147
ġƏFALI ƏLLƏR
Uşaqlar anadan bəzən niyə kor doğulurlar?
Yüzlərlə ananı düşündürən bu sual, Azərbaycan Tibb İnsti-
tutunun göz xəstəlikləri kafedrasının müdiri, professor Ümnisə
Musabəyovanı
da
narahat
edirdi.
Axı
Elmi-Tədqiqat
Oftalmologiya İnstitutunda bu problemlə bilavasitə o məşğul
olur, bu xəstəliyin vaxtında qarşısını ala biləcək vasitələr ax-
tarırdı. Bir neçə ilin axtarışları xəstəliyin yalnız törəmə səbəb-
lərini müəyyən etməyə imkan verdi: ilk hamiləlik dövründə ana
bəzən lazımi yeməklərlə qidalanmır. Orqanizmdə vitamin azalır.
Əlbəttə, bu hal ana bətnində olan uşağın inkişafına pis təsir edir.
Uşağın görmə üzvlərində lazımi maddələr çatışmır, buynuz
qişasının bulanması halları baş verir və nəticədə o, kor olur.
Hamilə qadının orqanizmində baş verən müxtəlif zəhərlənmələr
və maddələr mübadiləsinin pozulması da uşağın kor
doğulmasına səbəb olur. İndicə əməliyyat olunacaq bir yaşlı
Rəhilə də belə bir patoloji prosesin qurbanı olmuşdur.
...Professor cərrahiyyə otağına yollandı. Burada tam sakitlik
idi. Yalnız xəstənin xırıltısı eşidilirdi. Professor onu diqqətlə
nəzərdən keçirib nəbzini yoxladı, yod sürtülmüş göz qapaqlarını
qaldırdı. Gözün bəbəyi nazik pərdə ilə örtülmüşdür. Bu
professorun diqqətini cəlb etdi. 36 illik təcrübəsində o, daha ağır
xəstələrə rast gəlmişdi. İnsan gözü üzərində üç mindən çox
mürəkkəb cərrahiyyə əməliyyatı aparmışdı. Yüzlərlə körpəni
qaranlıqlar aləmindən qopararaq işıqlı həyata qaytarmışdı. Lakin
hər xəstənin öz yeri, hər əməliyyatın öz xüsusiyyəti vardır. Odur
ki, həmişə ehtiyat edirdi. Zəif uşağın gözləri tutulmuşdu.
148
Bulanmış büllurdan əlavə gözdə başqa dəyişikliklər də vardı.
Əməliyyat qorxulu idi. Qana bulaşan parlaq alətlər tez-tez
dəyişdikcə təhlükə də sovuşub gedirdi. Cərrahiyyə otağından
çıxanda Musabəyova artıq özündə bir yüngüllük hiss edirdi.
1956-cı il professorun həyatında ən əlamətdar il oldu. Çətin
elmi
axtarışlar
hədər
getmədi.
Hamiləliyin
düzgün
getməməsinin gözdə ilkin əlamətləri aşkar edildi. O öyrəndi ki,
gənc qadınların qan təzyiqi artdığı zaman gözdə müəyyən
dəyişikliklər aşkar edilə bilər. Bu növ patoloji hadisə hamiləliyin
nəticəsini qabaqcadan müəyyənləşdirməyə imkan verirdi.
Hamiləliyin düzgün getməməsinin ilk əlamətləri göz dibində
əmələ gəldiyi üçün oftalmoloqların müayinəsinin əhəmiyyəti
öyrənildi. Aparılan təcrübələr ilk dəyişiklikləri aşkar etməyə
imkan verdi və beləliklə, müxtəlif müalicə üsulları nəticəsində
müəyyən fazada belə halların ləğvi üçün şərait yarandı. Çox
çəkmədən Musabəyova “Hamiləliyin patologiyasında göz
xəstəlikləri”
adlı əsərini tamamladı. Polşa professoru
Milanovski, yapon professoru Akira Hakadima, belçikalı göz
həkimi Paul Lö Krann, SSRİ Elmlər Akademiyasının həqiqi
üzvü, əməkdar elm xadimi Merkulov və başqaları bu əsəri
yüksək qiymətləndirdilər.
Nədənsə bu böyük iş professora çox sadə görünürdü. Axı
həyatda onun öz məqsədi vardı. Xəstələrə şəfa vermək hələ onun
gənclik illərinin idealı idi. O, bu məqsədlə Tibb institituna
girmişdi. Bu məqsədlə namizədlik, sonra da doktorluq
dissertasiyası müdafiə etmişdi. Gözün fizioligiyası və pato-
logiyasına aid 80 elmi əsəri də bu məqsədlə yazmışdı. Tibb
institutunun tələbələri üçün hazırladığı “Göz xəstəliklərinin
istilahları”, “Hipertoniya xəstəliyində göz dibində əmələ gələn
dəyişikliklər”, “Büllurun çıxıqları və onların müalicəsi”, ingilis
və ərəb dillərində “Traxomalı xəstələrin gözlərində cərrahiyyə
əməliyyatının xüsusiyyətləri” və sair əsərlər meydana gələrkən,
tibb elmi sahəsində xidmətlərinə görə əməkdar elm xadimi fəxri
149
adına layiq görülərkən, 2 dəfə SSRİ Ali Sovetinə deputat
seçilərkən bunu vətəndaşlıq borcu hesab etdi.
Professor Musabəyovanın respublikamızda gənc həkimlərin
yetişdirilməsi sahəsində də xidmətləri böyükdür. Elmi fəaliyyəti
müddətində 7 tibb elmləri namizədi və bir tibb elmləri doktoru
hazırlamışdır.
Hazırda kafedrada oftalmologiyanın bir sıra sahələrində
böyük tədqiqat işləri görülür. Bunlardan biri də “Qanqleron”
preparatının təkmilləşdirilməsiidr. Bildiyimiz kimi, son illər
müalicə məqsədi ilə çoxlu dərmanlar tətbiq olunur. Bunlardan
bir çoxu sinirlərə müsbət təsir göstərməklə, orqanizmdəki ağrını
da rədd edir, ürəyin fəaliyyətini artırır, beyin damarlarını
genişləndirir. Beləliklə də insan orqanizmində gedən ağır
proseslərə fəal təsir göstərir. Yeni tapılan “Qanqleron” preparatı
da bu qəbildəndir. Lakin klinikanın əməkdaşları bu preparatın
gözə təsirini öyrənərkən, onun mənfi xüsusiyyətlərini də aşkar
etmişlər. Bir çox illərin tədqiqatı təsdiq etmişdir ki, bu preparat
gözün təzyiqini artırır və buynuz qişasının bulanmasına səbəb
olur. Zaqafqaziya fizioloq, farmokoloq və biokimyaçılarının
Üçüncü qurultayında bu haqda məruzə edən Ümnisə
Musabəyova və onun peşə dostları hazırda “Qanqleron”
preparatındakı mənfilikləri ləğv etmək üçün geniş dairədə
eksperimentlər aparırlar.
Klinikada professor Ümnisə Musabəyovanın rəhbərliyi
altında aparılan elmi-tədqiqat axtarışlarının hansının müsbət
nəticə verib-verməyəcəyini qabaqcadan demək çətindir. Lakin
bu axtarışlar arxasında insanın sağlamlığı keşiyində duran nəcib
insanların fədakar əməyi görünür.
Süleyman PaĢayev
Elm və həyat jurnalı, 1963-cü il, Nömrə 1.
Dostları ilə paylaş: |