Qayaüstü incəsənət
arxeoloji irs kimi
71
I. Qayaüstü təsvir sahəsi təsvirlərin yerləşdiyi məkandır. Bir qayaüs-
tü sahə digərindən 500 metrlik məsafə ilə ayrılır. Hazırda 20 000 qayaüstü
təsvir sahəsi fərqləndirilir.
II. Bir qayaüstü təsvir sahəsinə bir neçə qayaüstü təsvir yeri aid ola
bilər. Onlar arasındakı məsafə 20 kilometrlik məsafə şəklində hesablanır.
Ümumilikdə təxminən 820 bu cür ərazi qeydə alınmışdır (5,11).
Qayaüstü təsvirlərin dövrləşdirilməsi bu sahə ilə məşğul olan arxeo-
loqların qarşısında duran əsas problemlərdən biridir. Hazırda təsvirin yaşı-
nın müəyyənləşdirilməsində arxeoloqlar müxtəlif metodlardan istifadə edir-
lər. Bu baxımdan nisbi və mütləq xronologiya anlayışlarına diqqət yetirək:
nisbi xronolgiyaya-bir lokal arealda yerləşən təsvirlərin xronolji ardıcıl-
lığının yaradılması, motiv və ya motivlərin ümumi xronoloji çərçivə daxi-
lində dövrləşdirilməsi aiddir. (məs: A təsviri B təsvirindən qədimdir; A təs-
viri C fazasına daxildir). Nisbi xronologiya digər xronologiyalar kimi müx-
təlif dəlillərin kombinasiyasına əsaslanan zaman daha yaxşı nəticələr verir.
Bu dəlillərə qayaüstü təsvirin mövzu əhatəsi də daxildir. Misal üçün təsvir
olunan heyvan növlərinin ərazidə nə vaxt yayılması və ya nəslinin kəsil-
məsi; silahların, alətlərin nə vaxt meydana çıxması; insanların məşğuliyyət-
lərinin müəyyənləşdirilməsi təsvirinin nisbi xronologiyasının yaradılmasına
kömək edir (7, 75-76).
Çoxsaylı qayaüstü təsvirlərin toplaşdığı ərazilərdə təsvirlərin üst-üstə
çəkilməsi müşahidə olunur. Bu kəsişmələr uzun dövr ərzində fərdlər və mə-
dəniyyətlər arasındakı “dialoq” dur. Lakin bu zaman nəzərə almaq lazımdır
ki, digərinin üzərində yerləşən təsvir yaşı göstərmək üçün mütləq göstərici
ola bilməz. Bu zaman təsvirin yerləşməsi, mövzu əhatəsi, ölçüsü diqqətə
alınmalıdır. Üst-üstə düşmələrin daha dəqiq xronologiyasının hazırlanması
üçün Harris matrix diaqramından istifadə olunur.
Qayaüstü təsvirlərin yaradılması və mənası barədə emprik biliklər
müəyyən etnoqrafik və tarixi dövr daxilində ərazinin yaşının müəyyənləş-
dirilməsində istifadə olunur.
Hazırda qayaüstü təsvirlərin tədqiqində kalibrləşdirilmiş yaşın müəy-
yən edilməsinə xidmət edən mütləq xronologiyadan istifadə olunur. Lakin
burada da “mütləq xrolonogiya” anlayışına diqqətlə yanaşmaq lazımdır. Bu
məqsədlə ən çox istifadə olunan isə radiokarbon analizinin nəticələridir.
Bundan əlavə təsvirlərin yerləşdiyi ərazidə aşkarlanan arxeoloji arte-
faktlar, geologiya, həmçinin arxeologiyanın dəqiq elmlərlə əlaqəsi təsvir-
lərin yaşının müəyyən edilməsində əhəmiyətlidir.
Xronolji baxımdan Qobustan Azərbaycanda ən qədim qayaüstü təs-
vir mərkəzi olmaqla yanaşı həm də uzun tarixi mərhələni əhatə etməkdədir.
Abidənin ilk tədqiqatçısı İ.Cəfərzadə qayaüstü təsvirləri xronoloji baxımdan
6 mərhələyə ayırır: bölgüdə anfas və profildən siluet formasında çəkilmiş
72
Sevinc Şirinli
qadın və kişi təsvirləri ən qədim olmaqla e.ə. VIII-minilliyə aid edilir. Ən
son təsvirlər isə erkən orta əsrlər dövrünə aid edilməklə VIII-IX əsrlər gös-
tərilir. Bununla yanaşı İ.Cəfərzadə XIX əsrin sonlarına qədər Qobustanda bu
ənənənin davam etdiyini qeyd
edir (3, 17). 1965-ci ildən C.Rüstəmovun rəh-
bərliyi F.Muradovanın iştirakı ilə Qobustanda aparılan arxeoloji qazıntıların
nəticələri təsvirlərin xronologiyası məsələsinə aydınlıq gətirdi və onları daha
erkən mərhələyə aid etməyə imkan verdi. Bu baxımdan Ana Zağa, Kənizə,
Ovçular zağası, Öküzlər-1, Öküzlər-2, Firuz, Firuz-2, Maral, Ceyranlar,
Qayaarası-1, Qayaarası-2 düşərgələrindən arxeoloji qazıntılar zamanı tapıl-
mış rəsmli daşlar və 43 ədəd qayanın mədəni təbəqə örtmüş sahəsindən aş-
kar edilən yüzlərlə qədim şəkillər qayaüstü təsvirlərin dövrünün müəyyən-
ləşdirilməsində həlledici əhəmiyyətə malikdir. Hazırda Qobustanın ən qə-
dim rəsmləri e.ə. XVIII-XV minilliklərə, yəni Üst Paleolitin sonundan erkən
Mezolitə keçid dövrünə aid edilir (1,182-183). Qobustan qədim qayaüstü
təsvirlərin daşlar üzərində çəkilməsi texnikası cəhətdən də zəngindir. Onlar
əsasən oyma üsulu ilə kontur verilməklə, sürtmə-cilalama üsulu ilə, iti metal
alətlə çox nazik və dayaz (1,0-1,5) cızma xətlərlə və rənglə çəkilmişdir (2,
14).
Hazırda baş verən qlobal proseslərin fonunda mədəni mirasın qoru-
nub saxlanması, öyrənilməsi, gələcək nəsillərə ötürülməsi müasir cəmiy-
yətlər üçün əsas prioritetlərdəndir. Qayaüstü təsvirlərin xüsusilə “kövrək”
sənət nümunələri olmasını nəzərə alsaq bu sahədə fəaliyyətin gücləndiril-
məsi zəruridir. Daha çox açıq qaya səthlərində yaradılmış qayaüstü incə-
sənət nümunələri bu gün bir çox təhlükələrlə üz-üzədirlər: iqlim dəyişik-
likləri, müxtəlif təbii proseslər nəticəsində qayaların səthninin zədələnməsi,
insan fəaliyyətinin nəticələri və digər faktorlar.
Bu məqsədlə bir sıra beynəlxalq və lokal təşkilatlar yaradılmışdır.
Otuzdan çox qayaüstü incəsənət nümunəsinin yerləşdiyi abidə UNESCO
tərəfindən qorunmaya alınmışdır. Sevindirici haldır ki, respublikamızın əra-
zisində yerləşən Qobustan abidəsi də 2007-ci ildə UNESCO-nun “Dünya
Mədəni İrs Siyahısı”na daxil edilmişdir. Çünki qayaüstü incəsənət nümunə-
ləri təkcə yaradıldığı yerə, xalqa yox bütün insanlığa miras qoyulmuş mə-
dəni irsimizdir.
Ədəbiyyat:
1. Azərbaycan Arxeologiyası. I cild, Bakı, “Şərq-Qərb”, 2008, 445 s.
2. Rüstəmov C. N.
Qobustan petroqlifləri, Bakı, “Kooperasiya”, 2003, 104 s.
3. Джафарзаде И. М. Гобустан- наскальные изображения, Баку, Изд. “Элм”,
1973, 346 s.