OZAN DÜNYASI № 4(19), 2014
5
Ələsgər haqq sözün isbatın verə,
Mələklər əməlin yaza dəftərə.
Hər yanı istəsə, baxanda görə,
Təriqətdə bu sevdalı gərəkdi
5
.
– deməsi də bu baxımdan olduqca qiymətlidir. Çünki “Нər yanı istəsə,
baxanda görə” bilmək qabilliyyəti yuxarıda qeyd olunan qam-şaman-
ozan kompleksinin özülü ilə genetik əlaqədədir.
Dini-təsəvvüf örtüyü və xalq yaradıcılığına məxsus təxəyyülü nəzər-
də saxlamaqda “Haqq aşığı” titulu barədə əsasən о qənaəti qəbul etmək
lazımdır ki, orta əsrlər təsəvvüf dünyagörüşünə dərindən yiyələnən, sufi-
dərviş ideoloji sisteminin daşınmasında xüsusi qabiliyyət (kəramət!) nü-
mayiş etdirən, bədahətən çalıb-çağırmaq istedadına malik olan saz-söz
sənətkarları bu ad-titulla tanınmışlar. Haqq aşıqlarının poetik-fəlsəfi irsi-
ni dərindən mənimsəyən və aşıqlıq missiyasının daşınması ilə ənənə sə-
viyyəsində məşğul olan sıravi ifaçı-sənətkarlar isə sadəcə “aşıq” deyə
çağırılmışlar. “Haqq aşığı” və “aşıq” ad-titullarını şərtləndirən ölçü-
mizanlar “mürşid” – yolgöstərən və “mürid” – yolu, izi tutub gedən anla-
mında orta əsrlərdən sonra yavaş-yavaş səngiməyə başlamış və on
səkkiz-on doqquzuncu yüzilliklərdən etibarən aşıqlıq yuxarıdakı konteks-
tual məzmununu tədricən itirdiyindən “Haqq aşığı” statusuna о qədər də
ehtiyac duyulmamışdır. Bu da əsasən onunla bağlıdır ki, həmin dövrdən
sonra ictimai-siyasi iqlimin dəyişməsi nəticəsində sufilik öz nüfuz
dairəsinin əvvəlki səviyyəsindən aşağı enməyə başlamışdır.
İstər “haqq aşıqları”, istərsə də sadəcə “aşıqlar” ortaya çıxdıqları
tarixi-siyasi şəraitin ab-havasını uzun zaman öz saz və sözləriylə qoruyub
saxlayaraq, təriqət yoluna sədaqət və məhəbbətlə xidmət göstərmişlər.
Aşıqlığın təşəkkül və inkişafına imkan yaratmış tarixi-siyasi şərait isə
aşığı /xüsusən də “haqq aşığı”nı/ ilahi aləmlə, müqəddəs ruhlarla əlaqəsi
olan müqəddəs bir varlıq səviyyəsinə qaldırmışdır.
Aşığın ilahi aləmlə, haqq dünyası ilə əlaqəsinə, müqəddəs ruhlarla
bağlılığına inamın əlamətidir ki, o, fəaliyyət göstərdiyi bütün zamanlar
boyu toxunulmaz sayılmışdır. El arasında “Aşıq haqq aşığıdır, ona zaval
yoxdur” – kimi məsəlvari deyimlərin yayılması da heç şübhəsiz ki, bu
səbəbdəndir. İstər folklor yaddaşında, istərsə də yazılı tarixi qaynaqlarda
aşığa əl qaldırıldığına, onun alçaldılaraq öldürüldüyünə dair konkret bir
fakt müşahidə olunmur. Bu, ilk baxışdan el sənətkarına hörmət və ehti-
ram mənasında da anlaşıla bilər. Düzdür, etnik gerçəklikdən gələn həmin
5
Aşıq Ələsgər. /tərtib edəni İ.Əhsgərov/, Bakı, “Yazıçı”,1988,s.43
OZAN DÜNYASI № 4(19), 2014
6
amil burada müəyyən əhəmiyyətə, və estetik mövqeyə malikdir, amma
məsələyə bir tam halında, geniş şəbəkəli sistem kimi yanaşdıqda, aşığa
toxunmanın yasaq səviyyəsinə qaldırılaraq etnik və etik norma kimi qə-
bul edilməsi, əlbəttə ki, birinci növbədə onun ilahi aləmlə, ruhlar dünyası
ilə bağlılığına inamdan irəli gəlir. Bir qədər öncə qeyd olunduğu kimi, el
inamına görə həqiqi aşığa-haqq aşığına tanrı vergisi verilir. “Tanrı ver-
gisi”, “Allah vergisi”, “Haqq vergisi” və ya sadəcə olaraq “vergi” adla-
nan həmin mifoloji (həm də sufi!) təsəvvürün arxasında isə aşığın ilahi
aləm və ruhlar dünyası ilə qeyri-adi əlaqəyə malikliyi barədə mifoloji-ür-
fani semantika, daha dəqiq ifadə eləsək, bir növ kontominasiya halında
olan inanış toplusu (inanış içində inanış) dayanır. Bəs mifoloji-ürfani ni-
yə? Məsələnin mifoloji aspektinə nəzər yetirməzdən öncə onun nisbətən
üzdə olan ürfani tərəfini aydılaşdırmağa çalışaq. Bilindiyi kimi, geniş
mənada aşıqlığın təşəkkül tapmasında, о sıradan da ozanın sənət meyda-
nında aşıqla əvəzlənməsində başlıca hərəkətverici qüvvə və tranformasi-
ya amili şamançılıq sistemi ilə qovuşuğa girmiş sufilikdir. Təsəvvüf dün-
yagörüşünün əsas ideya daşıyıcıları olan aşıqları erkən orta yüzilliklərdə
hər hansı qaragüruhçu hücumdan qorumaq üçün xalqda onlar barədə mü-
əyyən müqəddəslik təsəvvürü yaratmaq lazım gəlirdi. Bu məqsədlə də
aĢıqlara ilahi tərəfindən vergi verilməsi, Həzrət Əlinin əli ilə badə içi-
rilməsi, onlara qırxlar, ərənlər, nurani pir-dərviĢlər məclisindən pay
çatması kimi müqəddəslik, kəramət sahibliyi, qeyri-adilik təlqin
edən fikirlər təriqət xətti ilə xalq arasına yayılırdı. Həmin təbliğat əsa-
sən ilahi eşq-məhəbbət dastanları, müxtəlif dərviş rəvayətləri,
mənqəbəvi-fantastik hekayətlər vasitəsilə aparılırdı və aşıqların toxunul-
mazlığını, təhlükəsizliyini təmin etmək üçün bir növ mənəvi-ruhani zə-
min yaradılırdı. Uzunmüddətli və ardıcıl təbliğat əsasında xalq təsəvvü-
rünə yeridilmiş himayəçi-qoruyucu məzmun haqq aşıqlarına həsr olun-
muş bütün dastanların /“Qurbani”, “Abbas-Gülgəz”, “Aşıq Qərib”,
“Yetim Aydın” və s./ süjet xəttində bu və ya digər dərəcədə öz əksini
tapmışdır. “Abbas-Gülgəz” dastanının güney Azərbaycanda yayılmış
Tufarqan variantında göstərilir ki, aşığın toxunaqlı, kinayəli sözlərindən
bərk qəzəblənən Şah Abbas cəllad çağırıb onun boynunu vurdurmaq istə-
yəndə vəzir Allahverdi xan xalq arasındakı məlum qoruyucu-yasağı xa-
tırladaraq bildirir: “Qibleyi-aləm, sən gəl bu işdən əl götür, aĢıq öldür-
məyin düĢər-düĢməzi olar”
6
. Hadisələrin sonrakı düyünlü gedişatı za-
manı aşığı dediyindən döndərmək mümkün olmadıqda, tələ qurub onu
dərin quyuya salırlar. Belə olan təqdirdə, yəni qurtulmaq üçün heç bir yol
6
Arazam Kürə bəndəm. /tərtib edəni B.Abdulla/, Bakı, “Yazıçı ””,1986, s.142