51
(atorvastatin, rozuvastatin) qanda ümumi xolesterol və ASLP xolesterolun səviyyəsini
aşağı salır. Beləliklə, statinlər ÜİX-ə bağlı ağırlaşmaların və simptomların təkrarlama
tezliyini azaldırlar.
Hipertoniya – ÜİX, insult, ürək çatışmazlığı, böyrək çatışmazlığı və periferik arteriya
xəstəliyinə birbaşa səbəb olan ciddi və ən geniş yayılmış risk faktorudur. Arterial qan
təzyiqinin normadan yüksək (140/90 mmHg-dən çox) olduğu insanlarda ürək-damar və
beyin qan dövranı pozulmalarıdaha çox müşahidə olunur. Hipertoniyaxəstəliyinin
rastgəlmə tezliyi yaşla birlikdə artır. Belə ki, 60 yaşdan yuxarı populyasiyada 65%-ə qədər
rast gəlinir. Farmakoloji və qeyri-farmakoloji (duz diyetası, sağlam həyat tərzi) tədbirlərlə
arterial qan təzyiqinin normallaşdırılması, ÜİX və beyin qan dövranı xəstəliklərinin
qarşısının alınmasında ən effektli vasitələrdən biri hesab olunur.
Siqaretçəkmə - Aktiv və ya passiv (siqaret tüstüsünə məruz qalan) siqaret çəkənlərdə
ÜİX-dən ölənlərin sayı ağciyər xərçəngindən ölənlərdən 10 dəfə çoxdur. Tütün və siqaret
ürək-damar sisteminə çoxşaxəli təsir edir. Damarın endotel qişasının funksiyasını pozur,
trombositlərin aqreqasiyasını artırır, laxtalanma kaskadını aktivləşdirir, damar divarındakı
iltihabi reaksiyanı sürətləndirir, aterosklerotik düyünün stabillyini pozaraq zədələnməsinə
səbəb olur. Siqaret çəkənlərdə nəinki birincili ÜİX klinikasına, hətta infarktdan sonra da
siqaret çəkənlərdə təkrari infarkt və ölüm hallarına daha çox rast gəlinir. Siqaretin
tərgidilməsi ilə onun mənfi təsirlərinin (endotel disfunksiyası, trombosit aqreqasiyası)
zamanla aradan qaldırılması mümkündür. Ən az 3 il siqaret çəkmədikdən sonra, həmin
şəxsin infarktkeçirmə riski siqaret çəkməyən insanla eyniləşir.
ÜİX riskinin hesablanması
Ateroskleroz və risk faktorlarının qarşısının vaxtında alınması ÜİX-in birincili
profilaktikasının əsasını təşkil edir. Risk faktorlarına görə ÜİX-ə tutulma ehtimalını
əvvəlcədən müəyyən etmək və qabaqlayıcı tədbirlər görmək olar. Bunun üçün müxtəlif
zamanlarda fərqli risk hesablama cədvəlləri tərtib olunmuş və praktikada istifadə
olunmuşdur. Bu cədvəllərdən ən geniş istifadə olunanı, risk faktorlarına görə ÜİX
ehtimalını ən dəqiq hesablayanı Framinqam risk cədvəlidir. Framinqam risk cədvəlində
yaş, cinsiyyət, ümumi xolesterol, HDL(YSLP) xolesterol, siqaretçəkmə, sistolik qan təzyiqi
kimi parametrlər nəzərə alınaraq, xəstənin 10 illik müddətdə ÜİX və miokard infarktına
tutulma riski hesablanır. Risk hesablama cədvəlinə görə, xəstələr üç qrupa ayrılır – yüksək,
orta və aşağı. Yüksək risk qrupuna 10illik ÜİX və miokard infarktına tutulma riski 20 %-
dən çox, orta risk qrupuna 10-20% arası, aşağı risk qrupuna isə 10%-dən az olan xəstələr
aid edilir. Bu risk cədvəlinə görə, yüksək risk qrupuna aid şəxslər ciddi şəkildə birincili
qorunma tədbirlərinihəyata keçirməlidirlər (sağlam və aktiv həyat tərzi, siqaretin
tərgidilməsi, çəkinin azaldılması). Eyni zamanda lipid mübadiləsinin normallaşdırılması
(statin və fibratlarla müalicə), arterial hipertenziyanın nəzarətə alınması və ÜİX-in erkən
diaqnostikası üçün instrumental müayinələr (EKQ, exokardioqrafiya, tredmil testi, koronar
angioqrafiya) həyata keçirilməlidir. Orta və aşağı risk qrupuna aid şəxsləri isə birincili
profilaktika tədbirlərinə qoşmaq və risk faktorlarını nəzarətə almaq lazımdır.
52
ÜİX-in DİAQNOSTİKASI
ÜİX-in diaqnostikasında istifadə olunan üsullar aşağıdakılardır:
1.
Klinik müayinə;
2.
Elektrokardioqrafiya;
3.
Stress -test sınaqları;
4.
Exokardioqrafiya;
5.
Miokard perfuziya sintiqrafiyası;
6.
KT;
7.
MRT;
8.
Koronar angioqrafiya.
Elektrokardioqrafiya (EKQ). Stabil stenokardiyalı xəstələrin elektrokardioqramı
adətən normal olur. Bəzən əvvəllər keçirilmiş miokard infarktı, intraventrikulyar keçiricilik
pozulmalarının əlamətləri müşahidə edilə bilər. Yalnız ağrı zamanı EKQ-də ST depresiyası
və T dişciyinin mənfiliyi izlənə bilər. Ağrı keçdikdən sonra bu dəyişikliklər geriləyir.
QSS/NSTEMİ-li xəstələrin EKQ-sində ST depresiyası və T dişciyi dəyişiklikləri ola
bilər. Yeni yaranmış ST depresiyası spesifik əlamətdir. Əgər ST depresiyası 0,1 mV-dan
çoxdursa, əhəmiyyətlidir. Ən pis proqnoz keçici STelevasiyasının izlənməsidir. T dişi
dəyişikliyi isə 0,3 mV-dan böyük olmadıqca, spesifik deyil.
Aşağı divar miokard infarktı zamanı D
2
,D
3
, aVF aparmalarında ST elevasiyası,
resiprok olaraq ön divarda ST depresiyası izlənilir (şəkil 2). Ön divar miokard infarktı
zamanı isə V
1
-V
6
aparmalarında ST elevasiyası və arxa divarda resiprok ST depresiyası
izlənir (şəkil 3). Ümumilikdə
Şəkil 2. Aşağı divarın infarktı - D
2
, D
3
, aVF-də ST seqment elevasiyası (göy oxlar)
və D
1
, aVL-də resiprok ST depresiyası.
53
Şəkil 3. Ön divarın infarktı - D
1
,aVL, V
1
-V
4
-də ST seqment elevasiyası (yaşıl oxlar)
və D
2
, D
3
, aVF-də ST depresiyası.
isə V
1
-V
2
aparmaları septum, V
3
-V
4
aparmaları apeks, V
5
-V
6
aparmaları isə lateral divar
göstəricisidir.Əgər xəstədə lateral divar miokard infarktı mövcuddursa, D
1
,D
2
, aV
L
,V
5
-V
6
aparmalarında ST elevasiyası gözlənilir. Xəstədə arxa divarın infarktı varsa, bu zaman
təcrid olunmuş şəkildə V
1
-V
3
aparmalarında resiprok ST depressiyası və R>S qeyd olunur.
Sağ mədəcik infarktı zamanı EKQ-də V
1
,V
3
R-V
6
R aparmalarında ST elevasiyası
xarakterikdir. Nadir hallarda V
2
və V
3
aparmalarında ST elevasiyası qeyd olunur. Bir neçə
saat keçdikdənsonra R dişinin voltajı azalır, dinamikada patoloji Q dişi meydana gəlir, ST
elevasiyası R dişinin kiçilməsinə bağlı geriləyir və T dişi mənfiləşməyə başlayır.
Yarımkəskin dövr adlananbu mərhələdə xəstənin şikayətləri azalır. 4-6 həftə sonra ST ele-
vasiyası tamamilə geriləyir, Q dişi tam formalaşır və T dişciyinin mənfiliyi davam edir; bu
isə xronik dövr adlanır. Uzun müddət, xüsusən də ön divarda ST seqmentində
elevasiyasının davam etməsi anevrizma əlamətidir.
Stress-test sınaqları – simptomların işemiya ilə əlaqəsini göstərməyə kömək edir.
Stress-test üsullarını xəstələrdə tredmil, veloerqometriya, exokardioqrafiya və dərmanlı
stress-testlərlə icra etmək mümkündür. Tredmil və veloerqometrik stress-testlər zamanı
xəstəyə fiziki yük verilərək elektrokardioqrafik dəyişikliklər və xəstənin şikayətləri dəyər-
ləndirilir. Stress exokardioqrafiya ilə xəstəyə fiziki yük verilir və exokardioqrafik olaraq
ürəyin divar hərəkət qüsurları dəyərləndirilir. Dərmanlı stress exokardioqrafiya zamanı
xəstəyə venadaxili olaraq ürəyin yığılmasını artıran simpatomimetik preparatlar
Dostları ilə paylaş: |