33
həmin Məcəllənin 26-cı maddəsində müəyyən edilməsi nəzərdə tutulmuş meşə fondu
sahələrinin bir ilə qədər qısamüddətli istifadəyə verilməsi qaydasını;
həmin Məcəllənin 27-ci maddəsinin birinci hissəsinin on birinci abzasında nəzərdə
tutulmuş
meşə fondunun mühafizəsi, qorunması və meşələrin bərpası qaydalarını;
həmin Məcəllənin 27-ci maddəsinin birinci hissəsinin on beşinci abzasında müəyyən
edilməsi nəzərdə tutulmuş meşə təsərrüfatı sahəsində dövlət statistika hesabatının aparılması
qaydalarını;
həmin Məcəllənin 31-ci maddəsinin dördüncü hissəsində müəyyən edilməsi nəzərdə
tutulmuş meşələrin qoruyucu kateqoriyalara aid edilməsi, meşələrin bir qoruyucu
kateqoriyadan başqa qoruyucu kateqoriyaya keçirilməsi qaydasını;
həmin Məcəllənin 35-ci maddəsinin üçüncü hissəsində müəyyən edilməsi nəzərdə
tutulmuş meşə fondu torpaqlarının geri alınması ilə əlaqədar meşə istifadəçilərinə dəyən
ziyanın ödənilməsi qaydasını;
həmin Məcəllənin 38-ci maddəsinin üçüncü hissəsində müəyyən edilməsi nəzərdə
tutulmuş meşə fondunun dövlət uçotu göstəricilərinin siyahısını, meşə fondunun dövlət uçotu
sənədlərinin formalarını;
həmin Məcəllənin 39-cu maddəsinin üçüncü və dördüncü hissələrində müəyyən edilməsi
nəzərdə tutulmuş Dövlət Meşə Kadastrı göstəricilərinin siyahısını, meşələrin iqtisadi
qiymətləndirilməsinin metodikasını və dövlət meşə kadastrının aparılması qaydasını;
həmin Məcəllənin 40-cı maddəsinin ikinci hissəsində müəyyən edilməsi nəzərdə tutulmuş
meşələrin monitorinqinin həyata keçirilməsi qaydasını;
həmin Məcəllənin 42-ci maddəsində müəyyən edilməsi nəzərdə tutulmuş köküstə
buraxılan oduncaq və ikinci dərəcəli meşə ehtiyatlarının məcburi sertifikatlaşdırılmasının
təşkili və aparılması qaydasını;
həmin Məcəllənin 43-cü maddəsinin dördüncü hissəsində müəyyən edilməsi nəzərdə
tutulmuş meşə quruluşu işlərinin aparılması qaydasını;
həmin Məcəllənin 44-cü maddəsinin ikinci hissəsində müəyyən edilməsi nəzərdə tutulmuş
meşə fondu haqqında məlumatın fiziki və hüquqi şəxslərə verilməsi qaydasını;
həmin Məcəllənin 45-ci maddəsinin üçüncü hissəsində müəyyən edilməsi nəzərdə
tutulmuş meşə fondunun vəziyyətinə, istifadəsinə, mühafizəsinə, qorunmasına və meşələrin
bərpasına dövlət nəzarətinin həyata keçirilməsi qaydasını;
həmin Məcəllənin 52-ci maddəsində müəyyən edilməsi nəzərdə tutulmuş meşə
təsərrüfatına dəyən zərərin və itkilərin ödənilməsi qaydasını;
həmin Məcəllənin 59-cu maddəsinin üçüncü hissəsində nəzərdə tutulmuş meşə
yanğınlarının söndürülməsinə fiziki və hüquqi şəxslərin cəlb olunması qaydasını;
həmin Məcəllənin 62-ci maddəsinin üçüncü hissəsində nəzərdə tutulmuş meşə fondunun
zərərvericilərdən və xəstəliklərdən mühafizəsi üzrə fitosanitar qaydalarının;
həmin Məcəllənin 68-ci maddəsinin dördüncü hissəsində nəzərdə tutulmuş meşəqırma
qaydalarının;
həmin Məcəllənin 69-cu maddəsində müəyyən edilməsi nəzərdə tutulmuş Azərbaycan
Respublikası meşələrində köküstü oduncaq buraxılışı qaydalarının;
həmin Məcəllənin 72-ci maddəsinin dördüncü hissəsində müəyyən edilməsi nəzərdə
tutulmuş meşə fondu sahələrindən elmi-tədqiqat, mədəni-sağlamlaşdırma, turizm və idman
məqsədləri, ovçuluq və təsərrüfatın ehtiyacları üçün istifadə qaydalarını təsdiq etsin.
Azərbaycan Respublikasının Prezidenti
HEYDƏR ƏLİYEV
Bakı şəhəri, 30 mart 1998-ci il
№ 693
34
Azərbaycan Respublikası Nazirlər Kabineti
«Azərbaycan Respublikasının meşələrində əsas meşə cinslərinin
köküstü buraxılış nırxları haqqında»
Qərar № 548
Bakı şəhəri, 26 oktyabr 1993-cü il
Azərbaycan Respublikasının dövlət meşələrinin xüsusi əhəmiyyətini, onların bütövlükdə
dövlət mülkiyyətinə aid edilməsini nəzərə alaraq və qorunub saxlanılmasını, daha da inkişaf
etdirilməsini təmin etmək məqsədilə, Azərbaycan Respublikası Nazirlər Kabineti
qərara alır:
1. Respublikanın əsas meşə cinslərinin köküstü buraxılış nırxları dövlət tərəfindən
tənzimlənən qiymətlər sırasına daxil edilsin.
2. Bununla əlaqədar olaraq, Azərbaycan Respublikası Nazirlər Kabinetinin 1992-ci il
2 yanvar tarixli 3 saylı və 1992-ci il 23 aprel tarixli 226 saylı qərarlarında müvafiq
dəyişiklik edilsin.
3. Azərbaycan Respublikasının İqtisadiyyat Nazirliyi, Maliyyə Nazirliyi və «Azərbmeşə»
İstehsalat Birliyi tərəfindən təqdim edilən «Azərbaycan Respublikasının meşələrində
əsas meşə cinslərinin köküstü buraxılış nırxları» əlavəyə əsasən təsdiq edilsin və cari
ilin 1 noyabr tarixindən tabeliyindən və mülkiyyət formalarından asılı olmayaraq
respublikanın bütün meşələrində tətbiq edilsin.
4. Müəyyən edilsin ki, «Azərbmeşə» İstehsalat Birliyinin müəssisələri tərəfindən
istehlakçılara qırıntı sahələrindən buraxılan və hazırki nırxlar əsasında tərtib edilən
odunun və işlik ağacın müvafiq buraxılış qiymətləri yalnız Respublika İqtisadiyyat
Nazirliyinin Baş Qiymətlər İdarəsi ilə razılaşdırıldıqdan sonra tətbiq edilir.
5. Azərbaycan Dövlət Neft Şirkətinə, Dövlətyanacaqkoma, «Azəriqaz» və «Azərenerji»
Dövlət şirkətlərinə, «Azərbmeşə» İstehsalat Birliyinə tapşırılsın ki, respublikada
əha linin və təşkilatların istilik enerjisinə olan tələbatını ödəmək məqsədilə, respub-
likada olan məişət soba yanacağı, maye yanacağı, daş kömür, elektrik enerjisi,
mayeləşdirilmiş qaz, odun və digər növ enerji daşıyıcıları ehtiyatları barədə 1 ay
müddətinə Respublika İqtisadiyyat Nazirliyinə məlumat versinlər.
6. İqtisadiyyat Nazirliyinə tapşırılsın ki, mövcud ehtiyat mənbələrini nəzərə almaqla,
respublika üzrə istilik balansının tərtib edilməsi və lazım gəldikdə tələbatın tam
ödənilməsi üçün enerji daşıyıcılarının idxal yolu ilə kənardan gətirilməsi üçün
Azərbaycan Respublikası Nazirlər Kabinetinə 2 ay müddətində konkret təklif versin.
7. Səhiyyə Nazirliyinə, Təhsil Nazirliyinə, Əmək və Əhalinin Sosial Müdafiəsi Nazirliyinə
tapşırılsın ki, məktəbləri, xəstəxanaları, uşaq bağçalarını və s. vaxtında müxtəlif növ
enerji daşıyıcıları ilə təmin etmək üçün təxirəsalınmaz və konkret tədbirlər görsünlər.
8. Daxili işlər Nazirliyinə tapşırılsın ki, meşələrin qorunub mühafizə edilməsini
gücləndirmək məqsədi ilə meşə mühafizə orqanlarının müvafiq qaydada təchiz
olunması üçün «Azərbmeşə» İstehsalat Birliyinə lazımi kömək etsin.
9. Yerli icra hakimiyyəti orqanlarına tapşırılsın ki, yerlərdə əlillərə, məcburi köçkün və
qaçqınlara, habelə imtiyaz hüququ olan digər vətəndaşlara odunun və digər oduncaq
növlərinin dəyərinin bir qismini yerli büdcə hesabına kompensasiya etmək üçün
müvafiq tədbirlər görsünlər.
Baş nazir
S. HÜSEYNOV