36
larıdır. Onların kökü yalnız Kəlbəli sultandan sonra ayrılır.
Beləki Kəlbəli sultanın bir oğlu Hacı Nəsrullah sultan
H.İ.B.Qutqaşınlının atası, o biri oğlu - Əhməd sultansa Mu-
sabəyovların ulu babasıdır.
Yeri gəlmişkən, 1874 tarixli soykötüyündə Nəsrullah sultanın
oğullarından yalnız poruçik Hacı Ağa bəy Qutqaşınlıyla, Hacı
İsmayıl bəy Qutqaşınlının adları çəkilib. Ancaq mən Nəsrulla
sultanın Hüseyn bəy Qutqaşınlı və Hacı Yəhya əfəndi Qutqaşınlı
adlı oğullarının olduğunu da müəyyənləşdirmişəm.Hüseyn bəyin
(?-1861/62) məzarı Hacı İsmayıl bəyin Qəbələdəki qəbrinin
yaxınlığındadır və onun indi yox edilmiş başdaşını 1981-də
şəxsən özüm oxumuş və estampını da çıxarmışam (indi də
məndədir). Hacı Yəhya əfəndiyə gəlincə, onun fəlsəfi-əxlaqi
mövzudakı “Hüsni-xülq” adlı türkcə əlyazmasını (1844) taparaq
mətbuatda dərc etdirmişəm. Hacı Yəhya əfəndi dünyasını
dəyişəndən sonra həmin əsərin üzünü köçürmüş şagirdləri onu
“islamın şeyxlər şeyxi”, “bilicilərin və görkəmli adamların
xaqanı”, “müctəhidlərin varisi”, “millətin və dinin alovu”,
“həzrət” adlandırıb, bu isə alimin öz dövründə çox nüfuzlu
adamlardan biri olduğuna sübutdur.
Böyük Salman Mümtazın (1884-1941) araşdırmalarında Hacı
İsmayıl bəyin Hacı Abdulla bəy adlı qardaşının da olduğu və
onun öncə İstanbula, sonra Məkkəyə köçdüyü, orada uzun
müddət yaşayaraq vəfat etdiyi bildirilir.
Beləliklə, buradək deyilənlərə belə yekun vurmaq olar: gör-
kəmli alim Ümnisə xanım Musabəyova da öz yaxın qohumları
Hacı İsmayıl bəy Qutqaşınlı və İbrahim bəy Musabəyov kimi
çox qədim bir zadəgan nəslindən çıxıb və həmin nəsil Qəbələ
torpağında ən azından üç yüz ildir yaşamaqdadır.
Filoloq-mətnĢünas, tarixçi, publisist, filologiya üzrə fəlsəfə
doktoru, professor Ədalət Tahirzadə
37
MUSABƏYOVLAR HAQQINDA BIR NEÇƏ KƏLMƏ,
YAXUD ƏZIZ XALAM ÜMNISƏ MUSABƏYLI ILƏ
BAĞLI XATIRƏLƏRIM
Mən adlı-sanlı bir soyun, məşhur Musabəyovlar nəslinin
nümayəndəsiyəm. Babam Süleyman bəy hüquqşünas idi. Sənəti
ilə bağlı bir neçə yerdə yaşayıb. O, Qərbi Azərbaycanda ciddi
cinayət işləri üzrə müstəntiq işləyərkən, xalam Ümnisə xanım
dünyaya gəlib. Anam Əfruz xanım isə Ağdaşda doğulub. Ancaq
harada işləsə də, babama öz doğma ata ocağı daha əziz idi...
Süleyman bəyin səkkiz övladı olub. Musabəyovlar ailəsində
xüsusi nizam-intizam hökm sürürdü. Babamın əlində həmişə
qamçı olardı. Atdan düşən kimi sürahının dirəyindən asırdı. Adi
yemək mədəniyyəti, süfrə arxasında oturuşu-duruşu ilə seçilirdi.
Tünd xasiyyətli insan olduğundan onun üçün açılan süfrədə
çəngəli, biçağı öz yerində olmalı, hər şey nizamla düzülməli idi.
Kimsənin cürəti tapılmazdı ki, sözünün üstünə söz qoya.
Süleyman bəyin Qutqaşında (indiki Qəbələ) varlı mülkü olub.
İnqilab gələndə o bütün varidatını satıb. O zaman deyirmişlər ki,
Süleyman bəyin başına hava gəlib, varını-yoxunu dağıdır.
38
Babam isə sonralar bizə deyirdi ki, əgər mən satmasaydım, gəlib
əlimdən alacaqdılar. Sovet dövründə isə vəkilliklə məşğul olub.
Nənəm Məryəm xanım isə əsl xanım-xatın, uşaqlarına gözəl
ana və mehriban ömür-gün yoldaşı idi. Bir vaxtlar Qori
şəhərində işləyən babam Süleymanın ağlını başından alan
Məryəm xanım ömrünün sonuna kimi əhdinə vəfalı, sevgisinə
sadiqlik nümayiş etdirdi.
O, övladlarının ziyalı yetişməsi üçün öz üzərinə düşən bütün
vəzifələri yerinə yetirib. Məsələn, nənəm Cənubi Qafqazın
canişini Vorontsov-Daşkova məktub yazıb, xahiş eləyir ki,
qızlarının təhsil alması üçün himayədarlıq etsinlər. Məktuba
müsbət cavab verilir. Vəsilə, Fatma və Ümnisə Musabəyovalar
H.Z.Tağıyevin tikdirdiyi məktəbdə, Qızlar seminariyasında
təhsil alırlar...
Böyük xalam Vəsilə xanımın əri Yaqub bəy Axmetyev sovet-
lərə qarşı Zaqatalada üsyan etmiş üsyançıların qərargah müdiri
idi. Onları məğlub etdilər, üsyanda iştirak edənləri isə
cəzalandırmağa başladılar.
Həmin vaxt onların 2 yaşında Orxan adlı bir oğlanları var idi.
Bir gün xəbər verirlər ki, Vəsilə xanımın axtarışda olan əri gecə
evində olub. Xəbəri eşidən kimi gəlib xalamı aparırlar. Mənim
nənəm Məryəm xanım bu işə baxan erməni komissarı Atayanın
yanına gedir, ondan xahiş eləyir ki, qızının cavan yaşını,
(Vəsilənin 21 yaşı var idi) ikiyaşlı körpə övladının olmasını
nəzərə alsınlar. Həmin Atayan nənəmə deyur ki, “ xala, sən get,
axşam qızın evə qayıdacaq”. Məryəm nənə evə qayıdır və axşam
isə ailəyə qızın ölüm xəbəri verilir. Nargin adasında Vəsilə
xanım güllələnir və çox ehtimal ki, dənizə atılır. Nə məzarı
bəllidir, nə də əlavə məlumat yoxdur. Hər iki talesizin qara bəxti
Orxandan da yan keçmir. 1942-ci ildə orduda xidmət edərkən,
hospitalda vəfat edir...
(Yazıçı, jurnalist Şəmistan Nəzirli yazır: Kapitan Yaqub bəy
Sadıq bəy oğlu Axmetyev - milliyyətcə tatardır. 1894-cü ildə
Tiflisdə anadan olub. 1914-cü ilin sentyabrında Tiflisdəki kadet