Coğrafiya
və təbii resurslar, №2, 2017 (6)
AMEA akad. H.Ə.Əliyev adına Coğrafiya İnstitutu, Azərbaycan Coğrafiya
Cəmiyyəti
81
dağlığın meşə-çöl, çöl və dağ-çəmən landşaftları və
subalp çəmənliyidir [1]. Yayı quraq keçən müla-
yim-isti iqlim tipi hakimdir. Əsas çay sisteminin
mənbəyini 2400 m hündürlükdən götürən və ümu-
mi uzunluğu 119 km olan Pirsaat çayı və onun qol-
ları təşkil edir.
Fauna və flora növləri zəngindir. Belə ki, 520
növ bitki, o cümlədən 130 növ ağac və kol bitkisi,
440 növ çiçəkli bitki, 143 heyvan növü, o cümlə-
dən 33 məməli növü ərazidə yayılmışdır. Əsasən
Qafqaz vələsi, Şərq fısdığı, İberiya palıdı, iritoz-
cuqlu palıd, adi göyrüş, çöl ağcaqayını, qaraçöhrə,
tozağacı, çaytikanı, əzgil, itburnu, zirinc və s. kimi
ağac-kollar vardır. Yırtıcı heyvan növlərindən qo-
nur ayı, canavar, çaqqal, tülkü,
meşə pişiyi, porsuq
və s., gəmiricilərdən isə sincab, siçan və s. yayıl-
mışdır. Ərazidə quşlardan Qafqaz şahini, qırqovul,
qaratoyuq, bildirçin, kəklik və göyərçinə rast gə-
linir [3].
Tədqiqat ərazisində 2 kənd inzibati ərazi dairə-
si, o cümlədən 5 kənd yaşayış məntəqəsi vardır.
Avaxıl və Dəmirçi kəndlərində bələdiyyə qurum-
ları fəaliyyət göstərir. Əhalinin ümumi sayı 1650
nəfərdir. Əhalinin bir qisminin heyvandarlıqla
məşğul olması və köçəri həyat sürməsi kəndlərdə
yaşayan insanların say tərkibinin mövsümdən asılı
olaraq dəyişməsinə səbəb olur. Milli tərkibdə tatlar
üstünlük təşkil edir.
Kəndlərdə əhalinin əsas məşğuliyyəti heyvan-
darlıq və əkinçilikdir. Qoyunçuluq, maldarlıq, bos-
tançılıq və tərəvəzçilik əsas gəlir sahələridir.
Y.Məmmədəliyev qəsəbəsi və Avaxıl kəndi ərazi-
lərində mövsümi turizm sahələri nisbətən inkişaf
etmişdir.
Şəkil 2. Y.Məmmədəliyev qəsəbəsi
Avaxıl kənd inzibati ərazi dairəsinə Y.Məm-
mədəliyev qəsəbəsi və Avaxıl kəndi daxildir. Qə-
səbə Şamaxı Astrofizika Rəsədxanası və ətraf əra-
zilərini əhatə edir (şəkil 2). Rayon mərkəzindən
olan məsafə 24 km olmaqla, mütləq hündürlük
1430 m təşkil edir. Qəsəbədə təqribən 70 ailə yaşa-
yır. Yaşayış evlərinin elektrik, qaz və istilik təchi-
zatı ilə təminatı tam ödənilir. Ərazidə 11 illik tam
orta məktəb vardır. Tibb məntəqəsi və əczaxana
yoxdur. Qəsəbədə mövsümi olaraq istirahət mər-
kəzləri fəaliyyət göstərir. Məşğul əhalinin əksəriy-
yəti isə əsasən Nəsirəddin Tusi adına Şamaxı As-
trofizika Rəsədxanasında çalışır. Rəsədxana 1960-
cı ildə yaradılmışdır və hazırda AMEA-nın nəzd-
nində fəaliyyət göstərir. Qeyd edək ki, rəsədxana-
nın maddi-texniki bazasının gücləndirilməsi və
əsaslı təmir-tikinti işlərinin aparılması məqsədi ilə
Azərbaycan Respublikasının 2008-ci ilin dövlət
büdcəsində nəzərdə tutulmuş Azərbaycan Respub-
likası Prezidentinin Ehtiyat Fondundan ümumilik-
də 8 milyon manat vəsait ayrılmışdır. [10] Nəticədə
bir sıra elmi cihaz və avadanlıqlar quraşdırılmış, iş
və yaşayış binaları əsaslı təmir edilmişdir.
Avaxıl kəndi eyniadlı çayın sahilində yerləşir.
Kəndin orta hündürlüyü dəniz səviyyəsindən 1360
m-dir. Şamaxı şəhərindən 29 km məsafədə yerləşir.
Əhalisinin sayı 530 nəfərdir. Qış fəslində əhalinin
sayında qışlaqlara köçmə səbəbindən azalma mü-
şahidə edilir. Kənddə təqribən 120 ailə yaşayır.
Əhalinin əsas gəlirləri heyvandarlıq, bağçılıq və
bostançılıqdandır. Əksər həyətyanı sahələrdə əki-
lən tərəvəz bitkiləri əsasən ailələrin daxili tələbatı-
nı ödəyir. Kənd ərazisində turizmin
qismən inkişaf
etməsi böyük əhəmiyyətə malikdir. Ərazidə xeyli
sayda istirahət mərkəzlərinin varlığı xüsusilə yay
aylarında yerli əhalinin işlə təminatında mühüm rol
oynayır. Belə turizm obyektlərindən Qızıldaş, Çən-
libel, Dədə Qorqud, Piknik Bulaq, Dağlar Qoynun-
da, Qoşabulaq, Cənnət Bağı, Xan Bağı və s. göstər-
mək olar. Bundan başqa, ərazidə kənd turizmi də
nisbətən inkişaf etmişdir. Belə ki, gələn turistlər
üçün kənd evlərində yerli əhali tərəfindən qonaq-
lama xidməti göstərilir.
Bununla yanaşı, ərazidə turizm infrastrukturu-
nun inkişafı vacib olsa da, bu bir sıra problemlərə
də səbəb olur. Belə ki, kənddə məhdud həcmdə
olan şirin su ehtiyatının bir hissəsi istirahət mərkəz-
lərinə verildiyindən əksər ailələrin su ilə təminatın-
da müəyyən problemlər yaranır. Həmçinin yerli
əhaliyə məxsus otlaq sahələrinin də həmin obyekt-
lər tərəfindən mənimsənilməsi heyvandarlığın da
inkişafına öz mənfi təsirini göstərir. 2013-cü ilə qə-
dər kənddə istilik təchizatı ilə bağlı problemlər ol-
duğundan ətraf ərazilərdə xeyli sayda ağac
kəsilmişdir. Hal-hazırda əhalinin qaz və işıqla
fasiləsiz təmin olunması ərazidə ekoloji gərginliyin
nisbətən azalmasına səbəb olmuşdur.
Dəmirçi kənd inzibati ərazi dairəsinə Dəmirçi,
Səfalı və Zarat-Xeybəri kənd yaşayış məntəqələri
daxildir. Hər üç kəndin bələdiyyəsi Dəmirçi kən-
dində yerləşir.
Dəmirçi kəndi Pirsaatçayın qolu
olan Dəmirçi çayının sol sahilində, dəniz səviy-
yəsindən 1500 m hündürlükdə yerləşir (şəkil 3).
Rayon mərkəzindən 33 km məsafədə olan bu kəndə
Coğrafiya və təbii resurslar, №2, 2017 (6)
82 AMEA akad. H.Ə.Əliyev adına Coğrafiya İnstitutu, Azərbaycan Coğrafiya Cəmiyyəti
yalnız çaydan keçərək getmək mümkündür. 2016-
cı ildə çayın üzərində körpü tikilmişdir. Bu isə 515
nəfər sakini olan kənd üçün həyati vacib tədbirlər-
dəndir.
Əhalinin milli tərkibi əsasən tat etnik qrupudur.
Kəndin əsasını İsmayıllı rayonunun Lahıc və Əhən
kəndlərindən bu kəndə köç edən dəmirçi ailələri
qoymuşdur. Əhali gəlirlərini əsasən maldarlıqdan
və ənənəvi peşələri olan dəmirçilikdən əldə edirlər.
Becərilən tərəvəzçilik məhsulları daxili tələbatı
ödəmir. Əhalinin əksər hissəsinin yaşayış səviyyəsi
yüksək deyildir, gündəlik ehtiyacları qismən ödə-
nilir. Ölkəmizin əksər kəndlərində olduğu kimi,
burada da gənclərin xeyli hissəsinin iş dalınca şə-
hər yerlərinə köçməsi müşahidə olunur. Kənddə
yaşayan yaşlı nəslin nümayəndələri isə əsasən döv-
lətdən sosial müdafiə və pensiya şəkilində aldıqları
təqaüd hesabına yaşayırlar. Sosial infrastruktur tə-
minatı da qənaətbəxş deyildir. Lakin kənd elektrik
enerjisi, qazla fasiləsiz təmin olunmuş və digər
kommunikasiya xətlərinin də bərpa edilməsi nəzər-
də tutulmuşdur. Kənd yolu torpaq və çınqıl örtük-
lüdür. Əhali yanacaq tədarükündə odun və gərmə-
dən istifadə edir. İçməli su xətti yerli sakinlərin öz
şəxsi hesablarına çəkilmişdir. Kəndə xidmət göstə-
rən ictimai nəqliyyat sistemi yoxdur. Kitabxana,
tam orta məktəb və 1 feldşerin xidmət göstərdiyi
tibb məntəqəsi vardır.
Şəkil 3. Dəmirçi kəndi
Dəmirçi kəndindən Lahıc qəsəbəsinə qədər
15 km
uzunluğunda yeni yolun çəkilməsi ərazinin turizm
imkanlarının gələcəkdə daha da genişlənəcəyini
söyləməyə əsas verir [5]. Kəndin ərazisində 1892-
ci ilə aid yerli əhəmiyyətli memarlıq abidəsi olan
məscidin bərpasına ehtiyac vardır. Bundan başqa,
dəmirçilik və toxuculuq kimi sənətkarlıq sahələri
turistlərin cəlb edilməsi baxımından xüsusi əhə-
miyyət kəsb edir. Bəzi ailələrdə dəmirçilik sənəti
ənənəvi şəkildə nəsildən-nəslə ötürülərək davam
etdirilir. Kəndin ərazisində tarixən 40-dan artıq də-
mirçi sexi olsa da,
hazırda onların sayı
azalaraq 8-ə
enmişdir. Bu sexlərdə əsasən kənd təsərrüfatı alət-
ləri hazırlanır ki, bunlar da rayon mərkəzində satışa
çıxarılır.
Kəndin 2,5 km cənub-şərqində Dəmirçi palçıq
vulkanı yerləşir. Bu gün də aktivliyini davam etdi-
rən bu palçıq vulkanı dəniz səviyyəsindən 1430 m
yüksəklikdə yerləşir (şəkil 4).
Şəkil 4. Dəmirçi palçıq vulkanı
Tədqiqat işində Dəmirçi kəndi model ərazi kimi
tədqiqata cəlb olunmuş və ərazinin torpaqdan isti-
fadə xəritəsi hazırlanmışdır. Kəndin ərazisində
1,22 ha həyətyanı əkin sahəsi, 6,28 ha bağ sahələri,
2,64 ha otlaq, 1,38 ha yararsız torpaqlar və 2,36 ha
ümumi yaşayş sahəsi qeydə alınmışdır. (şəkil 5).
Şəkil 5. Dəmirçi kəndində torpaqdan istifadənin
müasir vəziyyəti
Dəmirçi kəndindən 1 km şimal-şərq istiqamə-
tində
Səfalı kəndi yerləşir. Pirsaatçayın sol sahilin-
də
qərar tutmuş bu kənd dəniz səviyyəsindən
1450 m
hündürlükdədir (şəkil 6). Əhalinin milli tərkibi əsa-
sən tatlardan ibarətdir. Rəsmi olaraq 120 nəfər sa-
kini olsa da, əslində kənddə yaşayanların sayı iki
dəfədən azdır. Belə ki, kənddə 22-yə qədər yaşayış
evi vardır. Kənddə elektrik enerjisi daimi olsa da,
qazla təchizat hələ də mümkün olmamışdır. Evlər
əsasən gərmə ilə isidilir. Əhalinin başlıca məşğu-
liyyəti əkinçilikdir. Həyətyanı sahələr az olsa da,
Pirsaat çayının sağ sahilində kənd əhalisinə məxsus
torpaq payları vardır. Bu sahələrdə daha çox bostan
və tərəvəz bitkiləri becərirlər. Toxuculuq sənəti bir