33
Bu zadəganların tarixi yazılmış əsərlər, soykötükləri yandırıldı,
cırıldı, onlara məxsus bütün madd-mədəniyyət izləri aradan
götürüldü, sonucda, o şəxslərin indiki nəsilləri əsl tarixi
gerçəkliyi bütünlüklə unutdu. Ancaq nə yaxşı ki, Ulu Tanrı
allahsız kommunistlərin Tarixi yerli-dibli məhv etməsinə imkan
vermədi-bir
çox dəyərli sənədlər indiyədək qorunub
saxlanmaqdadır. Məncə, bu yazıda ortaya qoyulan faktların
əksəriyyəti nəinki ümumən Azərbaycan oxucusuna və özəlliklə
Qəbələnin adlı-sanlı ziyalılarına, hətta Ümnisə xanımın ən yaxın
qohumlarına belə ilk dəfə bəlli olacaq.
Ondan başlayaq ki, Azərbaycan ədəbiyyatı və elminin üç
korifeyi-Hacı ismayıl Qutqaşınlı (1809-1861), İbrahim bəy
Musabəyov (1880-1942) və Ümnisə xanım Musabəyova (1902-
1974) eyni nəsildən çıxıb və bu nəslin bizə bəlli ilk böyüyü Hacı
Şəfi sultandır. Faktların şərhinə keçməzdən öncə bildirim ki,
Hacı Şəfi sultan sonrakı Qəbələ sultanlığının patriarxıdır.
Qəbələ rayonunun Həmzəli kəndindəki qədim Şıx bab
pirindən 1978-ci ildə tapdığım Hacı İsmayıl bəy Qutqaşınlı
“Səfərnamə”sinin əlyazmasında görkəmli bu şəxs haqqında belə
yazır: “Bu torpaqları mühafixət etməyə (qorumağa. –Ə.T.) nə
qədər qanlar babamız töküb və özümüz nə qədər zəhmət
çəkmişik abadan etməyə. Bu saatda nəzərə Dəvəbatan
sərkərdəsinin müqabilində şikəst olub (qarşısında məğlub olub.
Ə.T.), tərki-vətən edib, əlhal (indi. –Ə. T.) nəslinin Ərəbistan və
Şam məmləkətində vətən qərar tutmağı xatirimə gəldi”.
Xatırladım ki, Səfəvilərin adından imperiyanı idarə edən
naibüssəltənə Nadir xan (sanrakı Nadir şah) Osmanlılara arxayın
olaraq ona itaətdən boyun qaçırmış Qəbələ ağası Surxay xana
(eləcə də Dağıstan xanlarına) “qulaqburması” verməkçün
Təhmasib xan Cəlayirin başçılığı altında quzeyə 12 minlik
qoşun yollamışdı. Həmin qoşun 1734-cü ilin 3 oktyabrında
Qəbələ ilə Şamaxı arasında bir tərəfi dağa, o biri tərəfi meşəyə
bitişik “Dəvəbatan” adlı yerdə Surxay xanın 20 minlik ordusunu
darmadağın etdi (bu hadisədən A.A. Bakıxanovun “Gülüstani-
34
İrəm”ində geniş danışılıb). Bu vuruşmada Surxay xanın
qoşununda döyüşən Hacı Şəfi sultan yurdundan didərgin düşdü
və ailəsini də götürərək Ərəbistana (indiki Suriyaya ) köçdü.
Sonrakı 25 ildə nələrin baş verdiyi haqqında sənədlər sussa
da, 1759-da tarix səhnəsində yenə həmin Hacı Şəfi sultanın nəsli
ilə-onun oğlu olan Qəbələ ağası Kəlbəli sultanla qarşılaşırıq.
Bir tarixi qaynaq yazır ki, urmiyalı sərdar Fətəli xan Əfşar
“Şuşa qalası üstünə gəlib Qarabağ xanı Pənah xanı özünə tabe
etməyə məşğul bulunduğu zaman (1759-da.- Ə.T.)...Şəki xanı
Hüseyn xan, qutqaşınlı Kəlbəli sultan və sair Şəki böyükləri ilə
hədiyyələr götürüb Fətəli xanın hüzuruna gələrək əczi-izhar edib
mərhəmət və kömək dilədilər. Bu vasitə ilə Fətəli xan Şəki
xanlığına Hüseyn xanı qoydu”.
Qəbələ ağası Kəlbəli sultan (Məhəmməd) Hüseyn xan Müş-
taqla çox yaxındı. Ancaq Şəki xanı gələcək qatili- əmisi Hacı
Əbdülqadirlə düşmən olduqdan və Kəlbəli sultan da onun
əmisinə tərəfdar çıxdıqdan sonra bu yaxınlıq yağılığa çevrildi,
xanın qəzəbinə tuş gələn Kəlbəli sultan dustaq edilərək, 1779-da
öldürüldü. Ancaq hakimiyyətdə yenə onun övladları qaldı.
Kəlbəli sultanın varisləri haqqında ən inanmalı qaynaq
“Kəlbəli Sultanovlar”ın Azərbaycan Mərkəzi Tarix Arxivində
saxlanılan soykötüyü-nəsil şəcərəsidir; həmin soykötüyü “Nuxa
qəzası Qutqaşın kəndinin” sakinləri Mehdi bəy və Alı bəy
Sultanovların nəsillərinin bəylərdən sayılması haqqında 10 iyun
və 2 iyul 1874-də verdikləri ərizəyə əsasən tərtib edilib.
Adı çəkilən soykötüyündən Kəlbəli sultanın dörd oğlunun:
Əhməd sultan, Məhəmməd sultan, Nəsrullah sultan və (Hacı)
Şəfi sultanın adları çəkilir və onların nəsilləri incəliklə sadalanır.
(Qutqaşınlının qohumu Zabitə Mustafayeva bu sənətdə adı
keçməyən İbrahim sultanın da Kəlbəli sultanın oğlu olduğunu
mənə bildirmiş və demişdi ki, onun nəsli indi Türkiyədədi,
ancaq bu fikri təsdiqləyəcək heç bir qaynaqla üzləşməmişəm).
Əhməd sultanın nəsli Kəlbəli sultan övladları içərisində ən
qol-budaqlısıdır.
35
Ümnisə xanım Musabəyova da məhz bu nəsildən olduğuna
görə onun üzərində ayrıca dayanıram.
Sözü gedən soykötüyündə Əhməd sultanın dörd oğlunun
olduğu göstərilib, poriçik Hacı Bala bəy, praporşik Hacı Musa
bəy, Əzim bəy, Hacı Ağarazi bəy (1824-?).Burada onların
övladları da sadalanır:
1)
Hacı Bala bəyin övladları: Qutqaşın naibi praporşik Hacı
İbrahim bəy (1814-?), Hacı Nuh bəy, Hacı Qədir bəy, Əhməd
bəy;
2)
Hacı Musa bəyin övladları: Züleyxa xanım(1834-?),
Zöhrəncə xanım (1837-?), Mehdi bəy (1837-?), Xacə xanım
(1849-?), Yusif bəy (ölüb)
3)
Əzim bəyin övladları: Şirin bəy (1846-?), Məhəmməd
bəy (1854-?):
4)
Hacı Ağarazi bəyin övladları: Ağasi bəy (ölüb), Abdulla
bəy (1854-?), Ümnisə xanım(1862-?).
Beləliklə, bu gün əlimdə olan bütün yazılı və şifahi tutarqa-
lara söykənərək bildirirəm ki, Ümnisə xanım Musabəyova
Əhməd xanın kötükcəsidir - o, sultanın oğlu Hacı Musa bəyin
oğlu, Sarya xanımla ailə qurmuş Mehdi bəyin (1837-?) oğlu
Süleyman bəyin qızıdır.(Süleyman bəy Ümnisə xanımdan başqa
Yusif, Fatma, Əfruz və Şamilin də atasıdır).
Yuxarıda dedim ki, görkəmli yazıçımız ilk Azərbaycan
kinofilminə adı verilmiş “Neft və milyonlar səltənətində” kimi
möhtəşəm bir əsərin müəllifi İbrahim bəy Musabəyov (1880-
1942) da Əhməd Sultanın soyundandır. O, Ümnisə xanımın
babası Mehdi bəyin (1837-?) oğlu, başqa sözlə, professorun
dostdoğma əmisidir. İbrahim bəyin üç övladı olub: Mehdi bəy
(uşaqkən ölüb), Sarya xanım (?-1924), Zemfira xanım
(20.05.1912-də doğulub, bir neçə il bundan qabaq Astaranın
Ərçivan kəndində dünyasını dəyişib).
İndiyədək verdiyim bilgidən aydınlaşır ki, Hacı Şəfi sultan və
Kəlbəli sultan həm hacı İsmayıl bəy Qutqaşınlının, həm də
İbrahim bəy və Ümnisə xanım Musabəyovların ortaq ulu baba-
Dostları ilə paylaş: |