63
dayanaraq xaotik hərəkət ölçüsünün statistik prototipini təşkil edir. Xaosun qaydaya salınmasının
digər xarakterik imkanları vardır. Prodoksal görünsə də yeni
istiqamət strukturun strukturu, xaos
dünyasında onun özünü aparması öhdəsindən müvəffəqiyyətlə gəlir. Struktur təsnifatında
simmetriyanın mühüm rolu vardır. Simmetriya struktur yaranış prosesi hakim olan təkcə fiziki
müstəvidə deyil, sistem «portiret»ini ifadə edən istənilən mühitdə axtarılmalıdır.
İqtisadi islahatlar apararkən müəyyən konservatizmə də yol verilməsi istisna edilmir.
Praktiki və daim inkişafda olan elm kimi mühasibatlıqda məxsusi bir-mühasibat konservatizmi
mövcuddur. Mühasiblər uçot proseduralarında qeyri-müəyyənliklə üzləşdikdə, alternativ olaraq
konservatizm nümayiş etdirirlər. Bu isə nisbətən az ölçülərdə aktivlərin və mənfəətin
qiymətləndirilməsində əksini tapır. Lakin göründüyü kimi, mühafizəkarlıq heç də son dərəcə
mənfi aspektli deyildir. Onun da seçim yeri, zaman və məkan arealı vardır. İqtisadiyyat
təzadlar
və zidiyyətlərlə zəngin bir fəlsəfi obyektdir, burada daimi təyin edilmiş həqiqətlər mövcud
deyildir. Bu ovqatda məşhur iqtisadçı-alim P.Samuelsonun «iqtisadiyyat incəsənətlə elm
arasında orta mövqe tutur» fikri təsəlliedici bir sərinlik yaradır.
4.3. İqtisadi islahatların mahiyyəti və nəzəri əsasları
Bəşər tarixi çoxlu keçid məqamları ilə zəngin olmuşdur. Müxtəlif və müvafiq tərəflərə
baxmayaraq, hər bir keçidin özünəməxsus cəhətləri var. Bizim tarixi mərhələdə keçid, həm
siyasi, həm də iqtisadi keyfiyyətinə görə, totalitardan liberala keçid kimi fərqlənir. Tarixi
konteksdə Qarboçov islahatı-yenidənqurma şüarları ilə başlanan, yaşadığımız
keçid prosesi öncə
təqdim olunan «demo versiya»da sosialist sosial sistemini səmərəli bazar iqtisadiyyatı ilə
uzlaşdırmaq amacından irəli gələn görüntü veririrdi. Sonrakı mərhələdə ladlar xalis bazar
iqtisadiyyatı quruculuğuna kökləndi. Sovetlər İttifaqının dağılması ərəfəsində «500 gün»lər
proqramlarını yaradanlar bazar iqtisadiyyatının bəşəriyyət tərəfindən bənzərsiz yaranışını və
effektli özünütənzimləmə mexanizmini önə çəkərək genişmiqyaslı təbliğat hucumlarına keçdilər.
Bu hadisələrdən bir qədər öncə ümümilikdə dünya iqtisadiyyatında geden yeni siyasi meyllər,
sosialist düşərgəsində nəzarətdən çıxan inflyasiya Qərbdə sosial-demokrat və liberal
hökumətlərin dəyişməsi ilə nəticələndi. Tetçerin, Reyqanın simasında nəzəriyyə və praktikada
dövlət tənzimlənməsinin «keynisiyon inqilabı» -monitarist və təklif iqtisadiyyatı əvəzində
neokonservatik əksinqilab qalib gəldi. Sovetlər İttifaqının bliskrik süqutu yeni «qırmızı zoloqlı»
çox ideyaların gerçəkləşməsini «seytnota» saldı.
Rusiya alimləri
13
keçid dövrü dedikdə bir onillik civarını aşmaqla, sürəkli olmayan
mərhələni və bu vaxt ərzində inzibati komanda sisteminin ləğvi, köklü yenidən yaranış, bazar
quruluşunun əsaslarının formalaşdırılmasının baş verməsini diqqətə gətirirlər.
Bütövlükdə bu
transformasiya prosesini sisteminin islahatı kimi ifadələndirirlər.
Keçid iqtisadiyyatı nəzəri və həm də praktiki planda başlıca olaraq aşağıdakı sferalarda
sistem islahatlarını əhatə edir:
İqtisadiyyatın liberallaşdırılması-qadağaların qismən və ya tam ləğvi, təsərrüfat həyatında
dövlət nəzarətinin məhdudlaşdırılması;
İqtisadiyyatın demonopolizasiyası və rəqabət mühitinin yaradılması-bütün iqtisadi
seqmentlərə işgüzar aktivlik üçün şərait, bərabər imkan, açıq iqtisadiyyatı təmin etmək;
İnstitusional yaranışlar-mülkiyyət münasibətlərin dəqiqləşdirilməsi, bazar
infrastrukturunun təşəkkülü, dövlət tənzimlənməsinin yeni sisteminin formalaşması;
Struktur yenidənqurması-xalq təsərrüfatının sahəvi strukturunda köhnə sistemin
disproporsiyalarının təjridi, xarici və daxili bazarda ödəniş imkanlı məhsul buraxılışının artımı;
Sosial təminatın möhkəmləndirilməsi- sosiallaşan iqtisadiyyat quruculuğu, yüksələn
sosial təminatlar.
13
«Экономика». /
под редакции д.э.н. А.С.Булатова./ М.: Юристь-2000. səh. 628.
64
Heç şübhəsiz ki, bütün bunlar makroiqtisadi sabitliyin təminatı və dayanaqlılığı şəraitdə
səmərəlidir. Keçid iqtisadiyyatı heç də tam azad və ya nizamsız bazarı dəstəkləmir. Məlumdur
ki, bazarın son dərəcə azadlığı o qədər də, təşviq olunmur. İqtisadi cəmiyyətin mütləq bazar
iqtisadiyyatında yaşaması çətin bir işdir. Fiksal mexanizmlər istisna olsa belə, təkcə ekoloji
faktorlar istənilən
dövlətin bazara müdaxiləsinə, tənzimlənməyə əsaslar yaradır.
İqtisadi tarixçilər İngiltərənin XIX əsrdə ifrat dərəcəli, yüz faizli bazar
iqtisadiyyatında yaşamasını söyləsələr də, digər fikir də, bu son azadlığı tamamlayan
mövcudluq olmamışdır. «Xalqların sərvətlərinin təbiəti və səbəblərinin tətbiqi»
əsərində A.Smit «görünməz əl» prinsipini müəyyən etmişdir. Bu prinsipə görə, öz
xudbin maraqlarını təqib edərək, insan görünməz əllə ictimai maraqlara xidmət edir,
dövlətin isə bazar rəqabəti mexanizminə müdaxiləsi neqativ nəticələrə gətirir. Onun
fikrincə, bazarın görünməz əli ictimaiyyəti optimal iqtisadi nəticələrə gətirməsinə
baxmayaraq, ayrı-ayrı adamlar öz eqoist maraqlarının hayındadırlar. Real dünyada
heç bir iqtisadiyyat həqiqətdə özünün ideal aləminə müvafiq deyildir. Bütün
hərəkətlərə bazar iqtisadiyyatının qeyri-mükəmməlliklərdən və onun nəticələrindən
doğan ətraf mühitin yüksək çirklənməsinə, işsizlik, kasıb və zənginləşmədə artım
yaranışlarına görünməz əl rəhbərlik edir.
Bazar iqtisadiyyatının müxtəlif imkanları şəbəkəsində dövlət üç vəzifəni həll edir:
rəqabəti dəstəkləməklə səmərəliliyin artırılmasını;
vergi və bölgü recimi ilə ədalətin təminatı;
fiskal və maliyyə-kredit siyasəti vasitəsi ilə makroekonomik sabitlik yaratmaq,
işsizliyi, inflyasiyanı azaltmaq və iqtisadi artıma nail olmanı.
İslahatlar konteksində hər üç vəzifə struktur baxımdan təkmilləşir, aparılan strategiyaya
uyğunlaşdırılır.
Aşkar reallıqdır ki, yeni təsərrüfat sisteminin qurulması islahatlarsız mümkün deyildir.
İslahatların aparılması üçün isə yetərli imkan və şərtlər vardır. Bununla belə, total
iqtisadiyyatdan bazara keçid artıq sınanmış təcrübi gerçəklikdir. Sosialist düşərgəsini təmsil
etmiş məmləkətlərdə bazar keçiddə yuvarlaq bir mərhələ qət edilmiş,
bir çox ölkələr isə
postkeçid iqtisadiyyatını arxada qoymuşlar.
Şərqi Avropa ölkələrində neoliberal əsaslara söykənən intensiv, xüsusən də
Polşada klassik formada «şok terapiyası», Çin və Macarıstanda təkamüllü evalyusiya
«qradualizm», MDB məkanında da, o cümlədən, Azərbaycanda da (1992-1993-cü
illərdə) «şok terapiyası» yönümdə bazara tez radikal keçid tendensiyası yaşanmışdır.
Neoliberalizm iqtisad elmində istiqamət-iqtisadiyyatın özünün tənzimlənməsi və artıq
nizamlanmasını rədd edən prinsip əsasında qurulur. Milton Fridmen, Fridrix Fon
Xayik və Almaniyanın müharibədən sonrakı baş naziri Lüdviq Erxartın kimi tanınmış
neoliberalların nəzəri postulatları reyqanimika və tetçerizm adlanan kursların
formalaşmasında istifadə edilmişdir.
Ölkənin iqtisadi potensialına mühüm ünsür kimi daxil olan təbii ehtiyatlar zənginliyi ilə
yeni geoiqtisadi və geosiyasi şəraitdə böyük əhəmiyyətinin nümayişini davam etdirir.
Bununla
belə, istehsalın inkişafı öz-özünə yaranmış təbii şəraitdən asılılığını nisbətən azaldır. Müasir
dünyada bir çox hökumətlər belə bir fikrə gəlirlər ki, dövlət tapşırıqlarının yerinə yetirilməsində
neft sənayesinin sərt nəzarət altında saxlamaq münasib deyildir. Bu baxımdan quruda neft
kompleksində aparılan bazar orentasiyasını təqdir edən «xaotik» islahatlar tam və mütərəqqi
dəyişikliyinə real imkanlar yaratmır. Təşkilati təbəllüdat xarici şərtlərin sifarişi, tələbin
dəyişməsi ilə əlaqədar olur. Bu, öz növbəsində yaranmış daxili və xarici
vəziyyətə adaptasiyadan
asılıdır. Təşkilatın optimal iqtisadi nəticəliliyi minimal xərclərlə tələblərə uyğun istehsalın
səmərəli təşkilində ehtiva olunur. Onun potensialı təkmilləşmə imkanlarına, qarşıya qoyulan
vəzifələrə müvafiq olmalı, yeni təsisatlarda əksini tapmalıdır. Səmərəli və müvəffəq təşkilat