Mustafayevin "Vaqif", Süleyman Ələsgərovun "Bahadır və Sona", İvan Dzerjinskinin "İnsanın
taleyi", Rucero Leonkovallonun "Məshəkəçilər" operalarını, Soltan Hacıbəyovun "Gülşən" baletinin
səhnə təfsirindəki rəssamlıq işləri daha məzmunlu, romantik cazibəli, emosional ifadəli olub.
Əyyub Fətəliyevin ayrı-ayrı tamaşalara verdiyi geyim eskizləri tarixi-etnoqrafik dəqiqliyinə,
rəng bolluğunun koloritinə görə seçilir.
21 aprel 2000-ci ildə Bakıda vəfat edib.
SERGEY YEFKENKO (21.10.1896 - 5.8.1971)
Azərbaycan milli səhnəqrafiyasının inkişafında müəyyən rolu olub. Yaradıcılığı monumental
romantik üsluba daha yaxın idi. Klassik ifadə vasitələrinə üstünlük verib. Sergey Mitrofanoviç
Yefimenko 20 oktyabr 1896-cı ildə Rusiyanın Çerniqov quberniyasının Borzna şəhərində doğulub.
1924-cü ildə Moskva Ali Bədii-Texniki Emalatxanasını bitirib. Üç il Moskva teatrlarında işləyib.
Teatr-dekorasiya sənətində müəyyən təcrübə toplayan rəssam 1927-ci ildə Bakıya gəlib və ömrünün
sonuna qədər burada yaşayıb.
1927-1971-ci illərdə ADRDT-də rəssam və baş rəssam işləyib. Azərbaycan Respublikasının
əməkdar incəsənət xadimi (1936) və xalq rəssamı (1960) fəxri adlarına layiq görülüb. "Xəzər
üzərində şəfəqlər" tamaşasma verdiyi tərtibata görə SSRİ Dövlət mükafatı laureatıdır.
Sergey Yefimenko RDT-də (Maksim Qorkinin "Ana" (1927), Aleksey Faykonun "Portfelli
adam" (1928), Aleksandr Ostrovskinin "Tufan" (1934), Cəfər Cabbarlının "Sevil" (1930), "1905-ci
ildə" (1934), Mixail Lermontovun "Maskrad" (1934 və 1959), Vsevold Vişnevskinin "Nikbin faciə"
(1934), Nikolay Poqodinin "Tüfəngli adam" (1939), konstantin Trenyovun "Lyubov Yarovaya"
(1940), Səməd Vurğunun "Xanlar" (1941), Aleksandr Korneyçukun "Partizanlar Ukrayna
çöllərində" (1942), İmran Qasımovun "Xəzər üzərində şəfəqlər" (1950), Aleksandr Qriboyedovun
"Ağıldan bəla" (1951), Vladimir Mayakovsninin "Hamam" (1957), Nazim Hikmətin "Domoki
qılıncı" (1959), Ənvər Məmmədxanlının "Şərqin səhəri" (1958), Aleksandr Şteynin "Okean" (1960),
Georgi Mdivaninin "Terezanın ad gününə" (1961), Edvard Radzinskinin "Film çəkilir..." (1966),
Eduardo de Flipponun "İnsan və centlmen" (1968), Bernard Şounun "Missis Uorrenin peşəsi"
(1968), əsərlərinə səhnə tərtibatı verib.
AMDT-də Cəfər Cabbarlının "Yaşar" (1932), Vilyam Şekspirin "Otello" (1932), "Hamlet"
(1933), "Kral Lir" (1941) əsərlərinə səhnə tərtibətı verib "On ikinci gecə" (1946), Vasili Şkvarkinin
"Özgə uşağı" (1934), Cabbar Məcnunbəyovun "Yanar dərə" (1938), Fridrix Şillerin "Məkr və
məhəbbət" (1938), Aleksandr Ostrovskinin "Cehizsiz qız" (1939), Aleksandr Fadeyevin "Gənc
qvardiya" (1948), Opera və Balet Teatrında "Yevgeni Onegin" (Pyotr Çaykovski), "Şah İsmayıl"
(Müslüm Maqomayev) operalarına, Sezar Puninin "Esmeralda" baletmə müxtəlif üslub və
formalarda səhnə tərtibatları işləyib.
Sergey Yefimenko 5 avqust 1971-ci ildə Bakıda vəfat edib.
ELÇİN MƏMMƏDOV (29.5.1946 - 18.2.2001)
Görkəmli rejissor Mehdi Məmmədovla şöhrətli aktrisa Barat xanım Şəkinskayanın ailəsində
doğulmuş Elçin fitri istedad sahibi idi. Göz açandan teatr aləmində böyüyən Elçin Məmmədov
rəssamlığa lap uşaq yaşlarından başlayıb. Azərbaycan Dövlət İncəsənət İnstitutunun rəssamlıq
fakültəsində təhsil alıb (1967- 1973). Müxtəlif vaxtlarda Musiqili komediya Teatrında, Opera və
Balet Teatrında baş rəssam olub. 1989-cu il dekabr ayının 1-dən ömrünün sonuna qədər Akademik
Milli Dram Teatrında baş rəssam kimi çalışıb.
Elçin Məmmədov Bakıdakı Gənc Tamaşaçılar Teatrında Anatoli Aleksinin "Qardaşım
kiarnet çalır" (1970. Tələbə olarkən), Yevgeni Şvartsın "İki qayın ağacı" (1973), Kim Meşkovun
"Pin və Qvin" (1974), Yevgeni Miteonun "Bumbaraş" (1977), Anarın "Şəhərin yay günləri" (1979),
Aleksey Tolstoyun "Buratinonun səfehlər ölkəsində macəraları", Cəlil Məmmədquluzadənin
"Danabaş kəndinin məktəbi" (1983), Karlo Qotsinin "Yelkənlər üzərində nəğməli kü1ək" (1987),
Kamal Aslanovun "Yuxulama" dramlarının (1989) tamaşalarının rəssamı olub.
Musiqili Komediya Teatrında Oqtay Kazımov və Cənnət Səlimovanın "Danabaş kəndinin
əhvalatları", Rəşid Şəfəq və Abdulla Şaiqin "Tülkü Həccə gedir", Leonid Vaynşteyn və Rüstəm
İbrahimbəyovun "Səhranın bəyaz günəşi", İohan Ştrausun "Yarasa", Cahangir Cahangirov və
Seyfəddin Dağlının "Təzə gəlin", Fikrət Əmirov və Məhərrəm Əlizadənin "Gözün aydın" operetta
və musiqili komediyalarına bədii tərtibat verib.
Azərbaycan Dövlət Rus Dram Teatrında Maksim Qorkinin "Həyatın dibində", Aleksey
Vampilovun "Əyalət lətifələri", Hüseyn Cavidin "Şeyx Sənan" pyeslərinin, Naxçıvan DMDT-də
Evripidin "Elektra" faciəsinin, Gəncə DDT-də Maqsud İbrahimbəyovun "Mezozoy əhvalatı", Mixail
Lermontovun "İki qardaş", Lənkəran DDT-də İlyas Əfəndiyevin "Mahnı dağlarda qaldı", Nikolay
Qoqolun "Müfəttiş", Marionet Teatrında Üzeyir bəy Hacıbəyovun "Arşın mal alan" əsərlərinin
tamaşalarının bədii tərtibat rəssamıdır.
Zəngin və bəhrəli yaradıcılıq irsi yaratmış Elçin Məmmədovun səhnəqrafiya fəaliyyətində
Akademik Milli Dram Teatrında hazırlanmış tamaşalara verdiyi tərtibatlar xüsusi yer tutur. O, bu
sənət ocağında Mirzə Fətəli Axundzadənin "Xırs quldurbasan" (1971, tələbə vaxtı), Səməd
Vurğunun "İnsan" (1974), Mirzə Cəlil Məmmədquluzadənin "Dəli yığıncağı" (1978), Rüstəm
İbrahimbəyovun "Biganələr oteli" (1984), Arif Süleymanovun "Tufandan əvvəl" (1987), Vilyam
Şekspirin "Kral Lir" (1996), Elçinin "Ah, Paris... Paris!.." (1997), "Mənim sevimli dəlim" (1998)
əsərlərinin tamaşalarına quruluşçu rəssamlıq edib.
Məşhur teatr rəssamı "İblis" tamaşasının tərtibatına görə həmkarı Nazim Bəykişiyevlə
birlikdə Respublika Dövlət mükafatı laureatı olub (27 aprel 1984). Əməkdar incəsənət xadimi fəxri
adını alıb (22 may 1991).
RÜSTƏM MUSTAFAYEV
(25.2.1910- 19.7.1940)
Milli teatr dekorasiyası sənətimizin banilərindən biri Rüstəm Məmməd oğlu on beşillik
yaradıcılıq dövründə qırxdan çox səhnə əsərinə bədii tərtibat verib.
Rüstəm Mustafayev 25 fevral 1910-cu ildə Bakıda doğulub.
Rəsm çəkməyə erkən yaşlarından başlayıb. Yeddinci sinifi bitirdikdən sonra orta ixtisas
rəssamlıq məktəbinə daxil oldub.
1926-cı ildə Bara Rəssamlıq Məktəbini bitirmiş Rüstəm Mustafayev hələ son kursun ilk
günlərindən Bakı Türk İşçi və kəndli Teatrında (1927-ci ildən Bakı Türk İşçi Teatrı adlanıb)
tərtibatçı rəssam kimi çalışıb. 1932-ci il dekabnn 28-də həmin teatrın Gəncə şəhərinə köçürülməsi
barədə hökumət qərar çıxarıb. Rüstəm Mustafayev Akademik teatra baş rəssam dəvət olunub və
1938-ci ilə qədər burada səmərəli fəaliyyət göstərib.
Zərif dəst-xətti, incə kompozisiya qurumu, lirik rəng ahəngdarlığı olan Rüstəm Mustafayev
1939-cu ildə Moskvada tikilən Xalq Təsərrüfatı Nailiyyətləri Sərgisində monumental Azərbaycan
pavilyonunun və işlənMəsmə 1940-cı ildə başlanan Nizami muzeyinin tərtibatçı rəssamlarındandır.
Rəssam Opera və Balet Teatrında da məhsuldar çalıçıb. Burada Üzeyir bəy Hacıbəyovun
"Koroğlu", "Leyli və Məcnun", Zülfüqar bəy Hacıbəyovun "Aşıq Qərib", Müslüm Maqomayevin
"Şah İsmayıl" operalarına və Pyotr Çaykovskinin "Sonalar gölü" baletinə tərtibat quruluşu verib.