46
Bakı xanlığının Quba xanlığına birləşdirilməsi (1767)
Dərbənd xanlığının Qubaya birləşdirilməsindən sonra Fətəli xan əsas diqqətini
Bakı xalığına yönəltdi. Bunun əsas səbəbi
hərbi cəhətdən zəif olan Bakı xanlığının digər xarici hücumlara məruz qalmasının Quba xanlığı üçün də təhlükə yarada bilməsi
idi. Buna görə də Fətəli xan, Bakı xanlığını tabe etmək üçün tədbirlər həyata keçirməyə başladı. Belə ki, Fətəli xan Bakı xanlığını
tabe etmək üçün
“nikah diplomatiyası”na əl atdı. Qohumluq münasibətləri Quba və Bakı xanlıqları arasında siyasi baxımdan da
etibarlı şərait yaratmışdı. Beləliklə,
1767-ci ildə
“nikah diplomatiyası” vasitəsilə
Bakı və
Abşeron torpaqları Quba xanlığının
təsir dairəsinə düşdü. Dövrün rəsmi sənədlərində Fətəli xan artıq
Quba, Dərbənd, Bakı və
Salyan hakimi adlandırılırdı.
Şamaxı və Cavad xanlıqlarının Quba xanlığına birləşdirilməsi (1768)
Şamaxı xanlığı uğrunda ardıcıl mübarizənin başlanması ilə Şimal-şərqi Azərbaycan torpaqlarınının Quba xanlığına qatılması
işi
ikinci mərhələyə qədəm qoydu. Şamaxı xanlığı barədə Fətəli xanın konkret planları var idi.
Həmin plana görə Fətəli xan Şimal-
şərqi Azərbaycan torpaqlarını tutduqdan sonra dövlətin paytaxtını Şamaxı şəhərinə köçürmək istəyirdi. Bu həm iqtisadi, həm də
siyasi tələblərdən irəli gəlirdi:
Şamaxının iqtisadi cəhətdən tutulmasının Quba xanlığı üçün əhəmiyyəti ondan ibarət idi ki, Şamaxı əlverişli ticarət
yolları üzərində yerləşirdi və yaxşı təsərrüfat imkanlarına malik idi.
Şamaxının siyasi cəhətdən xanlığa birləşdirilməsinin əhəmiyyəti isə ondan ibarət idi ki, , Şamaxı xanlığı Şəki və
Qarabağ xanlıqlarının birləşdirilməsində, Azərbaycanın cənub torpaqlarına doğru irəliləyişdə mühüm siyasi mərkəz
rolunu oynamalı idi.
1768-ci ildə Şamaxı xanlığı Qubaya birləşdirildi. Uzun mübarizə nəticəsində Fətəli xan Şəki xanı Hüseyn xan üzərində
qələbə çaldıqdan sonra Şimal-şərqi Azərbaycanın, o cümlədən Şamaxı xanlığının torpaqlarının Quba xanlığına qatılması prosesi
başa çatdırıldı. Quba xanlığını möhkəmləndirmək üçün böyük əhəmiyyətə malik olan bu hadisə (Şamaxı xanlığının Qubaya
birləşdirilməsi) Fətəli xanın dövlətçilik fəaliyyətində mühüm nailiyyət idi.
1768-ci ildə
Cavad xanlığı (Muğan torpaqları)
da Quba xanlığının tabeliyinə keçdi. İstər coğrafi mövqeyi, istərsə də hərbi-
strateci baxımdan
Muğanın Quba xanlığına qatılması xanlığın getdikcə güclənməsi demək idi. Özünə dayaq yaratmaq məqsədi ilə
Fətəli xan Dərbənd xanlığı əhalisinin bir hissəsini buraya köçürmüşdü.
QEYD:
1779-1789-cu illərdə
Şəki xanlığı da Quba xanlığından asılı vəziyyətə düşdü.
1789-cu ildə Fətəli xanın vəfatından
istifadə edən Şəki hakimi Məhəmmədhəsən xan Quba xanlığının asılılığından çıxdı və Şəkinin müstəqilliyini bərpa etdi.
Fətəli xanın hakimiyyəti dövründə Quba xanlığına birləşdirilmiş xanlıqlar:
Şimal-şərqi Azərbaycan torpaqlarınının birləşdirilməsinin əhəmiyyəti
Azərbaycanın şimal-şərq torpaqlarının vahid bir xanlıqda birləşdirilməsinin o dövr üçün böyük əhəmiyyəti var idi. Şimal-
şərqi Azərbaycan torpaqlarınının vahid dövlətə - Quba xanlığına birləşdirilməsinin əhəmiyyəti aşağıdakılar idi:
Bu ərazilərdə ara müharibələrinə nisəbətən son qoyuldu
Təsərrüfatın inkişafı üçün əlverişli şərait yarandı
Şimal-şərqi Azərbaycan torpaqlarınının birləşdirilməsinin Quba xanlığı üçün əhəmiyyəti isə bunlar idi:
Quba xanlığının iqtisadi və hərbi-siyasi gücü artdı
Quba xanlığı ölkənin siyasi həyatında mühüm rol oynamağa başladı
Lakin yerli
separatçı qüvvələr tamamilə ləğv edilməmişdir. Bu qüvvələrin aradan götürülməsi qarşıda duran mühüm
vəzifələrdən biri idi.
Bakı xanlığı
(1767
)
Şamaxı xanlığı
(1768)
Cavad xanlığı
(1768
)
Dərbənd xanlığı
(1759)
Şəki xanlığı
(
1779)
Lənkəran xanlığı
(1785)
47
Gavduşan döyüşü (1774)
Quba xanlığının qüdrətinin artması bir sıra Azərbaycan xanlarını və Dağıstan hakimlərini təşvişə satlmışdı.
1773-cü ilin
noyabr-dekabr aylarında
Şəki və
Qarabağ xanlıqlarınınhəmçinin
Avar hakiminin birləşmiş qüvvələri Quba xanlığın üzərinə
yürüş etdilər. Bu yürüşdə
Gürcüstan da onlara kömək edirdi. Lakin Fətəli xan bu yürüşə dəf etməyə müvəffəq oldu.
1774-cü ilin iyul ayında Xudat yaxınlığındakı Gavduşan çölündə Quba xanlığı ilə
Qaraqaytaq üsmisi Əmir Həmzə və
Şamaxı xanı Ağası xanın başçılıq etdiyi bir sıra Azərbaycan və
Dağıstan hakimlərinin birləşmiş qüvvələri arasında qanlı döyüş
baş verdi. Tarixə
Gavduşan döyüşü kimi düşən bu döyüş nəticəsində:
•
Fətəli xan məğlub olaraq Salyana tərəf çəkildi.
•
Düşmənləri Quba və Şamaxını tutaraq Dərbəndi mühasirəyə aldılar.
Gavduşan döyüşünün səbəbi
Qubalı Fətəli xanın birləşdirmə siyasətinə Azərbaycan xanlarının öz torpaqlarının işğalı
kimi baxmaları idi.
Bu zaman Dərbəndin müdafiəsinə Fətəli xanın arvadı
Tuti Bikə rəhbərlik edirdi. Onun qardaşı Əmir Həmzə şəhəri hiylə ilə
ələ keçirmək üçün Tuti Bikəyə ərinin ölüm xəbərini çatdırıb matəm mərasimi düzəltdi. Bu vaxt Fətəli xan gizli yolla Dərbəndə gəlib
çıxdı. Fətəli xan düşmənlərinə qarşı
mübarizə aparmaq üçün 1775-ci ildə Rusiya sarayına elçilər göndərərək
Rusiyaya müraciət etdi
və ondan kömək istədi. 1775-ci ilin martında Dərbəndə çatan
rus qoşununun köməyi ilə Fətəli xan:
Düşmənlərinin üzərində qələbə çaldı.
Gavduşan döyüşündəki məğlubiyyətin əvəzini çıxdı.
Dərbəndin mühasirə təhlükəsini aradan qaldırdı.
Beləliklə, Rusiyanın göndərdiyi kömək Qubalı Fətəli xana öz düşmənlərindən Gavduşan məğlubiyyətinin qisasını almağa
yardım etdi.
Gavduşan döyüşündə məğlubiyyətdən sonra Qubalı Fətəli xanın yeritdiyi siyasət
Fətəli xanla Qarabağ xanlığı arasında münasibətlərin gərginləşməsi
Fətəli xan Dərbəndin mühasirəsini aradan qaldırdıqdan sonra mövqelərini daha da möhkəmləndirdi və
işğal siyasətini davam
etdirdi. Bu zamanı Fətəli xanın əsas
diqqəti Qarabağ xanlığına yönəlmişdi.
Fətəli xan Qarabağ xanlığını tabe etmək üçün əvvəlcə
diplomatik yola əl ataraq
1779-cu ildə Bakı xanı Məlik Məhəmmədi
müqavilə bağlamaq təklifi ilə
Qarabağa göndərdi. Qarabağ xanı İbrahimxəlil xan
bu müqaviləni onu asılı vəziyyətə salacağını hiss
edərək Məlik Məhəmməd xanı həbs etdi. Fətəli xanın Qarabağ xanlığına qarşı diplomatik
tədbiri uğursuzluğa uğradıqdan sonra
1780-1781-ci illərdə bir neçə dəfə Qarabağa yürüş etdi.
Bu yürüşlər də uğursuz oldu.
Fətəli xanın Azərbaycanın cənubunda möhkəmlənmək cəhdlərinin baş tutmaması
Fətəli xanın planlarına
Azərbaycanın cənub torpaqlarını da öz dövlətinə qatmaq daxil idi. Bu məqsədlə Fətəli xan
1784-cü
ilin yayında Azərbaycanın cənub ərazilərinə hücum etdi. Bu hücum nəticəsində
Ərdəbil və
Meşkin şəhərləri ələ keçirsə də Fətəli
xan Azərbaycanın cənub torpaqlarında
möhkəmlənə bilmədi. Fətəli xanın Azərbaycanın cənub torpaqlarında
möhkəmlənə
bilməməsinin səbəbi onun yürüşünün
Rusiyanın narazılığına səbəb olması idi. Çünki,
Rusiya Quba xanlığının daha da
güclənməsindən ehtiyyat edirdi və Rusiyanın sərhədlərinə yaxın bir regionda güclü Azərbaycan dövlətinin mövcudluğu
Rusiyanın gələcəkdə Cənubi Qafqazdakı işğalçılıq siyasətinə mane ola bilərdi. Odur ki, Rusiya ilə münasibətləri korlamaq
istəməyən Fətəli xan geri qayıtmağa məcbur oldu.
Beləliklə, Qubalı Fətəli xanın
Qarabağ və
Cənubi Azərbaycan xanlıqlarını birləşdirmək siyasəti uğursuzluqla nəticələndi.
Şimali Azərbaycan torpaqlarının birləşdirilməsinin baş tutmaması
Fətəli xan
Şimal-şərqi Azərbaycan torpaqlarını Quba xanlığı ətrafında birləşdirsə də bütün Azərbaycan torpaqlarını
birləşdirə bilmədi. Fətəli xanın Azərbaycan torpaqlarını
vahid dövlətdə birləşdirmək planının baş tutmamasının bir sıra səbəbləri
var idi. Həmin səbəblərə aşağıdakılar daxil idi:
•
Ölkədə siyasi pərakəndəliyin mövcud olması.
•
Azərbaycan xanlarının “birləşdirmə” məsələsinə öz tarpaqlarının işğalı kimi baxmaları.
Əvvəlki vəziyyətini bərpa
etməyə çalışdı
Rusiya ilə münasibətləri
canlandırdı