7
ular o`zaro bir-biri bilan bog`liq. Dialektik usul real olamni ilmiy bilishning eng umumiy usuli bo`lib, u barcha fanlar
uchun, jumladan, tarixiy-huquqiy fanlar uchun ham metodologiyadir.
Dialektik usul xususiy fanlar erishgan yutuqlardan
foydalanib, ularning usullari bilan
birgalikda rivojlanadi, ular bir-birini to`ldiradi va boyitadi. Davlat va huquq tarixini
o`rganishdagi bunday usul davlat va huquqdek ijtimoiy hodisaning mohiyatini jamiyat moddiy hayot sharoitlari bilan,
iqtisodiy bazis bilan bog`lab o`rganishni ta’min etadi.
Dialektik
usul
davlat va huquq rivojlanadi, o`zgaradi, bir shakldan ikkinchi shaklga o`tadi, deb qaraydi. Davlat
va huquqni o`rganish, bilish, tadqiq qilishning dialektik usuli - bu ilmiy bilimlar dunyosiga kirishning, davlat va
huquqni bilishning asosiy kalitidir.
Dialektika
hodisalarni rivojlanishda, boshqa hodisalar bilan aloqadorlikda, bir-biri bilan bog`liq holda,
harakatda, miqdoriy va sifat o`zgarishida olib qaraydi. U real mavjud, muayyan vaziyatda, muayyan vaqtda va hududda
vujudga kelgan. Binobarin, ularni tushunish uchun ularni vujudga keltirgan sharoitni, mavjud bo`lgan va yashayotgan
davrni bilmoq kerak.
Shuni ham e’tiborga olish kerakki, davlat va
huquq muayyan ijtimoiy kuchlar, ya’ni hukmron sinflar
tomonidan yaratilib, keyin mustaqil kuchga, ustqurmaga aylanadi, shundan keyin o`zini vujudga keltirgan iqtisodiy
bazisga ta’sir ko`rsatadi.
Davlat va huquq tarixini o`rganishda dialektik usul bilan bir qatorda tadqiqotning boshqa qator falsafiy
umumiy usullari ham muhim ahamiyat kasb etadi. Keling, shulardan ba’zilari bilan tanishib chiqaylik.
Ma’lumki,
analiz (tahlil qilish)da o`rganilayotgan narsa va hodisa, fikr mayda bo`laklarga, ya’ni
elementlarga
bo`linadi va ular o`rtasidagi bog`lanishlar, o`zaro munosabat va ta’sir o`rganiladi. Tarkibiy qismlarni sintez qilish
(umumlashtirish) uchun analiz qilinadi. Elementlarni yana qaytadan birlashtirganimizda analiz natijalari o`rganiladi.
Turli mamlakatlarda yoki bir guruh mamlakatlarda (masalan, Sharq yoki antik dunyoda) davlat va huquqning kelib
chiqishi va rivojlanishi xilma-xil xususiyat va sifatlarga ega. Ana shunday ko`p qirrali, murakkab davlat va huquq
hodisalarini o`rganish va bilish, ular to`g`risidagi tushunchalarimizni chuqurlashtirish uchun mamlakatlarning davlat va
huquq tarixini alohida-alohida, tarkibiy qismlarga ajratib analiz qilish zarur bo`ladi. Lekin bu usul bilan davlat va huquq
tarixini, uning alohida mamlakatlarda kelib chiqishi va rivojlanishining o`ziga xos xususiyatlarini to`la
bilish mumkin
emas, shuning uchun u sintez yo`li bilan to`ldiriladi.
Sintez
analizning natijalariga suyanib, davlat va huquqning butun sifatini, bir guruh mamlakatlardagi umumiy
xususiyatlarini va alohida mamlakatlardagi o`ziga xos xususiyatini o`rganadi. Sintez analiz natijasida fikran bo`lingan
elementlarni qaytadan tiklash, ularni birlashtirish, ilgarigi yaxlitlikni fikran vujudga keltirish usulidir.
Analiz tadqiqot jarayonida bilishning tayyorgarlik ko`rish bosqichi
hisoblansa, sintez uni yakunlaydi. Analiz va
sintez natijasida davlat va huquq tarixi bo`yicha umumiy tushuncha, muhokamalar tarkib topadi, ular yordamida davlat
va huquq rivojlanishining o`ziga xos va umumiy sifatlari va muayyan qonuniyatlari aniqlanadi, shakllanadi.
Bilish jarayonida induksiya va deduksiyaning ham roli katta. Induksiya va deduksiya
aqliy xulosaning asosiy
shakli bo`lib, bilish jarayonida ma’lumdan noma’lumga tomon bo`lgan fikr harakatini ifodalaydi.
Induksiya
ayrim fikriy bilishdan umumiy xulosalar chiqarishda qo`llaniladigan muhokama usulidir.
Xususiylikni o`rganib, umumiylik bilib olinadi. Umumiylik narsa va hodisalar bilan uzviy aloqada bo`ladi. Bilishda
induktiv usul asosida qonuniyatlar ochiladi, tushunchalar maydonga keladi. Bu usul davlat va huquq hodisalarining
sababiy bog`lanishlarini tekshirish usuli hamdir. Fanimizda ushbu usuldan foydalanib, masalan, qadimgi Sharq
davlatlarini alohida-alohida o`rganish asosida ularning barchasida jamoalarning roli kuchli bo`lganligi, doimiy
irrigatsiya ishlari talab qilinadigan xo`jalikning mavjudligi, boshqarishni monarxiya shakli tanho hukmronligi (Sharq
despotiyasi degan xulosa ham shundan kelib chiqqan), umuman,
ularning ijtimoiy tuzilishida, davlat tizimida va
huquqiy tizimida urug`chilik munosabatlarining qoldiqlari uzoq saqlanib qolganligi va hokazolar haqidagi umumiy
xususiyatlarni bilib olamiz.
Deduksiya
esa umumiylikdan xususiylikka olib boruvchi mantiqiy usuldir. Fandagi nazariyalar deduktiv usul
natijasida yuzaga keladi. Bu usul asosan daliliy
materiallar to`plash natijasida ularni chuqur o`rganish, tizimga solishda
qo`llaniladi. Deduktiv usul turli shakllar: aksio-matik, gipotetik-deduktiv usul shaklida uchraydi.
Deduktiv usul aqliy
xulosa chiqarishning barcha shakllari bilan, birinchi navbatda, induksiya bilan bog`langandir. Induktiv va deduktiv
usullar bir-biri bilan dialektik bog`liq bo`lib, bir-birini to`ldiradi. Shuning uchun ularni bir-biriga qarama-qarshi qo`yish
yoki ajratib qarash aslo mumkin emas.
Analogiya (moslik, aynanlik, o`xshashlik) usulida davlat va huquq rivojlanishining turli mamlakatlardagi
biror xususiyatlarining o`xshashligini o`rganamiz. Bu usul yordamida ikki yoki bir necha mamlakatning ayrim olingan
davrda yoki turli rivojlanish bosqichlaridagi davlati va huquqi rivojlanishining o`xshash xususiyatlari o`rganiladi.
Tarixiylik va mantiqiylik davlat va huquq taraqqiyoti jarayonining muhim xususiyatlarini bilish usullaridir.
Tarixiylik usuli davlat va huquqning kelib chiqishi va rivojlanib borishi aniq vaqtini, davrini bilish usulidir. Har bir
davlat-huquqiy hodisani tarixiy nuqtai nazardan, aniq tajriba asosiga bog`lab o`rganmoq zarur. Tarixiylik usulining
o`ziga xos xususiyati tarixiy harakatni uning butun boyligi bilan payqab olishga intilishdir. Davlat va huquq tarixini
ochib berish uning taraqqiyotidagi asosiy tarixiy bosqichlar, ularning sabab-oqibat aloqalarini ajratib ko`rsatishni talab
qiladi. Buning uchun esa uning mohiyati haqida nazariy bilim bo`lishi kerak.
Mantiqiylik
usuli
predmetning nazariy shaklda tadqiq qilish usuli hisoblanadi. U tadqiqot ob’yektining eng
muhim aloqalarini bilib olishga imkon beradi.
Mantiqiy bilish usuli davlat va huquqning tarixan ob’yektiv real
mavjudligini, ularning o`zaro aloqalarining
butun rang-barangligini aks ettirish vazifasini bajaradi. Tafakkur uslubi orqali vujudga kelgan nazariy bilimlar nisbatan
tugallangan bilimlar tizimi bo`lib, o`z taraqqiyoti jarayonida o`zgarib boradi. Mantiqiy tafakkur uslubida ko`r-ko`rona