Coğrafiya
və təbii resurslar, №1, 2015
AMEA akad. H.Ə.Əliyev adına Coğrafiya İnstitutu, Azərbaycan
Coğrafiya Cəmiyyəti
111
radiusudur, orta kvadratik səhvlə təyin edilir).
FAQS şəbəkəsinə istinad edilməklə VQS (yük-
səkdəqiqli geodeziya şəbəkəsi) qurulur. VQS həm
peyk geodeziyası metodları ilə təyin edilmiş yeni
məntəqələrdən, həm də mövcud astronomik-geo-
deziya şəbəkəsinə daxil olan
köhnə məntəqələrdən
ibarət ola bilər. Eyni zamanda, şəbəkənin yeni
fraqmenti peyk, eləcə də ənənəvi yerüstü me-
todlarla qurula bilər. Burada əsas meyar ondan
ibarətdir ki, məntəqələrin yeri müxtəlif metodlarla
təyin edilsə də, alınan nəticələrin dəqiqliyi bir-
birinə uyğun gəlsin.
Peyk texnoloqiyasının geniş istifadəsi ilə
əlaqədar normal yüksəkliklərin təyin edilməsi
problemi də yeni şəkil alır (Годжаманов, 2013).
Doğrudur, bu, olduqca geniş bir problem olub,
xüsusi tədqiqatlar tələb edir. Bununla belə, müasir
geodezik təminat sisteminin qurulmasına aid
proqram çərçivəsində yüksəkliklərin təyini ilə
bağlı xüsusi tövsiyələrin verilməsi vacibdir. Çünki
yüksəklik komponenti olmadan geodezik-karto-
qrafik təminat sistemi tam sayıla bilməz.
Azərbaycan Respublikasında təsərrüfat fə-
aliyyətinin vacib tərəflərindən biri də Xəzər
dənizinin ölkəmizə məxsus iqtisadi sektorunda
neft-qaz yataqlarının kəşfiyyatı, işlənməsi və is-
tifadəsindən ibarətdir. Odur ki, bu işlərin bütün
mərhələlərdə (naviqasiya, kəşfiyyat işlərinin apa-
rılması zamanı obyektlərin koordinatlarının təyini,
kəşfiyyat nöqtələrinin naturaya çıxarılması və
sairə) geodezik-kartoqrafik təminatı olduqca va-
cibdir. Təcrübə göstərir ki, dənizdə aparılan
işlərin geodezik təminatı zamanı yerinə yetirilən
əsas təyinetmələr geodezik kəsdirmələrdən iba-
rətdir. Geodezik kəsdirmələr ellipsoid üzərində
yerüstü geodeziya-naviqasiya sistemləri ilə,
fəzada isə GPS peyk naviqasiya systemlərinin
müşahidəsindən həyata keçirilir. Lakin çox ehti-
mal ki, ən optimal variant kombinələnmiş kəs-
dirmələr variantıdır və onların həlli hər iki ölçmə-
informasiya mənbəyindən birgə istifadəni tələb
edir.
DGŞ-nin yenidən qurulması və təkmilləş-
dirilməsinə dair layihə hazırlanarkən ilk növbədə
ölkə ərazisində koordinat sistemlərinin (KS) yara-
dılmasının nəzəri əsasları və onun digər ölkələr-
dəki KS-lərlə əlaqəsini təmin edən məsələlər
araşdırılır. Burada referens ellipsoidin düzgün se-
çilməsi olduqca vacibdir (Годжаманов, 2012).
Qeyd edək ki, çoxsaylı referens ellipsoidlər və
onlarla bağlı olan KS-lərdən istifadə adi maraqdan
irəli gəlmir, onlar məhdud ərazilərdə Yerin real
fiqurunu ümumyer ellipsoidinə nəzərən daha
düzgün ifadə etdiklərinə görə tətbiq tapırlar.
Referens-ellipsoid geodeziya ölçmələrinin
hesablanmasında istifadə edilən əyrixətli geodezik
koordinatlar sisteminin çox vacib elementidir.
Hal-hazırda AR-də istifadə edilən böyük həcmdə
geodezik və kartoqrafik informasiyalar: koordinat
kataloqları, müxtəlif miqyaslı xəritələr və s.
Krasovski ellipsoidinə bağlanmışdır. Ona görə də
indiki mərhələdə AR-də kartoqrafik sənədlərin,
mühəndisi planalmalar və s., işlərdə vərəsəliyi,
yəni ardıcıllıq yolu ilə yeni sistemə keçidin təmin
edilməsi üçün əvvəlki referens ellipsoidin – Kra-
sovski ellipsoidinin saxlanılması məqsədəuyğun-
dur. Bununla belə, bu ellipsoidə əsasən təyin
edilmiş KS-nin digərləri ilə, xüsusilə də peyk
təyinetmələrində istifadə edilən WGS-84 və PZ-
90-la əlaqələrinin həm nəzəri, həm də təcrübi ba-
xımdan yaxşı öyrənilməsi çox vacibdir.
Koordinat sistemi yaradılarkən tək aidetmə
ellipsoidinin parametrlərini seçmək kifayət deyil-
dir, həmçinin ellipsoidi Yerin bətnində müəyyən
istiqamətdə səmtləşdirmək lazımdır. Klassik ya-
naşmada səmtləşdirmək üçün əsas geodezik baş-
lanğıclar (ƏGB) adlanan parametrlərdən və yaxud
daxili oriyentirləmə elementlərindən istifadə
edilirdi. Lakin indiki dövrdə ƏGB parametr-
lərindən istifadə aktual deyil, çünki Yerin süni
peyklərinin (YSP) müşahidəsi ilə bilavasitə
ümumyer ellipsoidinin səmtləşdirmə parametrlə-
rini təyin etmək və onun Yer planeti bətnində
səmtləşməsini təmin etmək mümkündür.
Bununla belə, DGŞ-nin hansısa bir mən-
təqəsini başlanğıc seçmək məsləhətdir. Bu mən-
təqə bütün kateqoriyalı yüksəkdəqiqli şəbəkələrə
(İGS, FAQS, YGŞ, PGŞ-1, AGŞ) daxil olmaqla
yanaşı, başqa KS-lərlə əlaqənin yaradılmasında
istifadə edilə bilər. Bu məntəqə, eyni zamanda,
AR ərazisinin coğrafi mərkəzinə yaxın yerləş-
məklə seysmik baxımdan sakit rayonda və əsas
geoloji dərinlik qırılmalarından əhəmiyyətli də-
rəcədə aralıda yerləşərsə, daha düzgün olardı.
Koordinatların təyini üçün peyk texnolo-
giyasından istifadə, geodinamik məsələlərin qlo-
bal miqyasda həlli, Azərbaycanın müxtəlif bey-
nəlxalq geodezik layihə və proqramlarda işti-
rakının təmini tələb edir ki, DGŞ məntəqələrinin
koordinatları dövlət referens KS ilə yanaşı,
ümumyer geosentrik koordinat sistemində təyin
edilsin və yaxud bu sistemə gətirilsin.
Ona görə də
AR ərazisində həm ümumyer (məsələn, WGS-84),
həm də referens koordinat sisteminin (məsələn,
KS-95) qəbul olunması məqsədəuyğundur. Bu-
nunla belə, bu kimi məsələlərlə bağlı qərar yalnız
Azərbaycan höküməti tərəfindən qəbul edilə bilər.