Elbəyi CƏLALOĞLU
40
Yerindən ayağa durmuş Şəms Təbrizi Cəlaləddinin dilinə
gətirdiyi bu kəlməyə görə də onu cavabsız qoymadı və –
“Allahu-əkbər” deyirsən, yəni Allah böyükdür. Alahın bö-
yüklüyü bəndəyə nümünə olmalıdır. Onda sən də çalış ki,
böyük olasan! – deyərək ona bu cür açıqlama verdi.
Mövlana Cəlaləddin Rumi hələ bu görüşün lap başlan-
ğıcından Şəms Təbrizinin qeyri-adi hikmətlərinin sehrinə
düşmüşdü, bunun nə sirri-xuda olduğunu heç cürə anşıra
bilmirdi. Bu məqamda onun anlaya bildiyi yeganə şey Şəms
Təbrizinin şax duruşu, təmkinli və iti baxışı, səsinin ahəngi,
nitqinin səlisliyi idi ki, bu da onun şüurunu dumanlandırır,
ağlının və ruhunun yeni qatlarına nüfuz edir, vücudunu bü-
tünlüklə çulğalayan anlaşılmaz bir əndişə doğururdu. Bunu
diqqətindən qaçırmayan ustad, – deyirsən ki, Allah birdir,
nə olsun, sən ki təfriqə içindəsən, fikir ayrılığının üfüqündə-
sən, bir deyilsən! – kəlmələri ilə söhbətinə son qoydu...
Eşq dənizləri qovuşanda
41
I V F Ə S İ L
Allahın nuru
Şəms Təbrizinin gəlişindən xəbər tutan bütün müridlər
mədrəsənin geniş zalında toplaşmışdılar. Nəhayət, Mövlana
Cəlaləddin Rumi ilə Şəms Təbrizi içəriyə daxil olaraq, onla-
rın intizarına son qoydular. Qonaq toplaşanları ədəb-ərkan-
la salamladı. Mövlana Cəlaləddinlə Şəms Təbrizi mədrəsə
zalında üzü əyləşənlərə tərəf oturdular. İştirakçılar Şəms
Təbrizini əvəzsiz bir heyranlıqla seyr edirdilər, elə bil onun
işıqlı simasında Tanrının nuru zühur etmişdi. Mövlana Cə-
laləddin Rumi bu halı aşkarca sezdiyindən üzünü yetirmə-
lərinə tutaraq təmkinli, açıq və uca səslə, – füsünkarcasına
baxışlarınız aydın görünür, “Allahın nuru” bizə təşrif gəti-
rib, – dedi. Bundan sonra hamı qonağa baş əydi, bağır bas-
dı. Mövlana Cəlaləddinin müridlərinin təzim etməsindən
təsirlənən Şəms Təbrizi onlara müraciətlə, – təzimi mənə
yox, bizi yaradana edin, etiqadınız dinə, inamınız və sevgi-
niz Allaha olsun! – söylədi. Hamının diqqətinin ona yönəl-
diyini görən Şəms Təbrizi, – özünü üstün görənlərin sonu
zillətə düşməkdir, insan Qaf dağı qədər yüksək olsa da,
kəfənə sığacaq qədər kiçikdir, – deyə sözünə əlavə etdi.
Dinləmə zalında əyləşən müridlərin heç birindən səs
çıxmırdı, Şəms Təbrizi söhbətinə fasilə verdiyi anlarda bu-
rada milçək vızıldasa eşidilərdi. Mövlana Cəlaləddin Rumi
fikir göylərində qartal kimi süzürdü. Mürşidi-kamil danı-
şanda isə o, iri qonur gözlərini ona zilləyib diqqətlə dinləyir
və nəsihətlərini yaddaşına yığır, onları elmi əsaslarla müqa-
yisə edirdi.
Şəms Təbrizinin səsi yenidən eşidildi:
Elbəyi CƏLALOĞLU
42
– Dünyanın ağız sulandıran, göz qamaşdıran, qulaq ka-
rıxdıran min cürə naz-nemətindən və müdhiş uçurumlara
sürükləyən əyləncələrindən xilas olmaq üçün insan ilk növ-
bədə nəfsinin hakimi olmağı bacarmalıdır. Çünki nəfsdə
şeytanın sifəti təcalla edir. Nəfs həm də insanın azad sevgi-
sinin boğazına zəncir salıb öz dalınca sürükləyir, onun sev-
gisini eyş-işrətə və digər aludəçiliklərə xərclədir. Nəfsinə
hakim olmaq üçün isə qəlbindən qorxu hissini kənarlaşdı-
rıb, özündə cəsarət hiss etməlisən, – Şəms Təbrizi burada
sözünə bir az ara verib, əyləşənlərə göz gəzdirdi və yenidən
sözə başladı:
– İnsanı bütün qorxulardan iman və eşq azad edər.
İman və eşq ilk məqsəd olmalıdır və bu yolda idrakla inam
qoşa addımlamalıdır. Çünki inamsız idrakı, idraksız inamı
təsəvvür etmək mümkünsüzdür. Ona görə də, məqsəd
iman və eşqdirsə, səni isidən hər inamı saxla, səni soyudan
hər inamdan uzaqlaş. Unutma ki, elm eşqə doğru gedənə,
alimlik aşiqliyə çevrilənə, həsəd isə sonu inamla bitənə, de-
yərlər, – bu dəfə o, fikrini belə izah etdi. Onu dinləyən mü-
ridlər qaşlarını çatdılar, möminlər gözlərini döyərək bir-bi-
rinə baxdılar. Hamı Ustadın qızıldan qiymətli, böyük fikir-
lərinin ağuşunda çırpınırdı. Onun sözlərindən kimi sonu
görünməyən xəyallara qapılır, kimi də anlamaqda çətinlik
çəkdiyindən üzündə yaltaq bir təbəssüm təzahür edirdi. Əl-
bəttə ki, bunların heç biri Şəms Təbrizinin gözündən qaç-
mırdı. İndi o, düşünürdü ki, yaltaq təbəssüm o adamlarda
olur ki, onun ya qulağı zəif eşidir, ya gözü zəif görür, ya du-
yumu və biliyi zəifdir və ya heç yoxdur, ya da nəfsinə ha-
kim deyil. Ona görə də “Dinin günəşi” üzünü Mövlana Cə-
laləddin Rumiyə tərəf çevirərək, – insan, onun əbasını sö-
kən, barmağına sancılan, gözünü qanadan tikanlardan ətra-
fını təmizləməyi də bacarmalıdır, çünki bu cür tikan kolları-
nın açdığı gül də faydalı deyil, – söylədi. Mövlana Cəlaləd-
din ustadının nə demək istədiyini dərhal anladı və yuxudan
oyanmış kimi gözünü ovuşduraraq müridlərini nəzərdən
keçirdi. Əlbəttə o, müridlərinə yaxşı bələd idi və kimin qa-
Eşq dənizləri qovuşanda
43
bında nə olduğunu ovucunun içi kimi bilirdi. Şəms Təbrizi-
nin bu müraciətindən sonra tək-tük başını aşağıya dikib ya
xəcalətdən, ya da dilxorçuluqdan pörtənlər və incik düşən-
lər də onun gözündən qaçmadı. Öz məqamının fərqində
olan Şəms Təbrizi isə bilirdi ki, onu anlamaq elə də asan iş
deyil, onu tək-tük adam anlaya bilərdi. Eyni zamanda, Mür-
şidi-kamil onu da bilirdi ki, indiki halda onun hikmətlərini
dərindən dərk edən yalnız alim Mövlana Cəlaləddin Rumi
ola bilər. Odur ki, Şəms Təbrizi bu günkü söhbətini yekun-
laşdırmaq məqsədilə məclisə yenidən müraciət edərək son
söz söylədi:
– İman və eşq Tanrını dərk etməkdir. Tanrının dərki isə
idraka yüksəlmək deməkdir. İdraka yüksəlişə təkcə ağılla
qatılmaq sadəlövhlükdür, burada bir insan kimi vicdanın
da fəallığı görünməlidir, eyni zamanda bütün daxili imkan-
lar bu gedişdə öz varlığını sübut etməlidir! Vicdanın fəallığı
ruhun fəallığıdır, çünki vicdan vəcd anıdır, yəni Tanrının
ruhun vasitəsilə ağıla birbaşa verdiyi hökmdür. Bu fikri
başqa cür də ifadə etmək olar, belə ki, vicdan ağlın haqqla
buyurduğudur. Haqq isə “ədalət”in Tanrı məqamıdır, İlahi
qatıdır. Fikirmizi bir az da aydınlaşdırsaq demək olar ki,
ədalət ağıldan gəlir, haqq isə ağlın ağlından, – Şəms Təbrizi
bu günkü söhbətini belə bitirdi, müridlər isə bu lal axan
müdrik fikir sularında baş vurub üzür, feyziyab olur, bun-
dan məmnunluq duyurdular. Şəms Təbrizinin hikmətləri
əlində çıraq tutmuş zülmət dolanbacların bələdçisi kimi on-
ların dərrakəsinin qaranlıq güşələrinə işıq salır, zülmət pər-
dəsini yırtırdı...
Beləcə, günün sonunda müridlər dağılışdılar. Mövlana
isə Şəms Təbrizi ilə birlikdə evlərinə yollandı...
Axşam düşmüşdü. Mövlana Cəlaləddin Şəms Təbriziyə
dincəlmək üçün otaq ayırdı, onu yerləşdirdikdən sonra isə
öz otağına qayıtdı. Bu günkü görüşünün təəssüratları onu
dinc buraxmırdı, nəydi onu düşündürən? Mövlana bütün
ömrünü elmə, biliyə həsr etmişdi, çox alimlərdən, mürşid-
lərdən dərs almışdı, özü də çox alimlər yetişdirmişdi. O,
Dostları ilə paylaş: |