İlk anda onun qəlbi yuxunun təsiri altında sevinclə dolu idi. O,
özünü tamamilə rahat hiss edirdi. O da bir az əvvəl Jan Valjan etdiyi
kimi bütün təşvişləri özündən uzaqlaşdırmışdı, bədbəxtliyə inanmaq
istəmirdi. O, səbəbini özü də bilmədən, bütün varlığı ilə ümid etməyə
başlamışdı. Sonra birdən onun qəlbi sıxıldı. O, üç gün idi ki, Mariusu
görmürdü, lakin öz-özünü inandırdı ki, Marius mütləq onun
məktubunu almışdır, indi onun harada olduğunu bilir, axı Marius çox
ağıllı oğlandır, o, Kozetta ilə görüşmək üçün bir yol tapacaqdır. O,
mütləq bu gün, bəlkə də, lap elə səhər gələcək. Hava lap işıqlanmışdı,
ancaq günün şüası hələ üfüqi düşürdü; görünür, hələ tezdir, amma
Mariusu qarşılamaq üçün, hər halda, durmaq lazımdır.
Kozetta hiss edirdi ki, Mariussuz yaşaya bilmir, Mariusun
gəlməsi üçün elə bu özü kifayətdi. Buna heç bir etiraz ola bilməzdi.
Bu, şübhəsizdi. O, düz üç gün idi ki, əzab çəkirdi - bu özü dözülməz
bir şey- di. üç gün Mariusu görməmək - axı Allah buna necə yol verə
bilir! Taleyin bu amansız zarafatı, bu sınaq indi arxada qalmışdır.
Marius gələcək, gözəl xəbərlər gətirəcək. Gənclik belədir: göz yaşını
tez qurudur, əzab çəkməyi yersiz görür, onu qəbul etmir. Gənclik
gələcəyin təbəssümüdür, o, naməlum bir şeyə, yəni özü özünə çevril-
mişdir. Xoşbəxt olmaq gənclik üçün təbii şeydir, onun nəfəsinin özü,
sanki, ümidlə suvarılmışdır.
Bir də ki Marius ona, bəlkə, lap elə bircə gün də olsa, gəlməyə-
cəyini haçan söylədi, bunu nə ilə izah etdi, bu heç Kozettanın yadında
deyildi. Biz hamımız görmüşük ki, bir sikkə pul əlimizdən yerə
düşəndə çox məharətlə gözdən itir, gizlənir. Bəzən fikir də bizimlə
belə oyun oynayır: beynin küncünə sıxılıb qalır, elə bil ki, itir, onu da
yada salmaq mümkün olmur. Kozetta da hafizəsinin nəticəsiz səyin-
dən bir az narazı qaldı, öz-özünə dedi: “Mariusun dediyi sözləri
unutmaq mənim üçün heç yaxşı deyil, çox böyük insafsızlıqdır”.
Yatağından qalxdı, iki cür yuyundu: həm ruhca, həm bədəncə -
həm dua elədi, həm də əl-üzünü yudu.
Ən zəruri hallarda oxucunu təzə evlənənlərin yataq otağına
aparmaq olar, lakin qızın yataq otağına qətiyyən aparmaq olmaz.
Hətta şeir də buna az cəsarət göstərir, nəsrə ora girmək lap qada-
ğandır.Bu, bir qönçədir, zülmətdə bəyazlıqdır, hələ açılmamış zan-
baqdır, bura günəş nəzər salmayınca, insan gərək baxmasın. Qız nə
qədər ki gül kimi açılmayıb, müqəddəsdir. Ancaq açılmış qız
43
downloaded from KitabYurdu.org
DÜNYA ƏDƏBİYYATI KLASSİKLƏRİ
yatağından, öz-özündən qorxan füsunkar çılpaqlıqdan, ayaqqabıda
gizlənən ağ ayaqdan, güzgü qabağında - güzgünün gözü varmış kimi -
üstü örtülən sinədən, stul cırıltısı və ya bayırda kolyaska getsə, tez-
tələsik çılpaq əndama geyilən köynəkdən, bağlanan lentdən,
qarmaqdan, qaytandan, özünü itirməkdən, soyuqdan və utancaqlıqdan
baş verən xəfif titrəyişdən, hərəkətin zərif çəkingənliyindən, qorxmaq
lazım gəlmədiyi halda, qorxub tir-tir əsməkdən, dan yeri buludları
kimi füsunkar paltarları bir-birinin ardınca dəyişməkdən, bax, bu
şeylərdən gərək danışmayasan, bunların adını çəkmək özü qəbahətdir.
Adam ulduzların çıxmasına böyük bir pərəstişlə baxır, cavan
qızın oyanmasına isə daha artıq pərəstişlə baxmalıdır. Acizlik adamda
xüsusi bir hörmət hissi oyatmalıdır. Şaftalının üstündəki zərif tüklər,
gavalının qabığındakı kül rəngli pərdə, xırdaca ulduza oxşayan qar
dənələri, kəpənəyin məxmər kimi qanadları bakirəliklə müqayisədə
kobuddur - elə bir bakirəlik ki, bakirə olduğunu heç özü də bilmir.
Cavan qız aşkar olmayan xəyaldır, lakin hələ sevgi mücəssəməsi
deyil. Onun yatağı idealın qaranlıq dərinliyində gizlənir. Sırtıq bir
nəzər bu dumanlı ala-qaranlıq üçün kobud həqarətdir. Burada dayanıb
seyr etməyin özü də təhqir etmək deməkdir.
Buna görə də biz Kozettanın səhər gördüyü sevimli işlərini təsvir
etməyəcəyik.
Şərq nağıllarının birində belə deyilir: “Allah qızılgülü ağ yara-
dıbmış, lakin qızılgül açılanda Adəm ona baxır, gül utanır, qırmızı
rəng alır”. Biz cavan qızların, çiçəklərin qarşısında utanan adam-
lardanıq, biz onların qarşısında hörmətlə baş əyirik.
Kozetta tez geyindi, başını daradı, saçını düzəltdi; o zamanlar saç
düzəltmək çox asan idi: onda qadınlar, qızlar saçın altına balış- cıqlar,
döşəkçələr qoymaqla saçlarını qabartmırdılar, bukle eləmirdilər.
Sonra o, pəncərəni açdı, bayıra baxdı: o istəyirdi ki, heç olmasa,
küçənin bir hissəsini, bir evin tinini, daş yolun bir parçasını görsün,
Mariusun gəlməsini gözdən qaçırmasın. Lakin pəncərədən heç nə
görmək mümkün deyildi. İçəri həyət hər tərəfdən hündür divarla əhatə
olunmuşdu. Divarların dəlik-deşiyindən bağ görünürdü. Kozettaya elə
gəldi ki, bu bağ çox pis bağdır; həyatında ilk dəfə çiçəklər ona çirkin
görünürdü. Kanalın bir hissəsi küçənin tinində onun nəzərinə
çarpsaydı, bu, onun daha çox xoşuna
44
downloaded from KitabYurdu.org
gələrdi. Sonra göyə baxmağa başladı, sanki, Mariusun göydən də enə
biləcəyini düşünürdü.
Birdən o ağladı. Bu, onun dəyişkən əhvali-ruhiyyəli olmasından
deyil, ümidlərinin boşa çıxması nəticəsində əmələ gələn, ruh
düşkünlüyündən baş verən hal idi. Onun ürəyinə qorxu düşdü. Xəbər-
lər, doğrudan da, bəzən havada dolaşır. O, öz-özünə deyirdi: “Mən
heç bir şeyə əmin deyiləm, bizim bir-birimizi gözdən itirməyimiz
məhv olmağımız deməkdir”. Sonra Mariusun göydən enməsi fikri ona
füsunkar deyil, qəmli-matəmli bir fikir kimi göründü.
Sonra onun qəlbinə çökən buludlar dağıldı, o, yenə də sakitləşdi,
könlündə yenə ümid doğdu, o, yenə də qeyri-ixtiyari olaraq gülüm-
sədi: dodaqlarında görünən bu təbəssüm Allaha inanmaq duyğusu ilə
dolu idi.
Evdəki adamlar hələ yatırdı. Evi dərin bir sükut bürümüşdü.
Pəncərə qapılarından bircəsi də açılmamışdı. Qapıçının da xırdaca
otağı bağlı idi. Tusen hələ yuxudan ayılmamışdı, Kozetta da çox təbii
olaraq: “Atam da yatmışdır”, - qərarına gəldi. O, fikrində atasının
amansız adam olduğunu yəqin etmişdi, bu, onu göstərir ki, indiyə
qədər çox əzab və iztirab çəkmişdir. Lakin Mariusa arxayın idi. Ona
elə gəlirdi ki, belə parlaq ulduzun sönməsi qətiyyən mümkün deyil.
Arabir uzaqdan onun qulağına boğuq səslər gəlirdi; o, öz-özü- nə
deyirdi: “Belə tezdən darvazaları partıltı ilə açıb-örtürlər, çox qəri-
bədir!” Bu səslər barrikadaya atılan topların gurultusu idi.
Kozettanın pəncərəsi altında, bir neçə fut aşağıda, qaralmış köhnə
divarın karnizində yalı quşu yuva tikmişdi; yuvanın qırağı kar- nizdən
azca kənara çıxmışdı; yuxarıdan baxanda bu xırdaca cənnətin içi
görünürdü. Ana quş balalarını qanadları altına alaraq yuvada
oturmuşdu, ata quş da oyan-buyana uçur, dimdiyində balalarına yem
və öpüş gətirirdi. Çıxan günəş qızıl şüalarını bu xoşbəxt ailənin
üzərinə saçmışdı; böyük artıb-çoxalma qanunu burada sevinc və
təntənə içində hökmfərma idi, burada şəfqətli sirr səhər işığında çiçək
açırdı. Kozetta saçlarında günəş, qəlbində şirin xəyallar, səhər şəfəqi
haləsində, özü də məhəbbət şəfəqi saça-saça qeyri-ixtiyari olaraq
aşağı əyildi, bu erkək quşla dişi quşu, bu ana ilə balaları seyrə daldı.
Onu böyük bir həyəcan bürümüşdü, bu həyəcan - quş yuvasının təmiz
qız qəlbində yaratdığı həyəcan idi; bu zaman o, Mariusu
düşündüyünü güclə öz-özünə etiraf edirdi.
45
downloaded from KitabYurdu.org
Dostları ilə paylaş: |