9
nəzarətçiləri olur. Heysiyyatı ilə oynayan bu insanların ayağına
xırda bir daş dəyəndə, barmağına tikan batanda həkimdən
tezliklə sağaltmağı tələb edirlər, “yoxsa həyatından keçməli
olacaqsan” deyib, onu ölüm qorxusu ilə hədələyirlər. Əlində
iynə dərmanın olmadığı həkim xəstələrini ancaq el yolu ilə,
türkəçarəylə, ərazidəki bitkilərin gücünə müalicə etmək
məcburiyyətində qalır...
* * *
İbrahim İsmayılzadə qürbət həyatından, dözülməz şəraitdən
çətinliklə də olsa, yaxa qurtara bilir. Uzun müddətdən sonra
vətəninə qayıdan alimin burada da taleyi yenə gətirmir ki,
gətirmir... Ona paytaxtda yaşamağa icazə verilmir. Məcburiyyət
qarşısında qalıb, Gəncəyə - qardaşının yanına sığınır. Bu
şəhərdə də həkim işsiz qalır. Şəxsi həyətyanı sahədə, torpaqda
çalışaraq qədərinə boyun əyir. Kədərini isə qızı Dilarənin tətil
zamanı yanına gəlməsi, ata-qız başa-başa qaldığı məqamlarda
unudur. Əslində Dilarə üçün də bu görüş ürək açan idi. Anasının
gərgin fəaliyyətindən darıxan qızcığaz, özünü atasının yanında
xoşbəxt hiss edir, sanki tənhalıqdan qurtulmuş sayılırdı.
Nəhayət, İbrahim İsmayılzadənin Bakıya qayıtmasına razılıq
verilir...
Professor İbrahim İsmayılzadə çox az insanlardan biridir ki,
ölümün pəncəsindən xilas edilib. Pepressiya illərindən sağ
qurtulan dəyərli alim qalan bütün ömrünü Azərbaycan elminin
inkişafına həsr edir. Gözəl həkim, böyük alim xeyli sayda
mütəxəssis yetişdirib, tibb aləminə bir-birindən dəyərli tədqiqat
işləri, qiymətli əsərlər bəxş edib.
Azərbaycan Sovet Ensiklopediyasının IV cildində, 549-cu
səhifədə alim haqqında deyilir: “İsmayılzadə İbrahim Məmməd
oğlu (25.10. 1898-ci il) Gəncədə doğulub, (21.10.1962.) Bakıda
vəfat edib. Azərbaycan SSR-da dermoto-venerologiyanın
banilərindən biridir. 1929-cu ildə Tibb elmləri doktoru, 1932-ci
ildə professor, 1960-cı ildə Azərbaycan SSR –nin əməkdar elm
10
xadimi adına layiq görülüb. 1922-ci ildə 1-ci Moskva Dövlət
Universitetinin Tibb fakültəsini bitirib. 1923-25-ci illərdə
Berlin,
Heydelberq
və
Münhen
dermoto-veneroloji
klinikalarında ixtisasını artırmışdır. 1925-ci ildən Azərbaycan
Dövlət Tibb institutunda assistent, elmi katib, dekan və
prorektor vəzifələrində çalışmışdır. Tədqiqatı əsasən, ölkə pa-
tologiyasına, dəri xəstəliklərinin naftalanla müalicəsinə həsr
olunmuşdur. Abşeron neft məhsullarında ilk dəfə onkogen
faktorunu tapmışdır. 1948-ci ildən ömrünün sonuna kimi
Respublika Dermatoloqlar Cəmiyyətinin sədri olub...” (ASE,
cild IV, səh 549).
Əziz Əliyev adına Həkimləri Təkmilləşdirmə İnstitutunun
www.adhti.edu.az saytında yazılıb: “İsmayılzadə İbrahim Məm-
məd oğlu Ə.Əliyev adına ADHTİ-nin dəri-zöhrəvi xəstəlikləri
kafedrasının müdiri işləyib. 1960-cı ildə Azərbaycanın əməkdar
elm xadimi fəxri adına layiq görülüb. 1948-ci ildə
dermatologiya üzrə Azərbaycanda ilk tibb elmləri doktoru,
əməkdar elm xadimi, professor İbrahim Məmməd oğlu
İsmayılzadə kafedraya ikinci professor seçilmişdir. I Moskva
Tibb Universitetini bitirdikdən sonra 1923-1925-ci illərdə
Almaniyanın mərkəzi şəhərlərində (Berlin, Münhen, Heydelberq
və s.) 2 illik təkmilləşməyə göndərilmişdir. Almaniyanın dünya
şöhrətli alimi Tsumbuşla dostluq etmiş, onunla birgə elmi iş
aparmışdır. Prof. İ.M.İsmayılzadə dəri və uroloji xəstəliklərin
naftalanla müalicəsini ətraflı öyrənmiş və bu mövzuya həsr
olunmuş monoqrafiya nəşr etdirmişdir. Abşeronun sənaye
neftinin onkoloji xassələrini 1929-cu ildə məhz professor
İ.M.İsmayılzadə
öyrənmişdir
və
onun
doktorluq
dissertasiyasının əsasını təşkil etmişdir.
Prof. İ.M.İsmayılzadənin Azərbaycan dilində tədrisin təş-
kilində böyük əməyi olmuşdur. Onun Azərbaycan dilində nəşr
etdiyi bir neçə dərs vəsaiti və latın-rus-azərbaycan dilində tibbi
terminoloji lüğəti həkimlərə böyük kömək etmişdir. Alimin elmi
11
əsərləri institun, respublikanın və Moskvanın jurnallarında dərc
olunmuşdur....”.
* * *
Ümnisə Musabəyli isə Azərbaycan Oftalmologiyasının ba-
nisidir. Anadangəlmə kor doğulan uşaqların gözlərini dünyada
ilk dəfə cərrahiyyə yolu ilə açan Azərbaycan alimi. Səsi-sorağı
dünyanın hər tərəfindən eşidilən Qutqaşının (İndiki Qəbələ) alim
qızı. Musabəyovlar nəslinin daha bir şan-şöhrət sahibi, alim
övladı.
Zirvələri fəth edən bu yeganə alimin xidmətlərindən nəinki
Azərbaycan oftalmoloqları, eyni zamanda dünya səhiyyəsi
bəhrələnib.
Azərbaycan Sovet Ensiklopediyasının VII cildində alimin
elmi fəaliyyəti qeyd olunub. (ASE, VII cild, səh 95).
O, Azərbaycan elminə dəyərli alimlər bəxş etməklə, özündən
sonra qoyduğu kadr potensialı ilə oftalmologiyanın prob-
lemlərini həll edərək dünyasını dəyişib. İncə duyğulu, həssas
qəlbli insan olaraq, xəstələrlə mədəni davranış qaydalarını
təcrübədə öz fəlsəfi prizmasından tətbiq edib. Əməliyyatdan
öncə xəstənin psixoloji hazırlığına önəm verən həkim sonda hər
şeyin yaxşı qurtaracağına əmin olan yeganə cərrah idi ki, heç
vaxt uğursuz nəticə ilə üzləşməyib.
Alimlər danışır ki, Ümnisə Musabəyliyə həkimlik Tanrı tə-
rəfindən verilmiş istedad olub. O yeri gələn anda elmin hü-
dudlarından kənara çıxaraq özü əmin olduğu və istədiyi kimi
əməliyyatlar aparıb. Anadan kor doğulan uşaqların gözünə işıq
verməsi xəbəri bütün SSRİ-yə yayılanda, onun yanına nəinki
ittifaqın hər yerindən, hətta xaricdən də xəstələr gəlməyə
başladı...
O vaxtlar İttifaqın ən tanınmış Oftalmologiya mərkəzi Odessa
idi. Bu tibb ocağının həkimləri Azərbaycan aliminin
praktikasına üstünlük verdiyindən, Ümnisə xanımı dəfələrlə öz
Dostları ilə paylaş: |