OZAN DÜNYASI № 3, 2010
31
tanınır. Borçalıda geniş yayılmış "Bəhməni", "Qürbəti" - "Qürbəti Kərəm",
"Mansırı" havaları da eyni xətlə Urmiya mühitindən gətirilmədir.
Urmiya aşıq mühitinin saz-söz iqlimi digər Azərbaycan mahallarına yayıl-
maqla yanaşı bu ərazidə, yaxud bu əraziyə yaxın regionda məskun olan yabançı
etnosların (kürd, erməni və aysoruların) arasına da nüfuz edə bilmişdir. Ötən
yüzilliklərdə Azərbaycan türkcəsində çalıb-çağıran çoxsaylı erməni aşıqlarının
xeyli qisminin Urmiyada yaşayıb-yaratması da bu səbəbdəndir. Bunların
içərisində XVIII yüzillikdə yaşamış Salmaslı Qul Ərtun öz ustadnamələri ilə
çox məşhurdur.
Bu mühit daxilində aysorulara məxsus sənətkarlar da yetişmişdir. Hazırda
Urmiya şəhərində yaşayan qocaman sənətkar - Aşıq Yusif aysoru aşıqlarının
oradakı son nümayəndəsidir. O, aşıq sənətinin dərin bilicilərindən biri sayılır.
Urmiyanın cənub zolağı boyunda - Sulduz mahalında "Qarapapaq
aĢıqları" adı ilə tanınan el aşıqlarının ifaçılığı ana axarla Urmiya aşıqlığına
bağlanmış olsa da bir sıra özəlliklərə də malikdir. Sulduz Qarapapaqları Qazax-
Borçalı mahalındakı tərəkəmə-qarapapaqlarla eyni tayfadırlar. Sulduzdan
Qazax-Borçalıya, oradan isə Qars və Ərzuruma, daha sonra isə yenidən Sulduza
tarixi tərəkəmə köçləri barədə qaynaqlarda bilgilər vardır. Sulduz camaatı ara-
sında da bu barədə çoxsaylı söhbətlər gəzir. Sulduz mahalının böyük bir
düzənlik hissəsinin "Buzçəlü" adlanması da heç şübhəsiz ki, Borçalı-Bozçalı ilə
tarixi bağlılıqdan irəli gəlir.
Saz, düzələ (ikiyanlı tütəkdir -M.Q.), dümbək üçlüyünə əsaslanan Qarapapaq
ifaçılığının oxu biçimi zil kökə bağlı el nəğməçiliyi tərzindədir. Qarapapaq
aşıqlarının oxu və çalğı biçimi həmin çevərədəki kürd elatlarına güclü təsir
göstərdiyindən kürd saz-söz sənətçiləri də eynilə onlar kimi çalıb çağırırlar. Bu
baxımdan Qarapapaq-Sulduz aşıqlarının müəyyən bir ifaçılıq məktəbi kimi
səciyyələndirmək mümkündür. Onların ayrıca bir aşıq mühiti yaratdığını
söyləmək üçün isə bir qədər daha təfərrüatlı müşahidə və tədqiqatlar aparmaq
lazımdır.
Qarapapaq aşıqları arasından Aşıq Mahmudi, Aşıq Riza, Aşıq Əkbər, Solət
Qasımi, Qulam Çiyanə kimi istedadlı ifaçılar çıxmışdır. İfaçılıqdakı özəlliyə
baxmayaraq Qarapapaq aşıqlarının söz və musiqi yükü Urmiya aşıqlarının
repertuarından demək olar ki, fərqlənmir. "Sulduzu", "Sulduz gözəlləməsi",
"Yel-yel" kimi regional səciyyəli havaları da vardır. Hazırda Qarapapaq aşıq-
larının sayı on beşə yaxındır. Ümumən çağdaş Urmiya mühitindəki aşıqların
sayı isə yüz əlliyüz altmış arasındadır. Tarixi ənənənin mühafizəkarlıqla
qorunması baxımından bu mühitin yerinə yetirdiyi missiya əvəzsizdir.
ZƏNCAN AġIQ MÜHĠTĠ
Güneydəki aşıq mühitlərinin ən qaynar nöqtələrindən biri də Zəncan və onun
çevrəsindəki Əbhər, Xürrəmdərə, Sultaniyə, Qeydar, Niydəc bölgələrində
qərarlaşmışdır. Əsas qüvvələri Xürrəmdərə və Əbhərdə cəmləşən Zəncan aşıq
mühitinin ifaçılığı saz, balaban və qaval (dəf) üçlüyü üzərində qurulmuşdur.
OZAN DÜNYASI № 3, 2010
32
Zəncan aşıq mühitinin diqqətçəkici özəlliklərindən biri balabançı və qavalçı-
nın da mərasimin uyğun yerində aşıqla bərabər oxumasıdır. Bu mühitdə
fəaliyyət göstərən balabançı və qavalçıların əksəriyyəti gözəl səsə malikdir.
Onlar dastanların və aşıq şeirlərinin də yaxşı biliciləri kimi tanınırlar. Hətta bəzi
balabançı və qavalçılar el-camaatın və sənət adamlarının təhriki ilə sonradan
aşıqlıq eləyirlər.
İfaçılıq biçimi və repertuar yükü buradakı aşıqlığın təkkə kökəninə söykən-
diyini göstərir. Mühitdəki çağdaş aşıqların sayı dəfçi və balabançılarla birlikdə
iki yüz əllidən çoxdur. Təkcə Xürrədərənin Əmilər kəndində otuzdan yuxarı
aşıq yaşayır
6
.
Zəncan aşıqlığının təşəkkülündə barələrində dastan qoşulmuş Aşıq Şirin və
Aşıq Yusif Camal adlı orta çağ aşıqlarının mühüm xidməti olmuşdur. Zəncan
mühitinin əsas aşıq ocaqlarından sayılan Xürəmdərədən çıxmış Aşıq Şirin
haqqındakı "Şirin və Birçək xanım" dastanı orta çağ dastançılığına məxsus olan
klassik standartlara tam cavab verir. "Yusif Camal" dastanı da öz poetik
mükəmməlliyi ilə seçilir. Aşıq Şirin və Yusif Camal ənənəsinin davamçıları
olaraq Zəncan və onun çevrəsində Aşıq Nəcəfəli, Aşıq Xanmurad, Aşıq Lütfəli,
Aşıq İbrahim Şahsevən, Aşıq Fətullah Rizayi, Aşıq Teyyub, Aşıq Qalamrza
Davudi və başqa onlarla görkəmli sənətkar el arasında böyük şöhrət qazan-
mışdır. Bu gün həmin ənənəni Gülabəli Davudi, Teyyub Süleyman, Aşıq Əkbər
Zəncani, Aşıq Əmrullah, Aşıq İltifat, Mirzağa Süleymani, Rəsul Əsədi, Pərviz
Süleymani kimi saz-söz ustaları ləyaqətlə davam etdirməkdədirlər.
Zəncan aşıqlarının repertuarında qırxa yaxın dastan vardır. Repertuardakı ən
işlək dastanlar aşağıdakılardır: "Zəncanlı Qurbani", "Xəstə Qasım", "Əsli-
Kərəm", "Abbas-Gülgəz", "Şirin və Birçək xanım", "Qərib-Şahsənəm", "Tahir-
Zöhrə" və s. Bu mühitdə "Koroğlu"nun doqquz qoluna rast gəlinir. Repertu-
ardakı əlliyə yaxın saz havasının az qala yarısı regional səciyyəlidir: "Ağabəyi",
"Fərzayi", "Farəngoğlu", "Kəllahi", "Xalxal şikəstəsi", "Vəlicani" və s.
Zəncan aşıq mühiti Azərbaycan aşıq sənətinin klassik söz və musiqi repertu-
arını mühafizə etməklə yanaşı yerli-regional xüsusiyyətləri əks etdirən özəllik-
lərə güclü meyl etməsi ilə seçilir. Yaradıcı keyfiyyətin güclü olması səbəbin-
dəndir ki, "Qurbani" dastanının ənənəvi süjeti bu mühitə məxsus sənətkarlar
tərəfindən köklü şəkildə dəyişdirilmiş və nəticədə dastanın yeni bir versiyası -
"Zəncanlı Qurban" ortaya çıxmışdır
7
. "Xəstə Qasım" dastanının Zəncan
6
Zəncan, Savə, Xorasan və Qaşqay aşıq mühitləri barədə bilgiləri güney
Azərbaycandan olan folklorçu Mənuçar Əzizdən, Doktor Cavad Heyətdən, Aşıq Dehqan
və Aşıq Yaqub Binislidən almışıq. Son illərdə Əli Kafkasiyalı və İlqar İmamverdiyevin
sözü gedən mühitlərlə bağlı hazırladıqları tədqiqatların nəticələrindən, eləcə də əldə
etdiyimiz audio və videolentlərdən faydalanılmışdır.
7
M.H.Təhmasib. Azərbaycan xalq dastanları (orta əsrlər), s. 355
Dostları ilə paylaş: |