B Ü T Ü N U Ş A Q L A R A Ü M İ D B Ə X Ş E D Ə K
7 9
U N I C E F @ 7 0 : 1 9 4 6 − 2 0 1 6
hüquqlarını qoruyan digər təşkilatların tələbi ilə
Uşaqların silahlı münaqişələrdə iştirakı haqqında fakül-
tativ Protokol qəbul etmişdir. Uşaq hüquqları haqqında
Konvensiyaya aid olan bu Protokol dövlətlərin 18 yaşdan
kiçik uşaqları icbari hərbi xidmətə çağırmasını qadağan
edir. Bundan başqa, şəxsi heyətin 18 yaşdan kiçik olan,
könüllü əsaslarla hərbi xidmətə cəlb olunmuş üzvlərinin
hərbi əməliyyatlarda iştirakını qadağan edir.
Eyni zamanda, 165 ölkə
tərəfindən imza edilən bu
Protokol hökumətlərdən tələb edir ki, uşaqların silahlı
qruplara cəlb olunmasının və silahlı münaqişələrdə
iştirakının qarşısını almaq üçün qanuni tədbirlər həyata
keçirsin.
Digər tərəfdən, UNICEF öz tərəfdaşları ilə birlikdə
uşaqların könüllü dəstələrin tərkibinə daxil edilməsi və
ya nizami orduya çağırılması praktikasına son qoymaq
istiqamətində fəaliyyət göstərmiş və göstərməkdədir.
2007-ci ildə əvvəllər əsgər olmuş bir uşaq — İşmael Bea
(Ishmael Beah) UNICEF-in Müharibə qurbanı uşaqların
işləri üzrə səlahiyyətli Nümayəndəsi təyin edilmişdir. Bea
öz
ölkəsində, yəni Syerra Leonedə müharibənin uşaqlar
üçün necə böyük fəlakət olduğu barədə ictimaiyyət
qarşısında ilk dəfə çıxış etdikdən sonra on ildən çox
UNICEF-in qeyri-rəsmi Nümayəndəsi olmuşdur.
2014-cü ildə UNICEF BMT-nin Baş katibinin Uşaqlar və
silahlı münaqişələr üzrə xüsusi Nümayəndəsi ilə birlikdə
səkkiz ölkə arasında “Uşaqların hərbi xidmətə çağırıl-
masına son qoymaqla bağlı Müqavilənin” bağlanmasını
təmin etmişdir. Həmin müqaviləyə Əfqanıstan, Çad,
Konqo Demokratik Respublikası, Myanmar, Somali,
Cənubi Sudan və Yəmən aid olmuşdur.
Ancaq dünyanın silahlı münaqişələr olmayan zona-
larında da uşaqlar ciddi risklərlə,
o cümlədən ailə
daxilində, məktəbdə və yaşadıqları icma daxilində,
cinayət mühakimə icraatı sistemində zorakılıqla üzləşir.
BMT-nin Baş katibinin
2006-cı il üzrə böyük əhəmiy-
yətə malik olan, “Uşaqlara qarşı zorakılıq halları üzrə
BMT Hesabatı” adlandırılan hesabatının hazırlanması
ilə nəticələnən silsilə məsləhətləşmələr aparmaqla,
UNICEF bu zorakılığın işıqlandırılmasında mühüm rol
oynamışdır. Məsləhətləşmələr nəticəsində uşaqlara
qarşı zorakılıq hallarının
hər bir ölkədə və cəmiyyətdə,
o cümlədən bütün sosial qruplar daxilində baş verdiyi
aşkarlanmışdır. Eyni zamanda, məlum olmuşdur ki,
zorakılıq hallarının əksəriyyəti uşaqların tanıdığı və
əslində arxalanmalı olduğu şəxslər tərəfindən törədilir.
2013-cü ildə UNICEF aktyor Liam Nisonun (Liam
Neeson) “zorakılığı görməməyin onun mövcud olmadığı
mənasına gəlmir” sözləri ilə ictimaiyyətə müraciət etdiyi
“#ENDviolence against Children (Uşaqlara qarşı zora-
kılığa son qoyaq)” təşəbbüsünə start verdi. Təşəbbüs
çərçivəsində UNICEF bənzər hərəkatların mövcud
olduğu və müəyyən nəticələr əldə edilmiş ölkələrdə
uşaqlara qarşı qəbuledilməz olduğu barədə inandırıcı
ismarış verməklə belə hərəkatların
daha da güclənmə-
sinə nail olmuşdur.
Uşaqlara qarşı zorakılığın aradan qaldırılması uğrunda
göstərilən səylər cinsi istismarın və zorakılığın da qarşı-
sının alınmasını, qadınların üzərində hələ də onları şikəst
edən əməliyyatların aparıldlığı icmalarda qadınların
müdafiəsini, qızların sünnət olunduqları yerlərdə qızların
müdafiəsini, eləcə də erkən nikahların və qız uşaqlarının
öldürülməsinin qarşısını almağı da nəzərdə tutur.
UNICEF bütün bu məsələlərin həm beynəlxalq
səviyyədə, həm də ölkələr səviyyəsində həyata keçirilən
siyasətin gündəminə yerləşdirilməsində fəal şəkildə
iştirak etmişdir.
1996—2008-ci illər arasında təşkilat
tərəfdaşları ilə birlikdə uşaqların cinsi istismarına qarşı
üç ümumdünya konqresi təşkil etmişdir. Beynəlxalq
tərəfdaşlar və ev sahibliyi edən ölkələrlə əməkdaşlıq
şəraitində keçirilmiş konqreslər
çərçivəsində təşkil
olunan toplantılar bu sahədə qlobal səviyyədə daha
böyük məsuliyyətin qəbul edilməsini təmin edən və
əməkdaşlığı gücləndirən platforma rolunu oynamışdır.
Zorakılığın və istismarın bütün formalarına qarşı
uşaqların müdafiəsi üzrə qlobal məsuliyyət BMT-nin Baş
Məclisi tərəfindən
2000-ci ildə qəbul edilmiş və Uşaqların
satılması, uşaq fahişəliyi və pornoqrafiyası haqqında fakül-
tativ Protokol adlandırılan sənəddə də öz əksini tapmışdır.
UNICEF
2008-ci ildə BMT-nin Əhali Fondu (UNFPA) ilə
birlikdə qadınların üzərində onları şikəst edən əməliyyatların
aparılması / onların sünnət olunması kimi praktikaların
(FGM/C) tərk edilməsi prosesini sürətləndirmək məqsədini
güdən proqrama start vermişdir. Proqram vətəndaş cəmiy-
yəti, din xadimləri və yerli icmalarla əməkdaşlıq vasitəsilə
belə praktikaların təməlində
dayanan sosial və mədəni
normaları nəzərə alan yanaşma tərzinə əsaslanır. Bundan
başqa, iki qurum Cənubi Asiya, Afrika və Yaxın Şərqin
12 ölkəsində erkən nikaha son qoyulması üçün hərəkatı
sürətləndirmək məqsədilə müştərək qlobal proqram da
başlatmışdır. Proqramın erkən ailə qurmaq riski altında olan
və ya artıq qurmuş 2.5 milyon qızı əhatə etməsi planlaşdırılır.
Uşaq hüquqları üçün hələ də mövcud olan təhlükələrin
aradan qaldırılmasında qətiyyətli mövqe nümayiş etdirən
UNICEF və digər müdafiəçi təşkilatlar
2015-ci ildə uşaq
hüquqlarının müdafiəsi
üzrə məqsədlərin BMT-nin Baş
Məclisi tərəfindən 2015-ci ildə qəbul edilmiş Dayanıqlı
İnkişaf Məqsədlərinin siyahısına salınmasına müvəffəq
olmuşdur. Bu, öz-özlüyündə mütərəqqi yenilik hesab
edilə bilər, çünki cari qlobal məqsədlər toplusunun sələfi
olan Minilliyin İnkişaf Məqsədləri adlı bəyannamədə uşaq
hüquqlarının müdafiəsi ilə bağlı konkret bənd yox idi.
Dayanıqlı İnkişaf Məqsədlərində uşaqlara qarşı zorakılığın
bütüm formaları ilə yanaşı FGM/C praktikasının da aradan
qaldırılması nəzərdə tutulur.
Bundan başqa, UNICEF daima bütün doğuşların qeydiyyata
alınması, hökumət tərəfindən uşağın doğuşunun qeydiy-
yatının aparılması təklifi ilə çıxış etmişdir. Belə ki,
qeydiyyat
uşağın qanunlar çərçivəsində mövcudluğunu müəyyənləş-
dirir və onun mülki, siyasi, iqtisadi, sosial və mədəni hüquq-
larının bir çoxunun müdafiəsi məhz bu qeydiyyatdan asılıdır.
Uşaq hüquqları haqqında Konvensiyanın 7-ci maddəsində
hər bir uşağın anadan olduqdan sonra heç bir ayrı-seçkiliyə
yol verilmədən qeydiyyata alınmaq hüququnun olduğu
göstərilir.
F O R E V E R Y C H I L D , H O P E
8 0
U N I C E F @ 7 0 : 1 9 4 6 − 2 0 1 6