inkişafı nümayiş etdirir ki, hər kəs ağır və üzücü əməkdən
azad olmağa və eyni zamanda istədiyi şəkildə yaşayışını
təmin etmək üçün asudə vaxtını artırmağa qadirdir. Hazırda
dünyanın inkişaf etmiş ölkələrində 8-saatlıq iş günü əvəzinə
5-3-saatlıq iş günündən söhbət gedir. Unutmamalıyıq ki,
XVIII-XIX əsrlərdə iş günü 16 və ya daha çox saat idi.
Beləliklə, bu gün asudəlik kiminsə imtiyazı olmaya
raq, hər bir adam üçün ən mümkün bir vəziyyətdir. Veblenin
bölgüsü bu gün üçün o qədər də aktual deyildir.
Nəhayət, qeyd etməliyik ki, asudə sinfin təhlilində
düzgün və faydalı fikirləri qəbul etməklə yanaşı, onun
çatışmazlıqlarına da göz yummaq olmaz.
2.4. Çarlz Rayt Mills: hakim elita nəzəriyyəsi
Çarlz Rayt Mills (1916-1962) Kolumbiya universi
tetinin professoru olmuşdur. O, öz tədqiqat işlərində elita
probleminin müxtəlif aspektlərindən bəhs etmişdir. Onun
əsərləri arasında bu nöqteyi-nəzərdən ən əhəmiyyətlisi kimi
“Hakim elita”nı göstərmək olar. Bu əsər Amerika reallığını
əks etdirsə də bir tədqiqat əsəri kimi, ümumiyyətlə, böyük
əhəmiyyt kəsb edir.
Milisə görə, Amerikanın hakim elitası aşağıdakılar
dan ibarətdir:
1) hərbçilər və ya ordunun aparıcı üzvləri;
2) biznes, maliyyə və bank sahələrində yüksək
mövqe tutanlar və nəhayət,
3) bürokratiya və inzibatçılar.
Milisin fikrincə, elitanın bu aparıcı üç sinfi arasında
yüksək səviyyədə qarşılıqlı anlaşma və ellik zəmanət
mövcuddur. Bu cür münasibət də elə elitanın bu günə kimi
36
mövcudluğunun əsas səbəbi olmuşdur. Mills belə bir fakta
müraciət edir ki, silah istehsalı ilə məşğul olan biznesmen
hərbi elita ilə yüksək səviyyəli münasibətlərindən böyük
miqdarda fayda götürür.
Mills yazır ki, təqaüdə çıxmış zabitlər və onlar
arasında əsasən strateji vəzifə tutanlar biznes və maliyyə
dünyasında çox gəlirli mövqeyə malikdirlər. Bu o deməkdir
ki, hərbi elita ilə biznes və maliyyə elitası arasında qarşılıqlı
anlaşma, müqavilə və sıx ünsiyyət mövcuddur. Bürokratik və
inzibati elita da bu iki elitar sinif ilə sıx əlaqə saxlayaraq
onlara münasibətdə yardımçı və dayaq rolunu oynayır.
Mills qeyd edir ki, Amerika onun əhalisinin bütün tə
bəqələrini əhatə edən həqiqi elitaya malik deyildir. Buradakı
elitalar ənənəvi şəkildə hərbçilər, biznes və maliyyə dünyası
və eləcə də bürokratiyam təmsil edən aparıcı şəxslərdən
ibarətdir. Amerika cəmiyətində elitalar ayrı-ayrı şəxslərin
nail olduqları müvəffəqiyyətlər hesabına mövcuddur. Lakin
bu fikir bir qədər şişirdilmiş kimi görünür. Çünki əslində
müasir elita ya ənənə, ya ailə mənsubiyyəti, ya varislik, ya da
ki hər hansı bir vəzifəyə təyin olunma prinsipi əsasında
mövcuddur. O bir neçə misal gətirərək göstərir ki, hərbi
elitanın üzvləri bura kim tərəfındənsə təyinatla, orduya əsgər
çağırılması ilə və ya hərbi iyerarxiyanın qeyri-xidməti pillə
lərində irəliləmələrinə görə daxil olurlar. Biznes, maliyyə,
bank və müxtəlif kompaniya və korporasiyalar dünyasındakı
elita üzvləri burada ona görədirlər ki, onlar ya bu elita
daxilində doğulmuşlar, ya da ki, öz atalarının ad-sanlarını
miras almışlar. Məsələnin daha da aydın olması üçün biznes,
maliyyə, bank və s. sahələrdə həlledici qərarlara görə
məsuliyyət daşıyan texnokratları və menecerləri göstərə
37
к
bilərik. Lakin bu ənənəvi (sonradan qazanma yox) elitalara
şamil edilə bilər. Məsələn, ABŞ-m Harvard, Çikaqo, Kolum
biya, Stenford və d. adlı-sanlı universitetlərinin biznes mək
təblərini bitirmiş və biznes idarəetməsi sahəsində dərəcəyə
malik ağ dərili protestant ailəsindən olan gənc oğlan və ya
qızlar öz sahələrində yüksək mövqe tutur, biznes-maliyyə
sahəsində hakim elita olurlar. Bürokratlara və ya inzibatçı
lara gəldikdə, M ills göstərir ki, ABŞ-da onların təsiri tarixi
və siyasi faktorlar ucbatından xeyli məhdud və zəif olmuş
dur. Amerikada Avropada olduğu kimi yaxşı inkişaf etmiş və
müntəzəm bürokratiya yoxdur. Bürokratiyanm zəif qalma
sının səbəblərindən elitanın özünün zəifliyini və onun digər
iki növünün - hərbi və biznes-maliyyə elitalarının qeyri-
müəyyən rollara və işə malik olmalarını göstərmək lazımdır.
Göstərilən ənənənin və inkişafın nəticəsi olaraq,
Amerika elitası, yəni hakim elita nəinki qeyri-reprezentativ-
dir, o, həm də özünün formalaşmasında və fəaliyyətində
məsuliyyətsizdir. Mills göstərir ki, bu üç elita tipi üçün bir
ləşmək və ölkəni istənilən səmtdə aparmaq adi bir haldır.
“Hakim elita” əsərində Mills “Ən yüksək mənəviy-
yatsızlıq” adlı fəsli Amerikanın hakim elitasının qeyri-repre-
zentativliyi və qeyri-qanuniliyinin təsvirinə həsr etmişdir. O,
təkrar olaraq qeyd edir ki, elitalar hakimiyyətə xüsusi key
fiyyətlərinə görə deyil, digər səbəblərə - mənşəyinə, varisli
yə, təyinata və s. görə malikdirlər. Kitabının sonunda o bir
daha qeyd edir ki, amerikalılar klassik mənada qəbul edilə
cək və doğrudan da fəxr olunmalı elitaya və ya liderlərə ma
lik deyillər.
Mills öz analizi əsnasında bunun bir neçə səbəbini
göstərir:
38
1. Amerikada tarixən Avropa Ölkələrində olduğu
kimi aristokratlar və ya zadəganlar sinfi olmamışdır. 1777-ci
il Amerika inqilabı və müstəqillik uğrunda müharibə nəti
cəsində bir çox aristokrat ailələr ya İngiltərəyə köçmüş, ya da
ki, burada qalaraq daha eqalitar və ya demokratik münasi
bətlər, əhval-ruhiyyə və həyat tərzini qəbul etmişlər. Nəticə
etibarı ilə, müəyyən vaxt ərzində Amerikada aristokrat və
zadəganlardan
iz-toz
belə
qalmamışdır.
Amerikalılar
bərabərhüquqlu millət kimi formalaşıblar.
2. Z əif inkişaf etmiş bürokratiyanm olmasının səbəbi
haqqında müəyyən dərəcədə söhbət açmışıq. Ənənəvi olaraq
Amerika bürokratiyası və xüsusən də onun yuxarı pilləsi ha
kimiyyətə gələn yeni prezidentlə gəlmiş və hakimiyyətdən
uzaqlaşan prezidentlə də tutduğu vəzifələrdən uzaqlaşmışdır.
Bu - spoylz sistemi (seçkilərdə qalib gələn partiyanın tərəf
darları arasında dövlət vəzifələrinin bölüşdürülməsi) adını al
mışdır. Bu sistem öz başlanğıcını 1820-ci illərdən, prezident
Endryu Ceksonun vaxtından götürür. Mills göstərir ki, zəif
bürokratiya hakimiyyətdə hərbiçilərin və bankirlərin, biznes
menlərin köməyi sayəsində qalır və onlardan kömək alır.
3. Mills elitaya məxsus digər tipləri - intellektualları,
yazıçıları, kino ulduzlarını, moda qanunvericilərini, model
ləri və b. göstərir və qeyd edir ki, onlar cəmiyyətdə qeyri-
sabit, marginal və ya qeyri-effektiv rol oynayırlar. Milisə
görə, onlar Amerikanın hakimiyyət sistemində elə bir
əhəmiyyətli rol oynamırlar. Bu adamlara sitayiş olunsa da,
onlar geniş reklam olunsalar da nəticə etibarı ilə Amerika
cəmiyyətində aparıcı rol oynaya bilmirlər. Bu məhşur şəxs
lərin təsvirinə isə Mills bütöv bir fəsil həsr edərək onların
cəmiyyətdə nisbətən az olan təsir və rolunu sübut etmişdir.
39
\
Dostları ilə paylaş: |