18
AKADEMIK ZƏRĠFƏ ƏLĠYEVA
Zərifə Əliyeva professor Ümnisə Musabəylinin sevimli tələ-
bəsi olub. Azərbaycan oftalmologiyasına uğurlar gətirən bu iki
xanımın bir-birinə doğma münasibəti müəllim-tələbə sev-
gisindən boy ataraq, ana-bala səviyyəsinə qədər yüksəlmişdi.
Ümnisə xanım Zərifənin hər uğuruna sevinirdi.
Professor Tamara Hüseynova danışır ki, “...Mən Tibb İnsti-
tutunda oxuyurdum. Şahidiyəm ki, Zərifə xanımın traxomanın
müalicəsində tətbiq etdiyi dərman preparatına aid elmi mövzusu
müzakirə olunanda Ümnisə xanım sevincindən qanad açırdı.
Gənc alimin tədqiqatları ürəyincə olduğundan onun müəllim
sevinci çöhrəsindən hiss olunurdu ”.
Zərifə Əliyeva da müəllimi kimi elmin aktual sahələrinə
nüfuz edir, oftalmologiyanın ən çətin problemlərini öyrənirdi. O
sevdiyi sənətin bütün sirrlərini açmağa çalışır, mükəmməl alim
olmaq istəyirdi. Göz həkimi olmaq, qaranlıq aləmə işıq salmaq
arzusu ilə Tibb İnstitutuna daxil olmuşdu...
Görkəmli Azərbaycan yazıçısı və publisisti Hüseynbala
Mirələmov “Akademik Zərifə Əliyeva” kitabında yazır: “...Döv-
lət imtahanları başlamışdı, əla oxuyanlar da, bir o qədər yaxşı
oxumayanlar da həyəcanlı, narahat idi. İmtahan hamı üçün
imtahandır.
Zərifə suallara cavab verdikcə professor Ümnisə Musabə-
yovanın üzünün güldüyünü hiss edirdi. Gənc tələbə müxtəlif göz
xəstəlikləri, onların müalicəsi və profilaktikası haqqında elə
ətraflı, dolğun və həvəslə danışırdı ki, elə bil bu sahədə uzun
müddət işləmiş və təcrübə toplamışdı.
İmtahanlardan sonra professor Zərifəni yanına çağırdı və
dedi: “Həkimlik, ümumiyyətlə çox gözəl, xeyirxah peşədir.
Ancaq tibb elmlərində ən xeyirxah oftalmologiya elmidir. Mən
istəyirəm ki, sən oftalmoloq olasan”. Professorun təklifi
Zərifənin arzuları ilə üst-üstə düşürdü. Qız özü çoxdan bu
haqda fikirləşirdi...”
19
Akademik Püstəxanım Əzizbəyova xatirələrində danışır: "...
1949-50-ci illərdə bu nəcib və şərəfli ixtisas üzrə ordinatura
keçir, 1950-1953-cü illərdə isə aspiranturanı bitirir. Zərifə xanım
1960-cı ildə “Traxoma xəstəliyinin sintomisin və onun başqa
terapiya metodları ilə əlaqəli müalicəsi” mövzusunda elmi işini
uğurla müdafiə edərək oftalmologiya üzrə tibb elmləri namizədi
alimlik dərəcəsi alır. 1976-cı ildə Moskvada çox çətin bir
mövzuda “Azərbaycanın kimya sənayesinin bəzi müəssisələrinin
işçilərində görmə üzvünün vəziyyəti” mövzusunda doktorluq
dissertasiyası müdafiə edərək, tibb elmləri doktoru elmi dərəcəsi
alır, 1977-ci ildə professor, 1983-cü ildə isə akademik seçilir...”.
Professor A.İmaməliyev akademik Zərifə Əliyeva haqqında
öz xatirələrində yazır. “Tibb institutunun oftalmologiya
kafedrasının rəhbəri, professor Ümnisə xanım Musabəyova
mənim işlədiyim klinikaya müalicəyə gəlmişdi. Növbədən
sonrakı boş vaxtlarda onunla söhbətləşərdik. O, mənə öz
tələbələrindən danışardı. Həmişə söhbətinin əvvəlində də, so-
nunda da Zərifə xanımdan söz açardı. Professor Zərifəni iste-
dadlı həkim və alim, həssas yoldaş, əməksevər insan kimi səciy-
yələndirirdi. Deyirdi ki, Zərifə xəstəni müalicə edəndə onun
ağrılarını özü də yaşayır, özgəsinin ağrı-acısını və sevincini
dərindən duymaq və bunları özününkü kimi qəbul etmək Zərifə
xanımın adamlarla ünsiyyətdə başlıca keyfiyyəti idi...”.
Daima fəhlələrlə təmasda olan alim həmişə öz elmi nəticələ-
rini təcrübədə sınaqdan keçirərdi. O, tez-tez respublikanın iri
sənaye müəssisələrində fəhlə və qulluqçular qarşısında çıxışlar
edərdi. Buna görə də istehsalçılar arasında yaxşı tanınırdı. Get-
gedə onun bu araşdırmaları respublika miqyasını aşmağa
başlayırdı və vaxt gəldi ki, həmin elmi işlər yeni mərhələyə
keçdi. Bu mərhələdə Zərifə xanım sənayenin tibbi problemlərini
Moskva alimləri ilə birgə həll etməyə başladı. Azərbaycan
aliminə təntənəli şəkildə akademik M.P.Averbax adına mükafat
təqdim olundu. O, həmin ali mükafata layiq görülmüş ilk qadın
alim idi...
20
Professor Nazim Əfəndiyevin xatirələrindən oxuyuruq:
“Mən özümü xoşbəxt insan sayıram. Çünki A.A.Abbasov, Sona
xanım Axundova, Sona xanım Vəlixan, Ümnisə xanım
Musabəyova kimi təcrübəli və dərin bilikli klinistlər mənim
müəllimlərim olmuşlar. İnstitutda çalışdığım zaman özümə çox-
lu dost-tanış tapmışdım. Bunlardan biri də Zərifə xanım Əliyeva
idi. Zərifə xanım yaddaşımda həqiqətən də silinməz izlər
buraxmışdır. Bu, ilk növbədə dərin hörmət və minnətdarlıq
duyğularıdır.
Zərifə
xanım
işgüzarlığı,
xeyirxahlığı,
qayğıkeşliyi, nəcibliyi, istiqanlılığı və qeyri-adi nikbinliyi ilə
min adamın içində seçilirdi. O, əsl dost idi və yalnız şad günü-
müzdə deyil, həm da qəmli anlarımızda Zərifə xanım bizim
hamımıza öz kömək əlini uzadırdı. O, nadir adamlara məxsus
olan natiqlik qabiliyyətinə və söz duyğusuna malik idi. Yəqin
elə buna görə də institutumuzda təntənəli yığıncaqların
aparılmasını, yubiley günlərinin qeyd olunmasını bir qayda
olaraq Zərifə xanıma həvalə edirdilər. Hər dəfə xəstələrə baş
çəkərkən və ya məsləhət saatlarında mən onun parlaq klinik
bacarığının şahidi olurdum. Zərifə xanımın elmi fəaliyyəti, ilk
növbədə onun düzgün klinik düşüncəsinə və həkim intiusiyasına
əsaslanırdı. O, çox oxuyur və həmişə tibbi yeniliklərdən,
təbabətə dair təzə çap olunan ədəbiyyatlardan xəbərdar olurdu
və istər alim, istərsə də həkim kimi düşüncələri də məhz dərin
savadına əsaslanırdı. Zərifə xanım xəstələrə qarşı olduqca
diqqətli idi, onları səbirlə dinləyir, xahişlərinə, şikayətlərinə
axıra qədər qulaq asırdı. O deyirdi: "Gərək həmişə özünü
xəstənin yerinə qoyasan, gərək xəstə həmişə həkimin yanından
xoş duyğularla getsin”.
Professor Q.M. Nəsrullayeva Zərifə Əliyevanı uşaqlıq illərin-
dən tanıdığını yazır: “...Hər ikimiz Azərbaycan Tibb İnstitutuna
daxil olduq. Ali təhsilimizi bitirəndən sonra eyni ixtisası seçdik
və düz 18 il mərhum professor Ümnisə Musabəyovanın
rəhbərliyi altında Elmi-Tədqiqat Oftalmologiya İnstitutunda
Dostları ilə paylaş: |