OZAN DÜNYASI № 4(7), 2011
9
bugünkü ifadə ilə desək, bədii qiraət ustasıdır. Aşıq – instrumental
ifaçıdır.
Bütün bunların hamısı da bir nəfər, bir fərddir.
Uzun-uzun əsrlər boyu aşıq sənəti, misal üçün, yaponların “Kabuki”,
ya “No” teatrları, yaxud ispanların romanserosu kimi milli bədii təfəkkü-
rün (indiki halda Azərbaycan milli bədii təfəkkürünün) faktına çevrilib.
Avropada fransız truveri və trubadurluğu, yaxud alman minnezin-
gerliyi xalqı necə ifadə etmişdirsə, aşıq sənəti də Azərbaycanda həmin işi
görmüşdür, amma fərq ondan ibarətdir ki, truverlik və trubadurluq da,
minnezingerlik də ayrı-ayrı əvvəli və sonu məlum dövrlərin, mərhələlərin
hadisəsidirsə, aşıq sənəti əvvəli Orxon-Yeniseydən xəbər verən, sonu isə
olmayan bir sənətdir, daim qaynayır, daimi dinamikaya malikdir, bütün
dövrlərin müasir yaradıcılığıdır.
Və min il bundan əvvəl olduğu kimi, bu gün də belədir.
Və Aşıq Ələsgər həmin yaradıcılığın klassikidir.
Aşıq Ələsgər – filosofdur:
Günahkardı, nə ki yoldan azan var,
İki mələk – xeyir-şəri yazan var.
Əsarət var, Qıl körpü var, qazan var,
Orda qəbul olsun niyazım mənim...
OZAN DÜNYASI № 4(7), 2011
10
Aşıq Ələsgər – estetdir:
Axşam-sabah, çeşmə, sənin başına,
Bilirsənmi, necə canlar dolanır?!
Büllur buxaq, lalə yanaq, ay qabaq,
Şahmar zülfü pərişanlar dolanır...
Yaxud:
Çərşənbə günüdə, çeşmə başında,
Gözüm bir alagöz xanıma düşdü.
Atdı müjgan oxun, keçdi sinəmdən,
Cadü qəmzələri qanıma düşdü...
Aşıq Ələsgər – bədbindir:
Ov keçdi bərədən, ata bilməzsən,
Uçdu getdi əldən, tuta bilməzsən.
Yerisən, yüyürsən çata bilməzsən,
Görürsən ki, baxtın yatdı, sən də yat...
Yaxud:
Nə bəlaya düşdüm mən bəxtiqara,
Eşqin ataşına heç olmaz çara.
Qalmışam zindanda aciz, avara,
Günahkar, sərgərdan, xəcalət eylə...
Aşıq Ələsgər – nikbindir:
Ruhun təzələnsin görəndə gərək,
Sən onun könlündə, o səndə gərək.
Haqqa şükür qılsın hər bəndə gərək,
Kim nə deyir bu dövrana, gözəldi...
Aşıq Ələsgər – humanistdir, metafizikdir, moralistdir, maarifçidir,
ilahiyyatçıdır, materialistdir, idealistdir, romantikdir, realistdir və s., və i.a.
Bəli, bütün bunlar belədir, amma mənim üçün Aşıq Ələsgər ilk növ-
bədə Aşiqdir (“Ələsgərəm, gözəllərdi əzbərim...”, yaxud: “Canım gözəl-
lərin yol qurbanıdı...”) və Ələsgər poeziyasının yaratdığı (və eyni
zamanda həmin poeziyanı yaradan!) o Aşiq, olsun ki, ya zövqünə görə,
OZAN DÜNYASI № 4(7), 2011
11
ya yaşına, ya da gözlərinin rənginə görə Məcnundan fərqlidir, Romeodan
seçilir, Kərəmin eyni deyil, amma o da Leylinin, Cüllettanın, Əslinin
sevgi dünyasında ən doğmalardan, ən məhrəmlərdən biridir, həmin sevgi,
həmin sevda dünyasının sakinidir.
Bu sözləri yazıram və fikirləşirəm: mən nə üçün bunları yazıram?
Onsuz da Aşıq Ələsgərin Sözü və Sazı nə lazımdırsa, hamısını özü
deyir.
OZAN DÜNYASI № 4(7), 2011
12
Zəlimxan YAQUB
Xalq Ģairi
YARALI XATĠRƏ
1983-cü ilin yaz fəsliydi. “Bir ay yarım növbahardan keçəndə” dağları
gəzmək həvəsinə düşmüşdüm. Ulu ozanımız Dədə Ələsgərlə bağlı “Göy-
çədən gələn səslər” adlı poema üzərində işləyirdim. O vaxta qədər bir
neçə dəfə Göyçədə olmağıma baxmayaraq yenidən bu qədim sazlı-sözlü
mahalın ziyarətinə can atırdım. Elə bil ki, qan yerinə damarlarımda bu
ləngərli misralar dolaşırdı: “Adım Ələsgərdi, Göyçə mahalım”. Bu qoşa,
bir-birinə yaraşan müqəddəs adlar gözəgörünməz bir qüvvə ilə məni
özünə çəkir, tarixi bir ünvana çağırırdı:
Şeh düşdü göy çəmənə,
Göz vurdu göy çəmənə.
Ələsgəri səslədim,
Səs verdi Göyçə mənə.
Bu misralar ürəyimdə o zaman baş qaldırmışdı. Bir gün tale fürsət ver-
di, qanadlandım o səsin gəldiyi tərəfə. Kəlbəcərdən Qazuçan yoluyla
aşdım Göyçəyə. Heyrətdən doğan məhəbbət, məhəbbətdən doğan heyrət
bir-birinə qarışmışdı. Cığırları, çəhlimləri, yolları, izləri bir-birinə qata-
qata yeriyirdim. Uçurdum ulu səsin, ulu sözün, ulu sazın dərgahına
doğru. Heyrətlənmişdim. Bu qədim torpağımızda Ələsgərin ayağıyla ye-
riyir, qarlı zirvələrə onun gözləriylə baxır, gülə-çiçəyə, daşa-qayaya onun
əlləriylə toxunurdum. Göyçə təbiəti də öz növbəsində Aşıq Ələsgərə dö-
nüb məni doğma övladı kimi bağrına basırdı. Söhbətimiz yaman tut-
Dostları ilə paylaş: |