Əfqanıstan Komitəsi və UNICEF-in dəstəyi ilə Əfqanıstanın Herat vilayətində fəaliyyət göstərən klinikada öz növbəsini gözləyən ana və
qucağındakı körpəsi (2015).
© UNICEF/UNI11171/LEMOYNE
B Ü T Ü N U Ş A Q L A R A Ü M İ D B Ə X Ş E D Ə K
9 6
U N I C E F @ 7 0 : 1 9 4 6 − 2 0 1 6
mübarizə aparmışdır. Həmin kampaniya nəticəsində
bütün dünyada yodlaşdırılmış duzdan istifadə imkanı
olan insanların sayını 1990-cı ildəki 20%-dən cəmi on ilə
70%-ə qədər artırmaq mümkün olmuşdur.
Tərəfdaşlıqların qurulmasında idman da hərəkətverici
qüvvə olmuşdur. UNICEF-in idmançılarla ciddi tərəf-
daşlığı 1982-ci ildə, Beynəlxalq Futbol Federasiyaları
Assosiasiyası (FİFA) tərəfindən keçirilən “Bütün ulduzlar
UNICEF üçün” adlı futbol matçı ilə başlamışdır. Təşkilatın
İcraçı direktoru həmin matç haqqında demişdir:
“UNICEF-in uşaqların maraqları naminə nələr etdiyini
bu matç qədər dünya ictimaiyyətinin diqqətinə çatdıran
başqa bir tədbirin mümkün ola biləcəyini düşünmürəm”.
Bu gün çox sayda ulduz idmançı UNICEF-in səfirləri
olaraq fəaliyyət göstərir. Məsələn, beynəlxalq kriket
dairələrində əsil sensasiya olan Saçin Tendulkar (Sachni
Tendulkar) UNICEF-in Cənubi Asiya üzrə xoşməramlı
səfiri və Beynəlxalq Kriket Şurası ilə tərəfdaşlıq əsasında
təsis edilmiş “Team Swachh” komandasının üzvüdür.
Bu komandanın üzvləri uşaqları tualetdən istifadə və
şəxsi gigiyena qaydaları barədə məlumatlandırmaq
və Hindistanda açıq ərazilərdə təbii ehtiyacları yerinə
yetirmək praktikasına son qoymaq üçün idmanın
nüfuzundan və gücündən istifadə edir.
Təşkilatın digər fəal xoşməramlı səfirləri arasında dünya
şöhrətli Devid Bekham (David Beckham) və Novak
Cokoviç (Novak Djokovic) da var.
Hava nəqliyyatı sektoru da dünya miqyaslı layihələrinin
reallaşmasında UNICEF-lə əməkdaşlıq etmişdir.
Məsələn, təşkilatın ən məşhur tərəfdaşlıq layihələrindən
biri olan “Xeyirxah əməl üçün xırda pullar” proqramı
çərçivəsində 1987-ci ildən bu günə qədər təşkilat
üçün pul yığılmaqdadır. Proqramda iştirak edən hava
yolları şirkətləri müştəriləri təşkilat üçün ianə verməyə
həvəsləndirməklə yanaşı, transkontinental müstəvidə
fəaliyyət göstərən və tərəfdaş ola biləcək tərəfləri onun
fəaliyyət konsepsiyası barədə məlumatlandırır.
B Ü T Ü N U Ş A Q L A R A Ü M İ D B Ə X Ş E D Ə K
9 7
U N I C E F @ 7 0 : 1 9 4 6 − 2 0 1 6
Avropa İcmalarının Humanitar Yardım
İdarəsinin dəstəyi ilə həyata keçirilən bir lay-
ihə çərçivəsində Pakistanın Sidh vilayətində
qadın tibb işçisi qadın və uşaqlara məsləhət
xidməti göstərərkən (2014).
© UNICEF/UNI167598/ZAIDI
© UNICEF/UN034077/TORGOVNIK
9 yaşlı Dieqo Ramirez San Salvador
şəhərinin ölkənin ən təhlükəli rayon-
larından biri hesab edilən, cinayət-
karlığın son dərəcə geniş yayıldığı,
cinayətkar bandaların özbaşınalıq
etdiyi ətraf məhəllələrindən birində
yaşayır. Burada UNICEF-in dəstəyi ilə
incəsənət və mədəniyyət sahəsində
yerli səviyyəli proqram həyata keçirilir.
Uşaqlar üçün məhəllənin parklarından
birində təşkil edilən seminarlar və
məşğələlər vasitəsilə onların özlərini
ifadə etmək imkanı yaradılmışdır.
Həmin park ərazidə uşaqların isti-
fadə edə biləcəyi nadir məkanlardan
biridir. Dieqo proqramı təşkil edən-
lərə minnətdarlığını bildirir, çünki
məşğələlərdə iştirak etdikcə özünə
inamı artmış, məktəbdə davamiyyəti
xeyli yaxşılaşmışdır.
“İndi məndə özümə inam daha çox-
dur — Dieqo deyir və davam edir: —
Məşğələlərdə iştirak etdiyimə görə
özümü xoşbəxt hiss edirəm.”
DİEQO
BÜTÜN UŞAQLARA ÜMİD BƏXŞ EDƏK
B Ü T Ü N U Ş A Q L A R A Ü M İ D B Ə X Ş E D Ə K
9 9
U N I C E F @ 7 0 : 1 9 4 6 − 2 0 1 6
YENİ BAŞLAYAN “STARTAP”
FİRMALARININ RƏHBƏRLƏRİNƏ
ÖZ QAPILARINI AÇMAQLA UNICEF
KÖHNƏ PROBLEMLƏR ÜÇÜN YENİ
HƏLL VARİANTLARI İŞLƏYİB
HAZIRLAYIR.
UNICEF-in bəzi dayanıqlı əməkdaşlıq münasibətləri
onunla BMT-nin digər qurumları arasında qurulmuş
tərəfdaşlıqlar çərçivəsində meydana gəlmişdir. BMT-də
son illər birgə və əlaqələndirilmiş fəaliyyəti intensivləş-
dirmək, daha da effektiv etmək üçün bütün sistemi əhatə
edən islahatlar həyata keçirilməkdədir. UNICEF-in BMT
ölkə nümayəndəlikləri ilə birgə işə yanaşma tərzinin və
ölkələr üzrə proqramların planlaşdırılması prosesinin
təməlində məhz bu baza prinsip dayanır. UNICEF inkişafa
və uşaq hüquqlarını təmin etməyə yönəlmiş humanitar
təşəbbüslərdə BMT ilə yerli, regional və beynəlxalq
səviyyədə əməkdaşlıq edir.
Təşkilat eyni zamanda həm özəl sektoru, həm də dövlət
sektorunu, eləcə də QHT-ləri, vətəndaş cəmiyyəti təş-
kilatlarını, digər qurumları əhatə edən bir sıra çoxtərəfli
əməkdaşlıqlarda iştirak etmişdir.
Belə ittifaqlardan biri olan Təhsil naminə Qlobal
Tərəfdaşlıq (Global Partnership for Education) az və
orta gəlirli ölkələrdə təhsilin qlobal və yerli səviyyədə
maliyyələşdirilməsi səylərini birləşdirmək, bunu edərkən
ən yoxsul və ən böyük risk altında olan uşaqları, gəncləri
ön plana çıxarmaq məqsədilə 2002-ci ildə qurulmuşdur.
UNICEF-in Təchizat bölməsi insanların həyatını xilas
edən vaksinləri, immunizasiya avadanlıqları təmin
etmək üçün digər genişmiqyaslı ittifaqla — “GAVİ” və ya
Vaksinasiya Tərəfdaşlığı ilə yaxından əməkdaşlıq edir.
GAVİ dünyanın ən yoxsul ölkələrində yaşayan uşaqların
yeni və kifayət qədər geniş istifadə edilməyən vaksinlərlə
təmin edilməsi məqsədini güdən özəl sektor və dövlət
sektoru nümayəndələrini bir araya gətirmək məqsədilə
2000-ci ildə yaradılmışdır.
UNICEF-in uşaqların, daha dəqiq desək İİV infeksiyasına
yoluxmuş və QİÇS xəstəliyindən əziyyət çəkən uşaqların
xeyrinə konkret nəticələr verən uğurlu tərəfdaşlıqlarına
misal olaraq qlobal səhiyyə birliyi olan UNİTAİD ilə tərəf-
daşlığını da göstərmək olar. 2012-ci ildən başlayaraq
UNICEF UNİTAİD və Klinton Səhiyyə Xidmətlərinə Çıxış
Təşəbbüsü (Clinton Health Access Initiative) ilə birlikdə
Mərkəzi Afrika regionunun bəzi ölkələrində körpələrin
tibb məntəqələrində erkən İİV diaqnostikası, nəzarət
altında saxlanması və müalicə edilməsi istiqamətində
birgə fəaliyyət göstərməkdədir. Hal-hazırda həmin
ölkələrin səhiyyə nazirlikləri ilə birlikdə həyata keçirilən
bu layihənin daha iki ölkəni əhatə etməsi üçün iş aparılır.
Eyni zamanda, UNICEF risk altında olan uşaqlara yardım
perspektivləri yarada biləcək layihələri müəyyənləşdirən
və belə layihələrə investisiya qoyan İnnovasiyalar Fondu
vasitəsilə fəal şəkildə yeni tərəfdaşlıqlar qurmağa
çalışır. Yeni başlayan “startap” firmalarının rəhbərlərinə
öz qapılarını açmaqla UNICEF köhnə problemlər üçün
yeni həll variantları işləyib hazırlayır və gələcək faydalı
əməkdaşlığın bünövrəsini qoyur.
Ancaq qeyd etmək lazımdır ki, fəaliyyət göstərdiyi ilk
illərdən başlayaraq təşkilat ən səmərəli əməkdaşlığı
tərəfdaş hökumətlərlə qura bilmişdir. Hələ də UNICEF-in
proqramlarının reallaşdırılması üçün resursların əsas
hissəsini hökumətlər və QHT-lər təmin edir. 2015-ci
ilə aid məlumatlara görə, ayrılan resursların ümumi
dəyəri baxımından ilk 5 pillədə ABŞ, İngiltərə, Avropa
Komissiyası, Almaniya və İsveç yerləşmişdir. Əhalinin
sayı əsasında hesablanan adambaşına düşən ayrılmış
vəsait kateqoriyasında isə ilk 5 pilləni Norveç, İsveç,
Lüksemburq, İslandiya və Danimarka tutur.
UNICEF bütün dünyada uşaqlar üçün daha yaxşı gələcək
naminə öz səylərini əsirgəməyən bütün tərəfdaşlarına öz
minnətdarlığını bildirir.
Hindistanın Maharaştra ştatında
fəaliyyət göstərən bir ibtidai məktəbin
qız şagirdi Uşaq hüquqları haqqında
Konvensiyanın ildönümü münasibəti
ilə təşkil edilmiş tədbirdə çıxış edir
(2014).
© UNICEF/UNI177643/SINGH
EPİLOQ
GƏLƏCƏYƏ
BAXIŞ
B Ü T Ü N U Ş A Q L A R A Ü M İ D B Ə X Ş E D Ə K
1 0 2
U N I C E F @ 7 0 : 1 9 4 6 − 2 0 1 6
UNICEF-in 70 illik yubileyi onun öz fəaliyyət tarixi boyunca
çox sayda dəyərli tərəfdaşları ilə birgə əldə etdiyi nailiy-
yətləri qeyd etmək üçün yaxşı fürsətdir. Daha önəmlisi isə,
bu yubiley həm də uşaqların hüquqlarının təmin edilməsi
istiqamətində görüləsi işləri bizə xatırladır.
Bu gün dünyanın müxtəlif ölkələrində milyonlarla qız və
oğlan hələ də sadəcə kim olduqları, harada yaşadıqları, yəni
cinsi, irqi, dini mənsubiyyətləri və ya əlilliyi olan şəxslər olma-
ları və yaxud ucqar kəndlərdə, “truşobalarda” yaşadıqları
əsas götürülməklə öz hüquqlarından məhrum edilməkdədir.
Onların üzləşdiyi ədalətsizlik isə hüquqlarının pozulma-
sından da pis haldır və bu ayrı-ayrı uşaqların gələcəyini yerlə
bir edir. Bu ədalətsizlik risklərin aradan qaldırılmasına mane
olur, onların nəsildən nəsilə ötürülməsinə gətirib çıxarır.
Məhz buna görədir ki, UNICEF bərabərlik prinsipinə əsas-
lanan yanaşma tərzini və ictimai inkişafdan çox kənar qalmış,
təcrid olunmuş uşaqların inkişafının daha da sürətləndiril-
məsini sadəcə mənəvi zərurət deyil, həm də strateji məsələ
hesab edir. İşimizdə daima bərabərliyin təmin olunmasına
çalışsaq da, bu istiqamətdə fəaliyyətimiz 2010-cu ildə
Məqsədlərə çatmaq üçün boşluqların aradan qaldırılması adlı
əsaslı tədqiqata aid hesabat dərc edildikdən sonra daha geniş
vüsət almışdır. Tədqiqatın nəticələri göstərmişdir ki, dayanıqlı
inkişafa və qlobal səviyyədə stabilliyə nail olmağın ən effektiv
yolu proqramların bərabərlik prinsipinə əsaslanmasıdır.
UNICEF-in növbəti addımları onun dəyişən dünyanın
də yi şən şərtlərinə uyğunlaşmaq qabiliyyətindən asılı
olacaqdır. Yəni, bərabərlik prinsipi və ən çox təcrid olunmuş
uşaqlara xidmət göstərmək arzusu bütün proqramlarımızın,
necə deyərlər, ruhuna işləməlidir.
Bəs UNICEF buna necə nail ola bilər? İlk növbədə qeyd
edək ki, 70 illik fəaliyyətimizdə maliyyəti az, ancaq effektiv-
liyi yüksək müdaxilələri gerçəkləşdirməmizi mümkün edən
güclü tərəflərimizə arxalana bilərik. Humanitar fəaliyyət
ilə inkişaf üçün görülən işlər arasında bağlar formalaş-
dıra, dövlət sektorunun geniş imkanlarını özəl sektorun
innovasiya qabiliyyəti ilə əlaqələndirə bilərik. Rəqəmsal
texnologiyaların, sosial şəbəkələrin potensialından istifadə
edə bilərik. Cəmiyyətin həyatının bütün aspektlərində
“əsas diqqət uşaqlara” şüarının əsas tutulmasında ölkələrə
yardım etmək üçün siyasi iradənin formalaşması, maddi
imkanların təmin edilməsi istiqamətində işləyə bilərik.
UNICEF müharibənin törətdiyi yanğınların külündən
yaranmışdır. Biz bu gün də dünyanın ən təhlükəli nöqtələrində
işləyirik. Hər bir uşağın ədalətli imkanlarla təmin edilməsi
məqsədilə humanitar yardımı zəruri edən fövqəladə hallar
baş verməzdən əvvəl, davam etdiyi müddət ərzində və başa
çatdıqdan sonra lazımi yerlərdə olmaq üçün daima ön cər-
gələrdə qalmağa çalışırıq. Biz yaxşı başa düşürük ki, güclü və
geniş hüquqlara malik icmalar fövqəladə halların, o cümlədən
təbii fəlakətlərin, silahlı münaqişələrin, iqlim dəyişikliklərinin
dağıdıcı təsirinin şokundan özünə daha tez gələ bilər.
Təsis edildiyi ilk gündən UNICEF zorakılıq və münaqişələrdən
qaçan uşaqların üzləşdiyi risklərin aradan qaldırılmasına
köklənmişdir. Dağıdıcı dünya müharibəsindən sonra ancaq
xarabalıqların qaldığı 1940-cı illərdən milyonlarla insanların
həyatının alt-üst olduğu, qaçqın və miqranta çevrildiyi bugünkü
qlobal böhrana qədər UNICEF hər yerdə və hər zaman öz
yurdundan didərgin düşmüş uşaqları və zorakılıqla, xəstəlik-
lərlə, qida çatımazlığı, ayrı-seçkiliklə üzləşən bütün uşaqları
qorumağa, onların hüquqlarını müdafiə etməyə çalışmışdır.
Bu gün, yəni 70 illik yubileyini qeyd etdiyi tarixdə, UNICEF
bütün uşaqların bərabər imkanlarla təmin olunması üçün
əvvəlkindən də ciddi səylər göstərməkdədir. Bu fürsətdən
istifadə edərək biz, keçmişimizə nəzər salmağa və keçmiş-
dəki fəaliyyətimizdən və üzləşdiyimiz çətinliklərdən dərs
çıxarmağa çalışırıq. Bu gün biz gələcəyə daha böyük ümidlə
və daha qətiyyətlə baxır, uşaqlarımıza daha yaxşı bir dünya
miras qoyacağımıza inanırıq.
UNICEF-İN NÖVBƏTİ ADDIMLARI
ONUN DƏYİŞƏN DÜNYANIN DƏYİŞƏN
ŞƏRTLƏRİNƏ UYĞUNLAŞMAQ VƏ ƏN
BÖYÜK RİSKLƏRLƏ ÜZLƏŞƏN UŞAQLARIN
DA EHTİYACLARINI YERİNƏ YETİRMƏK
QABİLİYYƏTİNDƏN ASILI OLACAQDIR.
B Ü T Ü N U Ş A Q L A R A Ü M İ D B Ə X Ş E D Ə K
1 0 3
U N I C E F @ 7 0 : 1 9 4 6 − 2 0 1 6
Siciliyadakı (İtaliya) qəbul mərkəzində
divarda asılmış xəritəyə baxaraq
Avropanın digər ölkəsinə hansı marşrutla
gedəcəklərini aydınlaşdırmağa çalışan,
qaçqın statusu almaq istəyən Qambiyalılar
(2016).
© UNICEF/UN020011/GILBERTSON VII PHOTO
ƏLAVƏ ƏDƏBİYYAT
The Children and the Nations: The story of UNICEF
Maggie Black, UNICEF, 1986
Children First: The story of UNICEF, past and present
Maggie Black, Oxford University Press, 1996
Jim Grant: UNICEF visionary
Edited by Richard Jolly, UNICEF, 2002
The Origins of UNICEF: 1946—1953
Jennifer M. Morris, Rowman & Littlefield, 2015
A Mighty Purpose: How Jim Grant sold
the world on saving its children
Adam Fifield, Other Press, 2015
Dostları ilə paylaş: |