112
O cümlədən ölkənin hər hansı bir yerində baş verən mü-
naqişəni həll etmək üçün müəyyən güc potensialımız
da vardır. Lakin bəzən məni insanpərvərlik hissi o qədər
üstələyir ki, bir növü öz çarlıq vəzifəmi unudaraq adi bir
məhkəmə işçisi və yaxud da bir ağsaqqal rolu oynayıram.
Əlbəttə ki, bütün bunlar müəyyən münasibətlərin həll olun-
masında, özü də ən nüfuzlu, ən ziyalı kəslər arasında baş
verən münaqişələrin həll olunması zamanı baş verir. İndi
də mən bir çar kimi deyil, bir ağsaqqal kimi yenə də belə
bir münaqişənin həll olunmasında iştirak etmək istəyirəm.
Özü də münaqişə Rusiya üçün qiymətli bir ziyalı olan
sizinlə Hollandiya səfirinin oğlu Dantes arasında baş ver-
mişdir. Mən bu məsələ ilə maraqlanmış, onun müəyyən
təfsilatlarını öyrənmişəm. Bu münaqişədə nə isə adi bir
səhvin, yanlışlığın gözə alınmaması nəzərə çarpır. Görü-
nür, siz yanlışlığın harada baş verdiyini
o qədər də diqqətlə
öyrənməmişsiniz və nəticədə çox böyük qısqanclığa səbəb
ola biləcək hadisələrin baş verə biləcəyi gözlənilir. Bu
münaqişədə yanlışlığın haradan baş verdiyi isə Danteslə
söhbətdən sonra tamamilə mənə aydın olmuşdur. O mənə
etiraf etdi ki, N.N.Puşkina ilə pıçıltıları yalnız onun izdi-
vac təklif etməyə hazırlaşdığı bacısı Yekaterina Qonçaro-
va barəsindədir. Onun ifadə etdiyi hisslər çox səmimi idi
və mən məsələnin tamamilə bu şəkildə cərəyan etdiyinə
əminəm.
A.S.Puşkin (öz-özünə): Ax ikiüzlü, riyakar. İndi də
görəsən öz məqsədlərinə uyğun hansı planı həyata keçirmək
istəyir (üzünü Nikolaya tutub). Əlahəzrətin bizim kimi öz
kiçik təbəələri ilə maraqlanması, özü də bir çar kimi de-
yil, ağsaqqal kimi maraqlanması, mənim üçün həddindən
113
artıq böyük hörmət və şərəfdir. Lakin Dantes məsələsinə
gəlincə isə o bəlkə də N.N.Puşkina ilə Qonçarova barədə
pıçıldaşsa da bunu çox iyrənc və müəmmalı şəkildə bu işi
bilən və bilməyən ictimaiyyət qarşısında etdiyinə görə mən
onu duelə çağırmaq fikrindəyəm. Mənim şəxsiyyətimə,
mənəviyyatıma və psixologiyama vurduğu zərbəyə cavab
olaraq mən belə hərəkət etməyi qət etmişəm. Mən heç vaxt
istəməzdim ki, həyat mənim üçün iyrənc, mən isə həyat üçün
gülünc görünə-görünə yaşayım. Heç bir vaxt istəməzdim.
Onun üçün də duel vasitəsilə öz gələcək həyatımın inkişaf
yolunu dəyişmək istəyirəm.
Nikolay: Cənab A.S.Puşkin, mən sizi tamamilə başa
düşürəm. Siz indi çox gərgin bir psixoloji vəziyyətdəsiniz.
Lakin əmin ola bilərsiniz ki, sizin mənəvi cəhətdən belə
gərgin vəziyyətdə olmanıza əsaslı bir səbəb yoxdur. Siz
sadəcə olaraq yanılırsınız və indi hər bir insan psixolo-
giyasına xas elə bir vəziyyətdəsiniz ki, bu yanlışlıq sizin
üçün şübhəli və dumanlı bir xarakter daşıyır. Bu duman
pərdəsindən sizi xilas etmək, sizi aydınlığa çıxarmaq üçün
hökmən belə bir vəziyyətə düşən
hər bir insan kimi s i z ə
də qıraqdan göstərilən mənəvi dayaq və təkan lazımdır.
Belə bir rolu oynamağı isə sizin kimi bir ziyalını itirməmək
üçün mən öz üzərimə götürmüşəm. Sizin üçün aydın olma-
lıdır ki, N.N.Puşkina günahsızdır. Siz duel məsələsini ləğv
etməlisiniz. İnsanın öz həyatı ilə risk etmək ən böyük ax-
maqlıqdır. Mən inanıram ki, siz belə bir vəziyyətə düşmək
istəməzsiniz. İnsan üçün bir dəfə verilən həyatdan bacarıqla
və son anına qədər istifadə etmək lazımdır. Əks təqdirdə,
həyat insan üçün yaşamalı və şirin olmazdı. Gəncsən, hələ
sənin gələcəyin irəlidədir. Bəzən acı həqiqətlə üzləşsən belə,