Milli tədris planının üzərində aparılan
redaktə işləri sona çatdı. Bu onu bildirir ki,
yaxın illər ərzində Gürcüstanın bütün
ümumtəhsil məktəbləri qeyd edilən tədris
planını rəhbər tutacaqlar.
Aparılan islahat illəri ərzində Milli tədris
planında müəyyən dəyişikliklər edilməsi
zərurəti yetişdi. Bu dəyişikliklər coğrafiyanın
fənn proqramına da toxundu. Proqram
standartın ümumi strukturla uyğunlaşmasını
və fənnin spesifikasının və müəyyən
yenilklərin təsvir edilməsini nəzərdə tutur.
Qeyd etmək lazımdır ki, əsas fənn
yenilikləri orta pillədən başlayır, ibtidai və
baza pillələri isə hazırlıq mərhələsi kimi qəbul
edilir. Həmin mərhələdə şagirdlər coğrafi
terminlərin, anlayışların uyğun şəkildə
istifadəsini öyrənirlər, hadisələr və prosesləri
məkanda və zamanda anlamaq bacarığını
qazanırlar, coğrafi ölçülərlə tanış olurlar. Bu
zaman şagirdlərin hər zaman fərqli tip əyani
vəsaitlərlə işləmək imkanlarının olması
vacibdir. Bu, gələcəkdə hansı peşəni
seçəcəklərinə baxmayaraq onların yalnız
coğrafi savadları üçün deyil, eləcə də gələcək
həyatları üçün vacibdir. Məhz bunun üçün də
xəritədən və digər coğrafi əyani vəsiatlərdən
istifadə etmək və onları hazırlamaq birbaşa
coğrafiya fənni proqramını müşayiət edir.
Adı çəkilənlərin hamısını isə şagirdlərin
yaş xüsusiyyətlərini nəzərə almaqla tədris
etmək lazımdır. Proqramın ardıcıl,
mərhələlərlə inkişafı – şagird üçün təhsil
müddətində motivasiyanın saxlanmasının
mühüm şərtidir. Buna nail olmaq üçün Milli
tədris planı üzərində çalışan coğrafiya
müəllimləri və ailmlərindən əlavə, işçi
qrupuna psixoloq da cəlb olmuşdu.
Coğrafiyanın tədrisi prosesində yığılan
problemləri və onlara hansı reaksiyaların
göstərildiyini ardıcıllıqla sadalayacağıq.
Hansılar özlərini doğrultdular və nələr
dəyişdi...
Birinci yenilik icbari, yəni əsas
proqramların müəyyənləşdirilməsidir.
Standartda verilən mündəricatda mövzuların
siyahısı hər sinif üçün daha ətraflı verilmişdir,
nəinki əvvəllər. Əvvəlcədən
müəyyənləşdirilib ki, dərsliklərdə hansı
mövzular mütləq öz əkslərini tapmalıdırılar
(əsas proqram) və hansı mövzuları müəllif öz
istəyi ilə ixtisara sala bilər və azad olmuş
vaxtdan icbari mövzuların daha dərindən
öyrənilməsində istifadə edə bilər. Dərsliyin
müəllifi icbari olmayan mövzuları öz istəyi ilə
çıxarıb əvəzinə fərqli mövzuları təklif edə
bilər. Müəyyən şəkildə, əsas proqram
müəlliflərin müstəqillik səviyyəsini
məhdudlaşdırır, amma bu halda, konkret fənn
üzrə lazımi biliyi əldə edəcək şagird mühafizə
olunur.
İbtidai pillədə coğrafi məsələlər təbiət
elmləri ilə birlikdə öyrənilir. İlk altı il ərzində
coğrafi bilik, yaş imkanlarını nəzərə alaraq
əhəmiyyətli şəkildə növbəti fənlərin
öyrənilməsinin əsasını qoyur, şagirdi sadə
tədqiqat keçirməyə hazırlayır, onda ətraf
mühitə olan marağı oyadır, onu təbiətə düzgün
yanaşmağı-münasibət göstərməyi, təbiətə
qayğı göstərməyi öyrədir.
Eyni zamanda 5-ci sinifdə şagird öz ölkəsi
ilə tanış olur. Ona bunun üçün “Bizim
Gürcüstan” fənni yardım edir. Məhz öz
vətənini öyrənməklə şagird ictimai elmləri
öyrənməyə başlayır, yaxın, yerli mühitdən
daha uzaqlara, tanışdan yada, sadədən çətinə
tərəf gedir.
Nəzərinizə çatdıraq ki, bu yaşda çoxtərəfli
yanaşmalara, fərdi və ya qrup işlərinə, rol və
ya simulyasiya oyunlarına, öz fikirlərini
bildirməyə və başqalarını dinləməyə böyük
diqqət verilir. Elə bu mərhələdə təfəkkürə
yönələn tapşırıqlar verilməyə başlayır, bu isə
şagirdi növbəti, daha çətin mərhələyə
hazırlayır. “Bizim Gürcüstan”-ın tədrisi
ətrafşünaslıq prinsipinə əsaslanır.
Bütün bunlar təhsilin növbəti
mərhələsində şagirdə coğrafiyanı əsaslı
şəkildə öyrənməyə yardım edir. Bu, əsasən
təbiətin rəngarəngliyini görməyə, təbiəti,
əhalini, istehsalat və qeyri-istehsalat
sahələrinin məkanını şərh etməyə yönəlmişdir.
Baza pilləsində əhəmiyyətli dəyişiklik
olaraq inteqral ictimai elmlər fənlərinin
ayrılması hesab edilə bilər.
2005-ci ildə birinci, yeddinci və onuncu
siniflərdə yeni tədris planının pilotlaşdırılması
nəticəsində məktəblərdə Gürcüstan və dünya
tarixi və coğrafiyasının inteqral kursu tətbiq
edildi. Həmin kurs şagirdlərin xolistik
təfəkkürlərinin inkişafına və hadisələrin və
proseslərin çoxtərəfli öyrənilməsinə
yönəlməli idi. Amma bu innovasiyanın
resursu məktəblərdə olmadı və müvafiq olaraq
bu forma əsasında təhsil özünü doğrultmadı.
Problemin qarşısını almaq üçün dərsliklər
mexaniki şəkildə ayrıldı və onda coğrafiya
kursu tam dəyərlə göstərilmədi. Məhz bu
problemə üstün gəlmək üçün coğrafiyanın
yeni standartı hazırlandı və dərsliklər nəşr
edildi.
Şagirdin ilk dəfə coğrafiya ilə tanış olduğu
yaşda ona bir elm kimi coğrafi qişanın
özünəməxsusluğunun tədris edilməsi vacibdir.
Buna uyğun olaraq kurs ənənəvi coğrafi
anlayışların öyrənilməsi ilə davam
etdirilməlidir. Buradaca qeyd etmək lazımdır
ki, müasir aləmdə kəşf edilməmiş yerlər daha
az qalıb, müvafiq olaraq əhalinin əsas
xüsusiyyətləri də elə burada öyrənilir.
Düşünürük ki, coğrafiyanın bu forma ilə
tədrisi nə müəllim, nə də ki, şagirdlər üçün
çətin olmayacaqdır. 7-ci sinifdə dəyişikliklər
məhz adı çəkilən istiqamətlə həyata keçirildi.
8-ci sinifdə daha çox diqqət ictimai
coğrafiyaya yönəlmişdir. Bunlar: əhalinin
məskunlaşdığı yerlər, iqtisadi sahələr, yaxud
da ətraf mühit problemləri olacaqdır. Qafqaz
regionu bir yerdə burada tədris olunacaqdır. 9-
cu sinifdə əvvəllər olduğu kimi, Gürcüstan
coğrafiyası öyrənilir. Qeyd etmək lazımdır ki,
baza məktəbini bitirdikdən sonra minlərlə
şagird ümumtəhsil məktəblərində təhsillərini
davam etdirmirlər. Belə ki, vacib hesab
edirdik və yenə də belə düşünürük ki,
şagirdlər məhz bu mərhələdə öz ölkələrinin
coğrafiyaları haqqında maksimal bilik
qazanmalı, Gürcüstanın təbii, demoqrafik,
sosial, mədəni və ya iqtisadi xüsusiyyətlərini
dərk etməlidirlər.
Nəzərinizə çatdıraq ki, Gürcüstanın
regionları şagirdlərdən icbari proqramla tələb
olunmayacaqdır, çünki saatların sayı onların
tədrisi üçün kifayət etmir. Belə ki, müəllimlər
paytaxt olaraq Tbilisini və konkret məktəbin
yerləşdiyi regionu tədris edə bilərlər. Bu
yarımçığı tamamlamaq üçün Gürcüstanın
regionları haqqında sinif və ya məktəb
konfransları təşkll etmək olar.
2005-ci ildən onuncu sinifdə Coğrafiyaya
giriş tədris edilir. Ona növbəti amillər səbəb
oldu: şagird başqa-başqa elmlərə girişi
öyrənməli idi ki, həm məktəbin seçim
fənlərində, eləcə də universitet ixtisaslarında
gələcəkdə seçim etmək onun üçün asan olsun.
11-ci sinif də daxil olmaqla coğrafiyanın
icbari fənn olduğuna görə və seçim fənlərini
isə şagird artıq tam orta pillədə öyrənə
bildiyinə görə, bu kursu dərs planında
saxlamaq öz aktuallığını itirdi. Belə ki, Dünya
Coğrafiyası, icbari fənn olaraq 10-cu sinfə
keçirildi və o, 11-ci sinifdə öz yerini əvvəllər
seçim kursu olan Qlobal Problemlər
Coğrafiyasına verdi. Düşünürük ki, XXI əsrdə
şagirdlər qlobal xarakterə malik olan
qloballaşdırma prosesi, onun müsbət və mənfi
tərəfləri, problemləri barədə akademik bilik
almalıdırlar. Bu problem dünyanın müxtəlif
ölkələrində və ya regionunda necə baş qaldırır,
cəmiyyət bu yeni çağırışlara necə cavab verir
və s.. Məhz bu cür aktual bilik və vərdiş-
bacarıqla təchiz olunmuş insan əmək
bazarında rəqabət qabiliyyətinə malik ola
bilər.
İcbari proqramda qeyd edilən yeniliklərdən
əlavə müəllimlərə və şagirdlərə seçim
proqramında da müəyyən dəyişiklikləri təklif
edirik.
Bu kursların seçimi, artıq dediyimiz kimi,
10-12-ci siniflərdə icbari proqrama paralel ola
bilər. Şagirdlər üçün aktual və müəyyən
çağırışları daşıyan bir neçə kurs hazırlandı.
Coğrafiya üzrə seçim fənlərinin siyahısı belə
bir şəkil aldı:
1. Coğrafi tədqiqat;
2. Təbiət və sabit inkişaf;
3. Urbanizasiya coğrafiyası;
4. Təbii abidələr.
Hər bir kurs həm nəzəri biliyin, eləcə də
praktiki vərdiş-bacarıqların inkişafını nəzərdə
tutur.
Coğrafi tədqiqat halında isə şagird yalnız
başqa-başqa informasiya vasitələrindən aldığı
informasiyanı işləyib hazırlayan deyil. O,
barəsində informasiyanı birbaşa öz ətrafında
tapa biləcəyi bir mövzu seçməlidir. Mövzular
həm fiziki-coğrafi, eləcə də ictimai-coğrafi və
ətraf mühitin mühafizəsini, eləcə də hər üçünü
birlikdə əhatə edə bilər. Misal üçün bir
neçəsini göstərə bilərik:
İNGİLİS DİLİNİN ERKƏN
YAŞLARDA TƏDRİSİ
səh. 3-4
KVANT MEXANİKASI HAMI
ÜÇÜN
səh. 3-5
GÜRCÜ FONDU ASTRİD
LİNDQREN MÜKAFATINA
TƏQDİM EDİLİB
səh. 5
RÜTUBƏT BOL OLAN
ƏRAZİLƏR
səh. 6-7
MUSİQİ MÜƏLLİMİ ÜÇÜN
FAYDALI İNTERNET-
RESURSU
səh. 7-8-12
PEŞƏ İXTİSASLARI
SAHƏİNDƏ
DƏRS MƏQSƏDLƏRİ
səh. 8
2
Dekabr
, 2010. #2
gazeTi vrceldeba ufasod
Pedaqoji yeniliklər
COĞRAFİYANIN TƏDRİSİNDƏ
PLANLAŞIDIRILAN YENİLİKLƏR