Cild qapaqlarının bəzədilməsi prosesi
Hər növ basma əməliyyatını aparmaq üçün tələb olunan müəyyən təzyiq (20-50 MPa) adətən xüsusi preslərdə yaradılır. Bu preslər istehsalatda qızılı basma presləri kimi də məlumdur. Cild qapaqlarında basma əməliyyatını yerinə yetirmək üçün istifadə olunan müasir preslər sıxıcı səthin həndəsi formasından asılı olaraq tigelli və rotasion preslərə, avtomatlaşdırma dərəcəsindən asılı olaraq isə yarımavtomat və avtomat preslərə ayrılırlar.
Qapaqlar üzərində folqa ilə basma istənilən tigelli və rotasion preslərdə yerinə yetirilə bilər. Bunun üçün bu preslərin folqa aparatı olmalı və preslər blint basma üçün tələb olunan təzyiqi təmin etməlidir.
Tigel tipli avtomat pres (şəkil 25) aşağıdakı qurğulardan ibarətdir: qapaqverici samonaklad 1, presləyici qurğu 2-4, folqa aparatı 5 və qəbuledici qurğu 6. Samonakladla açıq qapaqlar aşağı lövhə 2 üzərində yerləşən veriş stoluna 3 verilir. Aşağı lövhə qalxır və qapağı üst lövhəyə 4 bərkidilmiş ştampa Ş sıxır. Üst lövhə elektrik qızdırıcısı Q 4 ilə təchiz olunmuşdur. Basma sona çatdıqdan sonra alt lövhə aşağı düşür, veriş stolu sağa yerdəyişmə edir və qapaq ondan qəbul stoluna 6 ötürülür.
Ş
Q
Şəkil 25. Tigel tipli avtomatik cildləmə presinin sxemi
Bəzi avtomatik preslər yalnız folqa aparatı ilə deyil, həmçinin boya aparatı ilə də təchiz olunmuşlar. Bu aparat hündür çap üsulu ilə cild qapaqlarında çap etməyə imkan verir. Yarımavtomat preslər samonaklada və qəbul-çıxış qurğusuna malik olmurlar. Ona görə də cild qapaqlarının emal zonasına verilməsi və hazır məhsulun qəbul edilməsi əl ilə yerinə yetirilir.
Rotasion preslərin (şəkil 26) fərqləndirici xüsusiyyəti odur ki, bu preslər bir neçə (adətən 3) presləyici bölməyə malik olurlar və onlar rotasion prinsiplə düzülmüşlər.
DS DS DS
FS FS FS
F B F B F B
Şəkil 26. Rotasion tipli avtomatik cildləmə presinin sxemi
Hər bölmə əks istiqamətdə fırlanan forma FS və dayaq silindrlərindən DS ibarətdir. Forma silindrlərində qızdırıcı elementlər yerləşdirilmişdir. Dayaq silindrləri qapağın səthində təzyiq yaratmaq üçündür. Bundan başqa hər bölmə folqa aparatı F və boya aparatı B ilə təchiz olunmuşdur.
Pres işləyərkən altdakı cild qapağı topadan ayrılır və maqazindən 1 rolikli transportyor vasitəsi ilə əsas transportyorun 2 tutucularına ötürülür. Bu transportyor qapağı ardıcıl olaraq presləyici bölmələrdən keçirir. Sonuncu bölmədən hazır məhsul transportyor 3 vasitəsi ilə çıxış qurğusuna 3 ötürülür. Fasiləsiz işləyən rotasion pres-avtomat yüksək işləmə sürətini və böyük texnoloji imkanları təmin edir.
Dostları ilə paylaş: |