OZAN DÜNYASI № 4(7), 2011
103
Aşıq Oruc, de sözünü,
Tərifləmə gəl özünü.
Bil, çevirsə el üzünü,
Yüz köməkçi əl neyləsin?!
KÖLGƏSĠZ
(Qıfılbənd)
Səndən xəbər alım, ay Aşıq Teymur,
Necə daşdır hər nişanı kölgəsiz?
O nədir ki, nə dincəlib, dayanmaz,
Nə dolanır bu dünyanı kölgəsiz.
O nədir ki, nəfəsi yox, qanı var,
O nədir ki, hər bir rəngdən donu var?
O nədir ki, nə yurdu, nə məkanı var,
Gəşt eyləyər hər bir yanı kölgəsiz.
Oruc deyər: “Nədir yerin pərgarı,
O nədir ki, gah qız olur, gah qarı.
O nədir ki, yerin, göyün ləngəri,
Əgər bilsən, hər nişanı kölgəsiz?!...”
YAR SĠNƏ-SĠNƏ
(Təcnis)
O hilal qaşını görəndə gözüm,
Müştaq oldum onun yar sinəsinə.
Laçın tərpənişli, tovuz cilvəli,
Qaldım qulluğunda, yar, sinə-sinə.
Gəzib bu dağları lalə üzəsən,
İnsaf eylə, gəl dərdimi üzəsən.
Busə nədir, qıymayırsan üzə sən,
Xəncərlə bağrımı yar sinə-sinə.
Oruc deyir: “Sən gələndə Yasəmən,
Gah şad olub, gah batıram yasa mən”.
Nitqi, nəfəsindən qopur yasəmən,
O nədir köksündə yar sinə-sinə.
OZAN DÜNYASI № 4(7), 2011
104
Yada düşər xatirələr...
Mahmud KAMALOĞLU
professor
URFANİ MÖCÜZƏSİ
Bu əhvalat təxminən otuz il bundan əvvəl olmuşdu. Borçalıda
qorabişirən ayının ən isti günlərindən biri idi. Səhər tezdən Dərviş Osman
bizə uşaq göndərib məni təcili evlərinə çağırtdırdı. Onun bu cür tələm-
tələsik çağırtdırdığından başa düşdüm ki, kimsə uzaqdan gələni var. Gə-
lən kim idisə ya çox hörmətli, ya da çox vacib adam idi. Yoxsa belə
istidə hələm-hələm çağırtdırmazdı şair məni.
Uşağı yola salıb, az sonra dalınca şairgilə yola düşdüm. Düzdü, o,
bizdən çox da uzaqda yaşamasa da, bir yeddi-səkkiz döngəni ayaqla
getmək lazım gəlirdi.
Səhər olmasına baxmayaraq gün artıq xeyli qalxmış, havanı da möh-
kəmcə isitmişdi, elə bil aradan heç gecə keçməmişdi, sanki dünənki
günün istisi də bugünkünə qarışmışdı. Yolboyu gələn adamın kim
olduğunu düşünsəm də, təxmin edə bilmədim. Azərbaycandan Borçalıya,
Tiflisə yola düşən, əli qələm tutan, əli saz tutan, elm əhli və nə bilim daha
kimlər yolüstü mütləq onun qonağı olur, bir stəkan çayını içirdilər. Bu
fikirlərlə onların evlərinə yaxınlaşmağa başladım. Ətrafda cırcıramaların
səsindən başqa heç nə eşidilmirdi, həyət-bacada ins-cins belə gözə dəy-
mirdi...
Şairin həyətində, düz qapısının ağzında ağ rəngli bir “Jiquli” maşını
dayanmışdı. Sürücü sanki istinin qorxusundan maşını qapıya elə yaxın-
laşdırmışdı ki, maşından düşən kimi qapıya ancaq bir addım qalırdı.
Şair evi təzə tikdirdiyindən həyətdə hələ nə bir ağac basdırılmışdı, nə
də ki, digər kol-kos belə yox idi. Böyük həyətin ora-burasında bitən otlar
da susuzluqdan çoxdan qurumuş, sanki günəş onlardan da intiqam alırmış
kimi, çoxdan axırlarına çıxmışdı.
Həmin il yay girəndən göydən bir damcı belə yağış düşməmişdi.
Deyilənə görə uzun vaxt idi ki, belə quraqlıq, belə isti hava olmayıbmış.
OZAN DÜNYASI № 4(7), 2011
105
Yolda durub şairi səslə-
dim, səsimə hay verən olmadı.
Günəşin istisindən içəri çəkil-
miş ev sahibləri ərindiklərin-
dən, yoxsa başları gələn qo-
naqlarla söhbətə bərk qarışdı-
ğından içəridəkilərdən səs gəl-
mədi. Bəlkə də ev yoldan uzaq
olduğu üçün səsim onlara çat-
mamışdı. Bir də səsləndim,
adam günəşin istisindən səsini
hündürdən çıxarmağa da əri-
nirdi elə bil.
Nəhayət, adam görünməsə
də, içəridən kimsə sələndi:
“Buyur, içəri gəl”. Doğrudan
da içəri girəndə hiss etdim ki,
eşiyə baxanda bura cənnətdi.
Şair:
- Buyur, tanış ol, ən əziz qardaşım Aydın. Daha doğrusu, aşıq Ay-
dın Çobanoğlu, əslən Tovuzun Əlimərdanlı kəndindədir. Hal-hazırda Ba-
kıda yaşayır, orda sazımızın sirlərini körpə balalarımıza öyrədir. Bu da
xanımıdır.
Ortaboylu, qarabuğdayı qonağı görən kimi tanıdım, televizorda, öz
yetirmələri olan körpə aşıqlarla çıxışlarına çox qulaq asmışdım.
- Səndən bir ricam var, - deyə, - şair əlavə etdi. Aydının kiçik
qardaşının toyudur, gəliblər ki, Tiflisdən toy üçün lazım olan bəzi şeyləri
alsınlar. O, şəhəri tanımır, həm də tanısa da, nəyin hardan alınmasında
çətinliyi olacaq. Hava da görürsən necədir. Özün yaxşı bilirsən ki, mən
onlarla şəhərə getdim nə, getmədim nə, yəni mənim onlara heç bir kömə-
yim dəyən deyil. Qısası, bu işlərdə səriştəlisən, sən daha yaxşı bilirsən.
Məsələ aydın idi, qonaqlarla Tiflisə mən getməliydim. Yaxamı qırağa
çəkmək heç düzgün deyildi. Öz-özümə düşündüm; havanın bu cür isti-
sində indi şəhər od tutub yanır, asfalt adamı ayaqqabısından tutub saqqız
kimi yerə yapışdırır. Könülsüz də olsam, bunu qonaqlara büruzə ver-
mədən razılaşdım. Fikirləşdim ki, nə qədər tez gedib gəlsək, bir o qədər
yaxşı olar.
Biz hazırlaşıb yola düşəndə şair bərk-bərk tapşırdı ki, olmaya-olmaya
orada çörək yeyəsiz, siz gələnə kimi hər şey hazırlatdıracam. İnsafən
OZAN DÜNYASI № 4(7), 2011
106
deyim ki, şair bunu dönə-dönə həm qonaqlara, həm də ayrıca mənə bərk
tapşırdı.
Tiflisə çatanda hava hərarətini elə bil ikiqat artırmışdı. Kim bilir,
bəlkə də bu cür isti yay yüz ildə bir dəfə olur.
Xülasə, Aydının axtardıqları nə vardısa, xoşbəxtlikdən hamısını ra-
hatlıqla tapdıq. Bəlkə də özgə vaxt olsaydı, bu şeyləri belə tez tapa
bilməzdik. Şəhərdə adam həddən artıq az olduğu üçün biz işlərimizi vax-
tında qurtara bildik.
Saat təxminən üç-dörd radələrində kəndə qayıtdıq. Şair bizi evdə göz-
ləyirdi. Evin qabağında, həyətin düz ortasında günəşin altında samovar
poqquldayırdı.
- Buyurun, içəri keçin, - dedi və özü də hamıdan qabaqda içəri girdi.
İsti məni əldən saldığı üçün birtəhər özümü tez evimizə çatdırmaq istə-
yirdim. Ona görə də elə Aydınla maşının yanındaca sağollaşıb getmək
istəyirdim. Belə havada heç aclıq-zad da yada düşmürdü. Ancaq birtəhər
özümü sərin yerə verib, uzanıb dincəlməkdən gözəl heç nə olmazdı.
Aydın maşının qapısını aralı qoyub, içəridə nəyisə eşələyirdi. Mən də
günün altında durub onu gözləyirdim ki, vidalaşıb gedim. O, maşında
nəyisə tapa bilmədiyi üçün ciblərini bir də eşələdi, təkrar bir də maşının
içərisinə doğru əyildi. Səbrim lap tükənmişdi, isti nəfəsimi kəsmişdi,
daha dözə bilmirdim. Amma düşünürdüm ki, çıxıb getmək ədəbsizlik
olar. Bu qədər yaxşılıq et, axırda da beş dəqiqə gözləmə.
Nəhayət, aşıq maşının qapısını örtdü, mənim də ürəyim yerinə düşdü
ki, artıq getmək üçün vaxtdır. Tez onunla görüşüb, ayrılmaq istədim,
əlim havada qaldı. O, bu dəfə maşının yük yerinin yanında dayanıb
mənə:
-
Qardaş, borclu borclunun sağlığını istər deyib dədələrimiz, mən
borclu olmaq istəmirəm, elə indi borcumu qaytarmaq istəyirəm, – deyib
bağajı açdı, sazı futlyardan çıxartdı. Fikirləşdim ki, yəqin sazı içəri
aparmaq istəyir. Ancaq futlyarı maşının baqajının üstünə qoydu və sazı
əlinə götürdü.
Öz-özümə fikirləşdim ki, bu nəfəskəsici istidə, ac-susuz, yorğun
halda o, nə etmək istəyir. Düzü, saz vurğunu, aşıq dəlisi olsam da, belə
bir vaxtda heç nə umrumda deyildi. Təkcə günün altından birtəhər
aralanıb, başımı bir kola soxmaq arzusundaydım.
Həyətin düz ortasında, günün o qızmarında Aydın sazı sinəsinə basdı.
Məcbur olub könülsüz-könülsüz ona qulaq asmağa başladım. Axı o, sazı
mənim üçün çalırdı, həyətdə məndən savayı adam da yox idi. Ürəyimdə
gileyləndim, “ay insafsız, burax məni gedim, əl çək yaxamdan, heç nə
istəmirəm, hətta sazı belə”.
OZAN DÜNYASI № 4(7), 2011
107
Onun isə vecinə deyildi, gözləri yumulu, nə mənim yazıq-yazıq
günün altında durmağıma, nə günəşin onsuz da onun qaralmış sifətinə
belə hərarətlə vurmağına heç əhəmiyyət vermirdi, sanki nə mən, nə də
qorabişirən ayın bu dəhşətli istisi vecinə deyildi bu saz dəlisinin.
“Ruhani”nin ürəyi təlatümə gətirən səsini dinlədikcə elə bil mən də
sərinlədim, susuzluğum da azaldı, aclığım da elə bil yavaş-yavaş getdi.
Aydının barmaqları saza elə dəyirdi ki, elə bil barmaqlar simlərdən
aralansa, simlər qırılıb yerə töküləcək. O, elə çalır, elə çalırdı ki, sanki
qarşıdakı Aydın deyil, Dədə Əmrah idi.
Aydın çalırdı, saz onun sinəsinin lap yuxarısında, çənəsinin düz
altında dururdu. Aydın çalırdı, çaldıqca qara sazın qolu yavaş-yavaş düz
yuxarı tuşlandı, sonra yavaş-yavaş saz aşığın başı üstünə qalxdı, onun
əlləri zorla çatırdı simlərə. İlahi, sanki yuxarıdan ilahi bir qüvvə kəndirlə
saz bərabər aşığı yuxarı dartırdı. Saz qarışıq Aydın uca bir sərv ağacına
dönmüşdü. Mən özümdə deyildim. Öz-özümə fikirləşdim ki, yəqin isti
məni vurub, özümdə deyiləm. Aydını aşağıdan-yuxarı bir də süzdüm, saz
qarışıq o məndən iki dəfə uzun görünürdü. Xeyr, yanılmamışdım, özümü
toplayıb yerə baxanda gördüm onun ayaqları yerdən üzülhaüzüldü, ayaq-
qabılarının burnunun ucu yerə dəyər-dəyməzdi. Onun isə indi heç nə ve-
cinə deyildi, “Ruhani” onu kim bilir haralara aparmışdı. Amma düzünü
deyim ki, bəlkə də “Ruhani”nin bu ecazkar möcüzəsi məni ondan da
uzaqlara aparmışdı.
İlahi, nə qədər məharətlə çalırdı “Ruhani”ni Aydın! Xeyr, mən
deyəsən günün istisindən qəhərlənmişdim. Məni yəqin qara basırdı,
yoxsa belə bir möcüzə gözümün qabağında görünürdü.
Nəhayət, Aydın barmağını simə son dəfə toxundurdu, “Ruhani”ni
başa çatdırdı və gözlərini açdı.
Bu vaxt hiss etdim ki, mənim də ayaqlarım tappıltı ilə yerə dəydi. Sən
demə, onunla bərabər “Ruhani” məni də göyə qaldırıbmış.
29.01.2009
OZAN DÜNYASI № 4(7), 2011
108
BĠR YAZININ ƏKS-SƏDASI
Hörmətli oxucular, əgər xatırlayırsınızsa, “Ozan dünyası”nın 2011-ci
ildəki ikinci sayında filologiya elmləri doktoru, professor İsmayıl Məm-
mədlinin “Bir foto-şəkilin tarixi” adlı məqaləsi dərc olunmuşdu. Müəllif
həmin məqalədə XX əsr Azərbaycan aşıq sənətinin görkəmli nümayən-
dəsi Dədə Şəmşirin yarım əsr bundan əvvəl - 1959-cu ildə Azərbaycan
Elmlər Akademiyasının Nizami adına Ədəbiyyat və Dil İnstitutunun,
Ədəbiyyat Tarixi Muzeyinin əməkdaşlarından bir qrupu ilə çəkdirdiyi fo-
toşəkildən bəhs edir, həmin tarixi şəkildəki insanlar haqqında söhbət
açır.
Şəkildəkililərin kimliyi barədə orada İsmayıl müəllim belə yazıb:
“Oturanlar: Şəmşirin sağında Əminə Həbibzadə (vaxtilə lüğətçilik şöbə-
sində çalışmışdır, hazırda həyatda yoxdur), solunda filologiya elmləri
doktoru, Azərbaycan dilinin tarixi şöbəsinin baş elmi işçisi Afina Əlizadə
(hazırda 81 yaşındadır, elmi fəaliyyətini davam etdirir). Ayaq üstə du-
ranlar (bunların hamısı dünyasını dəyişmişdir) sağdan sola: Zərrintac
Tağıyeva (lüğətçilik şöbəsi), Zümrüd Rəfili (professor Mikayıl Rəfilinin
bacısı, kitabxanaçı), Sara Hüseynova (akademik Heydər Hüseynovun
qızı, fəlsəfə elmləri namizədi), filologiya elmləri namizədi Minayə Cava-
dova (dil tarixçisi), ədəbiyyatşünas Rəfiqə Qasımova, ayaqüstə duran-
lardan dördüncüsünün adını, soyadını müəyyənləşdirə bilmədik”.
Bu günlərdə redaksiyamıza zəng edən filologiya elmləri doktoru,
N.Gəncəvi adına Ədəbiyyat Muzeyinin elmi işlər üzrə direktor müavini
Xatirə Bəşirili isə bizə bildirdi ki, şəkildə ayaqüstə duiranların heç də
OZAN DÜNYASI № 4(7), 2011
109
hamısı müəllifin dediyi kimi dünyasını dəyişməyib, onlardan məşhur
akademik Heydər Hüseynovun qızı Sara Hüseynova sağdır və hazırda da
Ədəbiyyat Muzeyində fəaliyyət göstərir. Biz bu yanlışılığa görə Sara
xanımdan həm redaksiyamızın, həm də müəllifin adından üzr istəyir, ona
uzun ömür və fəaliyyətində uğurlar arzulayırıq.
Xatirə xanımın daha bir dəqiqləşdirməsi isə İ.Məmmədlinin adını,
soyadını öyrənə bilmədiyi bir nəfər – şəkildə ayaqüstə duranlardan
soldan dördüncü şəxs barədə oldu. Onun dediyinə görə bu, vaxtilə
Ədəbiyyat Muzeyində çalışmış Fəridə Axundovadır.
Hörmətli alimimiz Xatirə xanım Bəşirliyə diqqətinə görə təşəkkür
edirik.
“Ozan dünyası”
OZAN DÜNYASI № 4(7), 2011
110
BĠLDĠRĠġ
2012-ci il aprelin 13-16-da İ.Cavaxişvili adına Tiflis Dövlət Universiteti Azərbay-
can Milli Elmlər Akademiyasının Folklor İnstitutu, Türkiyənin Ardahan Universiteti,
Türk Dünyası Mühəndislər və Memarlar Birliyi, Qafqaz Universitetlər Birliyi və Valeh
Hacılar Beynəlxalq Elmi-Mədəni Tədqiqat Fondu, Suxumi Dövlət Universiteti ilə birgə
professor Valeh Hacıların xatirəsinə həsr olunmuş “Qafqaz xalqlarının folkloru və
lingvokulturologiyası” mövzusunda Beynəlxalq Elmi Simpoziumun keçirilməsini
planlaşdırır.
Simpoziumun mövzuları: Türkologiya və Qafqazşünaslığın problematikası, Qaf-
qaz xalqlarının folkloru, Qafqaz xalqlarının tarixi və mədənyyəti, lingvokulturologiya
(areal linqvistika, tipologiya və komparavistika).
Simpoziumun iş dilləri: Gürcü, Azərbaycan, Türk, İngilis və Rus.
Simpoziumda iştirak etmək istəyənlər öz tezislərini bu iki dildə: gürcü-ingilis, Azər-
baycan-ingilis, türk-ingilis, ingilis-rus, hər dildə 300-dən artıq söz olmamaq şərti ilə
(Word formatında Times New Roman şriftində) 2012 il fevralın 20-dək
caucasiology@gmail.com, alishamil
@yahoo.com, calyilmaz@mynet.com və ya
haciyevf@yahoo.com elektron ünvanlarına göndərə bilərlər.
Simpozium Tİflis Dövlət Universitetində keçiriləcək.
Qeydiyyat ödənişi - 25$.
P.S. Xahiş edirik anket-ərizə formasını doldurasınız (anket-ərizə forması əlavə edilir).
TəĢkilat komitəsi
Anket-ərizə forması
Adı
İkinci adı, təxəllüsü (əgər varsa)
Soyadı
Təmsil etdiyi təşkilat
Vəzifəsi
Tədqiqat sahəsi
İş ünvanı
E-mail
Telefon
Mobil Telefon
Fax
Poçt ünvanı
OZAN DÜNYASI № 4(7), 2011
111
MÜNDƏRĠCAT
T.Vahid. Dədə Ələsgərin saz bayramı, söz bayramı .................... 3
Elçin. Təşrif buyur gedək bağa ..................................................... 7
Z.Yaqub. Yaralı xatirə ................................................................. 12
M.Qasımlı. El yeridi, yalqız qaldın səhrada ................................. 15
A.Ələsgər. Şeirlər ......................................................................... 20
Ġ.Ələsgər. Aşıq Ələsgərin hikmət dünyası. ................................... 24
Q.PaĢayev. Aşıq Şəmşir haqqında düşüncələrim ......................... 38
ġ.Nadiroğlu. Müəllimsiz üşüyən məktəb ..................................... 44
Ə.Əroğul. Aşiqlər aşiqi Aşıq Pəri ................................................ 48
F.Valehoğlu-Hacılar. “Qazi Qars şəhrəngizi” simpoziumu
və Aşıq Şərəf Taşlıova. ................................................................. 55
ġ.TaĢlıova. Mehralı bəy qonağı .................................................... 58
Ġ.Əbilov. Mizrab teldın ayrılsa da ................................................ 60
AĢıq Pənah. Şeirlər ....................................................................... 67
H.Mirzə. Dərələyəzdə (şeir) ......................................................... 69
Ə.Y.Rza. Hey verə ........................................................................ 70
M.Qasımlı, M.Nəbioğlu. Dilimizin sadiq keşikçisi ..................... 72
S.Qəniyev. Aşıq Məmmədağanın poeziya dünyası ..................... 75
Ustad aşığın yubileyi qeyd olunmuşdur ........................................ 81
AĢıq Əhməd Rüstəmov. Şeirlər ................................................... 83
M.Nəbioğlu. Xalqımızın qədim və ölməz sənəti – sazbəndlik ..... 86
M.Nəbioğlu. Sazbənd Məhəmmədəli ........................................... 93
A.Yaquboğlu. Aşıq Orucun sazlı-sözlü dünyası .......................... 99
AĢıq Oruc Əhmədov. Şeirlər ....................................................... 102
M.Kamaloğlu. Ürfani möcüzəsi................................................... 104
Bir yazının əks-sədası ................................................................. 108
BildiriĢ .......................................................................................... 110
OZAN DÜNYASI № 4(7), 2011
112
AZƏRBAYCAN AŞIQLAR BİRLİYİ
“OZAN DÜNYASI”
Няшриййатын директору: профессор Н.Б.Мяммядли
Korrektor: ElĢad ÇOBANLI
Йыьылмаьа верилмиш 10.12.2011
Чапа имзаланмыш 24.12.2011
Шярти чап вяряги 7. Сифариш № 382.
Каьыз форматы 70х100 1/16. Тираj 1000
Jurnal «Елм вя тящсил» няшриййат-полиграфийа мцяссисясиндя
щазыр диапозитивлярдян чап олунмушдур.
Цнван: Бакы, İчяришящяр, 3-ъц Магомайев дюнэяси 8/4.
Qiyməti müqavilə ilə.
Dostları ilə paylaş: |