B Ü T Ü N U Ş A Q L A R A Ü M İ D B Ə X Ş E D Ə K
4 8
U N I C E F @ 7 0 : 1 9 4 6 − 2 0 1 6
Təmiz su və sanitariya xidmətlərindən
hər kəsin istifadə
edə bilməsi çox vacib məqsəd olaraq qalsa da, UNICEF-in
WASH üçün ayırdığı büdcə vəsaitlərinin yarısından çoxu
fövqəladə hallarda göstərilən yardımlar çərçivəsində
xərclənir. Münaqişələrdən xilas olmaq üçün qaçdıqlarına
görə, daşqın nəticəsində və ya digər səbəblərə görə öz
doğma evlərindən didərgin düşmüş və su, sanitariya
xidmətlərindən istifadə imkanları məhdudlaşmış uşaqların
ölüm ya da xəstəliyə tutulmaq riski yüksək olur.
2015-ci ildə
UNICEF-in WASH üzrə xidmət göstərdiyi 75 milyon insanın
45 milyonu fövqəladə hallardan
əziyyət çəkən ev təsərrüfat-
larında yaşayırdı.
Bu gün Afrika və Yaxın Şərqdən miqrantların Cənubi
Avropaya kütləvi surətdə axın etməsi UNICEF-in WASH
sahəsində əldə etdiyi təcrübəyə tələbatı artırmışdır. Təşkilat
miqrant kütlələrinin hərəkət marşrutları boyunca BMT-nin
Qaçqınlar üzrə Ali Komissarlığına köməklik göstərməkdədir.
Qaçqın və miqrantların vətəni olan ölkələrdə, o cümlədən
İraq, Suriya Ərəb Respublikası və Yəməndə,
eləcə də
İordaniya və Livandakı qaçqın düşərgələrində UNICEF
WASH üzrə xidmətlərin göstərilməsində birbaşa iştirak edir.
21-ci əsrdə uşaqların, o cümlədən şəhərlərdə yaşayan
uşaqların təmiz su və ən yaxşı sanitariya şəraiti ilə təmin
edilməsi ən yoxsul və marginallaşdırılmış təbəqələrin
mənafeyinə xidmət edən investisiya qoyuluşunu tələb
edir. Bunun üçün isə menstrual gigiyena kimi məsələlərlə
əlaqədar dayanıqlı
xidmətlərin göstərilməsini, sosial
normaların dəyişdirilməsini mümkün edən hökumət siyasəti
və resurslar tələb olunur. Bu, həm də milyonlarla uşağın
həyatını dəyişdirəcək müsbət dəyişikliklərin baş verməsi
imkanı deməkdir.
Boliviya Çoxmillətli Dövlətinin quraq ərazisində yerləşən
El Alto şəhərinin rayonlarından birində sudan heç
istifadə edilməyən ekoloji tualetdə təbii ehtiyacını yerinə
yetirən bir oğlan və onun paltar yuyan anası (2015).
© UNICEF/UNI189337/GILBERTSON VII PHOTO
B Ü T Ü N U Ş A Q L A R A Ü M İ D B Ə X Ş E D Ə K
5 0
U N I C E F @ 7 0 : 1 9 4 6 − 2 0 1 6
UNICEF-in WASH sahəsi üzrə proqramlarının bir başqa
xüsusiyyəti də şəhərlərdə yaşayan uşaqların
xüsusi ehtiyac-
larının nəzərə alınmasıdır.
2009-cu ildə bəşəriyyət tarixində
ilk dəfə olaraq şəhər əhalisinin sayı kənd əhalisinin sayını
keçmişdir və tendensiya getdikcə özünü daha çox büruzə
verməkdədir.
2015-ci ilə aid məlumatlara görə natəmiz su
olan quyulardan və səth sularından istifadə edən 663 milyon
insanın çoxu və təhlükəsiz sanitariya təsislərindən istifadə
edə bilən 2,4 milyard insanın əksəriyyəti kəndlərdə yaşayır
və şəhərdə yaşayan ən varlı ailələrlə ən yoxsul ailələrin
WASH xidmətlərindən istifadə imkanı arasında
çox böyük
fərq var. UNICEF və onun tərəfdaşları növbəti illər ərzində
bu bariz qeyri-bərabərliyi aradan qaldırmaq niyyətindədir.
Məsələn, hal-hazırda UNICEF-in innovasiya labora-
toriyalarında, tərəfdaşları ilə reallaşdırdığı layihələrdə
yığılıb-sökülən su çənlərinin layihələndirilməsi, su filtrlərinin
göstəricilərinin yaxşılaşdırılması istiqamətində işlər görülür.
Eyni zamanda, təşkilat yüksək keyfiyyətli,
maliyyəti az olan
sanitariya təyinatlı məhsulların layihələndirilməsi və ucqar
kənd rayonlarında yaşayan əhaliyə satışı ilə bağlı olaraq özəl
sektorla əməkdaşlıq edir.
Bu gün uşaqların üzləşdiyi digər çətinlik (və bəlkə də ən
böyük çətinlik) getdikcə daşqın və quraqlıqların daha
tez-tez baş verməsi, daha şiddətli olmasına gətirib çıxaran
iqlim dəyişiklikləridir. Bu çətinliklərin öhdəsindən gəlməkdə
onlara kömək göstərilməsi məqsədilə UNICEF və onun
tərəfdaşları risk qrupuna daxil
olan əhali təbəqələri ilə
birlikdə onların dəyişən iqlimə uyğunlaşması, iqlim dəyi-
şikliyinin su təchizatına, suyun keyfiyyətinə mənfi təsirinin
azaldılması istiqamətində fəaliyyət göstərir.
UNICEF-in WASH sahəsi üzrə proqramları digər sektor-
lardakı, o cümlədən səhiyyə, təhsil və gender bərabərliyi
istiqamətindəki fəaliyyəti ilə yaxından əlaqələndirilmiş
qaydada həyata keçirilir. Məsələn, qızların təhsil alması
və davamiyyəti menstrual gigiyena ilə bağlı
məsələlərin
həllindən asılıdır. İnkişaf etməkdə olan ölkələrin əksəriyyə-
tində məqbul sanitariya şəraitinin olmaması uşaqları təmiz
su, tualet, eləcə də qız və oğlanlar üçün ayrı olan sanitariya
təsisləri ilə təmin edə bilməyən məktəblərinin sayının
həddən artıq çox olmasına gətirib çıxarır. Bu imkanlar təmin
edilməsə yeniyetmə yaşlarına qədəm qoymuş qızların
təhsildən uzaqlaşması ehtimalını artırır.
Təmiz sudan istifadə imkanlarının məhdud olduğu ölkələrin
çoxunda uzaq məsafədə yerləşən quyulardan su daşı-
mağa məcbur edilmələri qızların yükünü daha da artırır
və təhsilə davam etmələrinə mane olmaqla yanaşı, cinsi
zorakılığa məruz qalmaları ehtimalını da artırır. Bu riskləri
və qızların məktəbdə oxumasını əngəlləyən səbəbləri
aradan qaldırmaq üçün UNICEF və onun tərəfdaşı olan
təşkilatlar WASH sahəsində
Kanada hökuməti tərəfindən
maliyyələşdirilən və çox sayda ölkəni əhatə edən layihəyə
start vermişdir.
UNICEF-İN WASH (SU,
SANİTARİYA VƏ GİGİYENA) SAHƏSİ
ÜZRƏ PROQRAMLARI DİGƏR
SEKTORLARDAKI, O CÜMLƏDƏN
SƏHİYYƏ, TƏHSİL VƏ GENDER
BƏRABƏRLİYİ İSTİQAMƏTİNDƏKİ
FƏALİYYƏTİ İLƏ YAXINDAN
ƏLAQƏLƏNDİRİLMİŞ QAYDADA
HƏYATA KEÇİRİLİR.