16
AZƏRBAYCAN XVIII ƏSRİN BİRİNCİ YARISINDA
XVIII əsrin birinci yarısında Azərbaycanda sosial-iqtisadi və siyasi vəziyyət
Səfəvilər dövlətində iqtisadi və siyasi böhran
XVII əsrin sonu - XVIII əsrin əvvəllərində Səfəvi dövləti dərin iqtisadi və siyasi böhran keçirirdi. Azərbaycanda xalq
kütlələrinin vəziyyəti isə xüsusilə ağır idi. Dövlət xəzinəsi o dərəcədə boşalmışdı ki, Şah
Sultan Hüseyn (1694-1722) ata-
babalarının Ərdəbildəki məqbərələrində olan qiymətli əşyaları əritməyi və onlardan pul kəsməyi əmr etmişdi. Mərkəzi dövlətin
zəifləməsindən istifadə edən bəzi bəylərbəyilər və başqa iri feodallar müstəqilliyə can ataraq, şaha tabe olmaqdan imtina edirdilər.
Səfəvilər dövlətinin iqtisadi həyatındakı tənəzzülü
1716-cı ildə Rus çarı I Pyotr (1689-1725) tərəfindən İrana göndərilən
A.P.Volinski aydın yazır:
“Səfəvilər dövlətinin taxıl anbarı hesab edilən Azərbaycanda tarlalar 7 il ərzində əkilməmişdir, ölkədə
aclıq hökm sürür. Dövlətin ağır xərclərini vergilərin hesabına ödəyəcəyinə ümid edən şah höküməti bu işi qaydaya salmaq
məqsədilə əhalini yenidən siyahıya aldı. Əhalinin təkcə özü deyil, əmlakı da siyahıya alındı”.
1699-1702-ci illərdə Səfəvilər dövlətində
əhalinin və onun əmlakının siyahıya alınması
nəticəsində:
•
ölkədə toplanan vergi və mükəlləfiyyətlərin sayı artırıldı
•
xalqın var-yoxdan çıxmasına səbəb oldu
Toplanmış vergilərin çox az bir hissəsi
xəzinəyə göndərilir, qalanı isə
yerli hakimlər tərəfindən mənimsənilirdi.
Azərbaycanda Səfəvi zülmü əleyhinə ilk üsyanların baş verməsi
XVIII əsrin əvvəllərində
feodal istismarının güclənməsi geniş xalq kütlələrinin müqavimətinə səbəb olurdu. Belə bir şəraitdə
Azərbaycanda da şah hakimiyyətinə və yerli hakimlərə qarşı müqavimət hərəkatı gücləndi.
Azərbaycanda
Səfəvi zülmü əleyhinə ilk kütləvi xalq çıxışı 1707-ci ildə Car-Balakən bölgəsində baş verdi. Şahın cəza
dəstələri bu çıxışı çətinliklə yatırdı.
1711-ci ildə Car camaatı yenidən üsyan qaldırdı. Onlar Şamaxı şəhərlərinə hücum edib
Səfəvilər dövlətinin Azərbaycandakı inzibati mərkəzinə od vurmaq qərarına gəldilər. Şirvanlılar da üsyana qoşuldu. Bəylərbəyinin
qoşunu ilə döyüşdə üsyançılar qalib gəldi və Şirvan bəylərbəyi döyüş meydanında həlak oldu. Şah Sultan Hüseyn buraya yeni
bəylərbəy
-Keyxosrovu göndərdi.
QEYD: Muğan əhalisi birinci olaraq mərkəzi hakimiyyətdən üz döndərdi. A.Volinski yazır ki,
onlar şahın göndərdiyi
nümayəndəni qovaraq, yerli əıyanlardan özlərinə hakim seçdilər və şah qoşununu darmadağın etdilər.
Səfəvi hakimiyyəti əleyhinə Azərbaycanın
cənubunda və
şimal-şərqində, o cümlədən
Cənubi Dağıstanda ciddi çıxışlar
oldu.
1709-cu ildə Təbrizdə sənətkar və şəhər yoxsulları şah zülümünə qarşı çıxdılar. Tezliklə bu mübarizə kəndliləri də bürüdü.
1709-1715-ci illərdə kəndli çıxışları
Soucbulaq və
Muğanda da baş verdi.
Şirvanın feodal zülmünə qarşı mübarizə mərkəzinə çevrilməsi
XVIII əsrinin 20-ci illərində Şirvan feodal zülmünə qarşı aparılan mübarizənin mərkəzinə çevrildi. Şirvandakı xalq
hərəkatına
Hacı Davud başçılıq edirdi.
1719-cu ildə Şirvan üsyançıları başda H.Davud olmaqla
Dərbənd, Şirvan və
Xudata
hücum etdilər
. Lakin
şahın
hərbi hissələri hərəkatı yatıra bildilər. H.Davud həbsxanaya salındı.
1720-1721-ci illərdə Azərbaycanda Səfəvi zülmünə qarşı mübarizə yenidən qızışdı. Həbsdən qaçan Hacı Davud Şirvanda və
Dağıstanda hakimiyyəti ələ almaq üçün bir neçə dəfə
Rusiyaya müraciət etdi. Lakin bu,
Rusiyanın mənafeyinə uyğun gəlmədiyi
üçün onun müraciətləri cavabsız qaldı. Onda Hacı Davud öz qüvvələrini toplayıb Dağıstan feodalı – Qazıqumuxlu
Surxay xanın
köməyi ilə 1720-
ci ildə Şabranı və
Xudat qalasını tutdu. Müttəfiqlər
1721-ci il avqustun 10-da Şamaxıya hücum etdi. Şəhər
əhalisinin köməyi ilə Şamaxını ələ keçirdilər. Bu vaxt rus tacirlərinə də böyük zərər dəydi, bəziləri öldürüldü. Laki H.Davud və
Surxay xanın Azərbaycanın başqa vilayətlərinə hücum cəhdi uğursuz oldu.
QEYD: Feodal istismarına qarşı yönəlməsi Məzdəkilər hərəkatı ilə 1719-1721-ci illər üsyanlarını oxşar cəhətini təşkil edir.
II BÖLMƏ
17
Hacı Davudun Qazıqumuxlu Surxay xanın köməyi ilə ələ keçirdiyi şəhərlər
XVIII əsrin əvvəllərində Səfəvilər dövləti əleyhinə üsyanların baş verdiyi ərazilər
Əfqanların Azərbaycana yürüşü və onun nəticələri (1722)
XVIII əsrin 20-ci illərində Səfəvilər dövlətində mərkəzi hakimiyyətin zəifləməsindən istifadə edən
əfqanlar, ruslar və
osmanlılar Azərbaycana dağıdıcı yürüşlər etdilər.
1722-ci il martın 8-də əfqanlar Səfəvilər dövlətinin ərazisinə hücum etdilər. Əfqanların Səfəvilər dövlətinin ərazisinə bu
yürüşü nəticəsində:
Paytaxt İsfahan mühasirəyə alındı.
İsfahan yaxınlığında döyüşdə Səfəvi şahı Sultan Hüseynin qoşunları məğlub edildi.
Səfəvilər dövlətində mərkəzi hakimiyyət devrildi - Şah Sultan Hüseyn taxtdan salınaraq həbsə alındı.
Sultan Hüseynin böyük oğlu Təhmasib Astarabadda özünü II Təhmasib adı ilə şah elan etdi.
Mərkəzi hakimiyyətin devrilməsi müstəqil Azərbaycan dövlətini yaratmağa imkan verirdi. Lakin
ölkənin ayrı-ayrı vilayətlər
arasında sıx əlaqələrin olmaması və qonşu dövlətlərin müdaxiləsi 1722-ci ildə Səfəvilər dövlətində mərkəzi hakimiyyətin
devrilməsi və Azərbaycanda müstəqil dövlətin yaranmasına mane oldu. Bu zaman Rusiya və Osmanlı dövlətləri Qafqazda
hakimiyyət uğrunda qarşı-qarşıya durmuşdular.
Azərbaycan torpaqlarına yiyələnmək uğrunda dövlətlərarası mübarizə
XVIII əsrin əvvəllərində Rusiyanın Azərbaycana dair planları
XVIII əsrin əvvəllərinə qədər Rusiyanın
hərbi-siyasi təcavüz üçün qüvvəsi olmadığından Azərbaycana qarşı
yalnız
iqtisadi siyasət həyata keçirirdi. Lakin
XVIII əsrin əvvəllərində Rusiya çarı I Pyotr
hərbi işğal yolu ilə Xəzəryanı bölgələri ələ
keçirməyi qərara aldı. I Pyotrun Xəzərsahili
vilayətlərə 1722-1723-cü illər yürüşündə
iki əsas məqsədi var idi:
1.
Cənubi Qafqazda möhkəmlənmək.
2.
Xəzərin qərb bölgələrini işğal etmək.
Bu dövrdə I Pyotrun Xəzəryanı bölgələr üçün aşağıdakı
planları var idi:
1.
Xəzəryanı bölgələri işğal etmək.
2.
Xəzər dənizini Rusiyanın daxili dənizinə çevirmək.
3.
Xəzər-Volqa yolu ilə Şərq ölkələri ilə ticarət etmək.
4.
Şərqlə Qərb ticarətində Rusiyanın vasitəçiliyinə nail olmaq.
5.
Osmanlının Cənubi Qafqaz və Xəzəryanı bölgələrdə möhkəmlənməsinə yol verməmək.
I Pyotrun Xəzəryanı bölgələrə işğalçı yürüşünün əsil səbəbləri də elə bu planları gerçəkləşdirmək idi.
I Pyotr Xəzəryanı ərazilərin işğalına başlamazdan əvvəl Azərbaycandakı sosial-iqtisadi və siyasi vəziyyəti öyrənmək üçün öz
yaxın adamı
A.P.Volıskiyə xüsusi və gizli göstəriş verərək
1716-cı ildə regiona göndərdi. I Pyotr A.P.Volınskiyə tapşırıq vermişdi
ki,
karvan yollarını, yolboyu otlaqların olmasını, yerli qoşunun, müdafiə qurğularının vəziyyətini öyrənib, buradakı xristianlarla
əlaqə yaratsın. A.P.Volınskiyə
burada rus ticarətinin inkişaf etdirilməsi prespektivinin öyrənilməsi də tapşırılmışdı.
I Pyotr
1722-1723-cü illər kampaniyasında
Təbrizə və
Azərbaycanın digər bölgələrinə də yürüş nəzərdə tutulurdu.
Rusiyanın Cənubi Qafqazı, xüsusilə də Xəzəryanı bölgələri işğal etmək siyasəti
Osmanlı imperiyasının siyasəti ilə
toqquşurdu. I Pyotr Osmanlı imperiyası tərəfindən ciddi müqavimətə rast gəldiyi üçün bu məsələnin həllini gələcəyə saxlamağa
məcbur oldu.
Xudat
Şabran
Şamaxı
Təbriz üsyanı
(1709)
Soucbulaq və
Muğan üsyanı
(1709-1715)
Şirvan üsyanı
(1721-1719)
Car-Balakən
üsyanı
(1707-1711)