TEATRŞÜNASLIĞIN FORMALAŞMA
MƏRHƏLƏLƏRİ
Teatrşünaslıq teatr sənətinin fəlsəfi dəyərləri, estetik prinsipləri, poetika xüsusiyyətləri, bir
sözlə, onun bütün tədqiqi və nəzəri problemləri ilə məşğul olan elındir.
Teatrşünaslığın üç əsas qolu var. Birincisi, tarixi-tədqiqat qoludur ki, milli səhnə sənətimizin
və yaxud ayrıca bir teatrın yaradıcılığının təşəkkülünü, müxtəlif inkişaf mərhələlərini tədqiq edib
araşdırır, elmi əsərlər ortaya çıxarır. Müxtəlif görkəmli səhnə xadimləri barədə yazılan
monoqrafiyalar, irihəcmli portret-kitablar da buraya daxildir.
Teatrşünaslığın ikinci qolu bütövlükdə səhnə sənətinin elmi nəzəri əsaslarını öyrənir. Burada
milli teatrın müxtəlif estetik prinsipləri, poetika özəllikləri, dünya teatrı ilə Azərbaycan səhnəsinin
elmi-nəzəri bağlılığı, aktyor məktəblərinin, rejissor üslublarının mahiyyət və səciyyələri, dəyərləri
araşdırılır. Milli teatrın konseptual poetika xüsusiyyətlərinin elmi modeli qurulur.
Operativ teatrşünaslıq üçüncü qol kimi səciyyələnir və özünü ilk növbədə teatr tənqidi kimi
realizə edir. Buraya teatrın cari problemləri, yeni tamaşalar barədə resenziyaları daxildir. Eyni
zamanda ayrı-ayrı sənət ocaqlarının çağdaş yaradıcılıq durumunun ən müxtəlif problemləri operativ
şəkildə mətbuata çıxarılır, elmi mübahisələr aparılır, qənaətlər çözələnib məntiqli nəticələrə gəlmək
üçün aydın mənzərə yaradır.
Azərbaycan teatrşünaslığı bu üç qolun üçündə də fəaliyyət göstərir. Fundamental
teatrşünaslığımız məhz onların küll halında götürülməsində özünün nailiyyət və çatışmazlıqlarını
daha aydın büruzə verir.
Maraqlıdır ki, hələ peşəkar teatrımız təşəkkül tapmamışdan əvvəl milli teatrşünaslıq
elmimizin müəyyən əsasları qoyulub. Mirzə Fətəli Axundzadə özünün məşhur komediyaları ilə
yanaşı, teatr sənətinə, onun xalqın maariflənməsində kəsb etdiyi böyük əhəmiyyətinə, mənəvi-əxlaqi
keyfiyyətlərinin inkişafına təsirinə, dünyagörüşlərinin nadanlıq çamırlığından xilas olmasında
oynadığı rola aid çox dəyərli nəzəri və estetik fikirlər söyləmişdir. Deməli, elə milli
teatrşünaslığımızın ilkin rişələri də kök etibarilə Mirzə Fətəli irsinə bağlanır. Bununla belə, sözsüz
ki, Axundzadənin teatra aid yazıları hələ peşəkar teatrşünaslıq deyildi və həiə fundamental əsaslarını
yaratmaq üçün ona müəyyən mərhələləri keçmək lazım idi.
Bu baxımdan milli teatrşünaslığımızın inkişaf yolunu şərti olaraq dörd mərhələyə bölmək
olar.
Birinci mərhələ (1873-1905). Bu dövr elmin ibtidai formalarının yaranması və ona
göstərilən ziyalı cəhdləri ilə xarakterikdir. 10 mart 1873-cü ildə Bakıda ilk dəfə "Lənkəran xanının
vəziri" tamaşası oynanıldıqdan on beş gün sonra, yəni martın 25-də "Kavkaz" qəzeti bu hadisə
barədə məlumat verib. Hətta onu da qeyd edib ki, Dünya bina olandan indiyədək birinci dəfədir
Azərbaycan dilində tamaşa oynanılır. Ta-maşadan 150 manat pul hasil olduğu da həmin məlumatda
göstərilir. Teatr tariximizdən bilirik ki, ilk tamaşanı oynayan teatr həvəskarları xeyriyyə məqsədilə
həmin il aprelin 17-də yenə Mirzə Fətəlinin növbəti əsərini, "Hacı Qara" komediyasını Nəciblər
klubu deyilən Bakı cəmiyyət yığnağı binasında göstəriblər. O vaxt Tiflisdə çıxan "Kavkaz" qəzeti
mayın 13-də həmin tamaşa barədə də xəbər dərc edib.
Beləliklə, Azərbaycanda teatrşünaslığın birinci mərhələsi başlayıb və 1906-cı ilə qədərki
dövr məhz ona aiddir. 1875-ci ildən 1906-cı ilə qədər Tiflisdə, Bakıda, İrəvanda, Baxçasarayda
Azərbaycan, rus, tatar dillərində nəşr olunan "Əkinçi", "Bakınskaya izvestiya", "Ziya", "Kəşkül",
"Kavkazskoye obozreniye", "Kaspi", "Tərcüman", "Novoye obozreniye", "Tiflisski listok",
"Nordar", "Şərqi Rus", "Həyat", "Baku", İranda çıxan "Həblülmətn", Peterburqda dərc edilən
"Teatralnaya qazeta" qəzetlərində, "Kavkazski vestnik" məcmuəsində Azərbaycan teatr prosesini
təcəssüm etdirən yazılar oxuculara çatdırılıb. Burada daha çox məlumat-informasiya məqsədi
güdülüb. Ancaq elə onların özləri də həm o dövrdə xalqı maariflənməyə səsləməsi, teatrın təbliği,
milyonçuları məmləkətimizdə bu sənətin tərəqqisinə köməyə çağırması bu gün həmçinin teatr
tariximizin öyrənilməsi baxımından çox qiymətlidir.
Maraqlı olanı bir də budur ki, həmin məlumatların əksəriyyətini çap üçün redaksiyalara məhz
azərbaycanlı maarifpərvər ziyalılar yazıb göndərmişlər. Düzdür, bəzən mətbuat səhifələrində teatra
aid, onun təşəkkülü, təşkili, yeni binaların tikilməsi barədə də nisbətən irihəcmli yazılar verilirdi.
Onlar sırf teatrşünaslıq yazıları olmasalar da, hər halda teatr prosesinin canlılığını, səviyyəsini,
mövcud qüsurları, ziyalıların bu işin tərəqqismə yardımlarının səviyyəsini göstərməsi baxımından
dəyərlidir.
İkinci mərhələ (1906-1919). Bakıda 1906-cı ildə "Nicat", sonra "Həmiyyət", 1912-ci ildə
"Səfa" mədəni-maarif cəmiyyətləri nəzdində teatr truppalarının, 1916-cı ildə "Zülfüqar bəy və
Üzeyir bəy Hacıbəyov qardaşlarının müdiriyyəti" dəstəsinin, 1917-ci ildə Abbasmirzə Şərifzadənin
yaratdığı "Müsəlman artistləri ittifaqı"nın, Tiflisdə "İttihad" və "İbrət" teatr dəstələrinin, İrəvanda
"Dram artistləri birliyi"nin yaranınası ilə teatr prosesi sıçrayışlı dirçəlişə başladı. Artıq adları çəkilən
şəhərlərdə peşəkar aktyorlar dəstəsi yaranmışdı və onlar özləri də hiss etmədən milli teatrımızın yeni
inkişaf sütunlarını ucaldırdılar.
Həmin dövrdə rus dilində çapını davam etdirən "Kaspi", "Baku", tatarca "Tərcüman",
"Həyat", azərbaycanca yeni nəşrə başlayan "İrşad", "Kavkazskaya reç", "Təkamül", "Proqress",
"Təzə həyat" (Vladiqafqazda çap olunub), "Füyuzat", "Əxbar", "Seqodnya", "Tərəqqi", "İttifaq",
"Zənbur", "Səda", "Günəş", "Yeni həqiqət", "Kavkazskaya kopeyka", "Məlumat", "Yeni İrşad",
"Sədayi həqq", "Haqq yolu", "Təzə xəbər", "İqbal", "Məktəb", "Bakınski teatralnı kuryer", "Bəsirət",
"Sədayi Qafqaz", "Məzəli", "Teatr i iskusstvo", "Açıqsöz", "Tuti", "Doğrusöz", "Sovqat", "İttihad",
"Hümmət", "Gənclər yurdu", "Azərbaycan", "İstiqlal", "Zəhmət sədası", "Hürriyyət", "Azərbaycan
füqərası" qəzet və jurnallarında dərc olunan yazılardan milli səhnə sənətimizin vəziy-yətini və
yaradıcılıq durumunu müəyyənləşdirmək olar.
Mirabbas Mirbağırov, Məmmədsadıq Axundov, Səfərəli Vəlibəyov, Hacı İbrahim Qasımov,
Qurbanəli Şərifov, Ağadadaş Həsənov, Xəlil İbrahim (İbrahimov), Məmmədəli Səfərov, Haşım bəy
Vəzirov, Ceyhun Hacıbəyli, Üzeyir bəy Hacıbəyov, Rəhim bəy Məlikov, Eynalı bəy Sultanov,
Nəriman Nərimanov, Əbdürrəhim bəy Haqverdiyev, Hüseyn Minasazov kimi müxtəlif peşə
sahibləri olan ziyalılar tamaşalar barədə resenziyalar yazırdılar. Onların teatrın müxtəlif
problemlərinə aid məqalələri də çap olunurdu. Hələlik forma və məzmununda müəyyən primitivlik
duyulsa da, resenziya janrı Azərbaycan teatrşünaslığında önə keçmişdi. Müəlliflərin qiymətvermə
meyilləri tam elmi-nəzəri fikir yükü daşımasa da "yaxşı", "Kafi", "pis" qiymətləri ilə tamaşa
ifaçılarının oyunları barədə kifayət qədər məlumatlar və şərhlər də var.
Teatra aid müxtəlif səpkili məqalələr yazan müəlliflərin işləri Bakıdan əlavə Tiflisin
"Məzhər", "Tiflisski listok", "Tiflisskoye sobraniye", "Droeba", "Zritel", "Molla Nəsrəd-din",
"Oqni", "Musulmanskaya qazeta", Şuşada çıxan "Şuşinski listok", "Şuşinskaya jizn", Moskvada çap
olunub Azər-baycanda da oxunan "RUSSki artist", "Teatr i iskusstvo", "Rampa i jizn" qəzetlərində,
jurnallarında çap olunurdu. Azərbaycanlı müəlliflərin teatr sənətinə, aktyor yaradıcılığına, teatr və
mədəniyyət, teatr və maarif problemlərinə aid mə-qalələri oxuculara çatdırılırdı. İxtisasca
hüquqşünas olan, uzun illər müxtəlif truppalarda aktyorluq etmiş Mehdi bəy Hacınski bir müddət
"Rampa i jizn" jurnalının Azərbaycan üzrə xüsusi müxbiri olmuşdur.
Teatrşünaslığın ikinci mərhələsi adlandırdığım dövrdə resenziya janrı təşəkkül tapıb inkişaf
etdi. Eyni zamanda ay-rı-ayrı aktyorların yaradıcılıqlarından bəhs edən kiçik portret janrlı yazılar da
mətbuatda yer tutınağa başladı. Beləliklə, operativ janr kimi resenziya həmin dövrdə daha populyar
olub və tədricən özünün estetik cilalanınası ilə səciyyəvi xarakter daşıyıb.
Üçüncü mərhələ (1920-1949). 1919-cu ildə Dövlət teatrı təsis olundu və səhnə sənəti 1920-
ci ildə institusional mə-dəniyyətin faktı kimi yeni forma və məzmun kəsb etdi. Tədricən "sovet
teatrı" anlayışı dilə keçdi və səhnədə onun təmsilçiləri olduğu kimi, teatrşünaslıqda da həmin mövqe
və es-tetikanın nümayəndələri yarandılar.