Azərbaycan Arxeologiyası
Volume 20 № 2 2017, 69-74
Khazar University Press
DOI: 10.5782/2218-0346.2017.20.2.69
69
Qayaüstü incəsənət arxeoloji irs kimi
Sevinc Şirinli
Azərbaycan Milli Elmlər Akademiyası. Arxeologiya və Etnoqrafiya İnstitutu
Qayaüstü incəsənət nümunələrinə dünyanın insan tərəfindən məskun-
laşan bütün hissələrində rast gəlmək mümkündür. Hazırda təxminən 20 000
ərazinin aid edildiyi 820 qayaüstü təsvir mərkəzi fərqləndirilir. Bu təsvir-
lərin yaradıcıları müxtəlif insan qrupları ovçu-yığıcılar, balıqçı qəbilələr,
maldarlıqla məşğul olan insan birlikləri idilər. Bu təsvirlər vasitəsilə minil-
liklər boyunca insanların həyat tərzi, onların dünyagörüşləri, inamları, baş
verən texniki yenilikləri əyani şəkildə görmək mümkündür. Belə ki, təsvir
olunan heyvanlar ərazinin ekosistemi, flora və faunası, silahlar, alətlər texni-
ki bacarıqlarını, mif və inamların təcəssümü olan rəsmlər isə insan, təbiət və
“superqüvvə” arasındakı əlaqəni göstərir (5, 20). Dünyanın fərqli coğrafiya-
larında yayılmış təsvirlər arasındakı oxşarlıq maraq doğurur. Gündəlik həyat
tərzlərindən asılı olaraq eyni ictimai sistemdə yaşayan fərqli ərazilərin təs-
virləri oxşarlıq nümayiş etdirir. Bununla yanaşı lokal fərqləri, hətta rəssamın
individual olaraq təsvirə yanaşmasını istisna etmək olmaz.
Qayaüstü təsvirlərə açıq qaya səthlərində, sığınacaqların, dərin ma-
ğaraların divarlarında, tavanlarında, ayrıca qaya parçalarında yaradılmış
rəsmlər aid edilir. Bu cəhətləri nəzərə alaraq qayaüstü təsvirlər təbii qaya
səthində yerləşməklə sümük, taxta, parça üzərində yaradılan “daşına bilən”
incəsənət nümunələrindən fərqlənir. Qayaüstü təsvirlərə: petroqliflər (daş
üzərində oyma ilə yaradılan rəsmlər), piktoqraflar (rənglə çəkilmiş rəsmlər)
və yer fiqurları (geoqlif və intaliolar) aid edilir (6, 60-63).
Qayaüstü təsvirlərin mövzu əhatəsi də çox genişdir. Xüsusilə geniş
yayılmış təsvirləri var ki, bu da bizə onları aşağıdakı kimi qruplaşdırmağa
imkan verir: zoomorflar, antropomorflar, geometrik işarələr, nəqliyyat vasi-
tələri, abstrak işarələr. Təsvirlərin mövzu əhatəsi onların yayıldığı ərazinin
lokal xüsusiyyətlərindən asılıdır. Antopomorf təsvirlər ən geniş yayılmış
motiv olsa da onların da çəkilməsində xeyli fərqli cəhətlət vardır.
Qayaüstü təsvirlərin yaradıldığı landşaft da ən azı bu təsvirlər qədər
əhəmiyyətlidir. Bu təsvirlər yaradıldığı əraziyə aid olduğundan ətraf mühit-
də baş verən dəyişiklikləri onların vasitəsi ilə izləmək mümkündür. Qayaüs-
tü təsvirlərin öyrənilməsi ilə məşğul olan mütəxəssislərin əksəri hesab edir-
lər ki, “qayaüstü təsvirlər müqəddəs yerlərlə əlaqəlidirlər” və ya “özləri mü-
qəddəsdirlər”. Misal olaraq, M.Devlet Boyar abidəsi haqda yazırdı: “bu
abidə mövsümü bayramların keçirildiyi qədim ritual yerlərdəndir və kult
məqsədilə yaradılmışdır”. Bu cür fikirlər A.Okladnikov tərəfindən Şişkin
70
Sevinc Şirinli
abidəsi, A.Mazin Amur ətrafı petroqliflər, Murqur-Sarqol, Mərkəzi Asiya-
nın bir çox qayaüstü təsvir sahələri haqda da söylənilmişdir (4, 13-14).
Məsələ ilə bağlı bir neçə faktorun nəzərdən keçirilməsi zəruridir: ilk
olaraq müxtəlif dövr təsvirlərinin çəkilməsi zamanı vahid qayanın seçilməsi.
Azərbaycan qayaüstü incəsənəti üçün buna ən yaxşı misal Qobustan abidə-
sidir. Təkcə Böyükdaş dağı yuxarı səki sahəsində yerləşən Ana Zağa mağa-
rasının divarlarını təşkil edən 29, 30 N-li qayalar üzərində 70-dən çox təsvir
qeydə alınmışdır. Digər tərəfdən qayaüstü təsvirlər öz yerləşməsinə görə də
müxtəliflik nümayiş etdirirlər: əgər bir ərazidə çoxlu sayda təsvir görmək
mümkündürsə, digərində üzərində təsvir olan kiçik qaya parçası və ya sa-
dəcə 1-2 təsvirin olduğu sığınacaq vardır. Bu zaman böyük bir ərazinin və
ya sadəcə təsvirli daşın tədqiqata cəlb edilməsi əsas problem kimi qarşıda
durur.
Ümumiyyətlə arxeoloji ədəbiyyatlarda təsvirlərin yerləşmə məsələsi
ilə bağlı “hamı üçün olan incəsənət” və ya “gizli incəsənət” anlayışlarından
istifadə olunur. Birinci halda böyük qaya panellərinə çəkilən təsvirlər hətta
uzaq məsafədən seçilir, onlar hamının rahatlıqla görə biləcəyi yerdədir. Bəzi
təsvirlər isə çətin çıxıla bilən qayalarda, eyni anda yalnız 1 və ya 2 adamın
dayana biləcəyi dar, qaranlıq yerlərdə yerləşir ki, tədqiqatçılar onları 2-ci
qrupa aid edir və daha çox rituallarla əlaqələndirirlər.
Qeyd etmək lazımdır ki, pertoqliflərin yerləşdiyi ərazilər müəyyən
hallarda hətta indi də yerli əhali üçün öz əhəmiyyətini saxlamaqdadır. Məsə-
lən, Şərqi Sibirin, Dağlıq Altayın və ya Avstraliyanın aborigenləri üçün bu
təsvirlər hələ də müəyyən əhəmiyyət kəsb etməkdədir. Azərbaycanda isə bu
məsələ ilə bağlı Qobustan abidəsinə müraciət etmək olar. Cingirdağ-Yazılı-
təpə ərazisində İ.Cəfərzadə tərəfindən 91 N-li daş üzərində qeydə alınmış
epiqrafik yazıya və sitayiş yeri kimi qiymətləndirilən tikili qalığına əsasən
Cingirdağın orta əsrlər boyunca “müqəddəs” yer kimi öz əhəmiyyətini sax-
ladığını göstərir. XIX əsrin sonlarına qədər bu ərazi yerli əhali tərəfindən
Cingir baba adı ilə adlandırılmış və onlar dua etmək üçün buraya gəlmişlər
(3, 18). Böyükdaş dağı aşağı səki sahəsində yerləşən 117 N-li qaya üzərində
İ.Cəfərzadə tərəfindən mehrab kimi qeydə alınmış təsvirli daş vardır. Həmin
təsvirin yanında kiçik ölçülü keçi təsvirləri və heyvan ipini bağlamaq üçün
istifadə olunan dəlmə vardır. Fikrimizcə bu qurban gətirilmə ayini ilə bağlı
olmuş, heyvan təsvirləri isə qurban kəsmək üçün gətirilmiş heyvanların sim-
volik təsvirləridir.
Qeyd etdiyimiz kimi qayaüstü təsvirlərin yayılma arealı çox müxtə-
lifdir. Arxeoloji ədəbiyyatlarda qayaüstü təsvir sahəsi və qayaüstü təsvir ye-
ri anlayışları bir-birindən fərqləndirilir:
Dostları ilə paylaş: |