218
edilir. Öz hisslərinizi bir nöqtədə cəmləyin və anlamağa çalışın ki,
onun ətri sizə nəyi xatırladır. Osmiya – iy haqda elmdir (osmiey –
yunanca iy deməkdir).
Dequstasiya prosesində üç növ ətir fərqləndirilir: ilkin – şərab
hazırlanan üzümün ətrinə xasdır. Bu ətri hətta içkini qədəhə
süzmədən – butulkanı açan kimi qiymətləndirmək mümkündür.
İkinci ətir - haqqında danışanda içkinin qıcqırması zamanı
meydana gələn ətir nəzərdə tutulur. Üçüncü ətir – şərabın
yetişdirilməsi fazasına aiddir. Onlar birinci və ikinci əsasında
olmaqla, yetişdirmə prosesində dəyişirlər. Şərab qədəhə tökülür,
yüngül fırladılır və bir qədər saxlandıqdan sonra ətri iylənir.
İntensivlik – ətrin parlaqlığı, təzyiqi və dərinliyi ilə
səciyyələnir. Kifayət qədər intensiv olmayan, yüngül intensiv,
mötədil intensiv, intensiv və çox intensiv olmaqla fərqləndirilir.
Komplekslilik – burada o nəzərdə tutulur ki, bir şərabda
çoxtərəfli müxtəlif ətirlər ailəsi, məsələn, meyvə, çiçək, ədviyyə
və mineral ətir olur. Aşağıdakı növləri fərqləndirilir – kifayət
qədər kompleks olmayan, zəif, mötədil, kompleks yaxud böyük
kompleksli.
Ətrin keyfiyyəti – burada məhsul ilinin xarakterizəsi
şərabçının peşəkarlığı və şərabın saxlanma şəraiti haqda söhbət
gedə bilər. Kobud, kobudvari, orta keyfiyyətli, yaxşı, əla
keyfiyyətli kimi fərqləndirilir.
Tərkibi: burnunuzu qədəhin dərinliyinə salın və birinci nə hiss
etdiyinizi deyin. Bu bütün ətri hiss etməyin ən etibarlı yoludur.
Milyon ətir mövcuddur:
Meyvə - banan, alma, moruq, şaftalı, ərik, favalı və s.;
Çiçək –qızılğül, tütün, bənövşə, jasmine və s.;
Bitki – təzə ot, çay, nəm yaxud quru yarpaq, saman və s.;
Şərab – qıcqırma ətri;
Ədviyyə - darçın, bibər, lavanda, reyhan, vanil və s. qeyd
etmək olar.
Dad – duyğu üzvləri ilə təhlil. Şərabı yoxlayaraq biz ilk
olaraq onun dadını bilirik. Sonra onun ağırlığı və yüngüllüyü
219
bilinir. Üçüncüdə isə onun dayanıqlığı müəyyən olunur. Dad
hissiyyatı dildə cəmlənir.
Şərab ağıza düşdükdən 2-3 saniyə sonra şirinlik hiss olunur.
Buna “hücum faza”sı deyilir. İkinci faza – “ağızda gəzdirmə” –
birincidən bir qədər artıq davam edir və biz yandırıcılıq hiss edirik.
Bu içkinin turşuluğu yaxud duzluluğudur (mineralıllığı). Üçüncü
və son faza – “son təəsürat”dır.
Bütün bu fazaları düzgün keçmək və anlamaq üçün kiçik
qurtum ağızda bir qədər saxlanılır. Sonra ağızda çeynənmə
hərəkəti kimi edilir, dodaqlar qapanaraq şərabla qarışdırılmaqla bir
qədər nəfəs alınır. Şərab bir daha ağızda fırlandırılaraq sonra
tədricən az-az udulur. Bu sadə əməliyyat bir neçə saniyə vaxt alır.
Şərabın dadı yumşaqlıq (şəkər, spirt, bütövlük) və codluq
(turşular, taninlər və mineral maddələr) göstəriciləri arasındakı
tarazlıqdan ortaya çıxır.
Şəkər – dərhal turş, kəmturş, kəmşirin, şirin şərabı
daddığımıza dair anlayış verir.
Spirt – bu ilk növbədə ağızda istilik və quruluq hissi ilə
müşayət olunur. Onu yüngül, zəif yandırıcı, mötədil yandırıcı,
yandırıcı yаxud spirtli kimi fərqləndirirlər.
Bütövlük – bu, yumşaqlıq, təzəlik hissiyatı olub, qurtum
alındıqdan dərhal sonra bilinir. Bucaqlı, zəif dairəvi, mötədil
dairəvi, zəif dəyirmi, parçalanmış olmaqla fərqləndirilir.
Turşular – təzəlik hissi yaradır. Yüngül təzə, mötədil təzə, təzə
və turşulu kateqoriyaları fərqləndirilir.
Taninlər – bu, özülülük və büzüşdürücülük hissiyyatı
verməklə, ağızda quruluq yaradır. Zəif, artıq taninli, mötədil
taninli, taninli yaxud büzüşdürücü kateqoriyaları fərqləndirilir.
Mineral maddələr – mineral suları içən zaman əmələ gələn
hissiyyat (duzluluq, soda notları) yaranır. Dadsız, az minerallı,
mötədil minerallı, minerallı yaxud parlaq minerallı kateqoriyaları
fərqləndirilir.
Balans – yumşaqlıq və codluq göstəriciləri arasındakı
tarazlığa əsasən şərabın balanslaşması müəyyən olunur. Az
220
balanslaşmış, mötədil balanslaşmış və balanslaşmış kateqoriyaları
fərqləndirilir.
Dad intensivliyi – dad hisslərinin parlaqlığı ilə xarakterizə
olunur. Kifayət qədər intensiv olmayan, az intensiv, mötədil
intensiv yaxud çox intensiv dad kateqoriyaları fərqləndirilir.
Dadın davam etməsi – qurtum alındıqdan sonra dad
hissiyyatının uzunluğu ilə xarakterizə olunur. Kaudalla ölçülür (1
Kaudal – 1 saniyəyə bərabərdir). Qısa, zəif davamedən, mötədil
davamedən yaxud uzun kateqoriyaları fərqləndirilir.
Keyfiyyət – dadda qüsurların olması yaxud olmaması ilə
xarakterizə olunur. Aşağı, mötədil, mötədil yaxşı, yaxşı yaxud əla
kateqoriyaları fərqləndirilir.
Struktur – yumşaqlıq və codluq göstəricilərinin ümumi
təəssüratı ilə xarakterizə olunur. Kasıb, zəif, iri yaxud ağır
kateqoriyaları fərqləndirilir.
Yekun təhlil. İnkişaf vəziyyəti – burada şərabın real vəziyyəti
və onun yetişdirilməyə qoyula bilməsi potensialı müəyyən olunur.
Yetişməmiş, cavan, hazır, yetişmiş yaxud köhnə kateqoriyaları
fərqləndirilir.
Harmoniklik – zəif harmonik, mötədil harmonik yaxud
harmonik kateqoriyaları fərqləndirilir.
Azərbaycan 2013-cü ildə Beynəlxalq Üzüm və Şərab
Təşkilatına (OİV) 45-ci üzv kimi qəbul olunmuşdur.
Azərbaycanda şərab festivallarının keçirilməsi artıq ənənə halını
almış, 2012-2014-cü illərdə ölkəmizin Gəncə şəhərində üç
Beynəlxalq Şərab Festivalı keçirilmişdir. 30 sentyabr-1 oktyabr
2014-cü il tarixlərində Gəncə şəhərində keçirilən Üçüncü
Beynəlxalq Şərab Festivalı çərçivəsində təşkil olunmuş “I salxım”
Beynəlxalq Dequstasiya komissiyası tərəfindən Azərbaycan
Dövlət Aqrar Universitetinin «Qida məhsulları mühəndisliyi və
ekspertiza» kafedrasında şərabların dequstasiyası keçirildi (şəkil
2.22). Komissiyaya Azərbaycan, İtaliya, Rusiya və b. ölkələrdən
18 nəfər peşəkar dequstator daxil edilmişdi.
Dostları ilə paylaş: |