198
Homerdən və yunan dramaturqlarından etdiyi tərcümələrin fraqmentləri də salamat
qalmışdır.
Lakin Tsitseron natiqlik sahəsində öz dövründə özünə bərabər olan başqa
birisini tanımırdı. Axı o, siyasətdə və qanun məhkəmələrində öz reputasiyasını bir
natiq kimi qazanmışdı. Məhkəmələrdə o, müdafiə məqsədilə iştirak etməyə
üstünlük verirdi, ancaq onun Verresə qarşı istintaqı ən məşhur hadisələrdən biri idi.
Əsasən, öz emosional gücünə görə o, axırda danışmağı sevirdi. Təəssüf ki, heç də
müdafiə etdiyi işlərin hamısında o, Verresə olan hücumunda olduğu kimi, mənəvi
cəhətdən sağlam sayıla bilən münasibət nümayiş etdirmirdi. Onun dövründə Roma
natiqləri dolğun, rəngarəng və möhtəşəm üsluba malik olanlara – «asiyalılara» və
birbaşa sadə üsluba malik olan «attiklərə» bölünürdü. Birincilərə Kvint Hortensi,
ikincilərə isə Yuli Sezar və Mark Brut daxil idi.
Tsitseron isə özünün hansısa bir məktəbə məxsus olmasından və ona
meyil etməkdən imtina edirdi. O, rodoslu Molon tərəfindən natiq kimi tərbiyə
olunmuşdu. Molonun isə üslubu eklektik idi və o inanırdı ki, natiq müxtəlif
üslubları qarışdırmalı və onlardan istifadə etməlidir.
Tsitseron auditoriyaya müraciət etməyə bənzər bir qaydada ritmlərin
öyrənilməsinə yaxınlaşırdı, xüsusən cümləni və ya kəlməni vurğulayırdı. Onun
ritorikası bu sənətin formalarının qarışığı idi və auditoriyanın qulaqları bu
effektlərə uyğun olaraq özünü sazlayırdı. Onun 58 çıxışı bizim dövrə gəlib
çatmışdır, onlardan da bəzisi tam şəkildə saxlanmamışdır. Bəzi çıxışları dərc
edilməkdən ötrü təftişə məruz qalmışdır. Onlardan ən mühümü «Pro Milone»
çıxışıdır. Tsitseronun orijinal çıxışı bu vaxt uğursuz oldu və o, çıxışını yenidən
yazıb Marsiliyada (Marseldə) sürgündə olan Milona göndərdi (Milon yolda
sözləşdiyi Klodini öldürmüşdü, o, Tsitserona yaxın olmaqla, onun sürgündən
qayıtmasına köməklik göstərmişdi. Klodi isə məşhur vəkil senatorun qəddar
düşməni idi). Bir qayda olaraq, Tsitseronun dərc etdirdiyi çıxışları orijinaldan
fərqlənirdi.
Tsitseron özünün «Brutus»-unda bir natiq kimi öz silahını təsvir edir, –
bura fəlsəfəyə əsaslanmaq, ədəbiyyatı, qanunları, tarixin anbarını bütünlüklə
bilmək, opponentin qollarını sarımaq və jürinin gülməsinə imkan verməmək
bacarığı daxildir. Xüsusi işdə ümumi prinsipləri çıxışın əsasına qoymaq
qabiliyyəti, geri çəkilməkdən istifadə etmək, acıq və ya yazıq gəlmə emosiyalarını
qaldırmaq gücü, bilavasitə mahiyyət nöqtəsinə öz intellektini yönəltmək bacarığı
ritorika cəbbəxanasının vacib vasitələridir. Bunlar heç də ədalətsiz mənzərə
deyildir.
Tsitseron «Pro Archia» nitqində deyirdi: «Bu növləri (ədəbiyyatı və
fəlsəfəni) öyrənmək gənc adamın qidasıdır, yaşlı adamın əyləncəsidir, uğura aludə
olmaq, düşmənçiliklə barışmaqdan imtina etməkdir. İctimai zərər görmədən
şadlanmaqdır, istər xaricdə, istərsə də ölkənin daxilində olsun, gecələr bizim daimi
sirdaşımızdır». Onun yumoru da Stoiklərin ən yaxşı zarafatlarına bənzəyirdi. Bir
qətl mühakiməsindəki nitqi barədə Tsitseron sonralar lovğalanmışdı ki, «jüri
üzvlərinin gözünə kül üfürmüşdü».
199
Biri anonim əsərdə yazılırdı ki, «Tsitseron yayılan böyük yanğın kimi
xətt üzrə uzağa və eninə gedir və fırlanır; onun daxili odu aşıb-daşır və sönmək
bilmir; o, müxtəlif intensivlikdə müxtəlif nöqtələrdən istifadə edir və yanacağa bel
bağlayaraq onu qidalandırmaqda davam edir». Onun natiqlik uğurları, nobilitetein
“yeni adama” (“homo novus”) müqavimət göstərməsinə baxmayaraq, ona yolu öz
siyasi fəaliyyəti üçün təmizlədi.
O, latın dilindəki yazını bütünlüklə inqilabiləşdirmişdi. O, «dövrü»
üslubun əsl yaradıcısı idi. Onun üslubunda, əslində, Avropa Renessans üslubu
formalaşmışdı. Tsitseronun pərəstişkarı olan Kvintilian bəyan edirdi ki, onun adı
natiqliyin sinonimidir və tarixçi Livi yazırdı ki, ikinci Tsitseron onu adekvat
qaydada tərifləməyə ehtiyac duyacaqdır.
Təsadüfi deyildir ki, Böyük Britaniyanın XVIII əsrdəki görkəmli siyasi
xadimi, Yeddiillik müharibədəki (1756-1763-cü illər) qələbənin təşkilatçısı Böyük
Uilyam Pitt daim qızıl dilli Tsitseronu oxuyurdu, həm də onun öz düşmənlərinə,
əleyhdarlarına payını qəzəblə verməsiinə vurulmuşdu. Böyük Pitt özü də İcmalar
Palatasında ən məşhur natiq kimi şöhrət tapmışdı, təsadüfi deyildi ki, onu “əsl
romalı” adlandırırdılar.
Tsitseron ədəbiyyat nəzəriyyəsinə əhəmiyyətli dərəcədə təsir
göstərmişdi. B.e.ə. 55-ci və 46-cı illəri arasında o, natiqlik prinsipi və praktikası
üzərində mühüm müşahidə apardı. Bu məsələyə «De oratore», «Brutus» və
«Orator» əsərlərini həsr etdi. Onun məsələyə geniş yanaşması klassik prinsipləri
ilhamlandırdı.
O deyirdi ki, nitqin məqsədi üç amildən ibarətdir: nitq təlimatverici,
cəzbedici və emosional olmalıdır. Birincisi üçün xeyli yaxşı saxlanmış ağıla malik
olmalısan; ikincisi üçün asiyalıların ekzotisizmi ilə attikistlərin parlaqlığı
arasındakı tarazlıq düşüncəsinə malik olmaq lazımdır. Üçüncüsü üçün isə
psixologiyanın başa düşülən sağlamlığına malik olunmalıdır. Böyük nitq təbii
qabiliyyətin, məntiqin və sağlam liberal təhsilin kombinasiyasından meydana gəlir.
Tsitseron həm də görkəmli filosof idi. O, Epikurian filosofu Fedrin və
Larissalı akademik Filonun rəhbərlikləri altında təhsil almış və beləliklə, fəlsəfənin
dörd başlıca məktəblərindən üçünə bütünlüklə əsaslanmaq imkanı qazanmışdı.
Epikurianizmi o, rədd edirdi, baxmayaraq ki, onun dostu Attik bu məktəbin
pərəstişkarı olaraq qalırdı.
Tsitseron özünü akademik (Platonun Akademiyasının məzunu kimi
nəzərdə tutulur) adlandırırdı, ancaq başlıca olaraq onun bilik nəzəriyyəsini tətbiq
edirdi, onda olan dəqiqliyə üstünlük verirdi. Bu yolla o, özünün əsərlərindəki
ziddiyyətlərə haqq qazandırırdı. Etikada o, daha çox doqmatizmə meyil edirdi və
ona görə stoiklər ona maraq göstərirdilər. Lakin o, öz nüfuzu üçün stoiklərin
arxasında olan Sokrata nəzər yetirirdi. Ömrünün çox hissəsində o, dinə
münasibətdə aqnostik olaraq qalmışdı. Lakin 45-ci ildə qızı öləndən sonra dərin
dini təcrübəyə malik olmuşdu. O, adətən, yazırdı ki, ateistdir.
Tsitseron 54-cü ildən əvvəl fəlsəfəyə dair ciddi şəkildə nəsə yazmırdı,
bu, onun üçün asan olmayan siyasi atəşkəs dövrü idi. Bu vaxt o, «De Republica»nı
yazmağa başladı. Sonra isə «De legibus» əsərini yazdı. Bu əsərində o, yunan siyasi
Dostları ilə paylaş: |