160
Müəssisənin ixtiyarında olan kitabların sayı vəqf hesabına
artırdı. Burada müxtəlif elm sahələrinə aid olan 60 min nüsxə
kitabın saxlanıldığı kitabxana vardı. Həmin dövrdə Bakıdakı
Şirvanşahlar sarayında, Ərdəbildəki Şeyx Səfiəddin məqbərəsi
kompleksində, bir sıra hökmdar saraylarında zəngin kitabxanalar
mövcud idi
Xacə Nəsirəddin Məhəmməd Tusi (1201-1274) bu dövrün
ən parlaq elm və mədəniyyət xadimi olmuşdur. O, Həmədanda,
bəzi mənbələrə görə isə Tus şəhərində anadan olmuş, məzmunlu
və ziddiyyətli ömür sürmüş, Bağdadda vəfat etmişdir.
Nəsirəddin Tusi «XIII əsrin elm tarixində nadir hadisədir».
39
XIII əsrin 30-cu illərində Nəsirəddin Tusi Kuhistana gəlmiş,
İsmaililər dövlətinin başçısı Möhtəşəmin sarayına dəvət
olunmuşdu. Sarayda o, hökmdarın önəmli müşavirlərindən
birinə çevrilmişdi. Onun istedadı, dövlətçilik sahəsindəki
bilgiləri və bir çox hadisələri öncədən görmə qabiliyyəti sarayda
yüksək qiymətləndirilirdi. Qeyd olunmalıdır ki, İsmaililər
dövləti islam Şərqində orijinallığı ilə seçilən siyasi qurum
olmuşdur. Bu dövlət 1090-cı ildə yaranmışdı, mərkəzi Ələmut
(İrandadır) qalası idi. İran və Suriyadakı bir sıra torpaqlar, qala
və qəsrlər həmin dövlətin tərkibində olmuşdur. İsmaililər dövləti
vaxtilə Səlcuqilərə qarşı mübarizə gedişində meydana gəlmişdi.
Təbliğat, üsyanlar, bir sıra dövlətlərin əleyhinə təşkil olunan
qiyamlar, siyasi terror ismaililərin xüsusi mübarizə üsulları idi.
Dövlətin banisi Həsən Səbbah (1090-1124) olmuşdur. İsmaili
hökmdarları vaxtilə monqollara qarşı mübarizədə Xarəzmşah
Cəlaləddinə (1221-1231) hərtərəfli yardım göstərmişdilər. 1256-
cı ildə Hülaku xan bu dövlətin varlığına son qoydu. Qısa tarixi
ekskursdan aydın olur ki, Nəsirəddin Tusinin siyasi, elmi
fəaliyyətinin əvvəli çox təhlükəli bir şəraitə təsadüf etmişdir.
Fəaliyyətinin erkən dövründə İsmaililərin sarayında böyük
nüfuz, mövqe və hörmət qazanmış Nəsirəddin Tusi tezliklə sa-
ray fəsadlarının qurbanına çevrildi. Kuhistan hökmdarı
Nəsirəddin Əbülfəth Əbdürrəhim Əbu Mənsur (Nasir) (1257-ci
ildə vəfat etmişdir) ona Əbu Əli Misqəveyhin (1030- cu ildə
dünyasını dəyişmişdir) «ət-Təharə» («Şaflıq», «Paklıq») adlı
161
kitabını fars dilinə tərcümə etməyi təklif etmiş, Nəsirəddin Tusi
isə xüsusi əsər (risalə) yazacağını hökmdara bəyan etmiş və
mütəfəkkirin bu fikri bəyənilmişdi. 1235-ci ildə Nəsirəddin Tusi
vəd etdiyi əsərini başa çatdırdı.
40
«Əxlaqi-Nasiri» («Nasirin
əxlaq kitabı») adlanan bu risalənin ön sözündən aydın olur ki,
artıq əsərin yazılıb başa çatdırıldığı məqamadək Nəsirəddin Tu-
sinin
İsmaili
hökmdarı
ilə
qarşılıqlı
münasibətləri
gərginləşmişdi.
41
Əsərin başa çatdırıldığı – 1235-ci ildə
Nəsirəddin Tusi həbs olunaraq Əlamut qalasına salındı.
Mütəfəkkir bu həbsxanada 20 ildən artıq bir müddət ərzində
saxlanıldı
42
və xeyli əsərini bu şəraitdə yazdı. Onun «Tusi»
ləqəbi təhsil aldığı Tus şəhərindən törəmişdir. Nəsirəddinin ilk
müəllimi atası olmuşdur. Sonralar o, İbn Sinanın və Bəhmənyar
əl-Azərbaycaninin məktəbinə mənsub olan alimlərdən təhsil
almışdır. «Zici-elxani» («Elxani cədvəlləri»), «Əxlaqi-Nasiri»,
«Əxlaqi-Möhtəşəmin», «Övsafül-əşrəf» («Alicənab insanların
xarakterləri və keyfiyyətləri»), «Risaleyi-fəlsəfi» («Fəlsəfi
risalə»), «Qəvaidi-elmi-tibb» («Tibb elminin qaydaları») adlı
fəlsəfi, əxlaqi, məntiqi, riyazi, astronomik məzmunlu əsərlər
onun elmi fəaliyyətinin
nəticəsidir. Alimin maliyyə
məsələlərinə, musiqiyə aid mühüm əsərləri də vardır. Nəsirəddin
Tusi Azərbaycan mədəniyyət tarixində Marağa rəsədxanasının
yaradıcısı, rəhbəri kimi iz qoymuşdur. Həmin rəsədxana onun
göstərişi və fəal iştirakı ilə 1259-cu ildə Marağa şəhəri
ətrafındakı yüksək bir yerdə inşa olunmuşdur. Qeyd olunmalıdır
ki, Elxanilər (Hülakular) dövlətinin banisi sərkərdə Hülaku xan
(1217-1265) İsmaililər dövlətinin varlığına son qoyarkən
Nəsirəddin Tusini də Əlamut qalasındakı həbsxanadan azad
etdirmiş, alimi özünə məsləhətçi etmiş, sonralar onun bir sıra
dəyərli məsləhətləri ilə hesablaşmışdı. İlk elxan alimin Marağa
rəsədxanası haqqındakı ideyasını da müsbət qarşılamış, bu ob-
yektin qurulması işinə himayəçilik etmişdir. Hülaku xanın
vəfatından sonra Nəsirəddin Tusinin qabiliyyəti, elmi və siyasi
tərcübəsi Abaqa xana (1265-1274) da lazım olmuş, o, elxanın
vəziri vəzifəsini icra etmişdir. Nəsirəddin Tusinin yaratdığı
Marağa rəsədxanası 53 ilə yaxın bir müddət ərzində fəaliyyət
162
göstərmişdir. Alim elmə, təhsilə bağlılıq, sədaqət hissini
övladlarına da ötürmüşdür. Onun vəfatından sonra Marağa
rəsədxanasının fəaliyyətinə oğulları Sədrəddin Əli və Əsiləddin
Həsən (1317-ci ildə dünyasını dəyişmişdir) başçılıq etmişlər.
Kainatın öyrənilməsi üzrə mərkəzə çevrilməli olan Marağa
rəsədxanası, elmi kompleksi 16 binadan ibarət idi. Həmin bina-
lar
əsas
və
yardımçı
hissələrə
ayrılırdı. Astronomik
müşahidələrin aparıldığı, elmi avadanlığın yerləşdirildiyi binalar
birinci qrupu təşkil edirdi. Mədrəsə, kitabxana, emalatxana
binaları ikinci (yardımçı) qrupa aid idi. 16 binadan yeddisi plan
baxımından dairəvi şəkildə inşa olunmuşdu.
43
Binaların
mərkəzində rəsədxananın baş qülləsi yerləşirdi. Bu qüllənin dax-
ili diametri 22 metr idi. Kompleksə daxil olan kitabxananın
sahəsi 330 kvadratmetrə bərabər olmuşdur.
44
Yeddi Elxani
hökmdarının dövründə fəaliyyət göstərmiş Marağa rəsədxanası
Yaxın və Orta Şərqin mühüm elm və mədəniyyət mərkəzinə
çevrilmişdi. «Zici-Elxani» əsəri Nəsirəddin Tusinin Marağa
rəsədxanasındakı elmi axtarışlarının məntiqi nəticəsi idi. Bu
əsərdə çoxlu riyazi, astronomik və coğrafi cədvəllər də
verilmişdir. Onun «Evklidin həndəsi üsulları» kitabından uzun
müddət ərzində tədris vəsaiti kimi istifadə olunmuşdur.
Nəsirəddin Tusinin dünyagörüşünə Əbu Nəsr Fərabinin (870,
Fərab-950, Dəməşq) elmi-fəlsəfi yaradıcılığı həlledici təsir
göstərmişdir. Orta (Mərkəzi) Asiya türklərindən olmuş Əbu
Nəsr Fərabi filosof, ensiklopediyaçı alim olmuşdur. Fəlsəfə və
elm sahəsindəki uğurları islam Şərqində bu alimə Aristoteldən
sonra «ikinci müəllim» («əl-müəllim əs-sani») fəxri adını
qazandırmışdı. O, «Elmlərin siyahıya alınması» adlı risalənin
müəllifi kimi daha çox tanınırdı (əsər ərəbcədən bəzi dillərə
«Elmlərin təsnifatı» adı altında tərcümə olunmuşdur). Əbu Nəsr
Fərabi Şərq peripatetizminin ən görkəmli yaradıcılarından idi.
O, habelə məşhur musiqiçi, bəstəkar, yeni musiqi alətlərinin
ixtiraçısı olmuş, musiqiyə dair «Kitab əl-musiq əl-Kəbir»
(«Musiqiyə dair böyük kitab») adlı çoxcildli nəzəri əsər
yazmışdır. Elmlərin mənşəyi və təsnifatı, məişətə baxış, mate-
riyaya yanaşma, insanın idraki fəaliyyəti problemləri, ictimai
Dostları ilə paylaş: |