65
yola salmış, ağıllı, dünya görmüş bir şəxsdən gözləniləsi
hal deyildir.
Hekkeren: Hökmdar, çox doğru buyurursunuz, mən
də öz səhvimi boynuma alıram. Gərək Dantesdən bəzi
dəyərli məsləhətlərimi əsirgəməyəydim. Çalışaydım ki, iş
bu dərəcəyə qədər yüksəlməsin. Mən öz səhvimi boynuma
alıram. Məsləhət verin hökmdar, bundan sonra necə hərəkət
edəcəyim barədə məsləhət verin. Necə edim ki, buraxdığımız
səhvlər bir də təkrarlanmasın.
Məsləhət verin, hökmdar.
Nikolay: Cənab Hekkeren, mənim çalışdığım odur ki,
A.S.Puşkinlə Dantes arasında duel məsələsi baş tutmasın.
Duel həm vaxtı çoxdan keçmiş pis bir adət, həm də ölüm
kabusudur. Məlumdur ki, çox hallarda dueldə vuruşan iki
nəfərdən biri hökmən ölməlidir. Təsadüflərə bel bağlamaq
olmaz. Cənab Hekkeren, bu iki nəfərdən biri sizin oğlu-
nuzdur axı. Bir də ki, Hollandiya kimi inkişaf etmiş bir
dövlətin nümayəndəsi üçün yaramaz ki, dueldə vuruşsun.
Özü də Rusiyada, Nikolayın hökmranlıq etdiyi bir ölkədə.
Mən buna heç vəchlə yol vermərəm, cənab Hekkeren. Mən
Rusiyada çarlıq etdiyim dövrdə lap ilk əvvəldən hansı bir
dövlətin nümayəndəsi olmasından asılı olmayaraq, həmişə
bu nümayəndələrin qorunmasına, toxunulmazlığına çalış-
mışam. Bunun üçün tək mən yox, siz də çalışmalısınız ki,
təmsil etdiyiniz ölkənin nüfuzunu öz şəxsi fəaliyyətinizlə
aşağı salmayasınız, həmişə təmsil etdiyiniz ölkənin nüfuzu-
nu qaldırasınız. Bu, həm də sizin vətəndaşlıq borcunuzdur,
cənab Hekkeren.
Hekkeren: Hökmdar, sizin sözlərinizlə tamamilə şəri-
kəm. Mühakimələriniz düşünülmüş və ağıllıdır. Həyat yal-
nız belələrindən öz xoşbəxtliyini əsirgəmir. Sizin məsləhət-