30
nəsillərə tanıdılması üçün bu film müasir dövrdə əvəzsiz sənəd
tapıntısıdır.
Ümnisə xanım Qəbələnin qədim nəsillərindən olan Musabə-
yovların ziyalı nümayəndələrindən biridir. Bu nəslin yüzlərlə
tanınmış siması tək Azərbaycanda deyil, dünyanın müxtəlif
yerlərində ad-san qazanıblar.
Süleyman bəyin ailəsində dünyaya göz açan Ümnisə, Yusif,
Əfruz dünya şöhrətli Azərbaycan alimləridir. Kimya elmlər
doktoru, professor, Paris Beynəlxalq Elm tarixi və Fəlsəfə
Akademiyasının müxbir üzvü Yusif Süleymanbəy oğlu Musa-
bəyovun adı da ASE–na düşüb. Ölkəmizdən kənarda Yaroslavl
şəhərinin mərkəzində Yusif Musabəyovun heykəlinin ucalması,
kimyaçı alimin xatirəsinin əziz tutulması bu diyarda onun
şöhrətindən xəbər verir. Hazırda Qəbələ rayon Tarix-
Diyarşünaslıq muzeyində Musabəyovlar nəsli haqqında qiymətli
materiallar var. Muzeyin direktoru, əməkdar mədəniyyət işçisi
Xalis Məmmədov bu barədə zəngin faktlar toplayaraq xeyli
sayda sənəd əldə edib. Kitabdakı bir neçə şəkil bu muzeydən,
Xalis müəllimdən əldə edilib....
Ümnisə Musabəylinin 110 illiyi münasibəti ilə yazılan bu
kitabda alimin elmi fəaliyyəti ilə yanaşı, onun ictimai xadim
kimi fəaliyyətinə də nəzər salınır. Kitabda alimin zəkasından
nurlanan, onun tələbi və təkidi ilə oftalmologiyaya qədəm qoyan
və sonradan Ümnisə xanımın ideyalarını doğruldaraq, özlərini
elm aləmində təsdiqləyən yetirmələri müəllimləri ilə bağlı ən
kövrək xatirələrini bölüşürlər.
Bu insanlar aradan uzun illər keçməsinə baxmayaraq Ümnisə
xanımı dünən kimi xatırlayır, ən kiçik nüansı belə, olduğu kimi
hafizələrində saxlayırlar. Professor Rafiq Əsgərov danışır ki,
Ümnisə xanım unudulan müəllimə deyil, o kimə dərs deyibsə
hamının yaddaşına əbədi yazılıb. “Yaddaşlara əbədi yazılan
insan” adlı yazıda ATU-nun “İnsan anatomiyası” kafedrasının
professoru, tibb elmləri doktoru, əməkdar elm xadimi Rafiq
Əsgərovun kövrək düşüncələri öz əksini tapıb...
31
Dəyərli oxucular, Ümnisə xanım haqqında topladığım ma-
teriallar kifayət edərdi ki, bu faktlara əsaslanaraq müəllif kimi
alimin fəaliyyəti ilə bağlı bəzi mülahizələr söyləyim. Ancaq
qərara gəldim ki, onu yaxından görən, alimlə ünsiyyətdə olan
insanların, onun tələbələrinin söhbətlərini olduğu kimi,
nöqtəsinə, vergülünə toxunmadan, necə varsa, eləcə oxuculara
təqdim edim. Düşündüm ki, dinlədiyim bu ziyalıların
söhbətlərini öz dillərindən eşitmək daha inandırıcı olar və
onların hər birinin həqəqətdə, reallıqda tanıdığı Ümnisə
Musabəylinin şəxsiyyəti oxuculara, gənc nəsilə daha gözəl
tanıdıla bilər.
Bu kitabın araya-ərsəyə gəlməsində müəllifə yardımçı olan
bütün insanlara, kitabın çapını təmənnasız boynuna götürən
«Nasir» nəĢriyyatının direktoru Famil Kərimova, şəxsi arxi-
vindən aldığımız bir neçə fotoya və soykökü ilə bağlı yazıya
görə tarixçi alim Ədalət Tahirzadəyə, Qəbələ Tarix və Diyar-
şünaslıq muzeyinin direktoru, əməkdar mədəniyyət işçisi Xalis
Məmmədova, Qəbələ rayon icra hakimiyyətinin məsul işçisi
Zahir Kərimova, “Ümnisə Musabəylinin şəxsi fondu” ilə bizi
yaxından tanış edən Respublika Dövlət Elm və Texnika
Sənədləri arxivinin direktoru Şahsuvar Haşımova, eyni
zamanda, Ümnisə xanımla bağlı həmsöhbət olduğum dəyərli
ziyalıların hamısına bir daha təşəkkürümü bildirirəm. Ümnisə
xanım haqqında danışan bu insanların hamısının bircə qayəsi
budur ki, alimi gənc nəsilə tanıda bilək, Azərbaycan aliminin
doğum gününü, yubileyini xatırlatmaqla, elm tariximizin bu
əfsənəsini sabahkı nəsillərə tanıdaq…
Ümnisə xanım sənətini özündən də çox sevirdi. Bi fikirlər
kitabdakı əksər yazılarda qeyd olunub. Çünki o özünü cərra-
hiyyə stolundan ayrı təsəvvür edə bilmirdi, qaranlıq aləmin
nurlandırması missiyasını üzərinə götürən cərrah alim bu amalla
yaşayır, yaradırdı. Günlərin bir günü fikirləşəndə ki, daha
əməliyyat otağına girə bilməyəcək, kiminsə gözünə işıq
32
verməyəcək, onun özünün gözlərində işıqlı aləm qaranlığa
büründü. Demək həyatının sonu imiş...Allah rəhmət eləsin.
Alimin ölümü təkcə tibb aləmində deyil, bütün el-obada ağır
faciə sayıldı. Hamı Ümnisə xanımın itkisinə təəssüflənir,
qüdrətli bir elm xadiminin yoxluğuna sarsılırdı. Həkim en-
dokrinoloq Lalə Səlimxanova danışır ki, “1974-cü ildə birinci
kursda oxuyurdum. Mühazirə vaxtı institun rəhbəri və dekan
içəri girdi və göz yaşları içərisində bizə elan etdi: “Bu gün tibb
elminə ağır faciə üz verib, dünya şöhrətli Ümnisə Musabəyli
vəfat edib”. Həmin günü, alimlərin göz yaşlarını ömrüm boyu
unuda bilmirəm. Professor Dəmir Hacıyevin hönkürtüsü indi də
qulağımdadır. Onu tanıyanların hamısı ağlayırdı, bütün institut
Ümnisə xanıma yas saxlayır, auditoriyaların hər birində Ümnisə
xanımın şəxsiyyətindən söz açılırdı... Böyük alimin ruhu şad
olsun. Sağlığında əbədiləşən, ürəklərdə heykəlləşən Ümnisə
xanımın əziz xatirəsi qarşısında bir daha baş əyirəm”....
ġəlalə Məhyəddin qızı
ÜMNĠSƏ XANIM MUSABƏYOVA
- QƏBƏLƏ SULTANLIĞININ YADĠGARI
Ümnisə xanımım ulu babaları yüzillər boyunca Qəbələnin ən
adlı-sanlı sülalələrindən – sultanlardan olub və təəssüf ki, qanlı
kommunist itticası illərində bu nəslin bütün davamçıları öz
zədagan köklərini danmağa, bu haqda susmağa məcbur ediliblər,
çünki hakimiyyəti qanla ələ keçirmiş tərbiyəsiz, nadan və
savadsız muzdur və dilənçi balaları yüksək mədəniyyətli kübar
insanları özlərinin allahsız və qaniçən “proletariat diktaturası”na
ən böyük qorxu sayaraq onları kütləvi şəkildə məhv edirdilər.
Dostları ilə paylaş: |