Sink tənəffüs prosesini fəallaşdırır. Onun miqdarı 1 kq quru maddədə
15-17 mq təşkil edir. Sink torpaqda fosfatlarm, karbonatlarm, sulfıd- lərin,
oksidlərin, həmçinin silikatların tərkibində olur. Bitkinin kök və
tumurcuqlarında toplana bilir. Mikrogübrə kimi sink-sulfatdan istifadə olunur,
onun tərkibində 22,8% sink vardır. Bu gübrə səpin zamanı hektara 3-5 kq sink
hesabı ilə toxumla birlikdə cərgələrə verilir. Bundan başqa toxumu onun
0,02-0,05%-li məhlulu ilə islatmaqla da .səpmək olar.
Bor bitkilərin tərkibində çox az olur. Buğdanın dənində cəmi 0,0016%
bor var. Bor gübrəsi xalis bor hesabı ilə hər hektar çuğundur sahəsinə 1,5-3 kq,
yoncaya 3,5 kq verilir. Bor bitkilərdə mayalanma prosesinin normal getməsi
üçün zəruridir. Torpaqda bitkilərin mənimsəyə biləcəyi formada bor çox vaxt
kifayət etmir. Əkinçilikdə aşağıdakı bor gübrələri tətbiq edilir: bordatolit
(2Ca0 B
20
rSi
02
H
20
), borlu su- perfosfat, borat turşusu (H
3
BO
3
),
çökdurulmuş maqnezium-borat və s.
Manqan bitki orqanizmində gedən oksidləşmə-reduksiya prosesində
iştirak edir. Gübrə kimi hektara 5-10 kq manqan-sulfat (tərkibində 20%
manqan vardır) və manqanlaşdırılmış superfostar (tərkibində 1,5-2,5%
manqan olan) verilir.
Molibden bitkilərin tərkibində çox az miqdarda olur. O, yumrucuq
bakteriyalarm fəallığını artırır, gübrə kimi torpağa ammonium və natri- um
molibdat və ya ammonium-natrium-molibdatm ikiqat duzundan istifadə edilir.
Molibden bitkilərə kökdənkənar yemələmə şəklində verilir və ya hər sentnerə
12,5 q hesabı ilə toxum isladılaraq səpilir.
Mikroelementlərin tətbiq üsulları müxtəlifdir: 1) toxumların səpin-
qabağı mikroelementlərlə isladılması; 2) kökdən kənar (herbisidlərin
tərkibində və s.) yemləmə; 3) superfosfata qarışdırmaqla.
Üzvi gübrələr
Üzvi gübrələrə peyin, peyin şirəsi, torf, kompostlar, fekal gübrələri (gecə
qızılı), yaşıl gübrələr və s. daxildir. Bütün bu materiallara yerli gübrələr də
deyilir. Bu gübrələrin tərkibində olan üzvi birləşmələr parçalanaraq torpaqda
humusun miqdarını artırır, torpağın strukturunu yaxşılaşdırır, buferliyini
çoxaldır və turşuluğunu zəiflədir. Nəticədə torpağın münbitliyi yüksəlir.
Üzvi gübrələr bitki üçün karbon qazının ən yaxşı mənbəyi sayılır. Onlar
müntəzəm olaraq, xüsusən böyük dozalarla verildikdə torpağın nəinki bioloji,
həm də fiziki, kimyəvi, fiziki-kimyəvi xassələrini, su və
357
hava rejimini də yaxşılaşdırır. Bu gübrələr mineral gübrələrin də səmərəsini
artırır. Məsələn, üzvi gübrələrə qarışdırılmış fosfor gübrələrinin
mənimsənilmə əmsalı artır.
Peyin. Peyin əsas qida maddələri ilə zəngin olan mühüm yerli üzvi
gübrədir. Peyin heyvanların bərk və duru ifrazatından və döşənəkdən əmələ
gəlir. Peyinin keyfiyyəti heyvanın növündən, onun saxlanma şəraitindən, yem
və döşənəyin tərkibindən asılıdır. Qaramal və donuz peyinindən fərqli olaraq
at peyini azot və fosforla daha zəngindir. Döşənək üçün müxtəlif materiallar,
küləş, torf, saman, xəzəl, iynəyarpaq, ağac kəpəyi və s. işlədilir. Döşənək kimi
su və qida elementlərini özündə saxlamaq qabiliyyəti yüksək olan torf daha
çox qiymətləndirilir. Təzə peyinin tərkibində samanın, xüsusən də taxta
kəpəyin çox olması gübrə kimi onun əhəmiyyətini azaldır.
Peyinin xassə və tərkibi onun saxlanma üsullarından və şəraitindən də
asılıdır. Bu üsullar aşağıdakılardır: 1) mal-qara altında saxlamaq; 2) sıx halda
saxlamaq; 3) kövşək-sıx halda saxlamaq və 4) kövşək halda saxlamaq.
Çürümə dərəcəsinə görə təzə, yarım çürümüş, çürümüş peyin və çürüntü
ayırd edilir. Təzə və ya az çürümüş peyin də döşənək üçün işlədilən küləş
özünə xas olan sarı rəngi və möhkəmliyini saxlayır, bu cür peyindən çıxan
sulu şirə qırmızımtıl sarı və ya yaşılımtıl rəngdə olur. Ya- rımçürümüş
peyində küləş öz möhkəmliyini itirir və tünd rəng alır. Bu cür peyinin sulu
şirəsi kobud və qara rəngdə olur. Yarımçürümüş peyinin çəkisi təzə peyinlə
müqayisədə 20-30% azalır. Çürümüş və ya çox parçalanmış peyin yaxılan
qara kütlə olub, ayrı-ayrı küləş hissələri görünmür. Bu cür peyinin sulu şirəsi
rəngsizdir. Çürümüş peyin ilk peyinin təxminən 50%-ni təşkil edir. Çürüntü -
üzvi maddələrlə zəngin qara, bircinsli torpaqvari kütlədir. O, ilkin təzə peyinin
25%-indən artıq olmur.
Peyini saxladıqda onu bütün bu parçalanma mərhələlərindən keçirmək
lazım deyil. Belə edilsə, çoxlu azot və üzvi maddələr itkisinə yol verilmiş
olardı. Ona görə də, peyin yarımçürümüş halda sahəyə verilməlidir. Belə
peyinin tərkibində 0,5% azot, 0,25% fosfor, 0,6% kalium və 0,2% kalsium,
həmçinin maqnezium, kükürd, bor və bir sıra başqa maddələr də olur. Peyin
əsasən payız şumuna verilir. Taxıl bitkilərinə hektara 20-30 ton, cərgəarası
bitkilərə 30-40 ton peyin verilir. Peyin mineral gübrələrlə verildikdə daha
effektli olur.
Peyin şirəsi peyinin maye hissəsidir. Peyini müxtəlif üsullarla anbarda
saxladıqda müxtəlif miqdarda peyin şirəsi çıxır: sıx halda saxladıqda 4 aydan
sonra ilkin peyinin 10 tonundan 170 litr, kövşək-sıx üsulla sax
358