Cek london ağDİŞ
Yüklə 1,73 Mb. Pdf görüntüsü
|
78 hərəkətsiz idi. Elə bil daşa dönmüşdü. Evə qayıdan ana canavar porsuğun izlərini görüb uladı, mağaraya cumdu və qeyri-adi acgözlüklə balasını yalamağa başladı. Canavar balasına məlum oldu ki, onun canı sən demə, böyük bir təhlükədən qurtarmışdır. Canavar balasında başqa bir daxili qüvvə də baş qaldırmışdı. Ən başlıcası bu idi ki, böyüyürdü. İnstinkt və qanun ondan itaət etməyi tələb edirdi, yaş isə tabe olmağa qoymurdu. Anası və qorxu onu ağ divardan uzaq olmağa məcbur edirdilər. Amma yaşı coşqun həyatdan xəbər verirdi və bu həyat üçün əbədi işığa can atmaq qanun idi. Axı, həyatın bu hökmünün qarşısına heç bir sədd çəkmək olmazdı. Bu hökm boz canavarda hər gün, hər saat, hər tikə ət yeyəndən sonra daha böyük ehtirasla alışıb yanırdı. Nəhayət, həyatın görünməz dalğası 129 qorxu və itaətkarlığı vurub kənara tulladı. Gözəl günlərin birində boz canavar balası inamsız, qətiyyətsiz, kövrək addımlarla mağaranın çıxış yoluna üz qoydu. Başqa divarların əksinə olaraq, onun hər gün gördüyü bu divar elə bil rezin kimi uzanıb gedirdi. Boz canavar balası öz balaca, zəif bumunu qabağa verib gözlədi. Elə bil indicə burnu nəsə möhkəm bir şeyə dəyəcəkdi. Amma divar işıq kimi apaydın idi. Ondan keçmək olardı. Boz canavar balası downloaded from KitabYurdu.org 79 divardan keçdi və həmin işığın nədən ibarət olduğunu öz gözləri ilə gördü. Bu, onu çaşdırmışdı. Axı o, nəyəsə tərəf sürünmüşdü. Lakin işıq daha da gur saçmağa, aydınlaş- mağa başladı. Qorxu canavar balasını geriyə çəkir, içindəki qızışan həyat irəli getməyə səsləyirdi. Bu da mağaranın çölü! Canavar qəflətən geri çəkildi. Gur işıq onun gözlərini qamaşdırdı, qəfil açıqlıq isə başını gicəlləndirdi. Gözləri azca işığa alışanda şeylər arasındakı məsafə yavaş-yavaş yerinə gəldi. Əvvəlcə divar lap uzağa qaçdı. O qədər qaçdı ki, gözdən itdi. Canavar yenə də bu divara baxdı. O, daha da uzaqlaşdı və başqa cür göründü. Divar əlvanlaşmışdı, ağaclar, qıjıldayan çaylar, ağacların arxasından ucalan dağlar və onlardan da yüksəkdə səma görünürdü. Boz canavar balasını vahimə basdı. Naməlum şeylər daha da çoxalmışdı. O, mağaranın ağzında oturub, qarşısında açılan dünyanı seyr etməyə başladı. Aman Allah, necə də dəhşətliydi! Bütün naməlum əşyalar ona düşmən kimi görünürdü. Belindəki tüklər dimdik qalxmışdı: dişlərini şaqqıldadıb qorxunc, qəzəbli nərilti çıxarmağa çalışırdı. Qorxuya düşmüş bu balaca vəhşi qəzəbli baxışlarıyla bütün dünyaya meydan oxuyurdu. Hər şey yaxşı qurtardı. Boz canavar balası maraqla baxırdı. Bu maraq ona nərildəməyi, qorxunu da downloaded from KitabYurdu.org 80 unutdurmuşdu. İçində çağlayan həyat hələlik qorxuya qalib gəlmişdi. Qorxu maraqla əvəz olunmuşdu. Canavar qabağındakı əşyaları ayırd etməyə çalışdı: çayın görünən hissəsi, günəşdən düşən şüa, yamaclarda quruyan küknarlar və enişlik, mağaranın düz üstündə dik yamac vardı. Mağaranın ağzında isə özü oturmuşdu. Canavar balası bu vaxta kimi hamar yerdə yaşamışdı, yıxılmamışdı və onun nə demək olduğunu da bilmirdi. Bəli, o, büdrəməyi, onun gətirdiyi yaraların mənasını başa düşmürdü. Buna görə də cəsarətlə irəli yeridi. Birdən dal ayaqları mağaranın girəcəyindəki xəndəyə düşdü və o, başı üstə aşağı yumbalandı. Bumu yerə dəyib ağrıdı, vəngildədi. Təzədən təpəsi üstə yamacla diyirləndi. Onu dəhşətli qorxu bürüdü. Naməlum hiss, axır ki, onu qucağına alıb əsir eləmişdi, ona dəhşətli işgəncə verməyə hazırlaşırdı. İçində qaynayan həyat yenə də qorxu ilə ovəz olundu, canavar balası hürkmiiş küçüklər kimi zingildədi. Naməlum şey onu hədələyirdi: hələlik məlum deyildi nə ilə, amma hədələyirdi. Canavar balası uzun-uzadı zingildədi. Bu naməlum şey o qədər dəhşətli idi ki, onu tamam əsir-yesir eləmişdi. Susmaq heç nəyə kömək etmirdi. Bundan başqa, onu qorxu yox, dəhşət çulğamışdı. Yamac dik yuxarı qalxırdı, aşağısını ot basmışdı. Buna downloaded from KitabYurdu.org 81 görə də diyirlənən canavar balası dayandı, qüssəli-qüssəli zingildədi, sonra dişlərini möhkəmcə şaqqıldatdı. Bunun dalınca böyür-bədənini basmış palçığı yalamağa başladı. Canavar balası oturdu və elə bil Yerdən Marsa düşmüş adam kimi ətrafa diqqətlə göz gəzdirdi. Bu balaca canavar dünyanın divarını yırtıb çıxmışdı. Naməlum şey onu öz qucağından buraxmışdı və o, salamat qalmışdı. Amma Marsa çıxmış adam, yəqin ki, bala canavarın Yerdə gördüklərindən daha az şey görərdi. Tanımaza-bilməzə, bilik- siz-filansız canavar balası birdən-birə ona tamam yad olan bir aləmin tədqiqatçısı rolunu oynadı. Dəhşətli naməlum şey onu rahat buraxmışdı və o, bu naməlum şeyin bütün ağrılarını unutmuşdu. Balaca vəhşi ətrafdakı hər şeyə böyük maraq göstərirdi, ayaqları altındakı otlara, bir az kənardakı kollara, küknar ağaclarının qurumuş gövdələrinə, talanın ətrafındakı ağaclarla əhatə olunmuş kötüklərə diqqətlə baxırdı. Elə bu vaxt küknar ağacları dalından bir sincab qaçdı. Bala canavarı dəhşət götürdü. O, yerə yıxılıb zingildədi. Lakin sincab ondan da bərk qorxmuşdu və cəld ağaca dırmaşdı, təhlükəsiz bir yerdə dayanıb əsəbi tərzdə çıqqılda- mağa başladı. Bu, canavar balasını cürətləndirdi. Bundan sonra onun qarşısına çıxan ağacdələn də onu qorxutdu. Amma canavar downloaded from KitabYurdu.org Yüklə 1,73 Mb. Dostları ilə paylaş:
|