EcoVision
Yüklə 0,84 Mb. Pdf görüntüsü
|
27 28 fevral 2015-ci ildə “Park Inn” hotelində Azərbaycan Türkiyə İş Adamları Birliyinin Ümumi Yığıncağının növbəti ic- lası keçirildi. Ümumi Yığıncaqda çıxış edən Türkiyə Respublikasının Azərbaycandakı fövqəladə və səlahiyyətli səfiri cənab Alper Coşkun, Prezident Administrasiyası İctimai-siyasi məsələlər şöbəsinin sektor müdiri Elman Paşayev, Milli Məclisin İqtisadi siyasət komitəsinin sədri, millət vəkili, İqtisad elmlər dokto- ru ziyad Səmədzadə, millət vəkili, Milli Məclisin Mədəniyyət komitəsinin üzvü Jalə Əliyeva, iqtisadiyyat ve sənaye naziri- nin müavini Sahib Məmmədov, Azərbaycan Respublikasının Prezidenti yanında Strateji Araşdırmalar Mərkəzinin direkto- ru Fərhad Məmmədov, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) pre- zidenti Məmməd Musayev, Azərbaycan Dövlət İqtisad Uni- versitetinin rektorunun müşaviri Elşən Bağırzadə, Azərbaycan Memarlıq və İnşaat Universitetinin elm və texnika işləri üzrə prorektoru Arif Şərifov, Xəzər Universitetinin ictimai əlaqələr və media üzrə direktoru Əlövsət Əmirbəyli, DEİK/DTİK Av- rasiya Bölgə Komitəsinin sədri Ali Galip Savaşır, Rus–Türk İş Adamları Birliyi (RTİB) İdarə Heyətinin sədri Naki Karaaslan ATİB haqqında dəyərli fikirlərini bildirdilər. Prosedura uyğun olaraq Ümumi Yığıncağın iştirakçıla- rı tərəfindən iclasın sədri və katiblər seçildi, həmçinin iclasın gündəliyi təsdiq edildi. Gündəliyə uyğun olaraq əvvəlcə ATİB İdarə Heyətinin 2014-cü il üzrə hesabatı iclas iştirakçılarına təqdim edildi. Daha sonra Təftiş Komissiyasının 2014-cü il üzrə fəaliyyəti barədə hesabat, komissiyanın təqdim etdiyi rəyə əsasən Bir- liyin 2014-cü il üzrə illik balansı və maliyyə hesabatları iclas iştirakçıları tərəfindən təsdiqləndi. İclas zamanı Birliyin nizamnaməsinə əsasən İdarə Heyətinin tərkibi, ehtiyat üzvləri və İdarə Heyəti sədrinin seçilməsi məsələsinə baxıldı və bəzi qərarlar qəbul edildi. İclas iştirakçıları həmçinin ATİB-in 2015-ci il üçün ştat cədvəli və büdcəsini təsdiq etdilər.
28 EcoVision ATİB XƏBƏRLƏRİ atİB-in yeni İdarə Heyətinin ilk iclası keçirildi Azərbaycan Türkiyə İş Adamları Birliyinin 28 fevral 2015-ci ildə keçirilmiş Ümumi Yığıncağında seçilmiş İdarə Heyətinin 2 mart 2015-ci ildə ilk iclası keçirildi. İclasdan əvvəl İdarə Heyəti Fəxri xiyabana gələrək xalqımızın ümummilli lideri, müasir müstəqil Azərbaycan dövlətinin memarı və qurucusu Heydər Əliyevin xatirəsini ehtiramla yad etmiş, məzarı önünə əklil qoymuşdur. Görkəmli oftalmoloq alim, akademik zərifə xanım Əliyevanın da xatirəsi yad olunmuş, məzarı üzərinə tər güllər düzülmüşdür. Sonra Şəhidlər xiyabanında Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının xatirəsi ehtiramla yad edilmiş, məzarları üstünə tər çiçəklər düzülmüşdür. Nümayəndə heyəti 1918-ci ildə Bakının bolşevik- erməni daşnak qoşunlarından azad edilməsi uğrunda döyüşlərdə şəhid olmuş, Azərbaycanın müstəqilliyi uğ- runda mübarizədə canından keçmiş türk şəhidlərinin xatirəsinə ucaldılmış abidəni ziyarət etmiş, Azərbaycanın azadlığı uğrunda canlarını fəda etmiş türk əsgərlərinin adları və soyadları həkk olunmuş Şəhidlik kitabəsinin üstünə gül dəstələri düzmüşdür. Daha sonra ATİB-in ofisində Cemal Yangının sədrliyi ilə İdarə Heyətinin iclası keçirildi. İclasda İdarə Heyəti üzvləri arasında vəzifə bölgüsü həyata keçirildi. İdarə Heyətinin yekdilliklə aldığı qərara əsasən, İdarə Heyətinin üzvləri Mürsəl Rüstəmov və Cem Becel İdarə Heyəti sədrinin müavinləri təyin edildilər. Daha sonra İdarə Heyəti fevral ayı üçün fəaliyyət pla- nını müzakirə edərək müvafiq qərarlar qəbul etdi.
2 mart 2015-ci ildə ATİB İdarə Heyətinin yeni tərkibi Türkiyə Respublikasının Azərbaycandakı fövqəladə və səlahiyyətli səfiri cənab Alper Coşkun tərəfindən qəbul edilib. Qəbul üçün təşəkkür edən ATİB İdarə Heyətinin sədri Cemal Yangın hər zaman səfirliyin dəstəyini hiss etdiklərini bildirib: "Sizə və Türkiyə Respublikası səfirliyinin dəyərli əməkdaşlarına ATİB-in Ümumi Yığın- cağında iştirakınıza görə təşəkkür edirik. ATİB olaraq bundan sonra da iki qardaş ölkənin maraqları naminə çalışacağımızdan əmin olmanızı istəyirik”. Türkiyənin səfiri cənab Alper Coşkun öz növbəsində qeyd edib ki, ATİB Azərbaycanın iş adamları təşkilatları sırasında özünəməxsus yer tutur: "Əminəm ki, siz bun- dan öncə olduğu kimi, bundan sonra da işlərinizi uğurla davam etdirəcəksiniz. Biz ATİB-dən yeni layihələr və yeni uğurlar gözləyirik”. Daha sonra görüş qarşılıqlı müzakirələrlə davam edib. Qəbulda Türkiyə Respublikasının ölkəmizdəki səfirliyinin müvafiq təmsilçiləri də iştirak edib.
6 mart 2015-ci ildə Bakıda Avropa İttifaqı ilə Azərbaycan Dövlət Miqrasiya Xidmətinin birgə təşkil et- diyi “Dövlət Miqrasiya Xidmətinin işçi heyətinin profes- sional bacarıqlarının artırılmasına dəstək” adlı Tvinninq layihəsinin bağlanış mərasimi keçirilib. Tədbirdə Azərbaycan Türkiyə İş Adamları Birliyi İdarə Heyətinin üzvü Ali Gümüşün başçılıq etdiyi nümayəndə heyəti iştirak edib. Dövlət Miqrasiya Xidməti rəisinin müavini, III dərəcəli dövlət miqrasiya xidməti müşaviri Pərviz Musayev bil- dirib ki, xidmətin təşəbbüsü ilə Avropa Komissiyasına təqdim edilmiş 1,050 mln. avroluq Tvinninq layihəsi üzrə müvafiq tədbirlərin icrası 2013-cü ilin yanvar ayından başlayıb və bugünədək davam edib. Ötən dövr ərzində Avropa İttifaqına üzv olan Nider- land Krallığı, Latviya və Rumıniyanın miqrasiya sahəsində fəaliyyət göstərən aidiyyəti qurumları ilə 4 komponent üzrə birgə 53 tədbir həyata keçirilib. Bura təlimlər, se- minarlar, təlim səfərləri, rüblük rəhbər görüşləri və digər tədbirlər aiddir. Tədbirdə Niderland Krallığının Repatriasiya və Geri Qaytarma Xidmətinin baş direktoru Rodia Maas, Latvi- yanın Vətəndaşlıq və miqrasiya məsələləri idarəsinin rəis müavini Janis Citskovskis, Rumıniyanın İmmiqrasiya üzrə Baş Müfəttişliyinin idarə rəisi Oktavian Predesku, Avropa İttifaqının Azərbaycandakı nümayəndəliyinin proqram meneceri Miquel Marko Qomez və digər qonaqlar işti- rak ediblər.
Yüklə 0,84 Mb. Dostları ilə paylaş:
|