© UNICEF/UN034077/TORGOVNIK
31 yaşlı Livey Van Uk (Livey Van Wyk)
gənc yaşına
baxmayaraq hamilə
ola-ola ölümə tərk edilmiş, İİV infek-
siyasına yoluxmuş yeniyetmə qızdan
həyatda özünə yer tapa bilmiş ana,
nüfuzlu və insanları öz nümunəsi ilə
ruhlandıran, Namibiyanın fəxri hesab
edilən bələdiyyə rəisi olana qədər uzun
və keşməkeşli həyat yolu keçmişdir. 17
yaşında hamilə olan Livey UNICEF-in
dəstəklədiyi və İİV infeksiyasının ana-
dan uşağa keçməsinin qarşısını almaq
məqsədilə həyata keçirilən proqrama
yazılmışdır. Müalicəsi üçün antiretrovi-
rus preparatları
təyin edildikdən sonra
Remi adı verdiyi sağlam oğlan uşağını
dünyaya gətirmişdir.
“İndi Reminin 13 yaşı var — Livey
deyir. — O mənə güc və cəsarət verir.
Hər gün mənim yataqdan qalxmağı-
mın, xəyallar qurmağımın, gələcəyə
inamımın və həyatdan ümidimi üz-
məməyimin səbəbi odur.”
LİVEY
BÜTÜN UŞAQLARA ÜMİD BƏXŞ EDƏK
B Ü T Ü N U Ş A Q L A R A Ü M İ D B Ə X Ş E D Ə K
6 9
U N I C E F @ 7 0 : 1 9 4 6 − 2 0 1 6
2001-ci ildə BMT-nin Baş Məclisi HİV / QİÇS xəstəliyinə
dair xüsusi sessiya təşkil etdi.
2002-ci ildə, yəni BMT-nin
Baş Məclisinin uşaqlara dair xüsusi sessiyasının keçirildiyi
ildə, sessiyada qəbul edilmiş yekun sənədin və fəaliyyət
planının, yəni “Uşaqların yaşaması üçün münasib dünya”
adlı sənədin dörd bölməsindən biri QİÇS-ə qarşı müba-
rizəyə həsr olundu.
UNICEF və onun tərəfdaşları bütün dünyada QİÇS-dən
ölənlərin sayının pik həddə — 2,3 milyon nəfərə çatdığı
2005-ci ildə xəstəliyə qarşı mübarizə məqsədilə geniş
miqyaslı kampaniya başlatdı. Uşaqların QİÇS epidemi-
yasının bilinməyən tərəfi olduğu irəli sürülən “Uşaqlar
üçün
birləşək, QİÇS-ə qarşı birləşək” adlı kampaniyanın
məqsədləri belə ifadə edilirdi:
— İİV infeksiyasının anadan uşağa keçməsinin qarşısının
alınması, məsləhət xidmətlərinin əhatə dairəsinin artırıl-
ması və İİV ilə yoluxmuş anaların profilaktika məqsədilə
ARV preparatları əldə edə bilməsi
— ARV preparatlarından istifadə imkanlarını artırmaqla
uşaqların müalicəsinin təşkil edilməsi
— Təhsil sistemi, məsləhət xidmətləri, könüllü əsaslarla
xəstəliyin yoxlanması və digər tədbirlər vasitəsi ilə yeni-
yetmələr və gənclər arasında infeksiyanın profilaktikası
— İİV infeksiyasına yoluxmuş uşaqların, o cümlədən
valideynlərindən birini və ya hər iksini itirmiş, 18 yaşına
çatmamış təxminən 13,4 milyon uşağın hüquqlarının
müdafiəsi və onlara lazımi köməkliyin göstərilməsi.
UNICEF “QİÇS-ə qarşı birləşək” şüarı altında
öz tərəfdaş-
larını, ölkələrin hökumətlərini səfərbər edərək profilaktika,
müalicə proqramlarının icrasını sürətləndirməyə başladı.
Məsələn, təşkilatın idman dünyasından olan tərəfdaşları
gənc insanların QİÇS haqqında məlumatlandırılmasında
mühüm rol oynamışdır. Amerika Birləşmiş Ştatlarında Milli
Basketbol Assosiasiyası ictimaiyyətin məlumatlandırılması
məqsədilə kampaniyaya start verdi. İspaniyanın Barselona
futbol klubunun oyunçuları futbol sahəsinə UNICEF-in
loqosu olan futbolkalarla çıxırdı. Klub İİV/QİÇS-dən əziyyət
çəkən uşaqların müdafiəsi üçün təşkilatla beş illik əmək-
daşlıq haqqında müqavilə bağladı.
2006-cı ildə Almaniyada dünya futbol çempionatı FİFA
tərəfindən qəbul edilmiş “Uşaqlar üçün birləşək” şüarı
altında keçirilmişdir (şüar silahlı münaqişədən əziyyət
çəkən uşaqları da əhatə edirdi). Beynəlxalq Kriket Şurasının
“QİÇS-dən xilas olaq” şüarı altında oyunçular və hakimlər
kriket oyunlarına QİÇS-ə qarşı həmrəylik rəmzi olan qırmızı
lent taxaraq çıxırdı.
2011-ci ildə UNAİDS və ABŞ prezidentinin QİÇS-ə qarşı
mübarizəyə yardım üzrə fövqəladə proqramı birlikdə
uşaqların İİV infeksiyasına yoluxmasının qarşısını
almaq və
anaların sağ qalmasına nail olmaq məqsədilə beş illik qlobal
planı həyata keçirməyə başladı. 22 ölkənin hədəf olaraq
göstərildiyi həmin plana görə PMTCT layihəsi çərçivəsində
xidmətlərinin əhatə dairəsinin genişləndirilməsi, İİV infeksi-
yasına yoluxmuş şəxslərə ARV preparatlarının verilməsi ilə
bağlı məlumatların mübadiləsi və texniki dəstəyin əlaqələn-
dirilməsi UNICEF-ə həvalə olunurdu.
UNAİDS-in
2016-cı ildə verdiyi bəyanata görə,
2010-cu
ildən bu vaxtadək ARV preparatları
ilə təmin edilən
xəstələrin sayı iki dəfə artmış, ancaq İİV infeksiyasına
yoluxmuş uşaqların sadəcə 32 faizi bu preparatları əldə edə
bilmişdir. QİÇS Afrikada yeniyetmələrin ölüm səbəbləri ara-
sında birinci, dünyada isə ikinci yeri tutur. İİV infeksiyası və
QİÇS-dən əziyyət çəkən qızların sayı, xüsusilə də Mərkəzi
Afrika regionunda oğlanlarla müqayisədə qeyri-mütənasib
hesab ediləcək qədər çoxdur.
Bəzi regionlarda İİV ilə yoluxma hallarının sayı azalsa da,
digər regionlarda, o cümlədən Mərkəzi və Şərqi Avropada,
MDB ölkələrində, Yaxın Şərqdə
və Şimali Afrikada epide-
miyanın miqyası hələ də böyüməkdədir. Əhalinin sosial
müdafiəsi ən zəif olan təbəqələrində isə xəstəliyin yayılma
sürəti daha çoxdur.
Gənc liderləri bu çətinliklərə qarşı mübarizəyə cəlb etmək
üçün UNICEF “All İn” kampaniyasına start vermişdir.
B Ü T Ü N U Ş A Q L A R A Ü M İ D B Ə X Ş E D Ə K
7 0
U N I C E F @ 7 0 : 1 9 4 6 − 2 0 1 6
Kampaniyanın məqsədi məlumatların toplanması
prosesinin təkmilləşdirilməsini və bütün yeniyetmələrin
İİV ilə bağlı ən zəruri xidmətlərdən faydalana bilməsi üçün
innovativ həll variantlarının işlənib hazırlanmasını nəzərdə
tutur. Kampaniya həm də yeniyetmələr arasında İİV infek-
siyasının yayılması məsələsini ölkələrdə həyata keçirilən
siyasətin tərkib hissəsinə çevirmək məqsədini güdür.
Ancaq UNICEF İİV/QİÇS əleyhinə kampaniyaların digər
əhali qrupları üçün də əlçatan olmasına çalışır. Belə ki, təş-
kilat Argentina ilə Boliviya Çoxmillətli Dövləti arasında İİV
infeksiyasının yoxlanması və müalicəsi üsullarını təkmilləş-
dirmək kimi məqsədlər güdən əməkdaşlıq müqaviləsinin
bağlanmasına şərait yaratmışdır.
Bundan başqa, fahişəliyə
məcbur edilmək riski altında olan qızların müdafiəsi və
məlumatlandırılması məqsədilə Nepalda başladılan
layihələrə texniki dəstək vermişdir.
Bu gün İİV epidemiyasının tüğyan etməyə başladığı ilk
illərdəki kimi, UNICEF İİV infeksiyasının, QİÇS xəstəliyinin
ciddi fəsadları və digər mənfi nəticələrindən əziyyət çəkən
uşaqlara yardım etməkdədir. Botsvana, Lesoto, Namibiya,
Sierra Leone və Svazilend kimi ölkələrdə UNICEF
valideynlərini və ya qəyyumlarını QİÇS xəstəliyi nəticə-
sində itirmiş uşaqların
müdafiəsi məqsədilə məlumat
bazalarında, qeydiyyat sistemlərində təkmilləşdirmələr
aparmışdır.
Milyonlarla uşağı İİV infeksiyasının ən arzuolunmaz
fəsadlarına qarşı müdafiə etmək mümkün olsa da, bu
gün dünyanın heç bir nöqtəsində onun kökünü kəsmək
mümkün olmamışdır. UNICEF indiyədək bu qədər çətin-
liklə əldə edilmiş müvəffəqiyyətlərin hədər getməməsi
üçün İİV və QİÇS-ə qarşı mübarizəsini əvvəlki qətiyyətlə
davam etdirir. Təşkilat hökumətləri yeniyetmələr arasında
xəstəliyin profilaktikası sahəsində özünü doğrultmuş təd-
birləri həyata keçirməyə təşviq etməklə yanaşı, onları risk
altında olan
ailələrin sosial müdafiəsinə, dövlət qayğısı ilə
əhatə etməyə və dəstəkləməyə çağırır. UNICEF vətəndaş
cəmiyyəti təşkilatları, o cümlədən dini icmaların liderləri və
tayfa başçıları ilə tərəfdaşlıq münasibətlərini qoruyub sax-
lamağa, inkişaf etdirməyə çalışır. Tibb məntəqələrində İİV
diaqnostikası kimi iqtisadi baxımdan sərfəli, ancaq yüksək
effektivliyə malik müdaxilələrin yayğınlaşmasına çalışır
və İİV/QİÇS nəticəsində vurulan sosial “damğanın” mənfi
təsirlərinin azaldılması istiqamətində fəaliyyət göstərir.
UNICEF və onun tərəfdaşları bu və digər üsullarla yekun
məqsədə — QİCŞ xəstəliyinin nə olduğunu bilməyən yeni
nəslin yetişməsinə nail olmaq niyyətindədir.
MİLYONLARLA UŞAĞI İİV İNFEKSİYASININ
ƏN ARZUOLUNMAZ FƏSADLARINA QARŞI
MÜDAFİƏ ETMƏK MÜMKÜN OLSA DA,
BU GÜN DÜNYANIN HEÇ BİR
NÖQTƏSİNDƏ ONUN KÖKÜNÜ KƏSMƏK
MÜMKÜN OLMAMIŞDIR.