B Ü T Ü N U Ş A Q L A R A Ü M İ D B Ə X Ş E D Ə K
4 3
U N I C E F @ 7 0 : 1 9 4 6 − 2 0 1 6
diversifikasiyasına
yönəlmə prosesində mühüm rol
oynamışdır.
Daha geniş ifadə etsək, UNICEF həm humanitar yardım,
həm də iqtisadi inkişaf kontekstində özünün, tərəfdaşla-
rının, hökümətlərin və digər maraqlı tərəflərin uşaqların qida
təminatını yaxşılaşdrımaq üçün qlobal səviyyədə göstərdiyi
səyləri birləşdirən, əlaqələndirən amil kimi çıxış edir. On
ildən artıqdır ki, UNICEF humanitar böhranlarla bağlı
beynəlxalq səviyyədə razılaşdırılmış “klaster” yanaşma tərzi
çərçivəsində qida təminatında lider təşkilat rolunu oynayır.
Bundan başqa, UNICEF qısaboyluğun və qida çatışmaz-
lığının digər fəsadlarının azaldılması məqsədilə ölkələr
səviyyəsində göstərilən səyləri dəstəkləyən “Qidalanma
səviyyəsinin yüksəldilməsi naminə hərəkatın (‘SUN̓
(Scaling Up Nutrition) hərəkatı)” başlıca tərəflərindən
biridir.
2010-cu ildə başladılan “SUN” hərəkatı
əsas diqqəti
hamiləliyi əhatə edən 1000 günlük müddətə və uşaq
iki yaşına çatana qədər keçən müddətə yönəltməklə,
qidalanma məsələlərini müxtəlif sektorlar, o cümlədən
səhiyyə, sosial müdafiə, yoxsulluğun azaldılması, ölkənin
inkişafı, kənd təsərrüfatı kimi sahələr kontekstində həll
etməyə çalışır.
Ümumiyyətlə, yeni minillikdə qlobal inkişafın gündəmində
qida təminatı mühüm yer tutur.
BMT-nin Baş Məclisi
tərəfindən
2000-ci ildə qəbul edilmiş Minilliyin İnkişaf
Məqsədlərinə
1990-cı ildən
2015-ci ilə qədər aclıqdan
əziyyət çəkən insanların sayının iki dəfə azaldılması da
daxil edilmişdir.
2002-ci ildə keçirilən, uşaqlara dair xüsusi
sessiyada BMT-nin Baş Məclisi “Uşaqların yaşaması üçün
münasib dünya” yaratmaqla bağlı konkret hədəflər müəy-
yənləşdirmişdir. Bu hədəflərin arasında
2010-cu ilə qədər
qida çatışmazlığının ən az 33 faiz azaldılması da vardı.
Onilliyin sonuna qədər 5 yaşdan kiçik uşaqların qida çatış-
mazlığı üzrə qlobal göstəricilərini azaltmaq mümkün olsa
da, azalma uşaqlara dair xüsusi sessiyada müəyyənləşdi-
rilən dərəcədə olmamışdır.
2015-ci ilədək 5 yaşdan kiçik
uşaqlar arasında qlobal səviyyəli qısaboyluluq göstəricisini
1990-cı illə müqayisədə 41
faiz azaltmaq mümkün
olmuşdur. Buna baxmayaraq, hələ də müxtəlif regionların,
əhali qruplarının arasında bu sahədə ciddi qeyri-bərabər-
liklər mövcuddur.
Bu gün məqbul qidalanmanın dayanıqlı inkişafın ən başlıca
şərtlərindən biri olduğunu dünya ictimaiyyəti getdikcə
daha dərindən dərk etməkdədir.
2015-ci ildə qəbul edilmiş
Dayanıqlı İnkişaf Məqsədləri sənədində “aclığa son qoyul-
ması, ərzaq təhlükəsizliyinin təmini və qida təminatının yax-
şılaşdırılması” 2-ci məqsəd olaraq müəyyənləşdirilmişdir.
Ancaq qida təminatının yaxşılaşdırılması sadəcə aclığa son
qoymaqla məhdudlaşmır. Bu baxımdan, yoxsulluğa son
qoyulması, gender bərabərliyinə nail olunması, sağlam
həyat
tərzinin təbliği, ömürböyu təhsil, iqtisadi inkişafın
sürətləndirilməsi və inklüziv cəmiyyətin qurulması kimi
digər Dayanıqlı İnkişaf Məqsədlərinə də nail olmaq həlledici
əhəmiyyət daşıyır.
Bu hədəflərə çatmaq üçün UNICEF-in reallaşdırdığı qida
təminatı proqramları və qurduğu tərəfdaşlıqlar “həyat tsikli”
yanaşmasına əsaslanır, yəni doğuşqabağı mərhələdə və
körpəlik dövründə edilən müdaxilələr ön plana çıxarılmaqla
yanaşı, WASH (su, sanitariya və gigiyena standartlarının
tətbiqi), səhiyyə və ərzaq təhlükəsizliyi kimi sahələrə də
diqqət göstərilir, çünki körpənin keyfiyyətli qida ilə təminatı
nə qədər tez başlasa bir o qədər yaxşıdır və onun müsbət
nəticələri özünü ömür boyu göstərir.
2015-Cİ İLƏ QƏDƏR 5 YAŞDAN
KİÇİK UŞAQLAR ARASINDA QLOBAL
SƏVİYYƏLİ QISABOYLULUQ
GÖSTƏRİCİSİNİ 1990-CI İLLƏ
MÜQAYİSƏDƏ 41 FAİZ AZALTMAQ
MÜMKÜN OLMUŞDUR.
B Ü T Ü N U Ş A Q L A R A Ü M İ D B Ə X Ş E D Ə K
4 7
U N I C E F @ 7 0 : 1 9 4 6 − 2 0 1 6
UNICEF-in su təchizatı, sanitariya təminatı və sanitar-gigiyenik tədbirlərin
gücləndirilməsi (WASH) istiqamətində fəaliyyəti
1953-cü ildə, təşkilatın ətraf mühitin
mühafizəsi üzrə layihələri öz proqramlarına daxil etdiyi ildə başlamışdır. Bu sektor
növbəti onillikdə UNICEF və onun tərəfdaşları üçün getdikcə daha böyük əhəmiyyət
kəsb etməyə başladı, çünki qlobal inkişafın ön plana çıxarılması sosial müdafiəsi zəif
olan uşaqların, onların ailələrinin uzunmüddətli ehtiyaclarını aşkara çıxardı.
1960-cı illərin sonundan başlayaraq Hindistanda mey-
dana gəlmiş kəskin quraqlıq ənənəvi mənbələrdən su
təmin etmək imkanından məhrum olmuş bütöv icmaların
evlərindən didərgin olması təhlükəsini yaratdı.
Kəndlilərin
kütləvi şəkildə qaçqın düşərgələrinə axışmasının qarşısını
almaq üçün UNICEF 1975-ci ildə Hindistan hökuməti və ÜST
ilə əməkdaşlıq edərək Mark II su nasosunu işləyib hazırladı.
Nisbətən torpaq səthinə yaxın qrunt sularını çəkməyə
yarayan, əllə işlədilən bu nasos fasiləsiz istifadəyə tab gətirə
biləcək qədər dayanıqlı idi və işlədilməsi üçün bir nəfər
kifayət edirdi. Belə ki, onu hətta çox vaxt su daşımaq üçün
göndərilən yeniyetmə qızlar da işlədə bilirdi. Bu gün Mark II
nasosları bütün dünyada ən çox işlədilən nasoslardan biridir.
1986-cı ilə, yəni sadəcə bir onillik sonra 90-dan çox ölkədə
WASH üzrə proqramlar reallaşdırılmış, bu proqramlar
çərçivəsində 71 000-dən çox su quyusu qazılmış, quyuların
ağzına əllə işləyən nasoslar quraşdırılmışdır. Dünyanın hər
tərəfində təxminən 18,7 milyon kəndli təşkilatın quraşdırıb
istifadəyə verdiyi su təchizatı
sistemlərindən, o cümlədən
boru xətlərindən ibarət sistemlər, bulaqların üstündə
quraşdırılan qoruyucu funksiyaları olan borusuz su təchizatı
sistemləri, yağış suyunu toplayan sistemlər, su təmizləyici
qurğulardan faydalanmaqdadır.
1990-cı ildə keçirilən Ümumdünya Uşaq Sammitində əsas
müzakirə platforması su təchizatının təhlükəsizliyi ətrafında
formalaşmışdı. Bu konsepsiyanın tərəfdarları ölkələrin
əlaqələndirilmiş fəaliyyəti və beynəlxalq əməkdaşlıq sayə-
sində
2000-ci ilə qədər hər bir insanın
təhlükəsiz içməli su
və sanitariya xidmətləri ilə təmin edilə biləcəyini iddia edirdi.
Həmin vaxt çərçivəsində, xidmətlərin hər bir insan üçün
əlçatan olmayacağı müəyyənləşdikdən sonra, UNICEF bu
istiqamətdə fəaliyyətə ictimaiyyətin məlumatlandırılması
yolu ilə dəstək verməyə başladı. Dünyanın üzləşdiyi su
böhranı xüsusilə gənc fəallar arasında böyük rezonansa
səbəb oldu.
2003-ci ildə bütün dünya “Uşaqların su mani-
festi” adlı bəyannamə ilə uşaqların tələblərini eşitdi. Üç il
sonra, Mexiko şəhərində keçirilən
Dördüncü Su Forumunda
29 ölkədən olan gənc fəallar 400 milyon uşağın təhlükəsiz
sudan istifadə imkanlarından məhrum olması ilə bağlı nara-
hatlığını dilə gətirərək ölkə rəhbərlərindən bu problemin
həll olunmasını tələb etdi. Onların bu müraciətində deyilirdi:
“Biz, yəni bu dünyanın uşaqları, sizinlə çiyin-çiyinə işləməyə
hazırıq. Bəs siz buna hazırsınızmı?”
2007-ci ildə ABŞ-ın UNICEF-ə kömək fondu dünyanın
müxtəlif regionlarında təhlükəsiz içməli su və sanitariya xid-
mətləri ilə təminatda mövcud olan ciddi qeyri-bərabərliklərə
diqqət cəlb etmək üçün “Su kranı” adlı kampaniya başlatdı.
Kampaniya iştirakçıları adətən pulsuz verilən su üçün 1 ABŞ
dolları tələb etməklə həm layihə üçün vəsait toplayır, həm
də onu geniş kütlələrə tanıdırdı.