Teatrşünaslıq elmimiz hələ peşəkarlaşmasa da,
səhnə sənətinə, dramaturgiyaya, rejissor və
aktyor yaradıcılığına dərindən bələd olan ədəbiyyatşünaslar, dramaturqlar, nasirlər, şairlər,
jurnalistlər, dilçi alimlər, hətta inzibati işdə çalışan siyasi xadimlər teatr prosesini izləyir, onu
mətbuatda bütün canlıhğı ilə təcəssüm etdirməyə çalışırdılar. Artıq onların yazılarında tamaşanın və
ya pyesin peşəkar təhlilinin dərinliyi özünü göstərirdi. Mirzə Fətəli Axundzadə, Nəriman
Nərimanov, Əbdürrəhim bəy Haqverdiyev, Nəcəf bəy Vəzirov, xüsusən əsərləri repertuarın əsasını
təşkil edən Cəfər Cabbarlı ilə Hüseyn Cavidin dram və faciələri barədə geniş təhlilli məqalələr
yazılırdı. Dram janrı, əsasən ədəbiyyatşünaslıq prizmasından araşdırılsa da, yeri gəldikCə təhlilin
mahiyyətində teatrşünaslığa meyl duyulurdu.
Ötən əsrin iyirminci və otuzuncu illərində "Maarif və mədəniyyət", "Dan ulduzu", "Hücum"
kimi jurnallarda dramaturgiya ilə teatra aid genişhəcmli məqalələr verilirdi. Onların da əksəriyyəti
müzakirə təriqi ilə dərc edilirdi və sözsüz ki, siyasi ruh üzdə olan yazılarda müəyyən ideoloji
basqılar olurdu. Ancaq nəzəri cəlb edən cəhət odur ki, ədəbiyyatşünaslar Hənəfi Zeynallının,
Mustafa Quliyevin, Əli Nazimin, Xəlil İbrahimin, Əziz Şərifin, yazıçılar Cəfər Cabbarlının, Abdulla
Şaiqin, Seyid Hüseynin (Kazımoğlu), Hacıbaba Nəzərlinin, teatr xadimləri Mirseyfəddin
Kirmanşahlının, Ülvi Rəcəbin, Əsəd Tahirin, Akif kazıının, Məmmədsadıq Əfəndiyevin, Əfrasiyab
Bədəlbəylinin, Şəmsi Bədəlbəylinin, İsrafil Cahangirovun, jurnalistlər Seyid Cavadzadənin,
Süleyman Məlikovun, Murtuza Nağıyevin, İsrafil Nəzərovun, Şəmsəddin Abbasovun
resenziyalarında, nəzəri məqalələrində, teatrın cari problemlərinə, aktyor və rejissor yaradıcılığına
aid yazılarında fikir dərinliyi, peşəkar sənətçi duyumu, incəsənəti dərketmə zövqü aydın duyulurdu.
Bu mərhələdə də resenziya janrı üstünlük təşkil edirdi. Ancaq böyük salonlarda keçirilən,
bəzən günlərlə davam edən ədəbi mühakimələrdə Cəfər Cabbarlının və Hüseyn Cavidin pyeslərinin
və onların tamaşalarının müzakirəsi teatrşünasiığa janr əlvanlığı gətirirdi. Rəsul Rza, Mehdi Hüseyn,
Məm-məd Arif, Mlkayıl Rəfili, Əli Sultanlı, Məmməd Cəfər, Yusif Əzimzadə, Mirzə İbrahimov,
Süleyman Rüstəm, Sabit Rəhman, Səməd Vurğun, Cəfər Cəfərov kimi şair, nasir və filoloqlar,
musiqişünas Qubad Qasımov teatrşünaslıqla da məşğul olmağa başlamışdılar. Onların arasında
Cəfər Cəfərov teatr estetikasma dərindən bələdliyi, obyektivliyi, nəzəri hazırlığı, resenziya janrı
vasitəsilə bütün tamaşanın poetikasını açmağa qadir olması baxımından diqqət mərkəzində dururdu.
Bu mərhələ bir də onunla xarakterikdir ki, teatrşünaslığın tədqiqat qolunun bünövrəsi
qoyulub. 1923-cü ildə İsrafil Cahangirovun "Azərbaycan Dövlət Bədaye teatrosu", 1930-cu ildə
Ağakərim Şərifovun "Azərbaycan türk teatrı tarixi materialları" kitabları, Məmmədsadıq
Axundovun "Dan ulduzu" jurnalında (1928, N° 45) "Bakı Türk İşçi Teatrosu" tədqiqatı çap
olunmuşdu. Cəfər Cəfərov bugünkü Milli Dram Teatrının tarixini əhatə edən monoqrafiya üzərində
işləyirdi. Bu, onun doktorluq işiydi.
Dördüncü mərhələ (1950 - 2004). Azərbaycanda 1923-cü ildən Bakı Teatr Məktəbi
(Texnikumu) fəaliyyət göstərirdi. 1946-cı ildə onun bazası əsasında Azərbaycan Dövlət Teatr
İnstitutu (bugünkü Mədəniyyət və İncəsənət Universiteti) yaradıldı və ilk dəfə burada milli
teatrşünas kadrları yetişdirilMəsmə başlanıldı. Teatrşünaslıq fakültəsinə altı nəfər qəbul olundu:
Turan Cavid, Hüseyn Abbaszadə, Adil Babayev, İshaq İbrahimov, Aişə Qasımova və Gülsüm
Əliyeva. Az sonra həmin fakültəni Cabir Səfərov, Rahib Hüseynov, İnqilab Kərimov kimi tanınmış
teatrşünaslar da bitirdilər. Tədricən Azərbaycanda teatrşünaslığın formalaşmasının yeni mərhələsi
başlandı.
Görkəmli ədəbiyyatşünas alimlər Bəkir Nəbiyev, Əkbər Ağayev, Cəlal Məmmədov, Məsud
Əlioğlu, Qulu Xəlilov, Yaşar Qarayev, Təhsin Mütəllimov, Xalid Əlimirzəyev kimi alimlər
resenziya janrında çox fəal idilər. Ümumən onların teatrşünaslıq fəaliyyətləri resenziya dairəsmdən
kənara çıxmırdı, lakin ədəbiyyatşünaslıq təhlili daha güclü olan bu müəlliflərin silsilə resenziyaları
teatrşünaslığımıza qiymətli töhfədir, səmərəli elmi əhəmiyyət kəsb edirlər.
TEATRŞÜNASLIĞIN ELMİ
PEŞƏKARLIQ DÖVRÜ
Otən əsrin əvvəlinci illərindən mətbuatda onların imzaları daha çox görünsə də, artıq Cəfər
Cəfərov kimi nüfuzlu teatrşünas yetişmişdi. Onun "Azərbaycan Dram Teatrı" kitabı (Azərnəşr,
1959) fundamental teatrşünaslığımızın sanballı elmi nailiyyəti idi. Sonralar bu elmi irsi alimin
"Mirzə Fətəli Axundzadə və teatr", "Hüseyn Cavid və teatrı" kimi dərin elmi-nəzəri tədqiqatları,
Tofiq Kazımov, İsmayıl Hidayətzadə haqqında monoqrafiyaları, teatra aid yüzlərlə məqalə və
resenziyaları daha da zənginləşdirdi.
Məhz Cəfər Cəfərovun rəhbərliyi ilə illər keçdikcə sırf teatrşünasların elmi fəaliyyətləri
genişləndi. Onun sıraları İnqilab Kərimov, Ədilə Əliyeva, Adil Babayev, Adilə İsmayılova, Adilə
İsgəndərova, Rahib Hüseynov, Mahmud Allahverdiyev, Tamilla Yusifbəyli, Veta Nadirova, Adilə
Səfərova, Rafiq Sadıqov, Elmira Əliyeva, Cəlil Vəzirov (Naxçıvan) Atababa Hacıbabayev, Novruz
Təhməzov, Məryəm Əlizadə, İlham Rəhimli, Kəmalə Cəfərzadə, İsrafil İsrafilov, Aydın Talıbov,
Nərminə Ağayeva, Xuraman Novruzova, Yaqub Əlioğlu kimi teatrşünasların hesabına zənginləşdi.
Rejissorlar Mehdi Məmmədov, Soltan Dadaşov, Tofiq Kazımov, Ağakişi Kazımov və
rəssam Elçin Aslanov teatrşünaslıq zəminində bir sıra maraqlı tədqiqatlar çap etdirmişlər.
Tədqiqatçı Qulam Məmmədlinin ikicildlik "Azərbaycan teatr salnaməsi" (Bakı, Azərnəşr,
1975 və Bam, Yazıçı, 1985), İnqilab Kərimovun "Azərbaycan teatrının təşəkkülü və inkişafı. XIX
əsrin sonu, XX əsrin əvvəli" (Bam, Elm, 1991), "Əbdürrəhim bəy Haqverdiyev və teatr" (Bakı, Elm,
1975), Mahmud Allahverdiyevin "Azərbaycan xalq teatrı tarixi" (Bakı, Maarif, 1978), Ədilə
Əliyevanın "Hüseyn Ərəblinski" (Bakı, Elm, 1981), Rahib Hüseynovun dramaturq Cəfər
Cabbarlının əsərlərinin səhnə təcəssümünə aid silsilə kitabları, Adilə Səfərovanın "Teatr və zaman"
(Bakı, Elm, 1971), Adilə İsmayılovanın "Azərbaycan qadınları səhnədə" (Bakı, İşıq, 1977), Tamilla
Yusifbəylinin "Şekspir Azərbaycan səhnəsində" (Bakı, AEA-nm nəşri, 1964), Tamilla Təhmasibin
"Hüseyn Cavid və teatr" (Bakı, İşıq, 1988), Məryəm Əlizadənin "Teatr: seyr və sehr" (Bakı, Elm,
1998), İsrafil İsrafilovun "Azərbaycan milli rejissor sənətinin poetikası" (Bakı, Elm və "İsmayıl",
2001), İlham Rəhimlinin "Dramaturgiya və teatr" (Bakı, İşıq, 1984), iki kitabdan ibarət "Akademik
Milli Dram Teatrı" (Bakı, Qapp-Poliqraf, 2002), "Xalq oyun-tamaşaları" (Bara, Qapp-Poliqraf,
2002) kitabları milli teatrşünaslığımızın fundamental araşdırma istiqamətində dəyərli elmi
nailiyyətlərdir.
Bugünkü teatrşünaslıq elmimizin əsas yaradıcılıq səciyyələrini estetik baxımdan aşağıdakı
kimi xarakterizə etmək olar.
Teatrşünaslar milli teatrın özünün, onun rejissura sənətinin, xalq oyunlarının poetikasını
fundamental şəkildə tədqiq edir, elmi əsərlərin çapına nail olurlar;
ayrı-ayrı teatrların yaradıcılıq yollarını təcəssüm etdirən elmi araşdırmalar aparılır (məsələn,
Gəncə, Naxçıvan, Tiflis, Aşqabad, İrəvan... teatrları barədə);
milli teatrımızın Dünya teatr prosesi ilə genetik və nəzəri bağlılığının konseptual prinsipləri
araşdırılır;
səhnəmizin qüdrətli xadimləri haqqında monoqrafiyaların işlənməsi tam olmasa da, müəyyən
mənada sistemli şəkil alır;
teatrşünaslıq operativ şəkildə teatrın canlı, çağdaş dövrünün sənət mənzərəsmi daima diqqət
mərkəzində saxlayır. Resenziya janrının yeni-yeni formalarında müxtəlif teatrların tamaşaları
tənqid-təhlil süzgəcindən keçirilir;
ən nəhayətdə, artıq teatrşünaslıq kəzində durur.
* * *