OZAN DÜNYASI № 4(19), 2014
52
Araz Yaquboğlunun
“Daşkənd aşıq və şairləri” kitabında
göstərilir
ki, Nəcəf Bayramovun məlahətli səsi, şeirlərinin təsir gücü onu bütün
mahalda məşhur edir. Çox keçmir, Nəcəfin sənətinin səs-sorağı Göyçənin
hüdudlarını aşır. O, ustad bir aşıq kimi Qarabağın, Şirvanın və Borçalının
böyük el şənliklərinə dəvətlər alır. Qüdrətli aşıq-şairlərlə dostluq edir,
tanınmış sənətkar aşıq Hüseyn Bozalqanlı ilə qohum olur.
1910-cu ildə aşıq Əsədlə birlikdə Cənubi Azərbaycanda səfərdə olur.
Təbrizdə onlara sənətlərinə hörmət və ehtiram əlaməti olaraq Xətai sazı
bağışlayırlar.
Araşdırıcı Sərraf
Şiruyə
yazır ki, erməni quldurları bir gün qəflətən
Aşıq Nəcəfi tuturlar. Ona olmazın əzabını verirlər. Erməni komandirinin
arvadı ərindən xahiş edir ki, aşığı öldürməsin. O, naqanını çıxarıb
arvadını da güllələyir. Deyir niyə türk aşığının xahişini edirsən? Nəcəf
görür ki, artıq xilas yolu yoxdur. Üzünü vətənə tutaraq bir bayatı oxuyur:
El gəlsin, an üstəyəm,
Gedirəm, kan üstəyəm.
Nə çəkilməz dərddi bu –
Yaram yox, can üstəyəm.
Erməni quldurları aşığın sazını əlindən alıb sındırır və yanan samo-
vara doldururlar. Sonra da qaynar samovarı onun kürəyinə bağlayırlar.
Beləcə, görkəmli sənətkar 5 fevral 1919-cu
ildə “Küllü təpə”
deyilən
yerdə xüsusi qəddarlıqla qətlə yetirilir.
OZAN DÜNYASI № 4(19), 2014
53
CƏNUBDAN SƏSLƏR
Əkbər Səməd oğlu Əlyar, 1973-cü ildə Cənubi Azərbaycanda –
Qaradağın Əlyar kəndində anadan olub, ibtidai təhsilini doğma kəndində alıb,
orta məktəbi isə 1992-ci ildə Urmiya şəhrində riyaziyyat və fizika üzrə bitirib.
Sonra Təbrizdə elektrik mühəndisliyi üzrə ali təhsil alıb (1995) və Tehrana
köçüb. Burada ixtisası üzrə mühəndis işləməyə başlayıb.
Şeirlərini Həmidi və Əlyar təxəllüsü ilə yazan Əkbər ƏLYAR bədii
yaradıcılığa 16 yaşında qəzəl yazmaqla başlamış, elə o vaxtlardan da Urmiya
ədəbi əncüməninin üzvü olub. Onun ilk şeirləri Azərbaycan respublikası istiqlali
ilə əlaqədar iranda nəşr olunan “İslami Birlik” qəzeti və “Yol” dərgisində çap
edilib. O, hazırda Tehranda fəaliyyət göstərən Həkim Nəbati dərnəyinin idarə
heyətinin üzvlərindəndir və bir neçə kitabın redaktoru, önsöz yazanı və
müəllifidir. Onun bir neçə şeiri İran və Naxçıvan şairlərinin Naxçıvanda çap
olunmuş “Dostlar töhfəsi” adlı ortaq şeir antologiyasında çap edilmişdir.
O, 1999-cu ildə Bəxtiyar Vahabzadənin “Payiz düşüncələri” kitabını
ərəb əlifbasıyla Tehranda nəşr etdirib. Hüseyn Cavidin “Peyqəməbər” əsərini
farscaya tərcüməedərək nəşr etdirib. Onun təbrizli şairə Susən Rəzi ilə ortaq
əsəri olan “Arzuların yeni gülşən bağı” İranda öz təşəbbüsü ilə çap olunub və
“Gülşən bağı” adıyla Bakıda “Nurlan” nəşriyyatında çapa hazırlanır. Eyni
zamanda uşaq şeirlərindən ibarət bir toplusu da yenə Bakıda “Qanun”
nəşriyyatında çap ərəfəsindədir.
Şairin bir neçə şeirini “Ozan dünyası”nın oxucularına təqdim edirik.
Əkbər Həmidi ƏLYAR
MƏNĠ
Məmməd Araza
Bəlkə bu yerlərə birdə gəldim mən,
Bulud, gözlə məni, yağ, gözlə məni.
Bəlkə, səndə bir də səcdə qıldım mən,
Torpaq, gözlə məni, dağ, gözlə məni.
Gəlmişdim min arzu, min dilək ilə,
Gedirəm tutulmuş bir ürək ilə.
Doldur qucağını gül-çiçək ilə,
Bostan, gözlə məni, bağ, gözlə məni.
Bu uca dağların öz oğluyam mən,
Şeir oğluyam mən,
saz oğluyam mən,
OZAN DÜNYASI № 4(19), 2014
54
Yamyaşıl yağmurlu yaz oğluyam mən,
Şimşək, gözlə məni, çax gözlə məni.
Əlyarın gəzəli, kövrəldin niyə?
Qoyma ayrılıqdan qəlbin inciyə.
Yollara, sevgilim dönəcək, deyə
Boylan, gözlə məni, bax, gözlə məni.
SAZIM MƏNIM
Aşıqların dünyasısan,
Dillən sazım, dinlən sazım.
Sən incilər dəryasısan,
Dillən, sazım, dinlən, sazım.
Keçmişimin izi səndə,
Dədələrin sözü səndə,
Ellərimin gözü səndə,
Dillən, sazım, dinlən, sazım.
Quçaqların yarağısan,
Sevənlərin marağısan,
Söz telinin darağısan,
Dillən, sazım, dinlən, sazım.
Sehirkarsan, füsunkarsan,
Gül-çiçəkli bir baharsan,
Ölməz-itməz etibarsan,
Dillən, sazım, dinlən, sazım.
Sənsən sənət meydangahı,
Qızıl barmaq cövlangahı,
İpək xəyal seyrangahı,
Dillən, sazım, dinlən, sazım.
Əlyarın da könlünü al,
Dərdin, eşqin dillərə sal.
Öləndə də döşündə qal,
Dillən, sazım, dinlən, sazım.