Bu gün tarixinin
səkkizinci onilliyinə qədəm
qoyan UNICEF gender ayrı-seçkiliyini
aradan qaldırmağı, qadın və qızların
hüquqlarının təmin edilməsini özünün ən
ümdə məqsədlərindən biri hesab edir. İctimai
inkişafdan kənar qalmaq riskinə ən çox
məruz qalanlar üçün səhiyyə, hüquqların
müdafiəsi, təhsil və digər sahələrdə gender
perspektivinin nəzərə alındığı, öz arzularını
reallaşdıra biləcəkləri,
həm özlərinin, həm də
icmalarının rifah səviyyəsini yüksəldə biləcəyi
proqramlar işlənib hazırlanır.
UNICEF və Barclays şirkətinin yardımı
ilə özünə inam hissi aşılamaq
və dayanıqlı qazanc mənbəyi yaratmaq
üçün həyata keçirilən “Gənclərin
gələcəyini quraq proqramında” iştirak
edən qadın və qızlar (2013).
© UNICEF/UNI155650/LOVELL
B Ü T Ü N U Ş A Q L A R A Ü M İ D B Ə X Ş E D Ə K
6 7
U N I C E F @ 7 0 : 1 9 4 6 − 2 0 1 6
UNICEF-in İİV (İnsanın immunçatışmazlığı virusu) infeksiyasının və QİÇS (Qazanılmış
immunçatışmazlığı sindromu) xəstəliyinin profilaktikası, müalicəsi, eləcə də İİV
infeksiyası və QİÇS-dən əziyyət çəkən insanların hüquqlarının
müdafiəsi sahəsində
göstərdiyi səyləri beynəlxalq ictimaiyyətin bu xəstəliyin sosial-iqtisadi təsirləri barədə
məlumatlılığı ilə birlikdə artan xətt üzrə inkişaf etmişdir.
Keçən əsrin
80-ci və
90-cı illərində epidemiyanın miqyası
haqqında təsəvvür dəqiqləşdikcə, onunla mübarizənin
effektiv üsulları haqqında məlumatlılıq artdıqca maliy-
yələşdirmə və resursların cəlb olunması üçün imkanlar da
genişlənməyə başladı. Hazırda antiretrovirus preparatları
ilə terapiya (ARV-terapiya) xəstəliyin müalicəsində müsbət
nəticələr almağa və anadan uşağa İİV infeksiyasının keçmə-
sinin qarşısını almağa imkan
verdiyinə görə UNICEF əsas
diqqəti profilaktika məqsədli uzunmüddətli investisiyalara
yönəltmişdir. Uşaq və yeniyetmələrin etinasızlıq, diqqət-
sizlik, cahillik və ya sosial izolyasiya nəticəsində infeksiyaya
yoluxma riski ilə üzləşməsi qəbuledilməzdir.
1990-cı ildə xəstəliyin müalicəsi ilə əlaqədar qlobal
səviyyədə yekdil rəy formalaşmamışdı və həmin il keçi-
rilən Ümumdünya Uşaq
Sammitində müəyyənləşdirilən
məqsədlərin heç birinin İİV və QİÇS-ə aidiyyəti yox idi. Bu
vəziyyət 10 Afrika ölkəsində QİÇS-dən qaynaqlanan ölüm
halları ilə bağlı UNICEF tərəfindən aparılan və xəstəlik
nəticəsində ölmüş uşaqların sayının 1,4—2,7 milyon
arasında ola biləcəyi haqqında tədqiqatın hesabatının dərc
edilməsinə baxmayaraq davam edirdi. Uşaqlar və QİÇS:
Yaxınlaşmaqda olan fəlakət adlı hesabat təşkilatı vadar
etdi ki, epidemiyanın ailələr və icmalar üzərindəki dağıdıcı
təsirini azaltmaq üçün İİV-lə bağlı yerli səviyyəli proqramlar
çərçivəsində səylərini daha da artırsın.
1994-cü ildə BMT-nin İİV/QİÇS ilə bağlı UNAİDS adlandı-
rılan proqramının sponsorlarından biri də UNICEF idi. Beş
il sonra, artıq 25 ölkədə İİV-in profilaktıkası üzrə proqramlar
həyata keçirilirdi. Bu müddət ərzində UNICEF infeksiyanın
anadan uşağa yoluxmasının profilaktikası
məqsədilə pilot
layihəni (PMTCT) həyata keçirməyə başladı. Layihə çərçivə-
sində 11 pilot ölkədə qadınlara və onların tərəf müqabillərinə
İİV-lə bağlı (könüllü əsaslarla) məsləhət, İİV-in yoxlanılması
kimi xidmətlər, İİV infeksiyasına yoluxmuş hamilə qadınlara
isə infeksiyanın uşağa keçməsinin qarşısını almaq üçün
antiretrovirus preparatları təklif edilirdi.
PMTCT layihəsi özünü uşaqların İİV infeksiyasına yoluxması
baxımından effektiv vasitə kimi göstərdi.
PMTCT tezliklə
hamilə qadınlarda, ana və uşaqlarda İİV infeksiyasının
profilaktikası və müalicəsi üçün
1998-ci ildə təşkil edilmiş
idarələrarası işçi qrupun İİV-lə mübarizə üzrə strategiyasına
çevrildi. Qrupa UNICEF və ÜST birgə sədrlik edirdi.
Ancaq xəstəliyin qarşısının tamamilə alınmasına hələ çox
vardı və İİV infeksiyasına yoluxmuş insanların əksəriyyəti
üçün onun müalicəsi əlçatan olmadığına görə, xəstəlik
sürətlə yayılmağa davam edirdi. İlk dövrlərdə İİV/QİÇS epi-
demiyasının əsasən səhiyyə və
sosial siyasət sahəsinə aid
olduğunu hesab edən BMT Təhlükəsizlik Şurası sonradan
onun beynəlxalq təhlükəsizliklə bağlı məsələ olduğunu
elan etdi.
2000-ci ildə Cənubi Afrikada Durban şəhərində
QİÇS-lə bağlı keçirilən konfransda baha qiymətlərə satılan
ARV preparatlarının hər kəs üçün əlçatan edilməsi barədə
qərar qəbul edildi.